Morgunblaðið - 01.12.2003, Blaðsíða 6

FRÉTTIR
6 MÁNUDAGUR 1. DESEMBER 2003 MORGUNBLAÐIÐ
Ferðir blóðbankabílsins:
Þriðjudagur 2. desember Toyotaumboðið Nýbýlavegi, Kóp. klukkan 9.00-14.30
Miðvikudagur 3. desember Ráðhúsið Akranesi, klukkan 9.30-17.00
www.blodbankinn.is
Í
dag verður vígð ný álma á
Hjúkrunarheimilinu Eir
með plássi fyrir 40 heim-
ilismenn. Álman er hönnuð
til að falla vel að þörfum íbú-
anna með einstaklingsíbúðum á
litlum deildum, uppsettum þannig að
í hverri tíu manna einingu verði and-
inn eins heimilislegur og hægt er.
Eir er sjálfseignarstofnun sem að
standa 11 stofnanir, félagasamtök og
sveitarfélög. Á Eir er reynt að koma
sem flestum úrræðum fyrir aldraða
fyrir á sem hagkvæmastan hátt,
enda þarfir manna margbreytilegar
og sömu lausnir ganga ekki fyrir alla,
segir sr. Sigurður H. Guðmundsson,
forstjóri á Eir.
Nýja álman var 18 mánuði í bygg-
ingu, og mikið kapp lagt á að klára
húsið svo hægt væri að vígja það 1.
desember, en allar byggingar á Eir
hafa verið vígðar þann dag. „Það
kom til þannig að 1. desember er stór
dagur í huga okkar sem erum orðin
fullorðin. Þetta var sjálfstæðisdagur
þá og vel viðeigandi að nota hann,
ekki þar fyrir utan að við hefðum
geta notað hvaða dag sem er,“ segir
sr. Sigurður
Nýja byggingin verður svo vígð í
dag, og mun sr. Sigurður blessa hús-
ið. Að því loknu munu Davíð Oddsson
forsætisráðherra, Jón Kristjánsson
heilbrigðisráðherra og Vilhjálmur Þ.
Vilhjálmsson, formaður stjórnar
hjúkrunarheimilisins, flytja ávörp.
Boðið verður upp á heitt súkkulaði
og pönnukökur, kórsöng og gítarspil.
Fyrstu íbúarnir flytja svo inn 2.
janúar, og reiknað er með að plássin
40 verði fyllt hægt og rólega út jan-
úar.
Verða um 210 manns á Eir
Sr. Sigurður segir marga hafa lagt
hönd á plóginn, og segir hönnuði og
verktaka hafa unnið gott starf, auk
þess sem þeir sem stutt hafa fram-
kvæmdina með fjárframlögum eigi
bestu þakkir skildar. Bygging-
arkostnaður var áætlaður 600 millj-
ónir áður en hafist var handa, og hef-
ur sú áætlun staðist.
Samtals eru um 170 heimilismenn
á Eir, og bætast nú við 40 á nýju
deildinni. Um 120 eru nú í hefð-
bundnum hjúkrunarrýmum, tæplega
40 í sérstökum öryggisíbúðum í Eir-
húsum, þar sem er líka sambýli fyrir
10 alzheimerssjúklinga. Á Eir er líka
20 manna dagdeild þar sem fólk
kemur á daginn, allt að 5 daga vik-
unnar, gjarnan fólk sem er að bíða
eftir plássi á Eir. Starfsmenn eru á
þriðja hundrað í mismiklu starfi, en
um 140 stöðugildi eru á Eir.
Hjúkrunarheimilið Eir þjónar
einkum Reykjavík, Seltjarnarnesi og
Mosfellsbæ, en eitthvað er um að
heimilisfólk komi frá öðrum ná-
grannasveitarfélögum Reykjavíkur,
og jafnvel utan af landi ef þess er
sérstaklega óskað.
Birna Svavarsdóttir, forstjóri
hjúkrunarsviðs, segir að hún sjái Eir
fyrir sér sem öldrunarþjónustuhverfi
fyrir eystri hluta borgarinnar, og því
sé mikilvægt að bjóða upp á fjöl-
breytta þjónustu sem henti hverjum
og einum.
Breytir miklu fyrir heimilisfólk
Nýja álman breytir miklu fyrir
heimilið og þá sem þar búa, segir
Sigurður. „Við höfum miklu fleiri úr-
ræði núna eftir að viðbyggingin opn-
ar. Tilkoma þessa nýja heimilis með
40 einbýlum breytir mjög miklu fyrir
það heimilisfólk sem hér er. Við get-
um þá fyrr flutt það í einbýli. Að-
albreytingin er sú að þetta er allt
saman einbýli, eldhúskrókur er í öll-
um herbergjum, ísskápur og ef við á
er hægt að setja vask og eldavél-
arhellu. Það er búið að leggja fyrir
því og ef það þarf að nota það er ein-
faldlega skipt um alla plötuna. Það
eru ekki allir sem hafa eitthvað við
eldavélarhellu að gera svo við setjum
það bara inn eins og passar,“ segir
Sigurður.
