Morgunblaðið - 03.12.2003, Blaðsíða 20
SUÐURNES
20 MIÐVIKUDAGUR 3. DESEMBER 2003 MORGUNBLAÐIÐ
Reykjanesbær | Ekki stendur til að bæjarsjóður
Reykjanesbæjar greiði kostnað við geymslu,
flutning eða sýningu á listaverkum Árna Johnsen
í Reykjanesbæ. Kemur þetta fram í skriflegu
svari Valgerðar Guðmundsdóttur menningarfull-
trúa við fyrisp-
urn bæjarfulltrúa
Samfylking-
arinnar og Fram-
sóknarflokksins
en svarið var lagt
fram á fundi bæj-
arstjórnar í gær.
Fulltrúar Sam-
fylkingarinnar
og Framsóknar-
flokksins, sem
skipa minnihluta
bæjarstjórnar,
gerðu skriflega fyrirspurn til bæjarstjóra vegna
umfjöllunar í fjölmiðlum um sýningu á listaverk-
um Árna Johnsen á vegum Listasafns Reykjanes-
bæjar. Spurt var hvort til standi að Reykjanes-
bær greiði leigu vegna geymslu listaverkanna
eða taki þátt í kostnaði við flutning þeirra. Val-
gerður svaraði því neitandi.
Þeir spurðu einnig um það hvenær og hvar
ákvörðun hafi verið tekin um sýningu verkanna
og hver væri áætlaður kostnaður bæjarins vegna
þeirra. Í svari menningarfulltrúa kemur fram að
henni sem forstöðumanni listasafnsins hafi gefist
kostur á að skoða verkin og hafi í framhaldi af
því ákveðið að sýna þau í Gryfjunni, óinnrétt-
uðum hliðarsal í Duushúsum. Menningar-,
íþrótta- og tómstundaráð hafi hingað til treyst
forstöðumanni til að velja sýnendur.
Fram kemur í svari menningarfulltrúa að að-
eins völdum listamönnum, fagmönnum með
myndlistarmenntun, sé boðið að sýna í sýning-
arsal Listasafns Reykjanesbæjar. Listasafnið hafi
einnig staðið að eða stutt sýningar á öðrum stöð-
um, meðal annars í óinnréttuðum hliðarsölum.
Þar hafi ekki endilega verið á ferðinni fagmenn
heldur fólk sem hafi verið að gera áhugaverða
hluti, heimafólk og aðrir. Þessu fólki bjóðist hús-
næði og aðstoð við undirbúning sýningar. Annað
sé á ábyrgð og kostnað sýnenda eða styrktaraðila
þeirra. Segir Valgerður að Árni Johnsen sé í
þeim hópi.
Engar umræður urðu um málið á bæjarstjórn-
arfundinum í gærkvöldi.
Bæjarsjóður greiðir ekki
kostnaðinn af sýningu Árna
Kveikt á jólaljósunum | Ljósin á jólatré Sand-
gerðinga við Grunnskólann verða tendruð í dag,
miðvikudag, klukkan 18.
Flutt verður hátíðarávarp, kirkjukór Hvals-
neskirkju flytur nokkur jólalög og heyrst hefur að
jólasveinarnir muni taka forskot á sæluna og kíkja
í bæinn. Í sal skólans mun Foreldrafélag Grunn-
skólans bjóða upp á kakó og piparkökur.
Slys vegna hálku | Bíll fór út af Grindavíkurvegi
til móts við Seltjörn í gærmorgun og valt. Öku-
maðurinn kenndi eymsla í baki og var fluttur með
sjúkrabifreið á slysadeild Landspítala – háskóla-
sjúkrahúss í Reykjavík. Bifreiðin var fjarlægð með
kranabifreið. Hálka var á veginum. Fleiri umferð-
aróhöpp urðu í hálkunni en ekki er vitað um önnur
slys á fólki.
Grindavík | Það var fjör hjá
unga fólkinu í mötuneyti Fisk-
verkunarinnar Þróttar í
Grindavík á sunnudaginn þegar
fólk úr fjölskyldu eiganda fyr-
irtækisins safnaðist þar saman.
Amma Helga var komin úr
Reykjavík til að baka smákök-
ur með börnum og barnabörn-
um. Dæturnar Þórunn Hall-
dóra og Guðveig Sigurlaug
mættu með börnin sín, Leon
Inga, Ólafíu Elínborgu, Helgu
Arnberg og Guðmund Fannar,
og sonurinn Þórarinn kom með
soninn Ólaf Arnberg og dótt-
urina Unni Guðrúnu. Fleiri
komu við sögu.
