Morgunblaðið - 03.12.2003, Blaðsíða 4

4 B MIÐVIKUDAGUR 3. DESEMBER 2003 MORGUNBLAÐIÐ
bílar
OUTLANDER, jepplingurinn frá
Mitsubishi sem leysti hinn mis-
heppnaða Pajero Pinin af hólmi,
kom á markað síðastliðið vor. Þá
var bíllinn einvörðungu til með 136
hestafla bensínvél og beinskiptur.
Outlander vakti strax mikla at-
hygli þegar hann kom á markað
fyrir sportlegt útlit sitt og góða
aksturseiginleika. Nú er hann
kominn á markað með 2,4 lítra,
160 hestafla vél og með sjálfskipt-
ingu með handskiptivali. Þetta
ætti að geta skipt sköpum fyrir
sölu á bílnum hérlendis, því eins
og flestum ætti að vera ljóst, kjósa
Íslendingar framar öðrum Evr-
ópuþjóðum sjálfskipta bíla; og ekki
síst í flokki jepplinga.
Óvenjulegt jepplingslag
Outlander er með dálítið óvenju-
legt lag af jepplingi að vera. Hann
er á einhvern hátt fólksbílalegri og
um leið sportlegri en helstu keppi-
nautarnir og aksturseiginleikarnir
minna líka meira á fólksbíl en
jeppa. Vélarhlífin er löng með
áberandi broti í miðju og grillið
áberandi og kraftalegt. Hliðarlínan
er há og hliðargluggarnir litlir.
Afturhlerinn er síðan kúptur og
minnir dálítið á langbakslag á
fólksbílalegri jepplingum, eins og
t.d. Subaru Forester.
En þetta er hreinræktaður jepp-
lingur. Fjórhjóladrifið er sítengt
og bíllinn er án millikassa. Þetta
er sama drifkerfi og í Lancer
Evolution og er með seigjukúpl-
ingu og mismunadrifi sem gerir
bílinn liðugri í snattinu innanbæj-
ar.
En Outlander getur líka tekist á
við erfiðari aðstæður því það eru
19,5 cm undir lægsta punkt. Und-
irvagninn, með sjálfstæðri fjöðrun
á öllum hjólum með McPherson-
gormafjöðrun að framan og fjöl-
liðafjöðrun að aftan, gefur bílnum
mikla rásfestu.
Góð vinnsla en meiri eyðsla
Beinskipti bíllinn er eingöngu
fáanlegur með 2ja lítra vélinni,
sem dugar honum alveg í þeirri
gerð, en efasemdir hefðu líklega
vaknað með þó ekki aflmeiri vél í
sjálfskiptri gerð. Nýja 2,4 lítra vél-
in, 160 hestafla, kemur þar fersk
inn og skilar bílnum góðri vinnslu
og þokkalegri hröðun; 11,2 sek-
úndur er uppgefinn tími og telst
alveg viðunandi fyrir jeppling. En
eyðslan er að sjálfsögðu meiri og
Mitsubishi gefur upp 13,8 lítra í
innanbæjarakstri og 10,1 lítra í
blönduðum akstri. Outlander fæst
í tveimur búnaðarútfærslum; Com-
fort og Sport. Staðalbúnaður í
Comfort er m.a. 16 tommu álfelg-
ur, loftkæling, ABS-hemlakerfi
með EBD-hemlajöfnun, fjórir líkn-
arbelgir, rafdrifnar rúðuvindur,
hiti í framsætum, þakrið, þokuljós
að framan og rafdrifnir speglar
með rafhitun. Við Sport-útfærsl-
una bætist síðan leðurinnrétting,
tvær sóllúgur, vindskeið og sjálf-
virk loftkæling. Fyrir þennan bún-
að greiða menn aukalega 300.000
krónur.
Outlander er gerður fyrir fimm
manns og hann er með þrjá
hnakkapúða aftur í, ólíkt sumum
keppinautunum. En auðvitað er
Outlander ekki stór bíll og það fer
betur um tvo fullorðna í aftursæt-
um en þrjá. Sætin gefa góðan
stuðning og það fer vel um öku-
mann undir stýri. Farangursrýmið
er reyndar með því minnsta í þess-
um flokki bíla. Aftursætin má fella
niður í hlutföllunum 60/40 og stór-
auka þannig flutningsgetuna.
Harður slagur
Mitsubishi Outlander er einn af
nokkuð mörgum bílum sem falla í
jepplingaflokk og þar er barist um
viðskiptavinina. Toyota RAV4 hef-
ur þar yfirburðastöðu en Outland-
er hefur flest það að bjóða sem
RAV4 hefur, og sums staðar jafn-
vel ögn meira. Sjálfskiptur í Com-
fort-útgáfu er hann t.d. á 16
tommu álfelgum, með loftkælingu,
hita í framsætum, rafdrifnar rúður
og fleira. Hann kostar tæpar þrjár
milljónir króna, 2.990.000 kr., og
er þá reyndar með 2,4 lítra, 160
hestafla vél. Toyota RAV4 er á
hinn bóginn með 2,0 lítra, 150
hestafla vél og kostar 2.990.000 kr.
Aðrir bílar í þessum flokki eru
t.a.m. Suzuki Grand Vitara, Honda
CR-V, Nissan X-Trail, Hyundai
Santa Fé, Kia Sportage og jafnvel
Renault Scenic RX og Subaru
Forester.
Morgunblaðið/Ásdís
Mitsubishi Outlander er núna klár í jepplingaslaginn kominn með sjálfskiptingu.
Sjálfskiptur Outlander
og aflmeiri
REYNSLUAKSTUR
Mitsubishi Outlander
eftir Guðjón Guðmundsson
Morgunblaðið/Ásdís
Mörgum finnst kostur að afturhlerinn opnast upp.
gugu@mbl.is
Morgunblaðið/Ásdís
Dálítið sportlegur blær er yfir innréttingunni í Outlander.
Morgunblaðið/Ásdís
Vélin er 2,4 lítrar og skilar 160 hestöflum að hámarki.
Vél: 4 strokkar, 16 ventlar,
2.368 rúmsentimetrar.
Afl: 160 hestöfl við 5.750
snúninga á mínútu.
Tog: 216 Nm við 4.000
snúninga á mínútu.
Drif: Sítengt aldrif.
Gírskipting: Fjögurra
þrepa sjálfskipting með
handskiptivali.
Hröðun: 11,2 sekúndur úr
kyrrstöðu í 100 km.
Hámarkshraði:
Ekki uppgefið.
Eyðsla: 13,8 lítrar innan-
bæjar, 10,1 lítri í blönd-
uðum akstri.
Lengd: 4.545 mm.
Breidd: 1.750 mm.
Hæð: 1.620 mm.
Hjólhaf: 2.625 mm.
Eigin þyngd: 1.560 kg.
Farangursrými: 402/
1.049 lítrar.
Hemlar: Loftkældir diskar
að framan, skálar að aftan.
Hjólbarðar og felgur: 215/
60 R16.
Verð: 2.990.000 kr.
Umboð: Hekla hf.
Mitsubishi Outlander
2.4 Comfort