Morgunblaðið - 29.11.2003, Page 42

Síðastliðin tíu ár hafa Mar-entza Poulsen og Ida Dav-idsen séð saman um aðsetja upp jólahlaðborð,
fyrst á Hótel Borg og nú síðustu árin
á Hótel Loftleiðum.
Jólahlaðborðið er sett upp að
dönskum hætti og á borðum er það
sama og á veitingastað Idu Davidsen
í Kaupmannahöfn.
En hvað greinir að smekk Dana
og Íslendinga þegar jólamatur er
annarsvegar?
„Í raun ekkert,“ segir Ida. „Þeir
eru hrifnir af sama matnum, reyktu
öndinni okkar, patéum, laxinum,
síldarréttunum, smurbrauðinu og
allir heitu réttirnir eru vinsælir.“
Ida segir að Danir gefi sér góðan
tíma til að borða, þeir fá sér lítið á
diskinn í einu og eru að borða í 3-5
klukkustundir.
„Mér finnst þetta nú vera að koma
hér með árunum að Íslendingar taki
sér góðan tíma þegar þeir fara á
jólahlaðborð. Ég legg mig fram um
að kenna gestunum okkar hvernig á
að borða af jólahlaðborði,“ bætir
Marentza við.
„Fólk á að minnsta kosti að fara
sex sinnum að borðinu og helst tíu
sinnum.
Fyrst fer fólk í rólegheitum og
fær sér síld og kannski snafs með ef
það er fyrir slíkt. Eftir nokkra stund
fer það og bragðar á köldu fiskrétt-
unum. Í þriðja skiptið fær það sér
paté, smurbrauð og kannski kalda
skinku. Á milli ferða lætur fólk mat-
inn sjatna aðeins og notar stundina
til að spjalla og hafa það huggulegt.
Þegar komið er að fjórðu og fimmtu
ferð er vanalega komið að heitu rétt-
unum eða aðalréttunum á hlaðborð-
inu. Í lokin bragðar fólk á eftirrétt-
unum og fer kannski einu sinni til
tvisvar. Margir halda að með því að
fara svona oft að borðinu þá veki fólk
á sér athygli fyrir græðgi. Það er al-
gjör misskilningur. Fólk fær sér lítið
í einu og nýtur hvers bita og það er
langt í frá að gestir séu að velta því
fyrir hversu oft þessi eða hinn fari að
borðinu.
Stór hluti af því að fara á jólahlað-
borð er að njóta samvista við fjöl-
skyldu og vini og taka sér góðan
tíma.“
Marentza og Ida gefa hér upp-
skriftir að réttum sem eru á ekta
dönsku jólahlaðborði, síldarrétti,
smurbrauði og danskri eplaköku.
Dönsk eplakaka
1 krukka eplamauk
4 epli
smjör til steikingar
1 poki eplakökuraspur (fæst t.d. í
Nóatúni)
10 makkarónukökur
kanill
1 peli rjómi, þeyttur
jarðarberjasulta
Flysjið eplin og skerið í þunna
báta. Mýkið aðeins á pönnu í smjöri,
stráið smá kanil yfir og kælið. Brytj-
ið makkarónukökurnar í botninn á
skál eða djúpu fati. Má skvetta smá
sjerrí yfir ef vill. Gerir gott bragð.
Stráið síðan smá eplakökuraspi yfir
makkarónukökurnar. Þar næst er
eplakökumauki hellt yfir og þá kanil-
bragðbættu eplunum og aftur smá af
eplamaukinu. Magn fer eftir smekk
hvers og eins. Síðan er eplaköku-
raspi stráð yfir eplamaukið og þar
næst þeyttur rjómi settur ofan á.
Skreytt með jarðaberjasultu; rönd-
um eða doppum. Gott er að láta kök-
una standa í kæli í 2-3 klst. fyrir
notkun.
H.C. Andersen-smurbrauð
½ sneið maltbrauð með smjöri
5 sneiðar stökkt beikon
½ sneið lifrarkæfa
1 sneið kjöthlaup
3 sneiðar tómatar
1 msk fersk, rifin piparrót
½ tsk fínt söxuð steinselja
Raðið stökka beikoninu horn í
horn. Tómötum er raðað hægra
megin á brauðsneiðina og lifrar-
kæfusneiðinni vinstra megin. Kjöt-
hlaupið sett á samskeytin og pipar-
rótin er sett á hægra megin, ofan á
samskeyti tómatanna og kjöthlaups-
ins. Steinseljunni stráð ofan á pip-
arrótina.
Hótel Loftleiða-síld
6 flök kryddsíld
1 stk. rauðlaukur
½ kg. kartöflur
Sósa:
1 dl. majónes
1 dl. 18% sýrður rjómi
2 tsk. HP sósa
3 msk. dijon sinnep
2 tsk. Worchestersósa
salt og pipar eftir smekk
Hrærið öllu vel saman, sjóðið
kartöflurnar, skerið í bita og blandið
saman við sósuna. Setjið á fat eða í
skál. Skerið kryddsíldina í bita og
raðið ofan á kartöflurnar. Saxið
rauðlaukinn og setjið ofan á síldina.
Skreytt með dillkvisti.

