Morgunblaðið - 29.11.2003, Page 79

ÍÞRÓTTIR
MORGUNBLAÐIÐ LAUGARDAGUR 29. NÓVEMBER 2003 79
ÁRNI Gautur Arason, landsliðs-
markvörður í knattspyrnu, átti
fund með forráðamönnum austur-
ríska liðsins Sturm Graz í gærkvöld
en eins og fram hefur komið hefur
félagið gert honum tilboð. Árni
Gautur lék sinn síðasta leik með
norska meistaraliðinu Rosenborg í
fyrrakvöld og átti mjög góðan leik í
1:0 sigri þess á Rauðu stjörnunni en
samningur hans við Rosenborg
rennur út um áramótin.
„Það er ekkert orðið klárt ennþá
en ég tel þó mjög líklegt að ég
gangi til liðs við Sturm og það get-
ur farið svo að ég gangi frá mál-
unum um helgina,“ sagði Árni
Gautur við Morgunblaðið í gær-
kvöld.
Árni sagði að hann hefði fengið
fyrirspurnir frá félögum í Skandin-
avíu en eins og málin stæðu þá væri
langlíklegast að hann tæki tilboði
Sturm. „Ég hef ekki fengið önnur
tilboð en frá Sturm en ég heyrt af
áhuga einhverra liða í Skandinavíu.
Ég vil hins vegar breyta til og prófa
eitthvað nýtt,“ sagði Árni.
Árni Gautur verður á meðal
áhorfenda á leik Sturm Graz og
Paching í austurrísku deildinni í
dag og þá er ráðgert að hann gang-
ist undir læknisskoðun hjá liðinu í
dag. Sturm Graz hefur vegnað illa á
leiktíðinni og er í næstneðsta sæti
deildarinnar, tveimur stigum á
undan Kärnten, liði Helga Kolviðs-
sonar. Tvær umferðir eru eftir fyr-
ir vetrarhlé en deildin hefst að nýju
í febrúarmánuði.
Árni Gautur Arason
ræddi við Sturm Graz
Á HEIMASÍÐU körfuknatt-
leiksdeildar KR er sagt frá því
að Ingvaldur Magni Hafsteins-
son, leikmaður liðsins, hafi
sett met í vörðum skotum á
fimmtudag þegar KR-ingar
báru sigurorð af Þór frá Þor-
lákshöfn í Intersportdeild
karla í körfuknattleik á
heimavelli, 109:88.
Ingvaldur Magni varði alls
11 skot og bætti þar með met
Mike Bargen, fyrrum leik-
manns Hauka, og Michail
Antropov, fyrrum leikmanns
Tindastóls, en þeir höfðu varið
mest 10 skot í leik. Frá tíma-
bilinu 1995-1996 hefur verið
haldið utan um varin skot í úr-
valsdeild karla með tölfræði-
skráningu.
Ingvaldur Magni náði einn-
ig þrefaldri tvennu í leiknum
þar sem hann skoraði 13 stig,
tók 11 fráköst og varði 11
skot.
Þess bera að geta Ingvaldur
Magni spilaði einungis 27 mín-
útur í leiknum gegn Þór og
hvíldi allan fjórða leikhluta
eða rúmlega ¼ af leiktím-
anum.
Met hjá
Magna
Greinilegt var í byrjun hvort lið-ið langaði meira í sigur og var
tilbúið til að berjast fyrir honum,
Afturelding, en Vík-
ingum tókst samt að
hanga í heimamönn-
um fram eftir fyrri
hálfleik. Mosfelling-
ar tóku Tomas Kavolius, skyttu
Víkinga, úr umferð strax eftir hlé
og hann virtist sáttur við það, beið
rólegur á miðjum vellinum. Þá kom
hinn þrautreyndi Bjarki Sigurðsson
inná og fljótlega tókst félögum hans
í Víkingi að ná yfirvegun í vörnina,
sem skilaði sér strax í sókninni og
19:18 forystu á 10. mínútu. Nokkuð
var dregið af Mosfellingum en þeir
gáfust ekki upp og héldu jöfnu
24:24 en endaspretturinn var Vík-
inga, sem þó geta þakkað Reyni Þór
Reynissyni fyrir góða markvörslu
þegar þeir voru að síga fram úr.
„Okkur vantaði herslumun til að
