Morgunblaðið - 29.11.2003, Blaðsíða 44
44 D LAUGARDAGUR 29. NÓVEMBER 2003 MORGUNBLAÐIÐ
E
ftirrétturinn skapar ekki
bara eftirvæntingu hjá
börnunum heldur líka hjá
þeim fullorðnu,“ segir
Steinunn og við byrjum á
börnunum en þessi hátíðarís er
ómissandi á heimili Steinunnar um
jólin.
Eftirlætisís barnanna
4 egg
4 msk sykur
½ l rjómi
1–2 tsk vanillusykur
100 g Toblerone súkkulaði, sax-
að
Eggjarauður og sykur þeytt vel
saman eða þar til það er orðið létt og
ljóst. Rjóminn stífþeyttur og bland-
að varlega saman við ásamt van-
illusykrinum og súkkulaðinu.
Eggjahvíturnar stífþeyttar og
blandað varlega saman við að lok-
um. Frystið.
Í staðinn fyrir Toblerone súkku-
laðið má nota, t.d. venjulegt suðu-
súkkulaði, valhnetur eða súkku-
laðirúsínur.
Dönsk verðlauna-
súkkulaðikaka
„Þótt kakan verði að teljast dönsk
þá er hún eigi að síður ættuð frá
Kaliforníu,“ segir Steinunn. „Kakan
er þétt í sér og er hver biti eins og
konfektmoli. Maður borðar ekki
mikið í einu af henni þessari en hún
er eigi að síður „syndsamlega góð“.
Hún bragðast frábærlega með hvít-
víni. Ótrúlegt en satt.“
Botn
275 g smjör, ósaltað
600 g suðusúkkulaði með háu
kakóinnihaldi
½ dl bourbon viskí
½ dl hlynsíróp
150 g pecanhnetur, saxaðar
7 stór egg
Hitið ofninn í 175°C. Bræðið
smjörið í þykkbotna potti á lágum
hita.
Brjótið súkkulaðið í litla bita og
bætið því í pottinn. Hrærið þar til
það er bráðið.
Blandið bourbon viskíinu og
pecanhnetunum saman við.
Þeytið eggin og hlynsírópið í
um 5 mínútur eða þar til
eggjablandan er farin að
þykkna og orðin létt.
Blandið helmingnum af
eggjablöndunni varlega
saman við súkkulaðið.
Blandið síðan afgang-
inum af eggjablöndunni
í áföngum varlega saman
við súkkulaðið.
Smyrjið springform vel
og vandlega. Setjið tvöfalt
lag af álpappír utan um
formið og hellið deiginu í
formið.
Setjið formið í ofnskúffu og hell-
ið heitu vatni í hana þannig að vatn-
ið nái upp að miðjum hliðum forms-
ins. Bakið í vatnsbaðinu inni í ofni í
18–20 mínútur. Látið kökuna kólna í
1 klst.
Hjúpur
200 g súkkulaði
1 dl rjómi
1 msk bourbon viskí
Hitið rjómann að suðumarki í
þykkbotna potti. Bætið súkkulaðinu
saman við í litlum bitum. Hrærið
þar til súkkulaðið er bráðið. Blandið
bourboninu saman við að lokum.
Þekið síðan kökuna með hjúpnum.
Ferskjumauk
4 stk vel þroskaðar ferskjur (ef
þær fást ekki má nota ferskjur
úr dós)
½ dl hlynsíróp
Afhýðið ferskjurnar. Setjið þær
ásamt hlynsírópinu í blandara eða í
matvinnsluvél.
Berið kökuna fram með ferskju-
sósunni og þeyttum rjóma ef vill.
Steinunn mælir með hvítvíni frá
Kaliforníu, Painter Bridge Char-
donnay (fæst í Heiðrúnu og Kringl-
unni, kr. 1.190)
Tiramisu
Tiramisu er nútímaútgáfa af eft-
irrétti sem upphaflega kom frá
borginni Siena á Ítalíu og var kall-
aður Zuppa del Duca eða Súpa her-
togans. Þaðan barst uppskriftin til
Flórens en þar var rétturinn mjög
vinsæll á 19. öld. Helsta breytingin á
eftirréttinum frá fyrri tímum er að
nú er notaður mascarpone-ostur í
stað upprunalega kremsins.
500 g mascarpone-ostur
120 g sykur
1 bréf vanillusykur (um 3 tsk)
6 eggjarauður
1 stór pakki Löffelbiskuit (200
g) eða Lady fingers.
Kaffi (frekar sterkt)
Amaretto-líkjör
Sykur, vanillusykur og eggja-
rauður þeytt vel saman eða þar til
það er ljóst og létt. Ostinum síðan
hrært saman við.
Þriðjungur kremsins
er settur í skál
með
sléttum botni og sléttum hliðum.
Ósykruðu hliðinni á kexinu dýft eld-
snöggt ofan í kaffið og síðan í líkjör-
inn og raðað þétt saman á ofan á
kremið. Síðan kemur 1⁄3 hluti krems-
ins ofan á kexið, aftur kex sem dýft
hefur verið í kaffið og líkjörinn og
að lokum afgangurinn af
kreminu.
Best er að búa kökuna
til sólarhring fyrir
notkun. Kakódufti
er stráð yfir hana
rétt fyrir fram-
reiðslu.
