Morgunblaðið - 03.12.2003, Blaðsíða 44

ÍÞRÓTTIR
44 MIÐVIKUDAGUR 3. DESEMBER 2003 MORGUNBLAÐIÐ
KIM Clijsters frá Belgíu er sem stendur í öðru sæti á
heimslistanum í tennis kvenna en hún hefur ákveðið að
taka ekki þátt í Ólympíuleikunum í Aþenu á næsta ári
vegna deilna við Ólympíusamband Belgíu hvað varðar
keppnisfatnað. Íþróttavöruframleiðandinn Adidas er
aðalstyrktaraðili Ólympíunefndar Belgíu en Clijsters
er samningsbundin Fila á þessu sviði.
Á undanförnum mánuðum hafa talsmenn hennar
reynt að ná samkomulagi við Ólympíusamband Belgíu
en án árangurs.
Clijsters segir á heimasíðu sinni að henni þyki niður-
staðan vera dapurleg. „Fyrir tveimur árum var það að-
eins Fila sem hafði áhuga á að semja við mig, ég vil
þakka þeim traustið með því að sniðganga aðra fram-
leiðendur á meðan ég er samningsbundin Fila,“ segir
Clijsters m.a. á heimasíðu sinni www.kimclijsters.com.
Justine Henin-Hardenne, sem er einnig frá Belgíu, er
í efsta sæti heimslistans þessa stundina. Hún hefur ekki
áhyggjur af stöðu mála hjá Clijsters enda er Hardenne
samningsbundin Adidas.
Kim Clijsters ætlar
ekki á ÓL í Aþenu
ÍSLANDSMEISTARAR Hauka í
handknattleik eru vongóðir um að
Hvít-Rússinn Aliaksandr Shamkuts
öðlist íslenskan ríkisborgararétt
um áramótin en fyrir liggur um-
sókn frá leikmanninum að gerast
íslenskur ríkisborgari. Umsóknin
fer fyrir allsherjarnefnd Alþingis
sem mælir með því hvaða erlendir
ríkisborgarar fái íslenskan ríkis-
borgararétt.
„Við gerum okkur góðar vonir
um að umsókn hans verði samþykkt
enda hlýtur hann að vera undir
sama hatti og aðrir íþróttamenn
sem hafa öðlast íslenskan ríkis-
borgararétt, til að mynda Jaliesky
Garcia og Roland Eradze,“ sagði
Viggó Sigurðsson, þjálfari Hauka,
við Morgunblaðið í gær.
Aliaksandr Shamkuts hefur verið
búsettur á Íslandi frá árinu 1998.
Hann lék með Stjörnunni tímabilið
1998–99 en gekk í raðir Hauka eftir
það og er á sínu fimmta tímabili
með Hafnarfjarðarliðinu.
Þrír útlendingar hjá Haukum
Þrír erlendir leikmenn eru í her-
búðum Hauka, Litháarnir Robertas
Pauzuolis og Dalius Racikevicius,
auk Shamkuts en þar sem einungis
má tefla fram tveimur í einu í
keppnum hér heima hefur Sham-
kuts þurft að vera utan vallar.
Hann hefur hins vegar spilað
Evrópuleikina þar sem hann hefur
staðið sig afar vel, samanber leik-
inn við Barcelona á dögunum þar
sem hann fór á kostum á línunni.
Hvít-Rússinn Shamkuts
íslenskur ríkisborgari?
Börnin voru foreldrum jafnt semfélagi sínu til sóma og víst að
þarna hefðu margir eldri íþrótta-
menn getað komist á
gott námskeið í
keppnisgleði og
dugnaði. Sumir for-
eldrar sögðu nam-
mibann á mótinu hið besta mál, það
var ekkert volað yfir því enda hægt
að leggja hvaða mat sem er á mat-
arborðin í Rimaskóla – krökkunum
veitti ekkert af orkunni og þáðu allt
með þökkum.
Alls tóku 50 lið þátt í mótinu, þar
sem keppt er á forsendum barnanna
og stigin því ekki talin heldur fá öll
liðin verðlaunapening í mótslok. Það
er í samræmi við stefnu Íþrótta- og
Ólympíusambandsins í íþróttum
barna og unglinga og mæltist vel fyr-
ir. Foreldrar fengu mikið hrós fyrir
alla sína vinnu og áhuga, sem þau
sýndu á mótinu. Á kvöldvökunni
fengu þeir líka að máta sig inn í
gömlu hlutverkin þegar eldhress
kynnir á mótinu spurði krakkana
hvort það ætti ekki að leyfa þeim
eldri að spreyta sig líka á leikjum.
Eitthvað voru foreldrarnir feimnir
til að byrja með en rifu sig síðan úr
jökkum og úlpum, skunduðu fram á
gólfið og gáfu allt sitt í leikinn – ekki
minna en krakkarnir sem höfðu
gaman af.
Næsta mót af þessu tagi verður í
Keflavík og Njarðvík í byrjun mars.
Svo allir geri sig klára – líka foreldr-
ar ef þeir skyldu aftur fá að spreyta
sig í leikjum.
Vel klyfjaðir fóru þeir að horfa á Spy Kids – Kristján H. Richter,
Ægir Bjarnason og Andri Már Sigurðsson úr Breiðabliki.
Berglind Líf Agnarsdóttir og Gordana Kalabúra styttu sér
stundir við spil. Þær voru með hárið fléttað í „net“ – Valgerður
Magnúsdóttir er að ljúka við síðustu fléttuna hjá Gordönu.
KR-ingar voru fljótastir í boltaleik á kvöldvökunni – frá vinstri
Steinar Viðarsson, Matthías Orri Sigurðsson, Darri Atlason,
Arnþór Elvarsson og Martin Hermannsson.
Kjötbollurnar runnu ljúflega niður enda svarf hungrið að og
maginn heimtaði sitt. Hér hakka Ólafur Freyr Guðmundsson,
Bergur Sverrisson og Sigurður Már Hrafnsson í sig bollur.
Melkorka Marsibil Felix-
dóttir lét vita að hún væri að
fara í myndatöku.
Sigrún Björnsdóttir og Queenie Prince úr Njarðvík í baráttu við
Keflavíkurmeyjuna Berglindi Líf Agnarsdóttur.
Alvörutöffarar úr Fjölni með merkin og þrívíddargleraugun.
Farið á kostum
SKÚFFUKAKA, sund, blysför,
bíó, kvöldvaka og körfubolti –
betra verður það varla. Það
fannst krökkunum á körfuknatt-
leiksmóti Fjölnis, Hópbílamót-
inu, um síðustu helgi og þegar
rúmlega 400 krakkar upp að 11
ára aldri koma saman er nokkuð
víst að fjörið verður talsvert.
Keppt var í íþróttasal Rimaskóla
og íþróttamiðstöðinni í Graf-
arvogi en flestir keppendur
gistu í skólastofum Rimaskóla.
Stefán
Stefánsson
skrifar
KRAKKAR Í KÖRFUBOLTA
Kim Clijsters stendur í deilum í Belgíu.