Morgunblaðið - 29.11.2003, Blaðsíða 48

48 D LAUGARDAGUR 29. NÓVEMBER 2003 MORGUNBLAÐIÐ
Laugavegi 54,
sími 552 5201
Jólakjólar
mikið úrval
stæðir 34-46
S
temningin er einstök við
eldhúsborðið hjá Söndru
Grétarsdóttur og Völu Ósk
dóttur hennar. Þar fá allir
að vera með í jólakonfekt-
fjörinu enda leggja þær mæðgur
áherslu á að allir skemmti sér: Börn,
konur, karlar og hundurinn Bjartur.
Kertaljósin gefa hlýlega birtu og
jólalögin hljóma úr hljómflutnings-
tækjunum. Sandra er mikil jólakona
og föndrar allt sitt jólaskraut sjálf.
Konfektið býr hún til fyrst og fremst
til að gefa ættingjum og vinum sem
aukajólagjafir og setur í frumlegar
heimagerðar umbúðir. En hún held-
ur alltaf einhverju eftir handa sjálfri
sér og gestum sínum. „Enda er það
sérlega gott fyrir sálina að borða al-
vörukonfektmola og ég tala nú ekki
um ef sopið er á eðalkaffi í leiðinni,“
segir hún með munúð og sussar á
hundinn Bjart sem vill ólmur fá að
njóta þessarar andlegu ánægju.
„Hann Bjartur væri konfektæta ef
hann bara mætti, því hann er brjál-
aður í súkkulaði. En ég má ekki gefa
honum sætindi þótt ég vildi því það
er svo vont fyrir augun hans. En
hann fær í staðinn hundanammi svo
honum finnist hann ekki vera út-
undan,“ segir Sandra og gaukar ein-
um slíkum mola að sælkeranum
Bjarti sem er frægur fyrir það að
titra af ánægju þegar hann fær pip-
arkökur á jólunum.
Komst á bragðið í Danmörku
Sandra kynntist konfektgerð
fyrst í Danmörku fyrir fimmtán ár-
um, þegar hún var búsett þar og
sendi ættingjum mola heim til Ís-
lands og síðan hefur konfektgerðin
verið árlegur siður á hennar jólum.
„Danir eru mikið fyrir að dúllast í
höndunum, hvort sem það er föndur,
blómaskreytingar eða matargerð. Í
mínum huga er konfektgerð mjög
svipuð öðru föndri, þetta er mikið
dúllerí sem veitir ánægju og ekki
verra þegar afraksturinn er auk
þess gómsætur.“
Sandra segir að það sé mjög ein-
falt að búa til konfekt, aðalatriðið sé
að hafa fyrsta flokks hráefni og þá sé
nánast útilokað að klúðra þessu.
„Svo er auðvitað misjafnt hvað fólk
nennir að vanda sig mikið og eyða
miklum tíma í dúlleríið, hver og einn
hefur það eins og honum hentar en
ég legg mikið upp úr því að vanda
mig og nostra við hlutina.“ Og það
má glögglega sjá á heimagerðu jóla-
skrauti Söndru að hún gefur sér
góðan tíma í handverkið, gersem-
arnar eru allt um kring og setja mik-
inn svip á eldhúsævintýrið. Hún seg-
ist vera að prófa sig áfram með vír
og perlur þessi misserin og gerði
einmitt óhefðbundinn aðventukrans
úr slíkum efniviði. Sandra föndrar
mikið til gjafa og byrjar snemma.
„Ég vil jólaskrautið snemma upp og
að það fái að standa lengi, því ég finn
að jólaskraut og jólaljós bæta skapið
hjá mannfólkinu. Mín vegna mætti
bærinn vera jólaskreyttur fram að
páskum,“ segir jólakonan Sandra að
lokum.
Döðlukonfekt
250 g döðlur
100 g marsipan
1–2 msk Grand Marnier
200 g brætt súkkulaði
Best er að nota döðlur sem pakk-
aðar eru í plastílát því þær eru ekki eins klesstar og þær sem eru í pok-
um.