Sigurður segir flesta sækjast eftir
því að komast í einbýli, hann segir
það þó ekki henta öllum að vera í ein-
býli, og nefnir að alzheimersjúkling-
um líði oft betur í félagsskap við aðra
sökum öryggisleysis.
Hægt verður að breyta allt að átta
af þessum herbergjum í tveggja
manna íbúðir fyrir hjón með því að
opna hurð á milli herbergjanna, og
kemur þetta fyrirkomulag til móts
við hjón sem vilja búa saman áfram
þó þau þurfi aukna ummönun. Ef
herbergin eru svo ekki í notkun fyrir
hjón er hægt að læsa millidyrunum
og nota herbergin fyrir einstaklinga.
Sjálfstæði og reisn mikilvæg
„Þegar fólk lendir í þeirri aðstöðu
að verða það lasburða að það getur
ekki lengur búið á sínu eigin heimili
þá er mjög dýrmætt að komast inn á
hjúkrunarheimili þar sem er hjúkrun
og læknisþjónusta allan sólarhring-
inn og allur aðbúnaður er með þeim
hætti að einstaklingurinn geti haldið
sjálfstæði sínu og reisn þar til yfir
lýkur,“ segir Birna.
Eldhúsaðstaðan í nýju herbergj-
unum gerir heimilismönnum kleift að
bjóða gestum upp á t.d. kaffi og með-
læti. „Þetta eru ákveðin skilaboð um
að fólk haldi sjálfstæði sínu, þrátt
fyrir að vera komið inn á hjúkr-
unarheimili og búa á deild með 20
manns,“ segir Birna.
Litlar deildir heimilislegri
Í nýju álmunni á Eir er farin sú
leið að vera með minni deildir til að
gera aðstæðurnar heimilislegri fyrir
þá sem þar búa. Þetta eru tvær 20
manna deildir, en hver deild er tví-
skipt svo þetta eru raunverulega
fjórar 10 manna einingar.
Stórum matsölum fylgi skarkali,
og það þykir ekki heimilislegt, segir
Birna. „Þess vegna kusum við það að
skipta deildunum í tvo hluta, þrátt
fyrir að það kostaði örlítið meira. Í
miðhlutanum er þjónustukjarninn,
og sitthvorum megin við hann koma
svo tíu einstaklingsherbergi, og mat-
salur og setsalir. Þannig verður
þetta miklu heimilislegra. Það er
alltaf verið að reyna að ná fram
heimilislegum anda. Þetta er hjúkr-
unarheimili, og hér býr fólk oft í
mörg ár og sífellt verið að vinna að
því alla daga að gera umhverfið eins
manneskjulegt og hægt er, þannig að
okkar heimilisfólk hafi það á tilfinn-
ingunni að það sé heima, ekki á
stofnun.“
Sigurður segir að þótt þetta form
henti íbúunum betur sé þessi lausn
dýrari í rekstri en stærri deildir.
„Við teljum að við getum gert þetta
eins og við erum búin að skipuleggja
þetta. Til þess að þetta gangi upp
þurfum við að geta samnýtt starfs-
fólk á fleiri en einni einingu, til dæm-
is á næturvöktum. Það er svolítið
mikið púsluspil en nauðsynlegt að
gera það.“
Það er hægt að meta gæði hjúkr-
unarheimilis út frá mörgum þáttum,
en Birna segist sjálf helst vilja meta
Eir út frá upplifun heimilismanna
sjálfra og ættingja þeirra. „Þannig
að okkar heimilismönnum finnist
gott að vera hér og þeim finnist að
þeir séu í umhverfi sem tryggir þeim
góða þjónustu og öryggi.“
Ný álma á Hjúkrunarheimilinu Eir verður vígð í dag og munu fyrstu íbúarnir flytja inn um áramót
40 einstaklingspláss
bætast við á heimilinu
Öll nýju plássin eru í einbýli enda þörfin fyrir það að aukast.Nýja álman á hjúkrunarheimilinu rúmar 40 manns í einstaklingsherbergjum og verður því pláss fyrir um 210 íbúa.
Morgunblaðið/Árni Sæberg
Sr. Sigurður H. Guðmundsson forstjóri og Birna Svavarsdóttir hjúkrunarforstjóri í einum af nýju matsölunum.
Á Eir er það gert að
markmiði að þeir sem
þar búa haldi reisn
sinni og þeim líði vel á
heimilislegum deild-
um. Brjánn Jónasson
kynnti sér hverju litl-
ar deildir og ein-
staklingsherbergi í
nýju álmunni breyta
fyrir heimilismenn.