Morgunblaðið - 29.11.2003, Blaðsíða 72

Morgunblaðið - 29.11.2003, Blaðsíða 72
72 LAUGARDAGUR 29. NÓVEMBER 2003 MORGUNBLAÐIÐ BRÉF TIL BLAÐSINS Kringlunni 1 103 Reykjavík  Sími 569 1100  Símbréf 569 1329  Netfang bref@mbl.is Allt efni sem birtist í Morgunblaðinu og Lesbók er varðveitt í upplýsinga- safni þess. Morgunblaðið áskilur sér rétt t i l að ráðstafa efninu þaðan, hvort sem er með endurbirtingu eða á annan hátt. Þeir sem afhenda blaðinu efni ti l birtingar teljast samþykkja þetta, ef ekki fylgir fyrirvari hér að lútandi. AÐ tilhlutan Sameinuðu þjóðanna (SÞ) er dagurinn í dag tileinkaður samstöðu með palestínsku þjóðinni. SÞ kannast þannig við ábyrgð sína því að það var á þessum degi árið 1947 sem Allsherjarþingið sam- þykkti tillögu sína um skiptingu Pal- estínu í tvo hluta. Rúmlega helming- ur var ætlaður gyðingum sem höfðu verið mikill minnihluti í landinu en streymdu nú til landsins frá Evrópu og víðar að. Minna en helmingur landsins var ætlaður palestínsku þjóðinni sem byggt hafði þetta land öldum og árþúsundum saman. Þann- ig var lagður grunnur að tveimur ríkjum. Gyðingar létu sér hins vegar ekki nægja það sem SÞ ætluðu þeim og hernámu fjórðung landsins til við- bótar í stríðinu sem háð var 1948– ’49. Þegar vopnahlé komst á varð til græna línan svokallaða sem afmark- ar Vesturbakkann að meðtalinni Austur-Jerúsalem. Þetta landsvæði ásamt Gazaströnd, sem nemur um 22% eða rúmlega fimmtungi upphaf- legs lands Palestínumanna, var svo líka hernumið í sex daga stríðinu 1967. Þótt Palestínumenn hafi ekki sætt sig við skiptingu landsins árið 1947 og því síður hernámið sem bættist við næstu tvö árin þegar Ísraelsríki var að verða til, þá er nú svo komið undir forystu Arafats forseta, að Palestínumenn gera ekki kröfu til annars en að fá aftur svæðin sem hernumin voru 1967. Oslóaryfirlýs- ingin sem Arafat undirritaði ásamt Rabin, þáverandi forsætisráðherra Ísraels, lagði grunninn að friðar- samningum þar sem gert var ráð fyrir að farið væri að alþjóðalögum og samþykktum Öryggisráðs SÞ, að hernáminu yrði aflétt og landinu skilað. Ekki voru skýr ákvæði um ör- lög palestínskra flóttamanna og rétt þeirra til að snúa heim og til eigna sinna. Um þetta átti eftir að semja. Árvissar ályktanir SÞ um málefni flóttamanna allt frá 1949 eru alveg skýlausar eins og sá réttur er í mannréttindasáttmálum og alþjóða- samþykktum. Hér verður ekki fjölyrt um þær hörmungar sem palestínskum flótta- mönnum hefur verið boðið upp á kynslóðum saman og íbúum her- teknu svæðanna sem er haldið föngnum í risavöxnum fangabúðum. Þar eru manndráp, eyðilegging heimila og lífsviðurværis og hvers kyns mannréttindabrot daglegt brauð. Ísraelsher hlífir engum, aldn- ir og börn síst undanskilin. Múrinn, sem Ísraelar reisa nú og teygir sig langt inn á Vesturbakkann og inn- limar helming þess lands við Ísrael, er nýtt hámark landránsins og inn- siglar örlög Palestínumanna sem fanga í eigin landi. Nær öllum er ljóst að þessu verð- ur að