Morgunblaðið - 03.12.2003, Blaðsíða 3

MORGUNBLAÐIÐ MIÐVIKUDAGUR 3. DESEMBER 2003 B 3
bílar
RENAULT Scenic og Volkswagen
Touran, nýjustu fjölnotabílarnir á
markaðnum, fengu báðir fimm
stjörnur í nýjustu árekstrarprófun
Euro NCAP. Scenic er þriðji bíllinn
frá Renault sem fær fimm stjörnur.
Það vakti sömuleiðis athygli hve lak-
ur árangur Mazda var í prófuninni.
Tveir nýir bílar framleiðandans
fengu fjórar stjörnur. Mazda 6 hlaut
26 stig, sem er aðeins einu stigi
meira en nauðsynlegt var til þess að
hljóta fjórar stjörnur, og Mazda 2
fékk fjórar stjörnur með 25 stigum
og var því hættulega nærri því að
falla niður í þriggja stjörnu flokk-
inn.
Renault Laguna var fyrsti bíllinn
til að hljóta fimm stjörnur í árekstr-
arprófuninni árið 2001. Síðan hafa
fleiri en tíu bílar náð fimm stjörnum
í prófununum. Þar sem svo margir
bílar hafa náð þessum árangri líta
margir svo á að allt annað en fimm
stjörnur sé niðurlæging fyrir fram-
leiðandann.
Menn eru því ekki heldur ánægðir
í herbúðum Audi þar sem Audi A3
fékk aðeins 29 stig, sem þýðir aðeins
fjórar stjörnur. Fyrir tveimur árum
hefði 29 stig þótt góð frammistaða
hjá bíl í millistærðarflokki. En þar
sem annar millistærðarbíll, Renault
Megane, hlaut 33 stig fyrr á árinu,
og þar með fimm stjörnur, hljóta 29
stig að vera vonbrigði fyrir Audi.
Ekki síst í ljósi þess að ný kynslóð
Volkswagen Golf, sem væntanleg er
á markað hérlendis á næsta ári, er á
sama undirvagni og Audi A3. Innan
tíðar verður ný kynslóð VW Golf
prófuð hjá Euro NCAP og nái hann
ekki fimm stjörnum hlýtur það að
vera áhyggjuefni fyrir VW-sam-
stæðuna.
Það virðist augljóst að Volks-
wagen leggur áherslu á góða út-
komu úr Euro NCAP. Þegar nýi
fjölnotabíllinn VW Touran var próf-
aður fyrr á árinu fékk hann 32 stig
sem dugði honum ekki til þess að ná
fimm stjörnum, og það þótt VW
hefði sett í bílinn búnað sem minnir
ökumann á að spenna öryggisbeltið,
en fyrir slíkan búnað er gefið eitt
stig. Í prófun Euro NCAP núna
hafði VW bætt einnig við búnaði til
þess að minna farþega í framsæti á
að spenna beltið og fékk þar með 33
stig og fimm stjörnur.
Jeep hefur gripið til sömu ráðstaf-
ana. Þegar Cherokee var prófaður í
fyrra fékk hann 24 stig sem dugði
ekki fyrir fjórðu stjörnunni. Nú er
Cherokee með búnað til að minna
ökumanninn á að spenna beltið og
fékk því fjórðu stjörnuna hjá Euro
NCAP.
Scenic
og Tour-
an með
fimm
stjörnur
EURO NCAP (European New Car Assessment Programme) er sjálf-
stæð stofnun sem allt frá 1997 hefur gert prófanir á öryggi bíla sem
seldir eru í Evrópu. Árekstrarprófunin er afar umfangsmikil og tekur
á fjórum þáttum, þ.e. árekstur framan á bílinn, hliðarárekstur, árekst-
ur á staur og skaða sem fótgangandi vegfarandi verður fyrir þegar ek-
ið er á hann.
Bílunum er gefið stig eftir því hvernig þeir standa sig í þremur
fyrstu prófununum. Hámarksstigafjöldi fyrir þær prófanir er 34 stig,
16 fyrir árekstur að framan, 16 fyrir hliðarárekstur og 2 fyrir árekstur
við staur. Að auki geta framleiðendur síðan 2002 fengið stig fyrir viss-
ar gerðir af búnaði sem minnir á notkun öryggisbelta. Búnaðurinn
verður þó að minna á notkunina bæði með hljóði og mynd. Gefið er eitt
stig fyrir búnað af þessu tagi, en mest þrjú stig sé búnaðurinn fyrir
ökumann og tvo farþega. Þannig er mest hægt að ná 37 stigum.
Mest hægt að ná
37 stigum
Renault Scenic fékk fimm stjörnur. Mazda rétt náði fjórum stjörnum.