Morgunblaðið - 01.12.2003, Blaðsíða 2

ÍÞRÓTTIR
2 B MÁNUDAGUR 1. DESEMBER 2003 MORGUNBLAÐIÐ

ÍVAR Ingimarsson var í liði
Reading sem lagði Watford, 2:1, í
ensku 1. deildinni í knattspyrnu á
laugardag. Heiðar Helguson var
ekki í liði Watford en hann er á
batavegi eftir erfið meiðsli á hné.
Rúmlega 14.500 áhorfendur sáu
leikinn en Reading er sem stendur í
sjötta sæti deildarinnar með 34 stig.

WBA lið Lárusar Orra Sigurðs-
sonar er í efsta sæti með 40 stig.
Lárus Orri var ekki með er liðið
vann Nottingham Forest, 3:0, á úti-
velli en Lárus Orri er að ná sér eftir
hnémeiðsli. Brynjar Björn Gunn-
arsson var í byrjunarliði Forest en
var skipt útaf á 64. mínútu í stöð-
unni 2:0. Forest er í 13. sæti með 26
stig.

ÞÓRÐUR Guðjónsson kom ekki
við sögu er lið hans Bochum gerði
markalaust jafntefli gegn Stutt-
gart, efsta liði þýsku úrvalsdeild-
arinnar, í knattspyrnu á laugardag.
Þórður var í leikmannahóp liðsins
en kom ekki inná. Bjarni Guðjóns-
son var ekki í liðinu en hann er
meiddur.

HELGI Kolviðsson lék ekki með
Kärnten sem tapaði á heimavelli
fyrir Salzburg, 3:0, í austurrísku 1.
deildinni í knattspyrnu í gær. Helgi
og félagar eru í botnsæti deildar-
innar.

CLAUDIO Pizarro skoraði bæði
mörk Bayern München sem gerði
jafntefli gegn Köln í München.

STUTTGART er sem fyrr í efsta
sæti með 34 stig að loknum 14 um-
ferðum. Werder Bremen er
í öðru sæti með 32 stig en liðið gerði
1:1 jafntefli gegn Hamburg á úti-
velli. Bayern Leverkusen er í þriðja
sæti með 31 stig en liðið gerði 2:2
jafntefli gegn 1860 München á
heimavelli.

HERTHA Berlin er í næst neðsta
sæti eftir 3:1 ósigur fyrir Schalke á
heimavelli sínum í Berlín í gær.
Denis Lapaczinski kom heima-
mönnum yfir en Niels Oude
Kamphuis, Tomasz Waldoch og
Gerald Asamoah sáu um að tryggja
Schalke sætan sigur.

BAYERN München varð að láta
sér lynda 2:2 jafntefli gegn Köln á
heimavelli sínum. Claudio Pizarro
skoraði bæði mörk Bæjara.

DORTMUND sem hampaði þýska
meistaratitlinum á síðustu leiktíð er
algjörlega heillum horfið þessa dag-
ana. Dortmund lá fyrir Hansa Ro-
stock í gær, 2:1, og er í fimmta sæti,
11 stigum á eftir toppliði Stuttgart.
Martin Max skoraði bæði mörk
Hansa Rostock en Brasilíumaður-
inn Ewerthon mark Dortmund.

LEVERKUSEN komst í hann
krappan gegn 1860 München. Lev-
erkusen lenti 2:0 undir á heimavelli
sínum en Robson Ponte og Lucio
tókst að jafna metin fyrir Lever-
kusen sem er í þriðja sæti deild-
arinnar.

ANDRIY Shevchenko skoraði
bæði mörk AC Milan sem sigraði
Modena, 2:0, í ítölsku A-deildinni í
knattpyrnu í gær. AC Milan og
Roma eru í toppsætunum en bæði
hafa þau 27 stig, einu meira en
meistarar Juventus.

