Morgunblaðið - 05.12.2003, Blaðsíða 14

Brúðarbandið er nýstofnuð sjö kvenna stelpuhljómsveit sem spilar hrátt pönkrokk. Þær
eru nýbyrjaðar að æfa í húsinu.
Eruð þið alltaf svona fínar þegar þið spilið?
„Já, við spilum bara í brúðarkjólum.“
Dreymir ykkur um að verða brúðir?
„Sumar hafa nú þegar verið brúðir en aðrar verða kannski aldrei brúðir. Kannski er
þetta eina tækifærið fyrir sumar að vera í brúðarkjól.“
Með hvaða hljómsveitum deilið þið herbergi?
„Með Tveimur dónalegum haustum og annarri sem ég man ekki hvað heitir, við erum
bara nýbyrjaðar að æfa hérna.“
Hvernig er sambúðin?
„Þetta gengur svo smurt fyrir sig að við höfum varla hitt hinar hljómsveitirnar ennþá.
Þetta er mjög fínt fyrirkomulag, því maður getur fengið lánað dót ef mann vantar eitthvað,
sem er einmitt mjög gott fyrir þá sem eru nýbyrjaðir að sanka að sér græjum eins og við.“
Er gott að vera hérna?
„Já, hér er góður andi. Þetta er frábært húsnæði, hrátt en fullt af skapandi fólki.“
Alltaf í brúðarkjólum
14 | FÓLKIÐ | FÖSTUDAGUR 5|12|2003 MORGUNBLAÐIÐ
Gítarhljómar og trommusláttur berast frá stærðarinnar byggingu í Hólmaslóð-
inni. Utangarðsmaðurinn Danny Pollock ræður þarna ríkjum og tekur hann
glaðlegur á móti blaðamanni. Við erum stödd í Tónlistarþróunarmiðstöðinni,
risastóru æfingahúsnæði sem 22 íslenskar hljómsveitir deila með sér.
Hugmyndin að miðstöðinni varð til þegar Danny var sjálfur að leita sér að
æfingahúsnæði árið 1999 er hann var nýfluttur heim frá Bandaríkjunum. „Allt
sem við gátum fengið var svo skítugt og dýrt. Ég vissi ekkert hvað ég átti að
gera við græjurnar sem voru að koma til landsins með skipinu,“ segir hann á
meðan hann veður um, að því er virðist, endalausa ganga og sýnir blaðamanni
inn í hin ýmsu herbergi sem eru full af hljóðfærum og græjum.
HLJÓÐFÆRI Í STAÐ BOLTA
Danny byrjaði ásamt félögum sínum með húsnæði í Brautarholtinu en þeir
færðu sig hingað út á Granda í vor. Þeir ákváðu að stækka við sig vegna mik-
illar eftirspurnar en margar hljómsveitir bíða eftir því að geta komist að. Hann
gerir ráð fyrir að 40 hljómsveitir geti verið í húsinu þegar það verður full-
klárað.
„Þetta er í raun svipað og íþróttamiðstöð nema hvað hér kemur fólk saman
til að skapa, í stað boltanna eru hljóðfæri,“ útskýrir Danny og bætir við að það
séu ekki allir krakkar sem hafi áhuga á íþróttum. Starf þeirra sem standa að
húsinu er fyrst og fremst sjálfboðavinna en leigutekjurnar fara allar í fram-
kvæmdir og kostnað. Segir hann að þeir félagar, sem eru fjórir, hafi lagt hátt í
fimmtíu milljónir í húsið hingað til.
Krakkar á öllum aldri nýta sér aðstöðuna, allt frá 15 ára upp í fimmtugt.
Hljómsveitirnar eru bæði reyndar og minna þekktar en ungu hljómsveitirnar
njóta gjarnan liðsinnis hinna reyndari ef þess gerist þörf. Danny segir sambúð
hljómsveitanna ganga vel, aldrei komi upp illindi. „Hér gilda nokkrar einfaldar
reglur, til dæmis er bannað að reykja. Hingað kemur fólk til að spila sína tón-
list en ekki til að halda nein partí.“
| bryndis@mbl.is
Í Sátt og Samlyndi
Morgunblaðið/Þorkell
Kimono er ein hljómsveitanna 22 sem æfa núna í Tónlistarþróunarmiðstöðinni. Alex Macneil
söngvari kann afar vel við staðinn.
Með hvaða hljómsveitum deilið þið herbergi?
„Danny Pollock og Hudson Wayne.“
Hvernig gengur sambúðin?
„Mjög vel, við erum reyndar vanir Hudson Wayne því við höfum deilt húsnæði með þeim síð-
ustu tvö árin.
Við skiptum vikunni á milli okkar og höfum sömu reglur og gilda í stúdíóum. Það verður að
ganga frá eftir sig og ef menn fá eitthvað lánað hjá öðrum þarf að skila því aftur. Þetta eru mjög
einfaldar reglur, bara til að halda þessu snyrtilegu.“
Hvernig er að æfa hérna?
„Frábært. Þetta er öruggt, vel skipulagt og bara frábært að verið sé að byggja þetta upp. Það
er mikil þörf fyrir svona stað. Hér er reyndar dálítið mikil fiskilykt sem leggst yfir allt nokkrum
sinnum í mánuði (hlær). En það er allt í lagi, fylgir því bara að vera í Vesturbænum, hún kemur
líka heima hjá mér.“
Kemur andinn yfir mann í þessu húsi?
„Já, við höfum samið nokkur lög hérna, meirihlutann af nýja efninu okkar.“
Hvað er hljómsveitin að fást við um þessar mundir?
„Við vorum að gefa út plötu fyrir stuttu en erum núna að skipuleggja næsta ár, okkur langar til
útlanda. Annars erum við að semja nýtt efni fyrir næstu plötu.“
Fiskilyktin fylgir
Morgunblaðið/Sverrir
Tónleikar til styrktar Tónlistarþróunarmiðstöðinni verða
haldnir á Nasa miðvikudaginn 11. desember. Þar koma
meðal annarra fram færeyska hljómsveitin Týr, Vínill,
Noise, Amos, Douglas Wilson, Bodies sem eru Mike og
Danny Pollock og Anonymous. Húsið verður opnað
klukkan 20 og kostar 1.000 krónur inn. Einnig verður
opið hús laugardaginn 6. desember frá kl. 14. Húsið
verður til sýnis, fjöllistahópurinn Börkur sýnir stutt-
mynd auk þess sem veitingar verða á boðstólum.
Tónleikar og opið hús