linna. Sannir vinir Ísraels gera sér líka grein fyrir því að hernámið og öll þessi grimmd sem sýnd er í skjóli yfirgnæfandi hervalds er löngu farin að snúast gegn þeirra eigin ríki, þjóð og framtíð. Allir þess- ir ungu Ísraelar sem att er fram í hryðjuverk gegn nágrönnum sínum munu síst verða betur á sig komnir en bandarísku hermennirnir sem sneru heim frá Víetnam, eyðilagðir á líkama og sál. Alls þessa er þörf að minnast í dag. Um leið skal nefnt að í dag klukkan tvö verður dagskrá í til- efni dagsins í Norræna húsinu og jafnframt myndlistarsýning til stuðnings hjálparstarfi í Palestínu. SVEINN RÚNAR HAUKSSON, Glaðheimum 8, 104 Reykjavík. 29. nóvember Frá Sveini Rúnari Haukssyni lækni ÞAÐ virðist nú orðið augljóst að það sé næsta auðvelt að kaupa fyrir til- tölulega fáar krónur veigamiklar breytingar á framburði íslenskra orða. Leggja aðrar áherslur á orð, þannig að merking gjörbreytist. Þannig er því t.d. varið þegar hugað er að orðinu „ástríða“. Grein- arhöfundur vakti athygli á breyttum framburði Margrétar Pálu og Hall- dóru Friðjónsdóttur, en þær stöllur báru orðið fram með annarri áherslu en áður hafði tíðkast. Í stað þess að fylgja framburðarreglu orðabókar um hughrif og leggja áherslu á fyrsta atkvæði breyttu þær skilningi og bundu hann kyn- mökum og ástaratlotum. Nú hefur komið í ljós að skiln- ingur þeirra stallstystra nýtur vin- sælda. Tvö fyrirtæki hafa tileinkað sér holdlegan skilning orðsins. Nið- ursuðuverksmiðjan Ora auglýsir varning sinn, ekki að hætti Háskóla- orðabókar né Þjóðvinafélags. Skiln- ingur Samtaka 78 hefur rutt þeim skilningi úr vegi og hafið annan til vegs. Ást-ríða. Nú má spyrja: Hvað segja Málnefnd, Orðabók Háskól- ans, Baldur Jónsson málfræðingur, Birgir Ísleifur Gunnarsson, sem skipaði nefnd í tíð sinni sem menntamálaráðherra, Indriði Gísla- son og félagar hans, sem sátu í þeirri nefnd, eða Sverrir Her- mannsson, sem blés í lúðra og veif- aði fánum í ráðherratíð sinni eða Leifur flugráðsmaður, sem flutti er- indi í Þjóðleikhúsinu á vegum Flug- ráðs, en má nú ekki einu sinni kalla flugfélag sitt Flugleiðir. Hann verð- ur að tala um Icelandair og Rad- isson SAS. Og hvað segir skrifstofustjóri menntamálaráðuneytis, Árni Gunn- arsson, eða Björn Bjarnason, fyrr- um menntamálaráðherra? Já, og svo má hringja í Olright, núverandi menntamálaráðherra. Ég hef þá trú að hann eigi bágt með að sætta sig við þennan skilning. Ég var næstum búinn að gleyma gömlum kaffibrúsafélaga úr morg- unútvarpi, Sigurði G. Tómassyni. Hann veit nú margt, bæði um bíla og þjóðtungur. Mér þætti gaman að vita hvað hann leggur til mála. Vonandi er þessi skilningur ekki runninn frá samtökum háskólaborg- ara þó formaður BHMR leggi þenn- an holdlega skilning í orðið. PÉTUR PÉTURSSON, þulur. Auðvelt að kaupa breytingar á framburði Frá Pétri Péturssyni
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84
Blaðsíða 85
Blaðsíða 86
Blaðsíða 87
Blaðsíða 88

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.