ROMA átti ekki í vandræðum
með Lecce og sigraði, 3:1. Ales-
andro Mancini, Norðmaðurinn
John Carew og Fransesco Totti
skoruðu mörk Rómverja.

INTER náði heldur betur að hífa
upp um sig buxurnar en eftir 5:1
skellinn á móti Arsenal í Meistara-
deildinni í síðustu viku lagði Inter
meistara Juventus á útivelli, 3:1.
Julio Ricardo Cruz, sem kom inn í
lið Inter í stað Christians Vieri sem
er meiddur, skoraði tvö marka Int-
er og Obafemi Martins eitt. Paolo
Montero skoraði mark Juventus og
minnkaði muninn í 3:1.
FÓLK
Egill Jónasson leikmaður úrvals-deildarliðs Njarðvíkur í körfu-
knattleik hefur vakið athygli það
sem af er vetri. Egill er sonur Jón-
asar Jóhannesonar sem gerði garð-
inn frægann sem miðherji Njarðvík-
ur á árum áður en hann hætti að
leika í úrvalsdeild árið 1985. Egill
hefur verið iðinn við að verja skot
andstæðinga sinna í vetur enda er
hinn 19 ára gamli nemi 2,14 m. á
hæð, og er með hávaxnari mönnum
landsins.
Egill sat í áhorfendastúku íþrótta-
hússins í Njarðvík er Morgunblaðið
hitti að hann að máli á dögunum.
Framundan var skotæfing hjá lið-
inu, lokaundirbúningur fyrir leik
liðsins á útivelli gegn Haukum. „Það
verður ekkert hlaupið í dag, en það
hefur verið mikið álag undanfarnar
vikur,“ segir Egill en hann stóð sig
vel er Njarðvík lagði Keflavík í úr-
slitaleik Hópbílabikarkeppninnar á
dögunum. „Við höfum sett okkur
markmið fyrir veturinn og fyrsti tit-
illinn er nú þegar í höfn og þá eru að-
eins þrír titlar eftir. Ekki satt?“ spyr
Egill og er greinilega sannfærður
um að Njarðvík geti unnið fleiri titla
á keppnistímabilinu.
Hent til og frá
Inn í íþróttasalinn ganga lands-
liðsmennirnir Friðrik Stefánsson og
Páll Kristinsson, báðir um 2 metrar
á hæð. Friðrik er líkamlega sterkur
og Páll hefur vaxið á því sviði und-
anfarin ár, og segir Egill að stund-
um sé erfitt að eiga við þá félaga á
æfingum liðsins. „Þeir henda mér til
og frá enda er ég enn mun léttari en
þeir og ekki eins sterkur og þeir eru
í dag. En það er frábært að hafa þá á
æfingum og ég get ekki annað en
eflst við að glíma við þá nánast á
hverjum degi,“ segir Egill en hann
hefur verið viðloðandi Njarðvíkur-
liðið undanfarin tvö ár án þess að
láta mikið að sér kveða.
Þegar Egill var 15 ára gamall var
hann hættur að æfa körfuknattleik,
var leiður á íþróttinni en á þeim tíma
var hann um 2 metrar á hæð en mjög
grannur. „Ég var hundleiður á körf-
unni eftir að hafa æft í um tíu ár á
þeim tíma, en Friðrik Ragnarsson
þjálfari minn dró mig á flot á ný eftir
tveggja ára hlé. Þá var ég 2,08 m. á
hæð. Undanfarin tvö ár hef ég því
verið að ná mér á strik á ný líkam-
lega, en ég þurfti að byrja alveg frá
grunni. Það var gott að byrja á ný
enda var ég að mestu bara heima að
gera ekki neitt, og ég fann að það
var rétt ákvörðun að byrja aftur.“
Egill hefur undanfarið ár fengið
styrk frá afrekssjóði Íþrótta- og Ól-
ympíusambandi Íslands. Styrkinn
hefur hann notað til þess að kaupa