gera út um leikinn,“ sagði Karl Er-
lingsson, þjálfari Aftureldingar, eft-
ir leikinn. „Okkur vantaði reynslu
til að gera út um leikinn því við
byrjuðum að reyna að halda fengn-
um hlut. Ég get samt verið sáttur
við liðið mitt, þeir spiluðu lengi
skipulega og skutu rétt á Reyni
Þór, markvörð Víkinga, eins og
verður að gera. Þetta er allt á réttri
leið en tekur tíma.“ Óhætt er að
taka undir orð þjálfarans því fram-
an af sýndu ungu Mosfellingarnir
góða takta og voru með undirtökin
en síðustu tíu mínúturnar skilja
milli feigs og ófeigs, þá reynir á
leikreynsluna og klókindin, sem
fylgja henni.“
Gunnar þjálfari var ekki eins
ánægður með leikinn. „Við vorum
skelfilegir í fyrri hálfleik, komumst
aldrei í takt við leikinn, gerðum
aragrúa mistaka í vörn og sókn. Við
höfum unnið fjóra leiki í röð og það
getur verið að mínir menn hafi ver-
ið einum of öruggir með sig, jafnvel
innst inni haldið að þeir gætu spar-
að sig á móti Aftureldingu. Við
lærðum samt mikið í þessum leik og
þetta kemur ekki fyrir aftur en við
sýndum góða baráttu með því að ná
forystu í lokin,“ bætti Gunnar við.
Gleðisnauður ÍR-sigur
Selfyssingar sóttu ÍR-inga heim íAusturbergið í gærkvöldi en
höfðu þar ekki erindi sem erfiði.
Þrátt fyrir mikla
baráttu og greini-
legan sigurvilja var
getumunurinn of
mikill. ÍR-ingar
sigruðu með sex marka mun, 32:26.
Hefðu heimamenn hins vegar haft
snefil af þeirri baráttu sem Selfyss-
ingar sýndu hefði sigurinn orðið
talsvert stærri.
ÍR-ingar náðu fljótt forystu og
eftir stundarfjórðung höfðu þeir yf-
ir 11:5. Heimamenn virkuðu þó á
köflum áhugalausir og var ekki að
undra að Selfyssingar hefðu náð að
minnka muninn niður í aðeins tvö
mörk þegar flautað var til hálfleiks,
15:13. Gestirnir náðu þó ekki að
fylgja eftir góðum leik í síðari hálf-
leik og ÍR-ingar gerðu skyldu sína,
sigruðu eins og áður segir, 32:26.
„Þetta var nokkuð kaflaskiptur
leikur og við áttum það til að tapa
svolítið einbeitingu. Við vorum slak-
ir síðustu tíu mínúturnar í fyrri
hálfleik og hleyptum þeim inn í leik-
inn og það gerði okkur erfitt fyrir.
En þegar leið á seinni hálfleik hrist-
um við þá af okkur,“ sagði Júlíus
Jónasson, leikmaður og þjálfari ÍR-
inga. „Við erum alls ekkert sáttir þó
að við höfum unnið því í heildina
spiluðum við ekki vel. Fyrst og
fremst hefði ég viljað sjá meiri
takta hjá okkur, meiri gleði og að
við hefðum haft gaman af þessu - til
þess er leikurinn gerður,“ bætti
Júlíus við.
„Það er alveg ljóst að getumun-
urinn á liðunum er gríðarlegur en
við ætluðum að nýta okkur það að
þeir myndu ekki koma tilbúnir til
leiks. Við reyndum eins og við gát-
um og það gekk um tíma. Við nýtt-
um okkur samt tækifærið ekki nógu
vel, við misstum þrjá menn útaf
meidda og einn með rautt spjald.
Eftir það sprungum við einfaldlega
á þreki. Við vorum ekki nógu klókir
síðustu fimmtán mínúturnar, hefð-
um getað farið með hagstæð úrslit
héðan, kannski ekki sigur, en klár-
að leikinn með sæmd. Við eigum
neðri deildina eftir áramót og för-
um þangað með fulla trú á okkur,“
sagði Sebastian Alexanderson, leik-
maður og þjálfari Selfyssinga.