Steinunn mæl-
ir með frönsku
desertvíni, Pi-
neau Des Cha-
rentes blanc frá
Chateau Bellevue
(fæst í öllum helstu
ÁTVR verslunum,
kr. 1.790).
Hálf frosin
berjabomba með
heitri súkku-
laðisósu
Á ítölsku er eftirréttur sem þessi
kallaður „semifreddo“ sem þýðir
hálffrosinn á íslensku. „Í dag opnar
maður ekki ítalska uppskriftabók án
þess að rekast á uppskrift að „semi-
freddo“ þótt rétturinn sé ekki nýr af
nálinni,“ segir Steinunn. „„Semi-
freddo“ er ekki ólíkur ís og algengt
er að ber gegni lykilhlutverki í rétt-
inum. Í þessari uppskrift er hægt að
nota hvaða ber sem er en best er að
blanda mörgum tegundum saman
eins og t.d. jarðarberjum, hindberj-
um, brómberjum, rifsberjum, sól-
berjum o.s.frv. Eins og nafnið gefur
til kynna er rétturinn borinn fram
hálffrosinn.
Marengsbotn
5 eggjahvítur
1 ½ tsk „instant“ kaffiduft
3 dl hrásykur
75 g ristaðar heslihnetur, sax-
aðar
Hitið ofninn í 90°C. Stífþeytið
eggjahvíturnar með kaffiduftinu.
Blandið helmingnum af hrásykr-
inum saman við og þeytið. Blandið
síðan afgangnum af sykrinum sam-
an við í áföngum ásamt heslihnet-
unum.
Setjið bökunarpappír á bökunar-
plötu og setjið marengsblönduna á
plötuna. Lögunin skiptir ekki máli
en hafið marengsinn um 2 cm þykk-
an. Bakið í 3 klst. eða þar til mar-
engsinn er þurr í gegn.
Berjabomban
8,5 dl rjómi
marengsinn
750 gr frosin blönduð ber, t.d.
Dujardin (fást í Hagkaup)
Klippið bökunarpappír í um 38 cm
radíus og klippið 10 cm inn að miðju
allt í kring. Setjið bökunarpappírinn
í 28 cm lausbotna springform.
Þeytið rjómann. Brjótið marengs-
inn í litla bita og takið frá um ¼ til
að skreyta kökuna. Setjið afganginn
í rjómann. Setjið 1⁄3 af rjómablönd-
unni í formið, setjið síðan helming-
inn af berjunum, síðan aftur 1⁄3 af
rjómablöndunni, þá hinn helming-
inn af berjunum og síðan afganginn
af rjómablöndunni þar yfir. Setjið
síðan ¼ af marengsinum sem þið
tókuð til hliðar ofan á síðasta rjóma-
blöndulagið. Setjið plastfilmu yfir
og frystið.
Súkkulaðisósa
2 dl rjómi
1½ msk síróp
4 msk vatn
200 g dökkt súkkulaði með háu
kakóinnihaldi (70%)
40 g smjör
Setjið rjómann og sírópið í lítinn
pott með þykkum botni ásamt 4 msk
af vatni. Hitið að suðumarki, lækkið
síðan hitann.
Brjótið súkkulaðið í litla bita og
bætið því út í ásamt smjörinu.
Hrærið í þar til súkkulaðið er bráð-
ið.
Takið kökuna út úr frystinum og
setjið í ísskápinn um 6 tímum áður
en þið berið hana fram.
Takið kökuna úr forminu með því
að losa hliðar formsins frá, flettið
síðan bökunarpappírnum af og setj-
ið kökuna á tertudisk.
Hægt er að geyma kökuna í frysti
í allt að einn mánuð.
Súkkulaðisósuna má líka frysta.
Hún er þá tekin út úr frystinum um
5 tímum áður en hún er borin fram
og hituð yfir vatnsbaði.
Steinunn mælir með spænsku
freyðivíni, Marques de Monistrol,
Reserva Semi Seco (fæst í Heiðrúnu
og Kringlunni, kr. 990).
Hollur eftirréttur
„Eftir öll þessi sætindi er hér
hugmynd að hollum eftirrétti fyrir
þá sem þurfa að hugsa um lín-
urnar,“ segir Steinunn. „Raðið
ferskum ávöxtum á fallegt fat, þeim
ferskustu sem þið fáið á hverjum
tíma t.d. appelsínur, epli, bananar,
perur, melónur, vínber, jarðarber,
bláber, hindber, döðlur eða hvaða
ávexti sem ykkur dettur í hug.
Þá eruð þið komin með einfaldan,
hollan og ákaflega girnilegan eft-
irrétt sem enginn stenst. Með ávöxt-
unum má bera fram skyr, jógúrt eða
sýrðan rjóma.“
Syndsam-
legir
eftirréttir
Morgunblaðið/Þorkell
Syndsamlegir eftirréttir: Hálffrosin berjaterta „Semifreddo“ og dönsk verð-
launasúkkulaðikaka.
Má l t íð e r ekk i fu l l komnuð f y r r en e f t i r ré t t -
u r inn hefu r ve r ið bor inn á borð . Ste inunn
B ja rnadót t i r h já e ignastý r ingu Ís lands -
banka e r sn i l l i ngur í ge rð e f t i r ré t ta .
Dönsk verðlaunasúkkulaðikaka með
ferskjumauki.
Hálffrosin berjabomba með heitri
súkkulaðisósu.