Hver daðla er rist upp langsum og
fylling sett inn í. Fyllingin getur ver-
ið margskonar, t.d. marsípan sem
blandað hefur verið með góðum líkj-
ör (t.d Grand Marnier) eða núggat.
Söndru finnst mjög gott að setja
pistachiohnetu í miðjuna á núgg-
atfyllingu.
Þegar allar döðlurnar hafa verið
fylltar og þeim lokað vel á hliðinni,
er þeim dýft í brætt súkkulaði. Það
getur verið hvort heldur sem er,
dökkt eða hvítt súkkulaði.
Þegar búa á til fínt konfekt skiptir
máli hversu mikið kakóinnihaldið er
í súkkulaðinu sem notað er. Það á
helst að vera 50–70%. Þegar súkku-
laðið er brætt í vatnsbaði er nauð-
synlegt að passa vel að það berist
ekki einn dropi af vatni í súkkulaðið,
því þá er hætta á að það klessist.
Söndru finnst best að setja fyllta
döðluna á gaffal og dífa henni í
súkkulaðið. Súkkulaðidaðlan er síð-
an sett á plötu með bökunarpappír
og látin kólna þar. Ef skreyta á með
efni sem þarf að festast á döðluna
eins og t.d. með skrautkúlum eða
möndlu, þá er það sett á áður en
súkkulaðið storknar. Þegar súkku-
laðið er að fullu storknað þá er auka-
súkkulaðið sem hefur dreifst til hlið-
ar á pappírnum, snyrt af. Ef daðlan
er skreytt með efni sem er sprautað
á eins og t.d. bræddu núggati, þá er
því sprautað á eftir að súkkulaðið
hefur storknað.
Í staðinn fyrir líkjör er hægt að
nota allskyns bragðefni sem hægt er
að fá í góðum bökunardeildum versl-
ana.
Appelsínutruf flur
60 stk:
150 g gott dökkt súkkulaði
200 g smjör
2 eggjarauður
2 msk rjómi
2 msk appelsínulíkjör t.d. Grand
Marnier.
Súkkulaðið er brætt við vægan
hita og smörið skorið í bita og sett út
í súkkulaðið þar sem það bráðnar.
Taka pottinn af hellunni. Þeyta
eggjarauður og rjóma með líkjörn-
um og blanda því saman við súkku-
laðið. Hella í gott ílát og látið kólna
yfir nótt og gjarnan lengur. Best er
að nota teskeið við að ná hæfilega
stórum bita úr þessum konfekt-
massa og rúlla í litla kúlu. Skreyta
má kúlurnar með því að velta þeim
upp úr flórsykri, fínu sigtuðu kakói,
súkkulaðikurli eða hverju öðru
skrauti sem hentar.
Kornfleksnammi
Fínt krakkakonfekt en samt fyrir
alla:
Þessi uppskrift er tilvalin fyrir
börnin, svo þau geti tekið þátt í kon-
fektgerðinni, því þeim finnst gaman
að vera með og þetta er mjög einfalt.
20–30 stk:
200 g dökkt súkkulaði
5 dl kornfleks
2 msk ristuð sesamfræ
Súkkulaðið er brætt við vægan
hita og kornfleksið síðan hrært var-
lega saman við. Kornflekssúkku-
laðinu deilt í litla hluta með teskeið
og sett í konfektform. Sesamfræjum
dreift yfir og konfektið látið kólna.
Það má nota hvaða skraut sem er á
kornfleksnammið og t.d eru litaðar,
mjúkar skrautkúlur eða karamellu-
kúlur upplagðar til skrauts.
Konfektrúlla
200 g marsípan
100 g núggat
bráðið súkkulaði, hvítt eða
dökkt
Úr þessum hráefnum er grunn-
urinn búinn til.
Marsípani er rúllað út á milli
tveggja laga af bökunarpappír,
u.þ.b. 18 cm x 24 cm.
Núggat brætt og því síðan smurt
nokkuð þykkt yfir marsípanið.
