Morgunblaðið - 01.12.2003, Blaðsíða 4
FRÉTTIR
4 MÁNUDAGUR 1. DESEMBER 2003 MORGUNBLAÐIÐ
MARGIR eru líklega byrjaðir að
telja niður dagana til jóla nú í upp-
hafi desembermánaðar. Opna þá
börn og fullorðnir dagatöl hvern
morgun, kveikja á kertum eða fylgj-
ast með baksíðu Morgunblaðsins. Í
dag birtist fyrsta myndin af þeim 24
sem sýna hversu margir dagar eru
til jóla. Eru þær teiknaðar af Steph-
en Fairbairn hjá Himni og hafi –
Auglýsingastofu, en jólasveinarnir
eru þeir sömu og skreyta jólamjólk-
urfernur frá Mjólkursamsölunni.
Samstarf við MS
Hafa MS og Morgunblaðið hafið
samstarf um að nota sömu mynd-
irnar að sögn Valdimars Svavars-
sonar framkvæmdastjóra auglýs-
ingastofunnar. „Þetta eru svo
skemmtilegar teikningar og lif-
andi,“ segir hann og að heilmikil
vinna hafi fyrst farið í að safna
heimildum um sveinana til að ná
fram sérkennum hvers og eins.
Valdimar segir jólamjólkina hafa
vakið mikla kátínu hjá fólki, ekki
síst börnunum.
Myndlistarmaðurinn Stephen
Fairbairn hefur starfað sem graf-
ískur hönnuður á Íslandi síðan 1970.
Hann hefur tekið þátt í mörgum
sýningum í tengslum við nytjalist
og umbúðahönnun og hlotið fjölda
verðlauna og viðurkenninga á því
sviði. Frá árinu 1974 hefur hann
unnið að hönnun íslenskra mjólk-
urumbúða, fyrst með Gerði Ragn-
arsdóttur og síðar með Tryggva
Tryggvasyni. Einnig hefur hann
starfað sem myndlistarmaður og
haldið einkasýningar og tekið þátt í
fjölda samsýninga á vegum Félags
íslenskra myndlistarmanna.
Dagarnir til jóla
taldir niður
PÁLL Skúlason, rektor Háskóla
Íslands, lagði hornstein í gólf í
anddyri hins nýja náttúrufræði-
húss háskólans síðast liðinn laug-
ardag. Hann segir húsið gjör-
breyta starfsaðstæðum stúdenta
og kennara sem þar munu starfa.
Í húsinu verði líffræðiskor og
jarð- og landfræðiskor raunvís-
indadeildar sem og jarðvísinda-
hluti Raunvísindastofnunar auk
Norrænu eldfjallastöðvarinnar.
Starfsfólk og nemendur eru nú
dreifðir á sjö mismunandi staði á
háskólasvæðinu og víðsvegar um
Reykjavík.
Nú þegar er starfsfólk byrjað að
koma sér fyrir í húsinu og eftir
áramót verður hafin kennsla. Páll
segir að húsið verði formlega vígt
í lok febrúar á næsta ári. Um
helgina tilkynnti hann opinbera
samkeppni um nafn á húsinu. Seg-
ir hann alla geta tekið þátt í henni
og hægt sé að nálgast upplýsingar
á vef Háskólans. Húsinu verði svo
gefið nafn við vígsluna og almenn-
ingi gefið tækifæri til að skoða
bygginguna.
Morgunblaðið/Árni Sæberg
Páll Skúlason, rektor Háskóla Íslands, leggur hornstein í gólf í anddyri
nýja náttúrufræðihússins. Í febrúar verður húsið vígt og því gefið nafn.
Gjörbreytir
starfs-
aðstöðu
stúdenta
LJÓSIN á jólatrénu sem stendur við Reykjavíkurhöfn
voru tendruð á laugardaginn, en tréð er gjöf frá
Hamborg í Þýskalandi. Öll ljós í nágrenninu voru
slökkt áður en ljósin voru tendruð og því mikil
stemmning sem skapaðist þegar jólaljósin lýstu um-
hverfið upp.
Morgunblaðið/Árni Sæberg
Ljósin tendruð á Hamborgartrénu
UNNIÐ er að stofnun hlutafélags um
kjötvinnslu á Hvammstanga með
þátttöku sveitarfélagsins Húnaþings
vestra. Félagið mun heita Norðan
heiða og hlutafé upp á 1 milljón króna
skiptist þannig að 45% verða í eigu
Kaupfélags V-Húnvetninga, Hjalti
Júlíusson og Tryggvi Rúnar Hauks-
son verða sameiginlega með 40% og
Húnaþing vestra með 15%.