Eldra fólkið bakaði ógrynni
af alls kyns kökum og reisti
piparkökuhúsið, en yngsta kyn-
slóðin sá um að skreyta húsið
og kökurnar undir vökulu eft-
irliti þeirra eldri.
Ljósmynd/Stella
Vönduð vinnubrög: Leon Ingi og Þórunn Halldóra skreyta piparkökuhús, sem afi sá um að líma saman.
Köku-
gerð
ömmu
Keflavík | Reykjanesbæ ber að
greiða Fiskiðjunni hf. 35 millj-
ónir í bætur fyrir eignarnám á
liðlega 5 hektörum byggingar-
lands á svokölluðu Þrætulandi á
Hólmsbergi í Keflavík sam-
kvæmt úrskurði matsnefndar
eignarnámsbóta. Byggt var á
hluta landsins í óþökk eiganda.
Reykjanesbær hyggst una mat-
inu.
Byggingarlandið á Hólms-
bergi, ofan við smábátahöfnina
í Gróf, er í einkaeigu. Reykja-
nesbær skipulagði þar íbúðar-
hverfi fyrir nokkrum árum og
byrjaði að úthluta lóðum en
ekki náðust samningar við land-
eigendur. Hefur staðið í stappi
um þetta síðan. Bæjaryfirvöld
fengu heimild umhverfisráðu-
neytisins til þess að taka landið
eignarnámi á síðasta ári og
ákváðu að nýta sér þann rétt
fyrr á þessu ári. Undanfarna
mánuði hefur matsnefnd eign-
arnámsbóta unnið að mati á
verðmæti landsins og kvað hún
upp sinn úrskurð 19. nóvember
sl.
Reykjanesbær kvaðst við þá
umfjöllun hafa boðist til að
greiða 240 kr. á fermetra fyrir
landið í október 2000, í sam-
ræmi við markaðsverð á þeim
tíma, og taldi landið ekki meira
virði. Samsvarar þessi verð-
lagning því að bærinn var tilbú-
inn að greiða um 12 milljónir
fyrir þá rúmlega 5 hektara
lands sem hann tók eignarnámi.
Fiskiðjan hf. vildi fá meira,
eða tæpar 78 milljónir, um
1.500 krónur á hektara, auk
bóta fyrir óhagræði og annað
tjón. Raunar krafðist Fiskiðjan
þess að allt land fyrirtækisins á
svæðinu yrði tekið eignarnámi,
samtals 52,5 ha og að greiddar
yrðu 787 milljónir fyrir það.
Matsnefndin féllst ekki á kröfur
um að Reykjanesbæ verði gert
að taka eignarnámi allt land
fyrirtækisins á Berginu.
Mið af landverði í útjaðri
höfuðborgarsvæðisins
Matsnefndin taldi landið
hentugt til bygginga, það liggi
nærri miðbæjarkjarna Reykja-
nesbæjar og við smábátahöfn-
ina og það sé til þess fallið að
auka verðmæti þess. Þá sé út-
sýni gott. Nefndin fellst ekki á
það með eignarnámsþola að
jafna megi verði landsins við
verðmæti lands í útjaðri
Reykjavíkursvæðis enda eftir-
spurn eftir landi þar meiri og
verðlag hærra. Henni þótti þó
rétt að líta til eigin úrskurða
um verðmæti á löndum í ná-
grannasveitarfélögum Reykjavík-
ur en líta jafnframt til töflu Fast-
eignamats ríkisins þar sem fram
kemur að matsverð íbúðarhús-
næðis er 65 til 68% af verðmæti
húsnæðis í Reykjavík.
Niðurstaðan var sú að hæfileg-
ar bætur væru 35 milljónir, sem
er nálægt því að samsvara um
700 krónum á fermetra. Ekki eru
úrskurðaðar aðrar bætur.
Reykjanesbær þarf síðan að
greiða Fiskiðjunni 650 þúsund
krónur, auk virðisaukaskatts, í
kostnað við rekstur málsins og
800 þúsund krónur í ríkissjóð
vegna starfa matsnefndarinnar.
Bæjarráð hefur samþykkt að
una matinu. Árni Sigfússon bæj-
arstjóri segir að það sé ekki síst
gert í ljósi þess hversu lengi deil-
an hafi staðið með tilheyrandi
erfiðri stöðu húseigenda á svæð-
inu.
Matsnefnd eignarnámsbóta úrskurðar um Þrætuland á Hólmsbergi
Landeigendur fá 35
milljónir kr. í bætur