Síðan er gerð rúlla og allskyns
fyllingar geta verið í henni, t.d. rús-
ínur sem legið hafa í rommi, muldar
hnetur, líkjörar o.fl.
Sandra gerði tvennskonar rúllur,
önnur var með fyllingu úr marsípani
vættu í Grand Marnier. Þá tók hún
lófastóra kúlu af marsípani og bland-
aði einni matskeið af líkjörnum sam-
an við og mótaði lengju. Lengjan er
síðan lögð við lengri endann á út-
flöttum grunninum. Því næst er
grunninum af marsípani og núggati
rúllað þétt saman yfir lengjuna.
Í hinni konfektrúllunni sem
Sandra bjó til, dreifði hún söxuðum
pistachiohnetum yfir grunninn og
rúllaði upp.
Þegar komin er þétt og góð rúlla
er bráðnu súkkulaði smurt utan á og
má hvort heldur hafa það hvítt eða
dökkt. Fyrst er því smurt undir og
látið storkna, síðan er rúllunni snúið
við og súkkulaðinu smurt vel utan á
hana alla.
Skreytingin getur verið á ótelj-
andi vegu, skrautkúlur, bráðið núgg-
at, litað marsípan, pecanhnetur o.fl.
Áríðandi að muna að ef það á að fest-
ast á rúllunni, þá að setja það á áður
en súkkulaðið storknar.
Kókostruf flur með
Malibu-líkjör
Mjög sætt og gott!
Um að gera að hafa kúlurnar það
litlar að þær séu hæfilegur
munnbiti.
40 stk:
1 dl rjómi
1 vanillustöng
100 g kókoskrem (þykkur kók-
osmassi t.d. frá Rajah)
¼ dl Malibu-líkjör eða hvítt
romm
200 g hvítt súkkulaði
100 g kókosmjöl
Rjóminn settur í pott, kornin úr
vanillustönginni sett út í rjómann og
látið sjóða. Slökkt á hellunni og kók-
oskremið sett í. Hrært þar til kók-
oskremið hefur leyst upp og þá eru
líkjörinn og súkkulaðið sett út í.
Hrært þar til súkkulaðið er bráðnað
og þá er massanum hellt í ílát og lát-
inn kólna. Hæfilega stór biti er tek-
inn með teskeið úr konfektmass-
anum, rúllað í kúlu sem síðan er velt
upp úr kókosmjöli.
Allt konfekt þarf að geyma í kulda
og helst í ísskáp.
Trufflur þarf að geyma í ísskáp og
helst mega þær ekki standa lengi á
borði því þær verða fljótt mjúkar.
Heimagert
konfekt
Meir i ánægja fe ls t í konfektgerð inn i
s já l f r i en að gæða sér á molunum. Svo
seg ja mæðgur í Laugarásnum sem Kr ist ín
Heiða Kr ist insdótt i r he imsót t i þegar e ld -
hús ið va r und i r lag t a f sæt indum og sæl -
kerum.
Fremst á myndinni eru kókostrufflur með Malibu–líkjör en þær dökku aftan
við eru Appelsínutrufflur með Grand Marnier.
Morgunblaðið/Kristinn
Konfektrúlla með pistachiohnetufyll-
ingu og skreytt með pecanhnetum.
Morgunblaðið/Kristinn
Súkkulaðihúðaðar döðlur: Þær sem eru skreyttar með lituðu marsipani eru
fylltar með marsipani sem í hefur verið blandað Grand Marnier. Þær sem eru
skreyttar með bræddu núggati eru fylltar með pistachiohnetum og núggati.
Hundurinn Bjartur teygir sig upp á borð og horfir löngunaraugum á nammið.
Gaman að vera saman við konfektgerð. Frá vinstri: Sandra, Bjarni bróðir með
óskírða dóttur í fanginu, Vala Ósk með heimilishundinn Bjart, Melkorka Völu-
vinkona, Hrafnhildur mágkona, Aron frændi og Kristinn Melkorkubróðir.
khk@mbl.is