Morgunblaðið - 01.12.2003, Blaðsíða 9
ÍÞRÓTTIR
MORGUNBLAÐIÐ MÁNUDAGUR 1. DESEMBER 2003 B 9
GRÉTAR Rafn Steinsson leikmaður knattspyrnuliðs ÍA hefur ekki samið
við félagið á ný en samningur hans við liðið rennur út um áramótin. Grétar
lék ekkert með ÍA á lokakafla Íslandsmótsins þar sem að hann sleit kross-
band í hné í leik gegn Þrótti hinn 24. júlí. Grétar sagði við Morgunblaðið í
gær að hann væri að velta ýmsum kostum fyrir sér. „Ég hef rætt við ÍA en
ekki samið formlega við félagið. Það verður líklega ekki fyrr en í febrúar
sem ég ákveð hvað ég ætla mér að gera,“ sagði Grétar Rafn en hann mun
halda til Hollands á næstunni og dvelja rétt utan við Amsterdam í 1–2 vikur
hjá sjúkraþjálfara sem sérhæfir sig í meðhöndlun íþróttamanna sem hafa
slitið krossband. Ég hef verið að æfa mikið undanfarnar vikur og ætla mér
að ná fullum styrk í hnénu áður en ég ákveð hvar ég leik á næsta ári.
Hollensku liðin Waalwijk og NAC Breda hafa áhuga sýnt mér áhuga og
ég væri líklega búinn að semja við Waalwijk ef ég hefði ekki slitið kross-
bandið. Umboðsmaður minn í Hollandi sagði mér frá einu liði til viðbótar
en ég skildi hann illa og hreinlega man ekki hvaða lið það er,“ sagði Grétar
Rafn. Hann fer til Hollands öðru sinni í janúar í endurhæfingu og telur að
útlitið sé ágætt hjá sér hvað meiðslin varðar. „Þetta er allt á réttri leið og
ég nota hvert tækifæri til þess að æfa mig,“ sagði Grétar Rafn en hann var
við æfingar í gær er stórleikur Manchester United og Chelsea fór fram.
Waalwijk og Breda hafa
áhuga á Grétari Rafni
Morgunblaðið/Árni Sæberg
Svo kann að fara að Siglfirðingurinn Grétar Rafn Steinsson
leiki ekki með bikarmeistaraliði Skagamanna á næsta sumri.
HERMANN Maier tvöfaldur Ól-
ympíumeistari frá Austurríki sigr-
aði í dag í risasvigi á heimsbik-
armóti sem fram fór í Lake Louise í
Kanada. Maier hefur átt erfitt upp-
dráttar í skíðabrekkunni frá því að
hann slasaðist alvarlega í umferð-
arslysi fyrir rúmu ári.
Maier kom í mark á 1.36,69 mín
og var 26/100 á undan landa sínum
Michael Walchhofer. Sigur Austur-
ríkismanna var þrefaldur því
Stephen Eberharter varð þriðji á
1.37,24 mín.
„Ég er mjög glaður. Þetta var
frábær frammistaða,“ sagði Maier
en hann hefur nú unnið sigur í risa-
svigi á 18 heimsbikarmótum á ferli
sínum.
Maier fyrst-
ur í Kanada
VÖLSUNGUR frá Húsavík varð í
gær Íslandsmeistari í 1. deild karla í
innanhússknattspyrnu í fyrsta sinn
þegar liðið bar sigurorð af Val, 3:2, í
úrslitaleik í Laugardalshöll í fram-
lengdum leik. Jóhann Hreiðarsson
kom Valsmönnum yfir en Róbert
Skarphéðinsson jafnaði fyrir Húsvík-
inga. Sigurbjörn Hreiðarsson, fyrir-
liði Vals, kom Hlíðarendaliðinu yfir á
nýjan leik en Hermann Aðalgeirsson
reyndist hetja Vöslunga. Hermann
sem lék í markinu jafnaði í 2:2 með
þrumuskoti og skoraði svo sigur-
markið í framlengingu.
Í undanúrslitum lagði Völsungur
lið Skagamanna, 2:1, og Valur hafði
betur á móti FH, 3:2.
Árið hefur því verið gjöfult fyrir
Húsvíkurliðið því það sigraði í 2.
deildinni í sumar og leikur í 1. deild á
næstu leiktíð.
ÍR, Tindastóll, Afturelding og
Smástund féllu í 2. deild.
Valur sigraði í kvennaflokki
Í kvennaflokki hrósaði Valur sigri
en Valskonur burstuðu ÍBV í úrslita-
leik, 7:1. Laufey Ólafsdóttir og Pála
Einarsdóttir skoruðu tvö mörk hver
fyrir Val og þær Dóra María Lárus-
dóttir, Dóra Stefánsdóttir og Guð-
björg Gunnarsdóttir, markvörður,
skoruðu eitt mark hver. Mark Eyja-
liðsins skoraði Elena Einisdóttir.
Í undanúrslitunum hafði Valur bet-
ur á móti ÍA, 3:0 og ÍBV bar sigurorð
af KR, meisturum síðasta árs, 2:1.
Morgunblaðið/Jim Smart
Arngrímur Arnarson, fyrirliði Völsungs, glaður í bragði með
Íslandsbikarinn enda í fyrsta sinn sem félagið vinnur hann.
Morgunblaðið/Jim Smart
Íris Andrésdóttir, fyrirliði Vals, smellti kossi á Íslandsbikarinn
þegar hún hafði tekið á móti honum að loknum úrslitaleiknum.