JÓHANNES Harðarson lék síð-
ustu 20 mínúturnar fyrir Groningen
sem sigraði Roosendaal, 2:0, í hol-
lensku 1. deildinni í knattspyrnu í
gærkvöld. Groningen komst með
sigrinum upp í sjötta sæti deildarinn-
ar.

GUNNAR Berg Viktorsson skor-
aði 6 mörk, þar af 5 úr vítaköstum,
fyrir Wetzlar sem tapaði fyrir
Gummersbach, 32:27, í þýsku 1.
deildinni í handknattleik í gærkvöld.
Kórumaðurinn Yoon átti stórleik fyr-
ir Gummersbach og skoraði 13 mörk.

INGI Jónsson, varaformaður dóm-
aranefndar KSÍ, verður eftirlitsmað-
ur UEFA á morgun þegar Kolbotn,
lið Katrínar Jónsdóttur, mætir
Malmö FF, liði Ásthildar Helgadótt-
ur, í 8-liða úrslitum UEFA-bikars
kvenna í knattspyrnu. Leikið er inn-
anhúss, í Valhöll í Ósló. Þess má geta
að Valhöll er eina knattspyrnuhúsið í
Ósló en á því svæði býr um 1 millj.
íbúa.

PEER Danefeld, þjálfari Kolbotn,
er í þeirri einkennilegu stöðu að geta
orðið andstæðingur Kolbotn í undan-
úrslitum eða úrslitum keppninnar.
Hann stýrir liðinu í síðasta skipti á
morgun en tekur síðan við þjálfun
kvennaliðs Bröndby, sem er öruggt
með sæti í undanúrslitunum eftir
stórsigur, 9:0, á Gömrükcü Baku frá
Afganistan í fyrri leik liðanna.

KAROL Bielecki, leikmaður
Kielce í Póllandi, er markahæstur
eftir fimm umferðir í Meistaradeild
Evrópu í handknattleik. Kielce hefur
skorað 50 mörk, 10 að meðaltali í leik,
og þó gerði hann aðeins 3 mörk í ein-
um. Í tveimur leikjanna hefur Biel-
ecki skorað 13 mörk.

BIELECKI var íslenska landsliðinu
erfiður í landsleikjunum þremur við
Pólverja hér á landi á dögunum og
skoraði þá grimmt. Alfreð Gíslason
hefur þegar samið við hann um að
ganga til liðs við Magdeburg og hann
kemur til félagsins í sumar.

STÉPHANE Stoecklin, Frakkinn
gamalkunni hjá Chambéry, er næst-
ur á markalistanum í meistaradeild-
inni með 46 mörk og síðan kemur
Stefan Kretzschmar sem hefur gert
43 mörk fyrir Magdeburg. Leikmenn
Hauka hafa dreift markaskorinu
mjög í keppninni en Robertas Pauz-
uolis er efstur á blaði hjá þeim með
27 mörk. Hann er í 29.–32. sæti á
markalistanum.

ANDREAS Andersson, fyrrum
leikmaður Newcastle og AC Milan,
hefur viðurkennt að vera knatt-
spyrnumaðurinn sem sló blaðamann
niður á veitingahúsi í Stokkhólmi í
vikunni. Andersson, sem nú leikur
með AIK, hefur beðist afsökunar á
atvikinu en segir að viðkomandi
blaðamaður hafi starað á sig og það
hafi farið í skapið á sér.
FÓLK
Morgunblaðið/Sverrir
Víkingurinn Benedikt Jónsson skorar hér eina mark sitt í Mosfellsbænum í gærkvöld. Hrafn
Ingvarsson, leikmaður Aftureldingar, kemur litlum vörnum við en Víkingur fór með sigur af hólmi.
Basl hjá Víkingum
KÆRULEYSI Víkinga varð þeim næstum að falli í gærkvöldi þegar
þeir sóttu unga og spræka Mosfellinga heim. Það var ekki fyrr en
reynslan fór að skila sér í lokin að þeim tókst að merja 28:24 sigur.
Þar með eru Víkingar komnir í baráttu um sæti í úrvalsdeildinni með
12 stig, jafn mörg og Valur, Grótta/KR og Fram en tveimur minna en
KA. „Við erum við þröskuldinn yfir í efri hluta deildarinnar og ef eitt-
hvað lið þar misstígur sig tökum við sæti þess,“ sagði Gunnar
Magnússon, þjálfari Víkinga.
Stefán
Stefánsson
skrifar
Andri
Karl
skrifar