Morgunblaðið - 03.12.2003, Blaðsíða 49

FÓLK Í FRÉTTUM
MORGUNBLAÐIÐ MIÐVIKUDAGUR 3. DESEMBER 2003 49
Munið
að slökkva
á kertunum






















Látið aldrei kerti
loga innanhúss
án eftirlits
Slökkvilið
Höfuðborgarsvæðisins
FYRIR hálfum öðrum áratug
kitlaði leikstjórinn Danny De Vito
hláturtaugarnar eftirminnilega
með Throw Momma From the
Train og War of the Roses, tveim
kolsvörtum grínmyndum. Sú fyrr-
nefnda fjallar um tilraunir að koma
kerlingarforaði fyrir kattarnef og
enn er De Vito kominn á stúfana
með svipaða atburðarás og í stuttu
máli fer flest í handaskolum.
Alex (Ben Stiller) og Nancy
(Drew Barrymore) eru ung og á
uppleið. Þau búa þröngt og festa
kaup á stærri íbúð á tveimur hæð-
um. Ekkert við það að athuga, ann-
að en að böggull fylgir skammrifi:
Með nýja heimilinu fylgir eldri
kona (Eileen Essell), leigjandi á
efri hæðinni, en fasteignasalinn
segir unga parinu að hafa ekki
áhyggjur, kerla sé komin með ann-
an fótinn ofan í gröfina
Sem er ekki rétt því leigjandinn
á hæðinni reynist upprifið gamal-
menni sem spilar og syngur, dag
og nótt. Stillir sjónvarpið á hæsta
styrk – gerir sem sagt nýju eigend-
unum allt til bölvunar.
Að lokum er svo komið að Axel
og Nancy ákveða að stúta illfyglinu
sem er búið að leggja líf þeirra
gjörsamlega í rúst.
Tilraunirnar til að senda mömmu
gömlu inn í grænan Edensrann
voru meinfyndnar, sömuleiðis hlið-
stæð plön í War of the Roses. Sem
fyrr er De Vito með úrvalsáhöfn,
bæði í aðal- og aukahlutverkum.
Stiller og Barrymore með traustari
leikurum í yngri kantinum og ekki
þverfótað fyrir afbragðs skapgerð-
arleikurum í nánast öllum auka-
hlutverkum.
Allt kemur fyrir ekki, brandar-
ana vantar einfaldlega í handritið.
Árekstrarnir á milli eigendanna og
leigjandans eru ótal margir en
flesta skortir herslumuninn til að
fæða bros, hvað þá meira. Útkom-
an er heldur döpur því gálgahúmor
er með þeim eiginleikum að vera
annaðhvort góður eða pínlegur.
Það var einu sinni gamalt fól…
KVIKMYNDIR
Regnboginn
Leikstjóri: Danny DeVito. Handrit: Larry
Doyle. Kvikmyndatökustjóri: Anastas
Michos. Tónlist: David Newman. Aðal-
leikendur: Ben Stiller, Drew Barrymore,
Eileen Essell, Harvey Fierstein, Justin
Theroux, James Remar, Robert Wisdom,
Swoosie Kurtz . 90 mínútur. Miramax
Films. Bandaríkin 2003.
Tvíbýlið (Duplex) Sæbjörn Valdimarsson
LEIKHÚSÁLFUR Þjóðleikhússins hefur loksins hlotið
nafn og varð Bergdís fyrir valinu. Efnt var til samkeppni
um nafn álfsins þegar heimasíða Fræðsludeildar leikhúss-
ins var opnuð í haust en álfurinn vísar gestum um síðuna.
Guðrún Sandra Gunnarsdóttir átti sigurnafnið og fékk hún
blómvönd og leikhúsmiða í verðlaun, en meira en 50 til-
lögur bárust.
Álfurinn var hæstánægður með nýja nafnið eftir að það
var gert opinbert í gær. „Mér finnst frábært að heita Berg-
dís því ég er dís og bý í stuðlaberginu í Þjóðleikhúsinu.“
Hefðirðu ekki viljað heita neitt annað?
„Nei, alls ekki. Nema kannski ef ég væri strákur. Þá
myndi ég vilja heita Stulli, því ég bý í stuðlabergi.“
Bergdís segist hafa farið að gráta þegar hún frétti að
hún hefði fengið nafn. „Ég var bara svo svakalega glöð að
hafa loksins fengið nafn. Það var nefnilega svo vont að
heita ekki neitt.“
Leikhúsálfurinn
heitir Bergdís
Morgunblaðið/Ásdís
Guðrún Sandra Gunnarsdóttir átti vinnings-
tillöguna en hér er hún með álfinum Bergdísi.
Osbourne-hjónin virðast nú í ein-
hverri keppni um hvort glími við
fleiri fortíðardrauga. Nýverið upp-
lýsti Ozzy
Osbourne að
hann hefði verið
misnotaður
reglulega er
hann var 11 ára
af öðrum
strákum þegar
hann var á leið
úr skólanum. Og
nú hefur Sharon ljóstrað upp því
leyndarmáli í nýútkominni bók
sinni Ordinary People: Our Story
að hafa haldið framhjá eiginmann-
inum með fyrrum gítarleikara og
vini hans Randy Rhoads. Hún
segir Ozzy taka á málinu eins og
öllu öðru, neita að tala um
það …VICTORIA
Beckham, fyrr-
um Kryddpía og
eiginkona Dav-
ids Beckhams,
er búin að láta
laga í sér tenn-
urnar til að
fegra bros sitt.
Bæði lét hún
rétta þær og gera þær hvítari.
Reikningurinn hljóðaði upp á litla
milljón króna.
FÓLK Ífréttum
VERIÐ er að ganga frá leikaravali í
myndina Guy X sem er samstarfs-
verkefni Íslensku kvikmyndasam-
steypunnar og
breskra og kan-
adískra framleið-
enda. Myndin
verður tekin hér
á landi, líklega á
Snæfellsnesi og í
Kanada og eru
tökur fyrirhugað-
ar í mars og apríl,
að sögn Önnu
Maríu Karlsdóttur, eins framleið-
anda myndarinnar.
Myndin er byggð á bók sem heitir
No One Thinks of Greenland eftir
John Grismeyer og fjallar um banda-
rískan hermann sem sendur er á
fjarlæga herstöð á ótilgreindum
köldum stað. Kemur upp úr dúrnum
að í herstöðinni fer fram ýmis önnur
starfssemi en búast mætti við.
Leikstjóri myndarinnar heitir
Saul Metzstein er 33 ára gamall
Skoti sem á m.a. að baki myndina
Late Night Shopping. Framleiðend-
ur hér á landi eru Friðrik Þór Frið-
riksson og Anna María Karlsdóttir
og kemur hún til með að kosta 500
milljónir króna.
Ný bresk-kanadísk-íslensk mynd tekin hér á landi
Velja leikara í Guy X
Saul Metzstein
Anna María Karlsdóttir.