Morgunblaðið - 29.11.2003, Blaðsíða 34
34 D LAUGARDAGUR 29. NÓVEMBER 2003 MORGUNBLAÐIÐ
GLÆSIBÆ • BARNAVÖRUVERSLUN
Sími 553 3366 • www.oo.is
mikið úrval
Jólakjólar
margar gerðir
Stærðir 0 til 3ja ára
Drengjajólaföt
Skín í rauðar skothúfur
Einn besti barnakór landsins, Skólakór Kársness og Kammersveit
Salarins flytja falleg aðventu- og jólalög í nýjum útsetningum
Sigurðar Rúnars Jónssonar, sem fer á kostum við að klæða
alþekkt og sívinsæl jólalög í einstaklega hátíðlegan og
skemmtilegan jólabúning.
Dreifing: Skífan
E
ins og margt ungt fólk sem
er byrjað að búa hafa Þóra
Margrét og maður hennar
Bjarni Benediktsson þróað
sínar eigin jólahefðir. Sum-
ar af hefðunum hafa þau skapað
sjálf, eins og að bjóða vinum og fjöl-
skyldu um helgar í „brunch“, sam-
bland af morgun- og hádegisverði.
„Þá er ég með kalt borð þar sem er
að finna hangikjöt, síld, tartalettur
og laufabrauð. Börnunum er auðvit-
að alltaf boðið með og þá reynum við
að gera eitthvað skemmtilegt sem
allir hafa gaman af eins og að spila
Trivial Pursuit, en aðrar hefðir höf-
um við tekið upp eftir foreldrum
okkar,“ segir Þóra Margrét, sem er
flugfreyja hjá Flugleiðum, en eig-
inmaður hennar, Bjarni Benedikts-
son, er einn af nýjum þingmönnum
Sjálfstæðisflokksins. Þau eiga tvö
börn.
„Það eru tvö ár síðan við fórum að
vera heima hjá okkur á aðfanga-
dagskvöld með foreldrum mínum,
bróður og hans fjölskyldu. Fram að
þeim tíma höfðum við Bjarni og
börnin verið til skiptis hjá foreldrum
Bjarna og fjölskyldu minni. Mér
fannst kominn tími til að létta undir
með móður minni. Tókst jólaboðið
hjá okkur vel. Við höfum farið til
tengdaforeldra minna á jóladag en
skipulagið er óráðið í ár.“
Gæs í stað rjúpu
Þóra Margrét, sem að öllu jöfnu
er uppátektasöm í matargerð, segist
vera mjög gamaldags þegar hún
matbýr á jólunum. „Ég er vön úr
föðurhúsum að fá rjúpur að borða á
aðfangadagskvöldi og verð aldrei
leið á þeim. Foreldrar Bjarna hafa
alltaf hamborgarhrygg á að-
fangadag. Fyrstu árin eftir að ég fór
að borða hjá tengdaforeldrum mín-
um á jólum beið ég eftir að komast
heim til mömmu að bragða á rjúp-
unni, sem hún geymdi alltaf fyrir
mig. Tengdamóðir mín tók eftir
þessu og fór að hafa rjúpur fyrir mig
og var ég þakklát fyrir það.
Nú verða engar rjúpur um þessi
jól en í staðinn er ég að hugsa um að
hafa gæs með fyllingu vegna þess að
þá get ég notað svipað meðlæti og ég
hef með rjúpunni og á eftir er ég
með ömmuís, sem er klassískur
heimatilbúinn ís með súkku-
laðibitum. Í hittifyrra bauð ég upp á
annan eftirrétt, mun íburðarmeiri,
en allir biðu eftir ísnum sem aldrei
kom. Það er eins og bragðgæði mat-
arins séu ekki síður fólgin í stemmn-
ingunni, sem skapast í kringum rétt-
ina á aðfangadagskvöld,“ segir hún
hlæjandi.
Þróar eigin matarhefðir
Þóra Margrét segist hafa verið
upptekin af því að þróa eigin mat-
arhefðir í gegnum tíðina en segist
einnig langa til að vera góð í að mat-
búa gömlu hátíðarréttina sem menn
halda í um jólin. „Þá snýst dæmið
við,“ segir hún. „Ég fer í læri til
mömmu fyrir jólin. En mamma er
annars vön að koma til mín til að fá
uppskriftir þegar hún vill prófa eitt-
hvað nýtt.“
Þóra Margrét hefur gaman af því
að skreyta húsið sitt fyrir jólin og
gerir það á einfaldan en hlýlegan
máta. „Ég er með stóran spegil í
stofunni og skreyti hann með greni
og litlum týruperum. Síðan kaupum
við okkur risastórt jólatré því við er-
um með mikla hæð í húsinu. Ég
skreyti mikið með kertum sem ég
hef víða en birtan er svo notaleg af
þeim.
Við kveikjum líka oft upp í arn-
inum á þessum árstíma. Svo hef ég
hnetur, piparkökur, mandarínur og
epli á borðum en það er alltaf gott að
finna lyktina af góðum eplum.“
Jólaborðið látlaust
Hún segist pæla heilmikið í því
hvernig hún eigi að skreyta jóla-
borðið. „Þau tvö ár sem ég hef haldið
jólaboð hefur jólaborðið verið með
mismunandi hætti en ég hef verið að
prófa mig áfram með skreytingar.
