Morgunblaðið - 29.11.2003, Síða 32

LANDIÐ
32 LAUGARDAGUR 29. NÓVEMBER 2003 MORGUNBLAÐIÐ
HVERGI á Íslandi hafa sést fleiri fuglategundir
en á Suðausturlandi og nú hefur undirbúnings-
hópur um stofnun Fuglaathugunarstöðvar lagt
fram tillögur til umhverfisnefndar Alþingis um
stofnun slíkrar stöðvar á Höfn í Hornafirði.
Fuglaskoðun nýtur mikilla vinsælda víða í Evr-
ópu og telur Brynjúlfur Brynjólfsson, formaður
Félags fuglaáhugamanna á Hornafirði, að upp-
bygging fuglaathugunarstöðvar geti hjálpað til
við uppbyggingu ferðaþjónustu á Suðaust-
urlandi. „Það er gríðarlega mikill áhugi á fugla-
skoðun á Norðurlöndunum og og alls staðar í
Evrópu, þótt áhuginn sé hvergi meiri en á Bret-
landi,“ segir Brynjúlfur.
Undirbúningshópurinn hefur skilað skýrslu
um stofnun fuglaathugunarstöðvar til umhverf-
isnefndar en hópinn skipuðu fulltrúar Félags
fuglaáhugamanna á Hornafirði, Náttúrurgripa-
safni Austur-Skaftafellssýslu, Háskólasetursins
á Höfn og Menningarmiðstöðvar Hornfjarðar og
fékk verkefnið styrk frá umhverfisráðuneytinu,
Byggðastofnun, Menningarráði Austurlands og
Þjóðhátíðarsjóði, en verkefnið var unnið í sam-
ráði við Náttúrufræðistofnun. Tillögur hópsins
gera ráð fyrir að Fuglaathugunarstöð verði
stofnuð á Höfn á næsta ári og er m.a. gert ráð
fyrir einu föstu stöðugildi, auk uppbyggingar á
aðstöðu til fuglaskoðunar.
Stofnun fuglaathugunarstöðvar er ekki síst
hugsuð til að taka við og halda áfram því mikla
starfi sem Hálfdán Björnsson á Kvískerjum hef-
ur unnið sl. 60 ár. Á Suðausturlandi hafa farið
fram lengstu samfelldar staðbundnar athuganir
á fuglum hér á landi fyrir tilstilli Hálfdáns og
hafa þær athuganir eflst og svæðið sem reglu-
lega er skoðað verið stækkað eftir því sem
áhugamönnum um fugla hefur fjölgað. Hvergi
hafa sést fleiri tegundir fugla á landinu en á Suð-
austurlandi og er þar um að ræða íslenska stað-
fugla, umferðarfugla og ekki síst erlenda um-
ferðar- og flækingsfugla, að sögn Brynjúlfs.
Á svæðinu frá Lómagnúpi í vestri til Djúpa-
vogs í austri hafa sést yfir 80% þeirra fuglateg-
unda sem fundist hafa á Íslandi, en það eru yfir
280 tegundir. Suðausturland er líka viðkomu-
staður stórs hluta fugla á leið sinni til og frá
Evrópu og Grænlands og Norður-Kanada, auk
þess sem flestir flækingsfugar sem hingað ber-
ast koma frá Evrópu og lenda á Suðausturlandi.
Flækingsfuglar eru tæplega 80% af þeim fugla-
tegundum sem sést hafa hér á landi og af heild-
arfjölda flækingsfugla má gera ráð fyrir að yfir
60% þeirra hafi sést á Suðausturlandi.