Völsungur
meistari í
fyrsta sinn
DAGUR Sigurðsson skoraði 2
mörk fyrir Bregenz þegar lið hans
hafði betur á móti Bärnbach, 25:22,
í austurrísku 1. deildinni í hand-
knattleik í gær. Lærisveinar Dags
eru í efsta sæti með 19 stig, þremur
meira en Wolfhose.
ANJA Pärson frá Svíþjóð hefur
byrjað skíðavertíðina vel. Á föstu-
dag sigraði hún í stórsvigi í heims-
bikarkeppninni og á laugardag varð
hún hlutskörpust í svigi. Sonja Nef
frá Sviss varð önnur og Marlies
Schild frá Austurríki þriðja.
ÞAÐ skiptust á skin og skúrir hjá
körfuknattleiksmanninum Allen
Iverson í leikjum helgarinnar í
NBA-deildinni. Iverson sem er
stigahæsti leikmaður deildarinnar
skoraði aðeins 12 stig í leik með liði
sínu Philadelphia 76’ers gegn Ind-
iana aðfaranótt laugardags en í gær
hrökk hinn knái bakvörður í gang
er hann skorað meira en helming
stiga liðsins í 98:86 sigri liðsins
gegn Atlanta Hawks.
IVERSON skoraði alls 50 stig í
leiknum og er það besti árangur
hans á leiktíðinni en í sjötta sinn á
hans ferli sem hann skorar 50 stig
eða meira. Iverson tók 34 skot í
leiknum og hitti úr 20 þeirra, þar af
4 af alls 7 þriggja stiga skotum sín-
um í leiknum.
ÓÐINN Ásgeirsson skoraði 10
stig og tók 8 fráköst er lið hans
Ulriken frá Bergen tapaði gegn
Asker í norsku úrvalsdeildinni í
körfuknattleik í gæ, 91:85. Asker er
norskur meistari og lék á heima-
velli. Óðinn lék í 23 mínútur, varði
eitt skot, tapaði knettinum tvívegis
og fékk tvær villu. Ulriken er í
þriðja sæti með 16 stig að loknum
11 leikjum en Asker er í öðru sæti
með 16 stig að loknum 12 leikjum.
Bærum er í efsta sæti með 18 stig
eftir 11 leiki.
BRASILÍSKI sóknarmaðurinn
Rivaldo hefur náð samkomulagi við
forráðamenn AC Milan um að fá að
yfirgefa félagið þegar leikmanna-
markaðurinn opnar í janúar. Riv-
aldo lét hafa eftir sér um helgina að
hann gæti vel hugsað sér að leika
með Chelsea.
SKOSKA meistaraliðið Glasgow
Rangers ætla að stokka upp í sínum
herbúðum á næsta ári. Þrír af
reyndari leikmönnum liðsins hverfa
á braut, Norðmaðurinn Henning
Berg, Hollendingurinn Ronald De
Boer og Michael Mols. Rangers
marði Hibernian, 1:0, á laugardag-
inn og skoraði Stephen Hughes sig-
urmarkið á lokamínútunni.
CELTIC hefur fimm stiga forskot
á Rangers á toppi skosku úrvals-
deildarinnar. Celtic sigraði Partick
Thisle, 3:1, um helgina og skoraði
Chris Sutton tvö marka Celtic og
Henrik Larsson eitt.
FÓLK
Rúnar og Marel á
skotskónum
RÚNAR Kristinsson og Marel Baldvinsson skoruðu sitt markið hvor
fyrir Lokeren sem vann verðskuldaðan útisigur á Antwerpen, 3:0, í
belgísku 1. deildinni í knattspyrnu. Rúnar skoraði annað markið úr
vítaspyrnu og Marel innsiglaði öruggan sigur Lokeren þegar hann
skallaði laglega í netið fyrir aukaspyrnu Rúnars.
Rúnar, Marel og Arnar Þór Viðarsson léku allan leikinn fyrir
Lokeren. Marel kom inn í liðið fyrir Arnar Grétarsson, sem er
meiddur í nára. Marel sýndi loks hvað í honum býr en hann átti
mjög góðan leik. Þetta var þriðji sigur Lokeren á leiktíðinni og með
honum tókst liðinu að lyfta sér upp úr fallsæti upp í fjórtánda sætið
af átján liðum og hefur 12 stig.
Fer Arnar í uppskurð?
Arnar þarf að öllum líkindum að gangast undir uppskurð vegna
þrálátra verkja í nára sem plagað hafa hann í marga mánuði.
Arnar fer í dag til Dr. Martens eins frægasta íþróttaskurðlæknis í
Evrópu í dag en hann hefur meðal annars skorið upp Arnór Guð-
johnsen, Guðmund Benediksson, Marco Van Basten og Ruud Van
Gullitt svo einhverjir séu nefndir.
„Ég á að mæta til hans á mánudagsmorgun (í morgun) en hann
sagði mér að ég mætti alveg búast við því að verða skorinn upp.
Verði það rauninn má reikna með að ég verði frá æfingum og
keppni næstu tvo til þrjá mánuðina,“ sagði Arnar við Morgunblað-
ið.Indriði Sigurðsson var í byrjunarliði Genk sem tapaði óvænt fyr-
ir Beveren, 3:1. Indriða var skipt útaf á 82. mínútu leiksins.