Morgunblaðið - 29.11.2003, Blaðsíða 49
MORGUNBLAÐIÐ LAUGARDAGUR 29. NÓVEMBER 2003 D 49
undirfataverslun
Síðumúla 3-5 - Sími 553 7355
Opið virka daga frá kl. 11-18,
laugardaga frá kl. 11-15.
Jólagjafir
Náttföt - sloppar -
undirföt
ÞAÐ vita aðeins innvígðir; þeir sem
hafa kynnst hagyrðingi vel á lífsleið-
inni. Að margir hagyrðingar rækja
þann sið að yrkja í jólakortin. Í öllu
amstri jólanna finna þeir alltaf tíma
til að setjast niður og færa jólabarn-
ið í bundið mál. Sumir láta jafnvel
enga tvo viðtakendur fá sömu vís-
una. Orð Kjartans Jóhannessonar
lýsa þessu mæta vel:
Lystagyðjan dramblát, djörf
í dyrnar setur stólinn.
Ó, hún er áþján þessi þörf
að þurfa að yrkja um jólin.
Baldur Hafstað finnur þessa þörf
hjá sér og fylgja yfirleitt löng skrif
um þjóðfélagsástandið, skuldir,
launamál o.fl. Færslur eins og þessi
fyrir nokkrum árum: „Konan er að
baka og kökubók DV er met-
sölubókin“:
Þjóðin vökul velur rit
vill ei rökin flókin
æsku, slökun, vísdóm, vit
veitir kökubókin.
Baldur bætir við þegar síðasti
portvínsdropinn er farinn í marsip-
ankonfektið:
Burt með sorta, enn skal ort
þó anda og portvín skorti
Þökkum fortíð, fram skal horft
Forðumst gort í korti.
Eina jólavísa Þórarins Eldjárns
fyrr og síðar er:
Afskaplega er ég glaður
enda kominn þrettándinn.
Ég er enginn jólamaður
ég er ekkert héraskinn.
Jón Ingvar Jónsson orti jólavísu
frá vinnustaðnum fyrir nokkrum ár-
um:
Eftir jól og áramót
eflaust mæta hér með skömm
spikuð og í lögun ljót
langtum fleiri kílógrömm.
Þegar Einar Kolbeinsson var beð-
inn um jólavísur svaraði hann:
Að kofa tómum kemur þá,
þó kveðið hafi víða,
jólavísur engar á,
eða kann að smíða.
Síðustu fjórtán jól hefur Pétur
Pétursson, læknir á Akureyri, sett
kveðskap á flest sín jólakort. Oft eru
það tvær til þrjár vísur eða jafnvel
nokkur sett og valið eftir því hversu
móttækilegt fólk er fyrir mismun-
andi efnistökum á fagnaðarboð-
skapnum.
Hér eru tvær útgáfur. Sú fyrri:
Jólahátíð hressi og kæti
heilsu mátulega.
Veizluátið auki kæti,
eyði gráti og trega.
Ykkur gæfu árið næsta
auki hæfilega,
svo að kræf þið götu glæsta
gangið ævinlega.
Og sú síðari:
Allra heilla óskum við,
auðnan vegferð gylli.
Seðji bæði sál og kvið
sögur, ljóð og góðmetið,
en jólagleðin jafnan húsin fylli.
Viðeigandi er að enda pistilinn á
jólastemningu sem Ólína Þorvarð-
ardóttir gerði fyrir fáum árum:
Minningin er mild og tær
merla stjörnuljósin
í barnsins huga blíð og skær
blikar jólarósin.
Jólabarnið í
bundnu máli
Morgunblaðið/Kristinn