Morgunblaðið - 04.12.2003, Blaðsíða 15

MORGUNBLAÐIÐ FIMMTUDAGUR 4. DESEMBER 2003 B 15















































































































NFRÉTTIR Sjálfvindu skeiðklukku úrverk
Kúpt safírgler með afspeglun
Handsaumuð leðuról
Einnig fáanlegt í 18kt gulli
Sími: 551 3014
SÍMINN og Origo hafa tekið
höndum saman um þróun vef-
svæða Símans. Origo ehf., dótt-
urfélag TölvuMynda. Origo mun
sjá um hönnun og viðhald á
helstu vefjum Símans. Einnig
annast Origo ýmsa samþættingu
og ráðgjöf varðandi þær veflausn-
ir sem Síminn býður nú þegar.
Í fréttatilkynningu kemur fram
að Síminn reki fjölmörg vefsvæði.
Þar á meðal má nefna Siminn.is,
Vit.is, Simnet.is, Simaskra.is, Þín-
ar síður, Frelsi, Boða og Vef-
verslun ásamt innraneti starfs-
manna.
Brynjólfur Bjarnason, forstjóri Landssíma Íslands, og Friðrik Sigurðsson, forstjóri
TölvuMynda hf., innsigla nýgerðan samning
Síminn semur við Origo
DR. MICHAEL R. Czinkota, pró-
fessor í markaðsfræði og alþjóðavið-
skiptum, heldur opinn fyrirlestur í
Hátíðasal Háskóla Íslands milli
klukkan 16.00 og 17.00 á morgun.
Fyrirlesturinn, sem er á vegum
M.B.A.-námsins við háskólann,
fjallar um umhverfi alþjóðaviðskipta
í skugga hryðjuverka og hvaða kröf-
ur þetta breytta umhverfi gerir til
menntunar á sviði alþjóðaviðskipta.
Í samtali við Morgunblaðið sagði
Czinkota að hann mundi meðal ann-
ars fjalla um efnið út frá stöðu
Bandaríkjanna, en Bandaríkin væru
nú orðin mjög öflugt heimsveldi,
jafnvel í samhengi við önnur heims-
veldi sögunnar. Heimsveldi sagði
hann alltaf umdeild og tók Rómar-
veldi sem dæmi, en engum hefði lík-
að vel við Rómverja. Þeir hafi engu
að síður haft jákvæð áhrif víða og hið
sama eigi við um Bandaríkin. Þau
flytji boðskapinn um kosti markaðs-
hagkerfisins; um það að ákvarðanir á
markaðnum séu betri en ákvarðanir
ríkisins og áætlunarbúskapur. Al-
mennt sé þetta réttur boðskapur og
einstaklingar hafi það almennt betra
undir markaðshagkerfi en ríkisaf-
skiptum. Öðru máli geti gegnt um
stórfyrirtæki, í krafti mögulegra
áhrifa sinna á ráðamenn geti þau
mögulega haft sterkari stöðu þegar
ríkisafskipti séu mikil.
Czinkota sagðist einnig telja að
Bandaríkin beittu áhrifum sínum á
alþjóðavettvangi á ábyrgan hátt og
bar þau aftur saman við Rómarveldi.
Rómverjar hafi ekki látið sér nægja
að sigrast á keppinaut sínum, Karþ-
agó, heldur hafi borgin verið lögð í
eyði og enn í dag standi aðeins rúst-
irnar eftir. Ólíkt þessu komi heims-
veldið Bandaríkin fram af ábyrgð,
sem megi meðal annars sjá af því að
ekki sé talið koma til greina að grafa
kjarnorkuúrgang utan Bandaríkj-
anna, sem þó væri hægur vandi.
Bandaríkin leggi meira á sig til að
sýna ábyrgð en heimsveldi hafi áður
gert.
Breytt viðskiptamenntun
Að sögn Czinkota þurfa þær miklu
breytingar sem orðið hafa á alþjóða-
málum, bæði vegna hryðjuverkaógn-
arinnar á síðustu árum og einnig
vegna aukinnar alþjóðaverslunar og
alþjóðasamskipta, að sjást í breyttu
námsframboði. Hann segir háskóla
vera orðna alþjóðlegri en áður hafi
verið, en þeir hafi ekki haldið í við al-
þjóðavæðinguna og þær miklu
breytingar sem orðið hafi í alþjóð-
legum samskiptum.
