Morgunblaðið - 04.12.2003, Blaðsíða 11

MORGUNBLAÐIÐ FIMMTUDAGUR 4. DESEMBER 2003 B 11

































NFRÉTTIR

  

  


          
    !!

 

  


   

 
  !! "
"  
  
 # 

 
      

  

  $%
!
&
 
    
           '
 ' #  ' #        ( 
$      
 #$%&'"#()#*'
TALIÐ er að örtæknin muni geta
breytt þeim forsendum sem unnið
hefur verið eftir hingað til í hinum
hefðbundnu vísinda- og tæknigrein-
um, að sögn Ingólfs Þorbjörnssonar,
verkfræðings hjá Iðntæknistofnun.
Hann segir að með örtækninni sé
unnið frá minnstu efniseiningum og
upp, en algengast sé að vinna öfugt
nú, þ.e. með því að minnka hlutina
sem þegar eru til og í notkun. Þetta
geri að verkum að hægt sé að sníða
efni og tækni að þeim þörfum sem
ætlunin er að nota það í. Örtæknin
geti þannig valdið straumhvörfum í
allri tækniþróun í framtíðinni.
Í gær hófst ráðstefna sem RANN-
ÍS, Samtök iðnaðarins og Iðntækni-
stofnun standa fyrir, um örtækni og
styrkjaáætlun ESB um efnis-, fram-
leiðslu- og örtækni. Ráðstefnunni
lýkur í dag. Meðal ræðumanna á ráð-
stefnunni eru Tim Harper frá CMP
Cientifica og Nicholas Hartley frá
ESB, sem kynnir styrkjamöguleika
á þessu sviði samkvæmt 6. rann-
sóknaáætlun sambandsins. Ingólfur
er fundarstjóri á seinni degi ráð-
stefnunnar.
Sérstaða sem þörf er á
Ingólfur segir að lengi hafi verið vit-
að um þá möguleika sem örtæknin
bjóði upp á. Á síðari árum hafi að-
stæður hins vegar verið að skapast
til að nýta hana. Fyrirsjáanlegt sé að
örtæknin muni til að mynda nýtast
innan líftækninnar, skynjaratækni-
nnar og efnistækninnar. Sem dæmi
um mögulega nýtingu örtækninnar í
framleiðslu segir hann að nefna megi
efni sem hrindi frá sér óhreinindum,
svo sem af klæðnaði, gleri, málmum
og fleiru. Tilgangurinn með ráð-
stefnunni sé einmitt að ræða um þá
möguleika sem örtæknin býður upp
á svo og að dreifa upplýsingum milli
þeirra sem eru að fást við þessi mál-
efni og þeirra sem hugsanlega gætu
nýtt sér þessa tækni.
„Evrópusambandið hefur ákveðið
að verja sem svarar til 109 milljarða
íslenskra króna í örtækniáætlun
sína. Það segir til um hve mikla trú
sambandið hefur á þessari tækni.
Ákveðin fyrirtæki hér á landi sjá sér
nú þegar hag í að nýta sér hana þótt
hún sé enn á byrjunarstigi. Við erum
vel í stakk búin til að standa okkur
vel í þessum efnum, því örtæknin
byggist á þverfaglegri þekkingu.
Hún snertir fjölmörg svið, sem kem-
ur sér vel fyrir okkur Íslendinga. Við
eigum auðvelt með að raða saman
hópum fólks sem hefur menntun frá
mismunandi þjóðlöndum og þekkir
þar af leiðandi rannsóknarumhverfi
víða að. Við höfum þá sérstöðu sem
þarf til að taka vel á þessum málum,“
segir Ingólfur.
Straumhvörf í
tækniþróun
Möguleikar örtækninnar ræddir á ráðstefnu hér á landi
Í ÁRSLOK 2004 má ætla að gjald-
eyrisforði Seðlabanka Íslands verði
kominn í tæplega 70 milljarða króna,
ef uppkaup bankans verða þau sem
kynnt voru í októ-
ber, en Seðla-
bankinn hefur
sett sér að lág-
marksforði hans
verði 50 milljarð-
ar. Þetta kemur
fram í mánaðar-
riti Landsbanka
Íslands.
Þar kemur
fram að líklegast sé að Seðlabankinn
hækki vexti í febrúar á næsta ári þeg-
ar fyrsta hefti Peningamála fyrir árið
2004 verður gefið út, að því gefnu að
tilkynnt verði um að ráðist verði í
stækkun Norðuráls eins og yfirgnæf-
andi líkur virðast nú vera á að gert
verði fljótlega upp úr áramótum.
Annað sem hefur áhrif á ákvörðun
um hækkun stýrivaxta eru ákvarðan-
ir varðandi breytingar á húsbréfa-
kerfinu. Framvindan í ríkisfjármál-
um mun einnig skipta miklu, en þessi
þrjú atriði eru þau atriði sem Seðla-
bankinn fylgist grannt með um þess-
ar mundir varðandi hugsanlegar
breytingar á peningastefnunni, að því
er fram kemur í mánaðarriti Lands-
bankans.
„Áhrif hækkandi vaxta á gengi
krónunnar eru að öðru jöfnu til styrk-
ingar þó svo að tengsl skammtíma-
vaxta og gengis séu ekki mjög sterk
hér á landi fremur en annars staðar.
Engu að síður ætti þetta að valda
Seðlabankanum nokkrum áhyggjum,
sérstaklega ef gengið stykist frá því
sem nú er. Líkur á vaxtahækkunum
erlendis gera það þó að verkum að
verulega dregur úr þessum áhrifum
og því má telja nánast öruggt að
bankinn muni ótrauður hækka stýri-
vexti á næsta ári um ca 1–1,5% eftir
því hversu sterk uppsveiflan verður,“
segir ennfremur í mánaðarriti Lands-
bankans.
Spá vaxtahækk-
un í febrúar
Klapparstíg 44,
s. 562 3614
Nýtt útlit
í stáli
Froðuþeytari
fyrir
cappucino
Verð 2.995