Fuglaskoðun og ferðaþjónusta
styrki hvort annað
Gert er ráð fyrir að aðalstarf fuglaathug-
unarstöðvarinnar verði að merkja og fylgjast
með komu- og fartíma fugla, auk reglulegra taln-
inga á völdum svæðum í samráði við Nátt-
úrurfræðistofnun. Þá mun stöðin sjá um miðlun
upplýsinga og halda utan um gagnabanka um
flækingsfugla og leiðbeina bæði innlendum og
erlendum fuglaáhugamönnum sem koma til að
skoða fugla. Gert er ráð fyrir að stöðin verði
byggð upp í samstarfi við ferðaþjónustuna,
þannig að þetta tvennt styrki og styðji hvort
annað og getur stöðin t.d. haft mikil áhrif á
komutíma erlendra fuglaáhugamanna til lands-
ins, að sögn Brynjúlfs. Bestu tímar til fuglaskoð-
unar eru á vorin og haustin og því er fugla-
skoðun talin ákjósanleg til að lengja
ferðamannatímann, en að sögn Brynjúlfs er gert
ráð fyrir að útbúa aðstöðu rétt við Höfn fyrir
fuglaskoðara.
Í skýrslu undirbúningshóps um stofnun fugla-
athugunarstöðvar kemur fram að mikilvægt sé
að hefjast handa sem fyrst við rannsóknir og
merkingar fugla, m.a. vegna skógræktar á Suð-
urlandi og Héraði. Búast megi við að svo til-
komumikil skógrækt eigi eftir að hafa veruleg
áhrif á fuglafánu þessara svæða sem og alls
landsins. „Þá er einnig vert að nefna miklar
framkvæmdir sem hafnar eru á hálendinu norð-
an Vatnajökuls sem geta haft veruleg áhrif á far-
leiðir fugla, t.d. heiðagæsa og viðverutíma fugla
á fartímum á Suðausturlandi,“ segir í skýrslunni.
Áhugamenn um fugla vilja stofna fuglaathugunarstöð á Hornafirði
Flestar fugla-
tegundir hafa
sést á Suð-
austurlandi
Morgunblaðið/Þorkell
Áhugamenn um fuglaskoðun: Björn G. Arnarson og Brynjúlfur Brynjólfsson hafa lengi fylgst með
fuglalífi landsins og vilja halda áfram 60 ára starfi Hálfdáns Björnssonar á Kvískerjum.
Húsavík | Söngflóra Þingeyj-
arsýslna er fjölbreytt og nýtt nafn í
henni er Samkór Húsavíkur, hann
er að hefja sitt þriðja starfsár og
eru kórfélagar á bilinu 30–40.
Starfsemi kórsins er á vegum Tón-
listarskóla Húsavíkur og eru kór-
félagar skráðir í skólann. Stjórn-
andi Samkórs Húsavíkur er
Hólmfríður Benediktsdóttir og pí-
anóleikari Aladár Rácz.
Að sögn Hólmfríðar er leitast við
að hafa verkefni kórsins sem fjöl-
breytilegust og hefur kórinn t.d. í
haust, meðal annars, verið að æfa
lagasyrpu úr söngleikjum eftir
Andrew Lloyd Webber. Næstu tón-
leikar kórsins verða í Dalvík-
urkirkju í dag, laugardaginn 29.
nóvember. Þá syngur kórinn á tón-
leikum með söngdeild Tónlistar-
skóla Húsavíkur á Húsavík 16. des-
ember og daginn eftir syngur
kórinn fyrir eldri borgara á Húsa-
vík í Hvammi, dvalarheimili aldr-
aða á Húsavík.
Ýmislegt annað er á dagskrá hjá
kórnum og hefur m.a. utanlands-
ferð verið ákveðin á haustönn 2004.
„Þá mun kórinn heimsækja Tékk-
land en tékkneskir tónlistarmenn
voru mjög áberandi í tónlistarlífi
Þingeyjarsýslna á sjöunda og átt-
unda áratug síðustu aldar og verð-
ur gaman að hitta þessa tónlist-
armenn á þeirra heimaslóðum“
segir Hólmfríður Benediktsdóttir
að lokum.