Háskólarnir hafi þróast með tím-
anum. Þeir hafi byrjað á að kenna er-
lend tungumál, þá menningu og síð-
ar alþjóðleg samskipti. Fyrir ekki
löngu síðan hafi alþjóðleg markaðs-
fræði rutt sér til rúms og í framhaldi
af þeim alþjóðlegt viðskiptanám.
Þegar staðið sé frammi fyrir því að
breyta menningu ríkja, koma á
markaðshagkerfi og færa ríki inn í
alþjóðasamfélagið þurfi að nýta
margar fræðigreinar og námið þurfi
að endurspegla það.
Czinkota sagði að þeir sem ætli að
starfa í alþjóðlegu umhverfi þurfi að
hafa breiða þekkingu og þurfi meðal
annars að læra um lýðræðið og áhrif
menningar og um starfsemi stofnana
samfélagsins. Þeir þurfi einnig að
geta tekist á við vandamál sem komi
upp í samfélögum þar sem miklar
breytingar standi yfir. Alþjóðleg við-
skiptamenntun þurfi að taka mið af
þessu.
Alþjóðaviðskipti í
skugga hryðjuverka
Prófessor í markaðsfræði og alþjóðaviðskiptum ræðir um áhrif af
breyttu alþjóðlegu umhverfi á alþjóðlega viðskiptamenntun
WAAGE Jewellery, í eigu Hend-
rikku Waage, hefur vakið athygli í
Bretlandi fyrir nýja skartgripi sem
hannaðir eru með bæði íslenskum
og alþjóðlegum áhrifum. „Ég hef
ferðast mjög mikið og yfirbragð
skartgripanna ber þess merki, í
bland við íslensk áhrif,“ segir
Hendrikka Waage sem hannaði
skartgripina.
Hún segir bresku blöðin hafa
sýnt skartgripunum mikinn áhuga.
Þetta eru m.a. The Times, Daily
Mail Weekend, You, Femail, Bride,
Hello, OK, Daily Telegraph, The
Season og New Woman og munu
greinar um skartgripina birtast í
þessum blöðum næstu vikurnar, að
sögn Hendrikku.
Um er að ræða tvær skart-
gripalínur sem kallast Esja Ring
Collection og N-Light Collection.
Hendrikka segir skartgripina
framleidda bæði úr silfri og 18 kar-
ata gulli og skreytta steinum s.s.
bláum og hvítum tópas, peridot,
blákvars og gulum bergkristal. „Ég
hef gengið með þessa hugmynd í
tvö ár og ákvað að framkvæma
hana á þessu ári. London er minn
helsti markaður þar sem ég er með
annan fótinn þar, en ég vinn við al-
mannatengsl á þeim markaði. Eftir
áramót verð ég með kynningu í
Bombay en þar ríkir mikil hefð fyr-
ir skartgripi,“ segir Hendrikka og
bætir við að hún hafi jafnframt
áhuga á að kynna þá fljótlega á
Bandaríkjamarkaði.
Skartgripirnir eru seldir í versl-
unum í London og Bombay auk þess
að fást í verslunum Leonard í
Reykjavík og á Keflavíkurflugvelli.
Áhugasamir geta enn fremur skoð-
að skartgripina á heimasíðunni:
waagejewellery.com
Íslenskir
skartgripir
vekja athygli
í London
AUKINN áhugi á flötum sjón-
varpsskjám hefur orðið til þess að
Philips mun afskrifa yfir 70 milljarða
króna vegna rekstrarerfiðleika LG
Philips Displays, að því er segir í
Financial Times. LG Philips Dis-
plays, sem er að jöfnu í eigu hol-
lenska raftækjaframleiðandans Phil-
ips og suður-kóreska fyrirtækisins
LG Group, er stærsti framleiðandi
litasjónvarpslampa í heimi.
Hjá LG Philips starfa um 28.000
manns í yfir tuttugu verksmiðjum
um allan heim. Í Bretlandi var
tveimur verksmiðjum fyrirtækisins
lokað fyrr á þessu ári og nú er ætl-
unin að loka einni verksmiðju enn í
Bretlandi og annarri í Þýskalandi.
Financial Times hefur eftir fjár-
málastjóra Philips að ástæður sam-
dráttarins séu auknar vinsældir
flatra sjónvarpsskjáa.
Philips afskrifar vegna
vinsælda flatra skjáa