fæðubótarefni auk þess sem hann
hefur verið í stífum styrktaræfing-
um og lyftingum. Fríða Rún Þórð-
ardóttir næringarfræðingur hefur
séð til þess að Egill skipuleggur
fæðuval sitt betur en áður.
„Er að reyna að fitna“
„Ég er einn af þeim fáu sem eru
að reyna að fitna. Það gengur ágæt-
lega að þyngjast, en ég verð seint
talinn vera feitur,“ segir Egill en
hann hefur þyngst um rúm 12 kg.
frá því að hann fór að lyfta lóðunum.
„Ég er sá fyrsti úr hópíþrótt sem
fær slíkan styrk og það hefur verið
ánægjulegt en ég er ekki nema 86
kg. í dag og á langt í land enn sem
komið er. Frikki og Palli munu því
geta hent mér til í teignum í vetur en
ég get vonandi staðið þá af mér í
framtíðinni.“
Egill þarf hinsvegar að vera þol-
inmóður því álagið er mikið sem
stendur og ef eitthvað er léttist hann
á meðan keppnistímabilið stendur
yfir. „Ég er að leika með unglinga-
og meistaraflokki, það er æft nánast
á hverjum degi og ég brenni því
miklu á þessum tíma ársins. Þrisvar
í viku fer í lyftingasalinn og það er í
raun aðeins til að halda mér við.
Sumarið er tíminn
Sumarið er tíminn til þess að
þyngjast og undanfarin tvö ár hef ég
náð að þyngjast á sumrin og haldið
því við yfir veturinn.“ Egill bætir því
við að móðir hans sé dugleg að ýta
matnum að honum. „Mamma sér til
þess að maður borðar vel og hún set-
ur aukaskammt á diskinn og hvetur
mig til þess að borða vel. Hinsvegar
er ég þannig gerður að ég brenni
miklu.“
Egill er fjölhæfur leikmaður þrátt
fyrir að hann láti mest að sér kveða
undir körfunni. „Ég myndi segja að
ég sé miðherji sem getur farið hratt
upp völlinn og skotið fyrir utan
þriggja stiga línuna ef því er að
skipta. Það er líka gaman að verja
skot frá andstæðingum okkar,“ seg-
ir Egill en hann hefur m.a. varið 9
skot í úvalsdeildarleik en mun fleiri í
leikjum með unglingaflokki.
Gaman að verja skot
„Eftir að hafa varið skot líður mér
eins og ég hafi troðið knettinum í
körfuna. Í unglingaflokki gengur
þetta mun betur og ætli ég sé ekki
að verja þetta 10-15 skot í leik.“ Há-
Hinn 19 ára gamli Njarðvíkingur Egill Jónasson hefur vakið
Morgunblaðið/Sverrir
Egill fer létt með að troða knettinum í körfuna og er hér með
hendurnar hátt yfir körfuhringnum sem er í 3,05 metra hæð.
„Ég er
að reyna
að fitna“
Hávaxnir körfuknattleiksmenn á Íslandi eru vandfundnir. Hinn
19 ára gamli Njarðvíkingur Egill Jónasson hefur vakið athygli
í vetur þar sem hann hefur verið iðinn við að verja skot frá
andstæðingunum. Sigurður Elvar Þórólfsson ræddi við hinn
214 sentimetra háa leikmann á heimavelli hans en Egill er í
mjög sérstakri aðstöðu þar sem hann fær styrk frá afrekssjóði
ÍSÍ til þess að hann geti þyngst með skipulögðum hætti.
Íþróttir Morgunblaðsins Kringlunni 1, 103 Reykjavík, sími 5691100, netfang sport@mbl.is
Útgefandi Árvakur hf. Umsjón Sigmundur Ó Steinarsson, fréttastjóri, sos@mbl.is
Auglýsingar sími 5691111 netfang augl@mbl.is Bréfsími 5691110 Prentun Prentsmiðja Árvakurs.