Morgunblaðið - 03.12.2003, Blaðsíða 2
2 B MIÐVIKUDAGUR 3. DESEMBER 2003 MORGUNBLAÐIÐ
bílar
SELST hafa 2.788 fleiri fólksbílar
fyrstu ellefu mánuði ársins en á
sama tímabili í fyrra. Alls hafa selst
9.382 bílar á móti 6.594 bílum í
fyrra, sem er 42,3% aukning milli
ára.
Toyota er langmest seldi fólks-
bíllinn á Íslandi með markaðshlut-
deild upp á 27,8%, en í öðru sæti er
Volkswagen með 10,2% hlut. At-
hygli vekur mikil söluaukning á
Honda og Renault, 172,5% og
115,8% aukning á milli ára og
skammt á eftir kemur Suzuki með
113% aukningu. Þá er Citroën með
119,7% aukningu en þar eru mun
færri bílar að baki.
Sala á fólksbílum það sem af er
árinu er mun meiri en hún hefur
verið síðastliðin þrjú ár. Ef salan
verður í meðallagi í desember verða
seldir yfir 10.000 bílar á árinu. Þó
er líklegt að heldur dragi úr sölunni
í desember, eins og jafnan gerist í
þeim mánuði. Það er þó ljóst að það
þarf að leita nokkur ár aftur í tím-
ann til að að finna jafnmikla sölu á
einu ári. Í fyrra nam heildarsalan á
fólksbílum 6.937 bílum og árinu
2001 seldust 7.248 fólksbílar.
!
"#$%&
'((
$$)
((%
*+%
*(+
**'
**$
*%+
)$'
)%(
)&+
"%)
%'*
%*(
,"&
Bílasalan jókst um 42,3%
ÞAÐ er til Audi A8 með tvenns kon-
ar V8 bensínvélum og tveimur for-
þjöppudísilvélum, V6 og V8. Nú
kynnir Audi flaggskipið sem heitir
A8L 6.0 quattro. Bíllinn er með
W12 vél. Í Audi skilar þessi vél 450
hestöflum og hámarkstogið er 580
Nm. Á snúningssviðinu milli 2.300
til 5.300 snúningum næst fram 95%
af hámarkstoginu.
Bíllinn nær 100 km hraða úr
kyrrstöðu á 5,2 sekúndum og 200
km hraða á 17,4 sekúndum. Há-
markshraðinn, 250 km á klst, næst á
innan við hálfri mínútu. Bíllinn er
með sex þrepa sjálfskiptingu með
handskiptivali. Skiptingin er með
sportstillingu sem bíður lengur með
að skipta bílnum upp og skiptir hon-
um fyrr niður þannig að aflið nýtist
betur frá vélinni.
Bíllinn er með sítengdu fjórhjóla-
drifi og loftpúðafjöðrun er staðal-
búnaður í þessari gerð flaggskips-
ins.
Ökumaðurinn getur valið á milli
fjögurra mismunandi stillinga á
fjöðruninni, allt frá mjúkri til stífri
sportfjöðrunar.
Útlitslega séð er A8L 6.0 öðru
vísi en aðrir í þessari línu. Grillið er
stærra og hann er með stærri loft-
inntökum með krómrömmum. Þetta
hefur áður sést á hugmyndabílnum
Nuvolari quattro. A8L 6.0 er með
nýrri framljósatækni; framljósum
með aðlögunarhæfni. Að innan er
lúxus og þægindi eins og til siðs er í
dýrustu lúxusbílum. Bíllinn kemur á
markað í Evrópu upp úr miðjum
næsta mánuði og verðið í Þýska-
landi er 117.000 evrur, um 10,5
milljónir ÍSK:
Audi A8 fékk Auto Trophy.
Audi A8L 6.0
A8 er glæsilegur að innan.
ÞAÐ er nokkuð algengt að fram-
leiðendur kalli eftir tilteknum
gerðum bíla, eða bílum frá tilteknu
tímabili og eftir framleiðslunúm-
erum, til að láta lagfæra eða skipta
um einhver stykki. Sumir bíla-
framleiðendur auglýsa slíkar inn-
kallanir á heimasíðum sínum og
eftir því að dæma eru innkallanir
ekki fátíðar. Almennt er litið svo á
að innkallanir beri vott um góða
þjónustu við bíleigendur, fremur
en lélega framleiðsluvöru. Lag-
færingarnar eru enda yfirleitt
gerðar í því skyni að tryggja ör-
yggi bílanna og endingu.