JÓLAHLAÐBORÐ|Fólk á að taka sér mjög góðan tíma og fara mörgum sinnum að fá sér að smakka
Stöllurnar: Ida Davidsen og Marentza Poulsen.
Sex ferðir lágmark ef borða á
af jólahlaðborði og fara eftir
kúnstarinnar reglum. Mar-
entza Poulsen segir að ferð-
irnar á hlaðborðið eigi helst að
vera á annan tug.
Fólk heldur að með
því að fara oft að
borðinu þá veki það
á sér athygli fyrir
græðgi. Það er
algjör misskilningur.
Morgunblaðið/Sverrir
Á alls ekki að hrúga á diskana
DAGLEGT LÍF
42 LAUGARDAGUR 29. NÓVEMBER 2003 MORGUNBLAÐIÐ
Jólaferðir fyrir fjölskyldur
Boðið verður upp á fjölskylduvænar
jólaferðir á Suðurlandi á aðventunni.
Guðmundur Tyrfingsson ehf. í sam-
vinnu við Skógrækt ríkisins og Sól-
heima stendur fyrir jólaferðunum
fyrir hópa og fyrirtæki. Ekið er í
Haukadalsskóg og eftir stutta
gönguferð um skóginn velur hóp-
urinn sér jólatré sem tekið er með
til baka. Því næst er ekið að Sól-
heimum í Grímsnesi þar sem hlustað
er á stuttan fyrirlestur og jólasögur.
Farið er í skoðunarferð um vinnu-
stofurnar þar sem gestum gefst
færi á að sjá hvar og hvernig jóla-
gjafirnar verða til. Boðið er upp á
léttan hádegisverð og allir fá með
sér lítinn jólapakka. Að endingu er
farið í Skálholtskirkju þar sem hlýtt
er á jólahugvekju og jólalög sungin.
Gist hjá Lundúnabúum
Þeir sem vilja kynnast daglegu lífi
Lundúnabúa ættu e.t.v. að prófa að
panta sér gistingu í borginni í gegn-
um Uptown Reservations í stað þess
að skoða hefðbundið hótel eða „Bed
& Breakfast“. Gist er á heimilum
fólks í öruggum hverfum Lundúna,
t.d. Kensington, Chelsea eða Knig-
htsbridge og er boðið upp á eins
manns herbergi, tveggja manna eða
fjölskylduherbergi. Gestgjafarnir er
oft fólk sem hefur aukaherbergi til
að leigja út og getur aðstoðað ferða-
langa við að kynnast Lundúnum.
Verðið er frá 95 pundum fyrir
tveggja manna herbergi.
Helgarferð til Manchester
ÍT-ferðir standa fyrir helgarferð til
Manchester 6.–8. febrúar 2004.
„Dustið rykið af bítlaskónum, pússið
takkaskóna og setjið á ykkur legg-
hlífar, því nú verður tæklað og tjútt-
að í Manchester,“ segir í tilkynningu
frá ÍT-ferðum. Ferðin er sögð tilvalin
fyrir árshátíðir fyrirtækja eða
smærri hópa. Íslenskur fararstjóri
verður með í för og hægt er að fara
á fótboltaleiki Bolton-Liverpool eða
Everton-Manchester United.
Íbúðaskipti um allan heim
Íbúðaskipti geta verið ákjósanlegur
kostur fyrir ferðalanga. Homelink-
samtökin eiga fimmtíu ára afmæli á
þessu ári og á þeirra vegum eru nú
um 12 þúsund íbúðaskipti á hverju
ári. Fólk getur boðið sína íbúð í
skiptum fyrir aðra hvar sem er í
heiminum. Mörgum þykir þetta fyr-
irkomulag þægilegt þar sem þeir
hafa aðgang að heimili í öðru landi
en ekki bara hótelherbergi, auk þess
sem kostnaðurinn er minni. Sumir
leiða hugann að áhættu við skipti af
þessu tagi en í bæklingi Homelink
kemur fram að á þeim fimmtíu árum
sem samtökin hafa haft milligöngu
um íbúðaskipti, hafa aldrei verið
unnin skemmdarverk á viðkomandi
íbúðum.
Galakvöld og dekurhelgi
Hótel Hekla á Brjánsstöðum, Skeið-
um kynnir dagskrána eftir áramótin
um þessar mundir. Í janúar verður
m.a. galakvöld með rómantísku ívafi

VÍTT OG BREITT
kringlunni & faxafeni
www.tk. is O P I Ð S U N N U D A G
Faxafeni 13 - 16
Kringlunni 13 - 17
4 munstur (með og án gulls)
TILBOÐ
Tvær búðir fullar af vandaðri vöru á góðu verði DÚNDURT I LBOÐ
hnífapör fyrir 12 manns ásamt
fylgihlutum einstaklega vönduð
og falleg 18/10 gæðastál.
alls 72 hlutir:
GINKO BILOBA
FRÁ
með GMP gæðastimpli
100% nýting/frásog
á frábæru verði
Jafnar blóðflæðið
H
á
g
æ
ð
a
fra
m
le
ið
sla
A
ll
ta
f
ó
d
ýr
ir