Morgunblaðið - 03.12.2003, Blaðsíða 6
FINNSKA borgin Rovaniemi er
merkileg fyrir margra hluta sakir.
Hún var eyðilögð í síðari heims-
styrjöldinni og endurbyggð eftir
hugmyndum eins þekktasta arki-
tekts Finnlands, Alvars Aaltos,
sem m.a. teiknaði Norræna húsið í
Reykjavík. Borgin er í Lapplandi
við heimskautsbauginn og þarna
hefur jólasveinninn hreiðrað um
sig og laðar til sín þúsundir ferða-
manna á hverju ári. Þangað hafa
líka bílaframleiðendur sótt í gegn-
um tíðina til þess að prófa bíla sína
við kaldari aðstæður en ríkja sunn-
ar í Evrópu. Algengt er að hita-
stigið fari niður í -20 gráður og
ekki óþekkt að -40 gráða frost læsi
klóm sínum í allt og alla. Um þetta
leyti árs er ekki farið að birta að
ráði fyrr en klukkan er langt geng-
in í ellefu og það er farið að dimma
strax aftur upp úr kl. 14.
Öryggi stöðugleikakerfisins
Porsche kynnti Cayenne-jepp-
ann í Rovaniemi, það er að segja
nýjustu gerðina með V6-vélinni.
Þarna eru kjöraðstæður til þess að
prófa bíla við vetraraðstæður.
Fyrst var ekið eftir ísilögðum
sveitavegi um 150 km leið og menn
kynntust af eigin raun stöðugleika-
kerfi bílsins. Undir bílunum voru
ósköp sakleysislegir Michelin-vetr-
arhjólbarðar á 17 tommu álfelgum,
ónegldir og með frekar fíngerðu
munstri af vetrardekkjum að vera.
Það var ekið gætilega því það var
hálagler á veginum. Það kom þó
ekki í veg fyrir það að bíllinn losn-
aði á veginum í beygjum en raf-
eindastýrt stöðugleikakerfið greip
strax inn í og leiðrétti kúrsinn.
Kerfið, sem kallast PSM (Porsche
Stability Management), lætur öku-
mann og bílinn afskiptalausan við
allan venjulegan akstur, en við að-
stæður eins og í Rovaniemi var það
stöðugt að grípa inn í og kom
örugglega í veg fyrir nokkrar út-
afkeyrslur blaðamannanna í
reynsluakstrinum.
Manngerðar akstursþrautir
Þegar komið var inn á sjálft
prófunarsvæðið, Heimskauts-
baugs-aksturssvæðið, tóku við
manngerðar akstursþrautir sem
voru sérstaklega hannaðar til þess
að sýna fram á ágæti drifkerfis og
rafeindabúnaðar bílsins. Það var
athyglisvert að sjá þegar spólvarn-
arkerfið tók öll völd af ökumanni
þegar farið var upp brattar brekk-
ur. Bíllinn hikaði á meðan tölvu-
búnaðurinn reiknaði út hvernig
best væri að dreifa drifaflinu og
síðan silaðist hann hægt og örugg-
lega upp brattann. Við þessar að-
stæður er eins og inngjöfin sé gerð
óvirk því það gerist ekkert þótt
stigið sé á bensíngjöfina. Tölvu-
búnaður í bílnum ákveður hve mik-
il þörf er fyrir afl til hvorra hjóla í
samræmi við aðstæður hverju
sinni.
Það er sama drifkerfi og nánast
öll sama tækni í V6-bílnum og Cay-
enne S og Cayenne Turbo. Drif-
kerfið deilir átakinu þannig að við
venjulegar aðstæður fer 62% þess
til afturhjólanna og 38% til fram-
hjólanna. En jafnframt sér spólv-
arnarkerfið, PTM, um að deila afl-
inu með öðrum hætti, allt að 100%
til fram- eða afturhjólanna eftir
þörfum hverju sinni. Bíllinn er
með sítengdu fjórhjóladrifi. Próf-
unarbíllinn var á gormum en V6 er
líka fáanlegur með loftpúðafjöðr-
uninni.
Aftengjanleg jafnvægisstöng
Ein nýjung Porsche í Cayenne
er aftengjanleg jafnvægisstöngin.
