Morgunblaðið - 29.11.2003, Qupperneq 43

og villibráðarhlaðborð. Valentínus-
armessa verður 14. febrúar og í
mars verður fuglahlaðborð og vín-
smökkun. Dekurhelgi í tilefni vor-
komunnar verður 3. apríl. Í febrúar
og mars verða annars vegar Ven-
usargleði og hins vegar Marsgleði.
TENGLAR
.....................................................
www.uptownres.co.uk
www.homelink.org
www.gtyrfingsson.is
www.itferdir.is
www.hotelhekla.is
DAGLEGT LÍF
MORGUNBLAÐIÐ LAUGARDAGUR 29. NÓVEMBER 2003 43
Hvað varstu að gera í Túnis?
„Erindið var þríþætt. Ég sat
stjórnarfund heilsulindasamtaka
Evrópu, ESPA, svo ráðstefnu um
svokölluð thalasso-böð, sem eru böð í
heitum sjó og í þriðja lagi var stjórn
heilsulindasamtaka Evrópu að und-
irrita samstarfssamning um stofnun
samtaka til þróunar og uppbygg-
ingar thalasso-baða.“
Með hverjum fórstu?
„Ég fór frá Frankfurt með öðrum
félögum mínum úr stjórn ESPA sem
koma frá tíu Evrópulöndum.“
Hvar dvaldir þú?
„Ég var í bæ, sem heitir Hamma-
met og hótelið ber nafnið Royal Az-
ur.“
Hvernig var aðbúnaðurinn og
hvað var í boði á hótelinu?
„Aðbúnaðurinn á hótelinu var
mjög góður. Í fyrstu virtist þetta
vera svona venjulegt baðstrand-
arhótel en í raun
er þetta heilsu-
lindahótel þar
sem kjarninn í
starfseminni er
thalasso-böðin.
Það kom mér á
óvart að í Túnis er
töluverður jarð-
hiti og er hann
m.a. nýttur til að
hita upp sjó til
heilsubaða. Þarna eru starfandi þrír
læknar og kemur fólk þangað fyrst
og fremst til heilsubótar og lækn-
inga. Helstu þættir meðferðanna eru
böð í heitum sjó, bæði í laug og pott-
um. Rannsóknir sýna að heitur sjór
hefur töluverðan lækningamátt.
Maður, sem er 100 kíló að þyngd, er
aðeins 10 kíló í sjó. Sjórinn leiðir bet-
ur hitann inn í líkamann en venjulegt
vatn og getur stuðlað að efnaskiptum
milli líkama og sjávar sem talið er af-
ar hollt. Þá voru þarna í boði margs
konar meðferðir, leirböð og bakstrar,
fimm til sex gerðir af nuddi, hug-
leiðsla og slökun og meðferðir gegn
streitu og offitu. Þá voru þarna
margskonar fegrunarmeðferðir í
boði. Flestir gestanna voru þarna sér
til hressingar en einnig fólk, sem var
þarna undir læknishendi, helst gigt-
arsjúklingar, fólk sem var í megrun
og í fegrunar- og lýtalækningum.“
Hvað er hægt að gera sér til
dægrastyttingar í Túnis?
„Túnis er forn menningarþjóð. Það
eru því merkilegar fornminjar í land-
inu.
Ekki má svo gleyma því að í Túnis
skín sólin 300 daga á ári og ströndin
er 1.300 km löng. Túnis er því tilval-
inn áfangastaður fyrir þá sem vilja
njóta sjávar, sands og sólar. Landið
er rúmir 163.000 km² að stærð og
auðvelt að ferðast um það, t.d. á bíla-
leigubíl. Landið er frekar slétt og
gróðri vaxið. Þar eru einstaklega fal-
legir garðar og svo eyðimerkur. Lítil
vinaleg þorp og höfuðborgin Túnis er
iðandi af litríku mannlífi. Í Túnis
gætir franskra áhrifa, allir lands-
menn eru því frönskumælandi en
flestir tala þó góða ensku.
Túnis er á menningarsvæði Mið-
jarðarhafslandanna. Þess gætir m.a. í
matargerð en það kom mér á óvart
hve mikið úrval var af góðu sjáv-
arfangi í Túnis og þar er gríðarlegt
úrval af frábæru grænmeti og ávöxt-
um. Eins og áður sagði gætir
franskra áhrifa í Túnis en einnig
ítalskra. Það má benda á að Sikiley er
aðeinsí 150 km fjarlægð frá Túnis.“
Hvernig var veðrið og hvaða árs-
tími er bestur þarna fyrir íslenska
ferðalanga?
„Ég tel að vetrarmánuðirnir séu
besti árstíminn fyrir Íslendinga, eða
frá október fram í apríl. Túnis er til-
valinn áningarstaður fyrir þá sem
vilja njóta hvíldar, slaka á og safna
orku. Það er ódýrt að vera í Túnis og
þjónusta við ferðamenn er ein-
staklega góð.“
Hvernig virkuðu land og þjóð á
þig?
„Túnis kom mér ánægjulega á
óvart. Ég hef heimsótt nokkur araba-
lönd og verð að segja það að ég hef
jafnan verið aðdáandi arabískrar
menningar, en kosturinn við Túnis er
að efnahagur fólksins virðist vera
nokkuð jafn. Þar virðist vera töluvert
frelsi ef miðað er við önnur lönd
múslima. Fólkið er hlýlegt og stolt af
landi sínu. Menning landsins, einkum
þó á sviði tónlistar, er mjög áhuga-
verð, sömuleiðis eldhúsið. Baðmenn-
ing Túnisbúa er einnig forvitnileg,
góður múslimi á að baða sig einu
sinni á dag, karlar á morgnana og
konur á kvöldin. Það er með baðhúsin
eins og heitu pottana hér í Reykjavík,
þar skiptist fólk á kjaftasögum og
spjallar saman um daginn og veginn.
Þá kom mér verulega á óvart að Tún-
isbúar framleiða mjög áhugaverð
léttvín. Í mínum huga er Túnis tilval-
inn áningarstaður fyrir þá sem vilja
hvíla sig á næðingnum, skammdeg-
ismyrkrinu og streitunni á Íslandi.“

HVAÐAN VARSTU AÐ KOMA?
Túnis í skammdeginu
Hótelið: Í boði voru margskonar
meðferðir, leirböð, bakstrar, nudd,
hugleiðsla og slökun.
Matargerð: Túnis er á menning-
arsvæði Miðjarðarhafslandanna og
þess gætir m.a. í matargerð.
Sigmar B. Hauksson,
verkefnastjóri og for-
maður Skotveiðifélags
Íslands, er nýlega kom-
inn frá Túnis.
Sigmar B.
Hauksson
mbl.isFRÉTTIR
gisting í Kaupmannahöfn frá DKK 90,-
www.gisting.dk
sími: 0045 32552044
Ódýrari bílaleigubílar
fyrir Íslendinga.
Bílar frá dkr. 1.975,- pr. viku.
Innifalið í verði; ótakmarkaður akstur,
allar tryggingar.
(Afgr. gjöld á flugvöllum).
Aðrir litlir og stórir bílar 6-7 manna,
minibus og rútur.
Sumarhús og íbúðir.
Norðurlönd og Mið - Evrópa.
Hótel. Heimagisting. Bændagisting.
www.fylkir.is sími 456-3745
Bílaleigubílar
Sumarhús
DANMÖRKU