Norðan heiða mun vinna úr afurð-
um frá sláturhúsi kaupfélagsins, m.a.
með viðskiptasambönd sem voru hjá
sláturhúsinu Ferskum afurðum.
Stefnt er að aukningu hlutafjár í sjö
milljónir á næstu misserum og hefur
Húnaþing vestra lofað aukningu í
hlutfalli við núverandi eign.
Miklir hagsmunir eru í húfi fyrir at-
vinnulífið á Hvammstanga að halda
stöðu sinni í matvælaiðnaði, en staða
Ferskra afurða ehf. er í mikilli óvissu.
Rekstur félagsins hefur lagst af og
framtíð þess er nú undir úrskurði
Hæstaréttar komin. Þá lagðist starf-
semi Mjólkurstöðvarinnar niður með
flutningi til Búðardals seint á síðasta
ári. Vonir standa til að rekstur komist
í það húsnæði í framtíðinni.
Nýtt hluta-
félag
um kjöt-
vinnslu
Hvammstanga. Morgunblaðið.
JÓN Kristjánsson heilbrigðis-
ráðherra hefur falið lögfræð-
ingum í ráðuneytinu að kanna
breytingar á lögum um gagna-
grunn á heilbrigðissviði, í kjöl-
far dóms Hæstaréttar Íslands
fyrir helgi um mál stúlku sem
vildi ekki að sjúkraskrár um
látinn föður sinn færu í gagna-
grunninn. Hafði stúlkað sigur í
málinu.
Sum ákvæði um persónu-
vernd ekki talin nógu skýr
Jón segir að breytingarnar
snúi einkum að reglugerðum og
starfsreglum sem gera þurfi að
lögum, líkt og Hæstiréttur
bendi á. Einnig séu sum ákvæði
laga um persónuvernd ekki tal-
in nógu skýr. Við þessu þurfi að
bregðast.
Hvað önnur atriði málsins
varðar segist Jón þurfa að fara
betur ofan í þau, t.d. hvort
breyta þurfi lögunum þannig að
börn geti komið í veg fyrir að
upplýsingar um látna foreldra
fari í gagnagrunninn.
Skoða breyt-
ingar á
lögum um
gagnagrunn
SVEITARSTJÓRI sveitarfélagsins
Skagafjarðar, Ársæll Guðmundsson,
undrast vinnubrögð Kaupþings –
Búnaðarbanka við sölu á sútunar-
verksmiðjunni Loðskinni á Sauðár-
króki til Staka ehf. á Akureyri, meiri-
hlutaeiganda Skinnaiðnaðar.
Samkvæmt upplýsingum Morgun-
blaðsins komu kaupin heimamönnum
verulega á óvart og munu starfsmenn
Loðskinns fyrst hafa lesið um þau í
fjölmiðlum um helgina.
„Endar með þessum ósköpum“
Ársæll segir að sveitarstjórn
Skagafjarðar hafi fyrst heyrt af við-
skiptunum á föstudag, degi eftir að
samkomulag var undirritað milli
bankans og eigenda Staka. Menn hafi
ekki vitað annað en að viðræður hafi
verið í gangi milli starfsmanna Loð-
skinns og Kaupþings – Búnaðar-
banka.
Sveitarfélagið var í viðræðum við
bankann á sínum tíma og segir Ársæll
að drög að samkomulagi hafi legið
fyrir á síðasta ári, þess efnis að ganga
frá málum fyrir 1. júní á þessu ári.
Síðan virðist sem gögn hafi glatast
hjá lögfræðisviði Búnaðarbankans,
þegar megnið af starfsfólkinu hafi
flust til Landsbankans, og bankinn
hafi beðið um lengri tíma til að safna
upplýsingum saman að nýju. Nú séu
allt önnur vinnubrögð uppi og tillög-
ur, sem „endar með þessum ósköp-
um,“ eins og sveitarstjórinn orðar
það.
„Fréttirnar núna komu okkur
verulega á óvart, einkum að bankinn
hafi ekki haft samband við okkur aft-
ur ef ekkert hefur gengið í viðræðun-
um við starfsmenn,“ segir Ársæll og
vonast eftir því að eitthvað heyrist frá
nýjum eigendum Loðskinns. Í húfi
séu 40 störf hjá fyrirtækinu sem
margir óttist að hverfi úr sveitarfé-
laginu.
Gunnsteinn Björnsson, sem hefur
verið framkvæmdastjóri Loðskinns
undanfarið, og var ásamt fleiri starfs-
mönnum í viðræðum við Kaupþing –
Búnaðarbanka um kaup á fyrirtæk-
inu, vildi ekki tjá sig um stöðu mála
fyrr en hann hefði fengið svör frá
bankanum við fyrirspurnum sínum.
Lásu um kaupin
á Loðskinni
í fjölmiðlum