Ég hef verið með á borðstofuborðinu
tvo stóra glerkertastjaka sem ég set
í hvít kerti og skreyti með greni og
greinum með rauðum berjum. Ég
set litríkar perlur og steina neðst á
kertin, sem gefa skemmtilega birtu.
Ég vil hafa borðið látlaust og er með
hvítan dúk og munnþurrkur úr taui.
Tengdamóðir mín gaf okkur eitt sinn
handgerða, íslenska jólaservíettu-
hringi, afar fallega, sem við notum
alltaf.“
Okkur Bjarna finnst alltof mikið
stress í jólamánuðinum og erum orð-
in hálfleið á því. Reyndar verð ég að
viðurkenna að ég er ein af þeim sem
eru á hraðferð um verslanirnar að
morgni aðfangadags til að finna það
sem vantar upp á fyrir kvöldið. Ég
heiti því um hver jól að vera búin að
öllu á Þorláksmessu en það hefur
sjaldnast tekist!“
Þóra Margrét hefur verið kölluð
hin íslenska Nigella en hún er með
reglulega umfjöllun um mat í Nýju
Lífi. „Nigella er reyndar ekki einn af
mínum eftirlætiskokkum,“ segir hún
þegar þessi nafngift er borin undir
hana. „En ætli mér þyki ekki svipa
til hennar í útliti. Við erum báðar
dökkhærðar með brún augu. Annars
hef ég bara gaman af þessari nafn-
gift og tek henni sem „komplimenti“.
Matreiðsla hefur lengi verið áhuga-
mál mitt og ég nýt mín vel í eldhús-
inu.“
Heilsteikt gæs
með fyllingu
1 stk. gæs
Soð:
háls og innmatur úr fuglinum
1 stk. laukur
1 stk sellerístilkur
3 stk lárviðarlauf
nokkur piparkorn
villibráðakraftur frá Oscar
Fyllingin:
60 gr. smjör
1 stórt epli (grænt eða jona-
gold)
100 gr. steinlausar sveskjur
100 gr. gráfíkjur (passið að taka
stöngulinn af)
handfylli af fersku timían
6 stk franskbrauðsneiðar
1 1/2 dl kjúklingasoð
salt og pipar
Aðferð: Nuddið gæsina með salti og
pipar utan og innan. setjið fyllinguna
í fuglinn og saumið fyrir eða setjið
hálfa appelsínu fyrir opið þannig að
það lokist.
Hitið ofninn í 200° og steikið í 15
mín. lækkið hitann í 160° og steikið
áfram í um 2 klst..
Soð: Setjið háls og innmat á
grindina með fuglinum og vatn með
grænmeti og kryddi undir. Um leið
og hitinn á ofninum er lækkaður er
háls og innmatur látinn í soðið í
skúffu.
Fyllingin: Leggið sveskjurnar og
fíkjurnar í bleyti í um 2 klst. Skerið
skorpuna af brauðinu og leggið í
bleyti í soðinu. Skerið epli í teninga
og steikið í smjörinu ásamt ávöxt-
unum. Brauðinu er svo blandað sam-
an við og allt er þetta svo kryddað
vel.
Waldorf salat
„a la mamma“
1 ½ msk majones
1 tsk sellerísalt
½ l. rjómi stífþeyttur
Hrærið majonesið vel og blandið
því svo saman við þeyttann
rjómann og bætið
saltinu við.
6-8 rauð epli
Afhýðið og skerið eplin í teninga
og bætið þeim út í skálina með
rjómablöndunni.
Að lokum skal setja um 1 til 1 ½
bolla af góðu sérrí.
Tartalettur „a la
amma“
Bræðið í potti 100 gr. af smjöri við
vægan hita bætið hveiti í litlum
skömmtum saman við þar til þið er-
uð kominn með smjörbollu.
2 dósir af grænum aspas.
Takið vökvann frá aspasinum og
notið hann til að þynna út smjörboll-
una þar til hún er orðinn hæfilega
þykk. Athugið að þynna hana ekki of
mikið.
Skerið svo niður í bita góða skinku
og skerið einnig aspasinn og setjið
þetta svo allt saman í pottinn.
Hitið. Takið tartaletturnar og hit-
ið þær í ofni í nokkrar mínútur þar
til þær verða vel heitar, takið þær
svo út og setjið heita fyllinguna í.
GAMALDAGS Á JÓLUNUM
Þóra Marg ré t Ba ld -
v insdót t i r þyk i r
f rumleg í matargerð
en þegar kemur að
þv í að e lda á að -
fangadagskvö ld i
v i l l hún nota upp -
sk r i f t i r móður s inn -
a r og ömmu.
Morgunblaðið/Árni Sæberg
Matgæðingurinn Þóra Margrét Baldvinsdóttir hefur gaman af því að bjóða vin-
um og fjölskyldu í „brunch“ í desembermánuði.
Í jólaskapi ásamt börnunum og
heimilishundinum, talið frá vinstri,
Margrét, Benedikt og Þóra Margrét.