Þetta er þó ekki staðalbúnaður en
er í sérstaklega útbúnum torfæru-
gerðum, eins og þeirri sem blaða-
menn brugðu sér á til þess að fara
yfir djúpan skurð við torfærusvæð-
ið. Með tvö hjól á lofti, aftengda
jafnvægisstöng og fætur af fetlum,
sá bíllinn sjálfur um að dreifa
átakinu á þau tvö hjól sem höfðu
grip og flytja það strax aftur til
allra hjólanna þegar bíllinn var
komin yfir hindrunina. Það var
áhrifaríkt að reyna drif bílsins í
bröttum brekkunum og á torfæru-
brautinni og staðfesti það, sem
undirritaður reyndar áður vissi, að
Porsche hefur náð að hanna og
þróa eitt fullkomnasta fjórhjóla-
drifskerfi sem völ er á.
Sportlegur gírkassi
Önnur nýjung í V6-bílnum er sex
gíra handskiptur gírkassi. Þetta er
einhver sú nettasta og slípaðasta
beinskipting sem fáanleg er í
jeppa. Það er stutt á milli gíranna
og gírstöngin sjálf er stutt og leik-
ur í höndum ökumanns. Porsche
hefur fyrstur bílaframleiðenda
hannað búnað með þessum gír-
kassa sem aðstoðar ökumann við
að taka af stað í brekkum. Bún-
aðurinn, sem kallast PDOA,
(Porsche Drive-Off Assistant),
virkar þannig að þegar stöðvað er í
brekku með bílinn í gangi fara fót-
hemlarnir sjálfvirkt á og haldast á
þótt stigið sé af fóthemlinum. Um
leið og kúplingunni er sleppt er
hægt að taka mjúklega af stað á
ný. Þetta gildir sömuleiðis fyrir
bakkgírinn og sér maður fyrir sér
að þessi búnaður sé þægilegur fyr-
ir þá sem eru með þungar kerrur
eða fellihýsi í drætti við slíkar að-
stæður.
Það gafst ekki kostur á því að
reyna Cayenne á auðu malbiki en
miðað við þau kynni sem undirrit-
aður hefur haft af Cayenne S og
Cayenne Turbo er óhætt að slá því
föstu að hér er um virkilega vand-
aðan akstursgrip að ræða – og
verðið er ekki svo miklu hærra en
á velbúnum sex strokka bensín-
jeppum sem fyrir eru á markaðn-
um. Það sem er þar fyrir ofan
helgast af miklum staðalbúnaði og
nafninu sem klingir – Porsche.
Auðvelt er að aftengja stöðugleikastýringuna og leika sér á bílnum í snjónum.
Nýi sex gíra handskipti gírkassinn í Cayenne minnir
mest á skiptingu í sportbíl.
Drif á öllum og nóg af aflinu. Cayenne er fær í flestan sjó.
Aukabúnaðarlistinn er langur. Þar er m.a. að finna
þetta púströr.
Nýja V6-vélin í Cayenne er smíðuð af VW en breytt
hjá Porsche.
Morgunblaðið/Guðjón Guðmundsson.
gugu@mbl.is
Cayenne á ís við heimskautsbaug
REYNSLUAKSTUR
Porsche Cayenne
Guðjón Guðmundsson
6 B MIÐVIKUDAGUR 3. DESEMBER 2003 MORGUNBLAÐIÐ
bílar
Vél: Sex strokkar, 3.189
rúmsentimetrar, 24
ventlar, fjórir yfirliggjandi
knastásar.
Afl: 250 hestöfl við
6.000 snúninga á mín-
útu.
Tog: 310 Nm við 2.500–
5.500 snúninga
á mínútu.
Drif: Sítengt aldrif (62/
38).
Gírskipting: Sex gíra
handskiptur.
Hröðun: 9,1 sekúnda.
Hámarkshraði: 214 km/
klst.
Lengd: 4.782 mm.
Breidd: 1.928 mm.
Hæð: 1.699 mm.
Hjólhaf: 2.855 mm.
Eigin þyngd: 2.160 kg.
Dráttargeta: 3.500 kg.
Hemlar: Kældir diskar að
framan og aftan.
Fjöðrun: Gormafjöðrun.
Dekk og felgur:
235/65 R 17.
Verð: 6.500.000 kr.
Umboð: Bílabúð Benna.
Porsche Cayenne