Samkór Húsavíkur
með þrenna tónleika
á næstunni
Morgunblaðið/Hafþór Hreiðarsson
Egilsstaðir | Fimmtíu tonna þung
jarðýta, svokölluð Caterpillar nía,
braut undan sér tengivagn efst á
Fagradalsbraut á Egilsstöðum á tí-
unda tímanum í gærmorgun. Verið
var að flytja gröfuna upp í gegnum
bæinn og að byggingarsvæði í Sel-
brekku þegar óhappið varð.
Svo virðist sem bílstjóri drátt-
arbílsins hafi ekið upp undir jóla-
skraut sem strengt er yfir götuna
og hemlað snögglega. Við það kom
hnykkur á bíl og vagn þannig að
jarðýtan snerist til og annað belti
hennar lenti út af vagninum. Hann
brotnaði við átökin og er talinn
ónýtur.
Til öryggis voru malarpúðar
settir utan við tengivagninn og var
jarðýtan keyrð niður af honum.
Myllan hf. á Egilsstöðum á ýtuna,
en Malarvinnslan tengivagninn.
Engin slys urðu á mönnum.
Fimm og hálfs metra hæð var
upp í jólaskrautsstrenginn, en
leyfileg hæð farms á ökutæki er
fjórir metrar og tuttugu sentimetr-
ar.
Óhappið vekur enn upp spurn-
ingar um þá gríðarmiklu þunga-
flutninga sem fara gegnum miðbæ
Egilsstaða vegna framkvæmda
bæði í bænum og í Kárahnjúka-
virkjun.
Morgunblaðið/Steinunn Ásmundsdóttir
Þungaflutningar: Betur fór en á horfðist þegar tengivagn með 50 tonna
jarðýtu brotnaði, eftir að bílstjórinn hafði ekið uppundir jólaskreytingu.
Tengivagn brotnaði
undan stórri jarðýtu
Bolungarvík | Árlega sendir
Hjálparstarf kirkjunnar söfn-
unarbauka inn á hvert heimili í
landinu.
Í ár er með þessu móti leitað
eftir fjárstuðningi við hjálp-
arstarf það sem kirkjan vinnur að
í Úganda.
Þessir fjórir ungu Bolvíkingar
létu verkin tala. Þau söfnuðu pen-
ingum með því að ganga í hús í
Bolungarvík uns þeim hafði tekist
að safna í tvo fulla söfnunar-
bauka. Þannig náðu þau að safna
6.425. krónum sem þau afhentu
sóknarprestinum í Bolungarvík.
Þau sem að þessu átaki stóðu
eru systkinin Patryk, Monika og
Klaudia Gawek og vinkona
þeirra, Rebekka Hjaltadóttir.
Gengu í hús og söfnuðu fyrir
munaðarlaus börn í Úganda
Morgunblaðið/Gunnar Hallsson
Styðja hjálparstarfið: Klaudia, Rebekka, Monika og Patryk ásamt Pálínu
Vagnsdóttur, sem séð hefur um barna- og unglingastarf Hólskirkju, og séra
Agnes Sigurðardóttur, sóknarprestur á Bolungarvík.
Skorradalur | Starfsmenn Skógræktar
ríkisins í Skorradal eru að afgreiða
jólatré sem prýða garða og torg á þétt-
býlisstöðum Suðvesturlands um jólin.
Búið er að afgreiða 140 tré sem eru 3
metrar og hærri.
Á fimmtudag fóru meðal annars 2
tré sem eru fullir 13 metrar hvort, ann-
að fer á Akranes en hitt í Kópavog.
Þetta eru líklega hæstu tré sem verða
felld í ár. Eins og sjá má á myndum eru
stofnar trjánna hinir myndarlegustu,
eða yfir 40 cm í þvermál.
Auk torgtrjánna verða líklega seld
yfir 600 heimilisjólatré úr skógunum í
Skorradal. Undanfarin ár hefur fólk
getað komið tvær helgar í desember og
sótt sér sjálft tré út í skóg, gegn
greiðslu. Boðið verður upp á þessa
þjónustu í ár, eins og áður.Morgunblaðið/Davíð Pétursson
Há tré úr
Skorradal