Þáttur í gæðastefnu
Íslenskir bíleigendur eru ekki
undanskildir þegar framleiðendur kalla inn
bíla. Sigurjón Ólafsson, þjónustustjóri fólks-
bílasviðs hjá Brimborg, sagði innkallanir æv-
inlega gerðar að fyrirmælum framleiðenda.
Fyrirmælunum fylgdu nákvæmar upplýsingar
um hvað þyrfti að lagfæra í bílum af ákveðnum
gerðum og með tilteknum verksmiðjunúmer-
um. Áður en innköllun færi fram þyrfti umboðið
að útvega nauðsynleg aðföng, t.d. varahluti.
Síðan væru send bréf til eigenda bílanna um að
koma með þá í þjónustuviðgerð. Ef ekki er
brugðist við fyrstu boðun er sent ítrekunarbréf
eftir ákveðinn tíma. Sé því ekki sinnt er sent
þriðja bréf, öllu alvarlegra, þar sem ábyrgðinni
af því að trassa að mæta með bílinn til þjónustu-
viðhalds er varpað á eigandann.
„Það er hluti af heildargæðastefnu framleið-
endanna að bílarnir séu ávallt í sem bestu lagi
og fyllsta öryggis sé gætt. Þetta eru yfirleitt
fyrirbyggjandi aðgerðir og framkvæmdar áður
en nokkur skaði hlýst af. Hvort heldur slys eða
bilanir.“
Sigurjón sagði það eiga við um alla bílafram-
leiðendur að innkalla bíla við og við. Þó taldi
hann þjónustuinnkallanir heldur algengari í
Bandaríkjunum en Evrópu, líklega vegna þess
að neytendalöggjöf væri strangari vestanhafs.
Yfirleitt nýlegir bílar
Halldór Ásmundsson, verkstæðisformaður á
bílasviði hjá Heklu, sagði þjónustuinnkallanir
nokkuð algengar, þótt ekki teldust þær til dag-
legs brauðs. Eftir að fyrirmæli berast frá fram-
leiðendum eru bíleigendur látnir vita bréflega
að þeir eigi að koma með bílinn sinn í þjónustu-
viðhald. Í sumum tilvikum eru bréfin send í
ábyrgðarpósti, svo viðtakandi þurfi að kvitta
fyrir móttöku. Ef menn bregðast ekki við því
eru send ítrekunarbréf og reynt að hafa sam-
band við þá símleiðis.
Yfirleitt er um nýlega bíla að ræða, en það er
þó ekki algilt. Nýlega voru t.d. kallaðir inn bílar
af tiltekinni gerð sem gilti alveg aftur til árgerð-
ar 1991. Halldór sagði viðskiptavinina almennt
vera ánægða með þessa þjónustu
Halldór taldi nokkurn mun á framleiðendum
hversu fljótt þeir ákvæðu að innkalla bíla. Sum-
ir væru mjög vakandi fyrir þessu en aðrir færu
sér hægar. „Flestar þessar viðgerðir flokkast
ekki sem lífsspursmál og bráðliggur ekki á að
framkvæma þær. Innkallanirnar eru alla vega.
Sumt er lagað þegar bílar koma í reglulegt
þjónustueftirlit og eigandinn veit ekkert af því,
í öðrum tilvikum eru eigendur beðnir að koma
með bílana. Þessar viðgerðir eru eigendum allt-
af að kostnaðarlausu.“
Í þeim tilvikum sem bíleigendur búa fjarri
þjónustuverkstæðum umboðanna er reynt að
leysa það. Ýmist er þeim boðið að koma með
bíla sína næst þegar þeir eiga leið um þar sem
er þjónustuverkstæði, eða samið er við nálægt
verkstæði um að framkvæma viðgerðina.
Morgunblaðið/Júlíus
Almennt er litið svo á að innkallanir beri vott um góða þjónustu við bíleigendur.
Morgunblaðið/Árni Sæberg
Bifreiðaframleiðendur fylgjast með því hvernig framleiðsla
þeirra reynist. Ef ástæða þykir til eru bílar kallaðir inn til þjón-
ustuviðhalds og skipt um eða það lagað sem framleiðandinn
telur sig bera ábyrgð á að sé í lagi.
Þjónustuinnkallanir
þáttur í gæðastefnu