Morgunblaðið - 05.12.2003, Blaðsíða 25
m
25
EKKI FÓTBOLTABJÓR
Circle Master er enskur bjór, búinn til
úr lífrænt ræktuðu byggi – sem er önn-
ur ástæðan fyrir því að hann verður fyr-
ir valinu. Hin ástæðan er sú hvað
smökkurunum finnst flaskan falleg,
sem og miðinn sem á henni er. Þeim
finnst útlitið lofa góðu – sem kemur
ekkert á óvart. Er ekki sagt að karl-
menn séu svona „augnafólk“ – séu
alltaf glápandi og meti allt með aug-
unum? Þeim er bent á að lögun á
flösku og litríkur miði geti nú bara ver-
ið til að blekkja þá – kannski hafi bjór-
inn engan karakter. Þeir horfa á blaða-
mann eins og þann sauð sem hann er
og segja: „Það er liturinn á bjórnum
sem er áhugaverður.“
Ó.
Við athugun kemur í ljós að engar af
þeim ellefu bjórtegundum sem
smakka skal hafa sama litinn. Þá veit
maður það.
Síðan er horft á þá fá sér sopa,
smjatta, hugsa, fá sér annan sopa, líta
hvor á annan, smjatta svolítið meira,
hugsa, anda út um nefið …
Og?
„Þessi kemur á óvart. Hann er hreint
ekki eins og maður á von á.“
Sem þýðir hvað?
„Hann er sætur en með beisku eft-
irbragði,“ segir Þórður.
„Hann freyðir ekki mikið en það háir
honum ekki – þótt almennt finnist
manni það galli þegar bjór er annars
vegar,“ bætir Snorri við.
Þeir félagarnir eru sammála um að
þessi bjór sé kannski ekki allra, en
Circle Master sé örugglega góður
matarbjór; dálítið kryddaður og gæti
passað verulega vel með síld. „En
þetta er ekki fótboltabjór,“ er svo
lokaniðurstaðan.
KARLMANNLEGUR LJÓÐABJÓR
Leffe er belgískur dökkur bjór en
Belgar ku vera fremstir meðal jafn-
ingja í bjórgerð. Leffe er drukkinn úr
koníaksglösum! Þeir félagarnir eru
snöggir að átta sig á honum.
„Þetta finnst mér góður bjór,“ segir
Snorri.
„Algert hunang,“ segir Þórður og
bætir við: „Ég mundi segja að þetta
væri bjór fyrir karlmenn … úps, maður
má auðvitað ekki segja svona.“
Jú, þið megið segja hvað sem ykkur
sýnist. Það er ykkar stjórnarskrár-
bundni réttur.
„Já, Leffe tekur í,“ heldur þá Þórður
áfram, „hann er sex og hálft prósent
að styrkleika og mjög bragðmikill.“
„Það er mikið malt í þessum bjór og
hann hefur svakalegt eftirbragð,“ seg-
ir Snorri, „og þess vegna er ekki hægt
að drekka mikið af honum. Hann er of
mettandi. En það er örugglega gott
að fá sér einn yfir góðri bók.“
„Já, þetta er sparibjór,“ segir Þórður,
„við kertaljós og ég tala nú ekki um ef
maður ætlaði sér að lesa eitt fallegt
ljóð; þá er þetta bjórinn sem mundi
smellpassa stundinni.“
KARTÖFLUBJÓR
Birra Moretti er ítalskur bjór og þegar
þeir félagarnir eru búnir að bragða og
smjatta, hugsa og já, almennt fara í
gegnum það ferli hristir Snorri höfuð-
ið:
„Ég hef aldrei smakkað góðan ítalskan
bjór,“ segir hann og Þórður er sama
sinnis: „Nei, Ítalir eru þekktir fyrir ann-
að.“ Svo smakka þeir aftur, því ekki
vilja þeir segja einhverja vitleysu. Og
það er Snorri sem kemur á undan með
sína niðurstöðu: „Hann segir ekki neitt
og er alveg flatur. Maður skilur alveg
hvers vegna Ítalir sérhæfa sig í víni.“
„Einmitt,“ segir Þórður. „Eins og am-
erísk fjöldaframleiðsla.“
„Já,“ andvarpar Snorri. „Það gæti ver-
ið gott að sjóða kartöflur í honum …
Jamm, þetta er svona kartöflubjór.“
VEIÐITÚR Í RIGNINGU
Old Speckled Hen er enskur bitter-
bjór. Þeir Snorri og Þórður eru sam-
mála um að hér sé aftur á ferðinni
skemmtileg flaska. Kannski Bretar séu
betri flöskuhönnuðir en bjórhönnuðir.
En hvað finnst þeim um flotið?
„Þessi er mjög erfiður en samt er eitt-
hvað við hann. Maður ber einhvern
veginn virðingu fyrir honum en veit
ekki hvort manni finnst hann góður.
Hann hefur mikla reisn og maður vog-
ar sér ekki að segja að hann sé vond-
ur,“ eru fyrstu viðbrögð. Svo er aftur
smakkað.
Þórður: „Ég mundi ekki ráðleggja
besta vini mínum að kaupa hann.“
Snorri: „Samt er eitthvað sem dregur
mann að honum. Styrkleikinnn er
5,2%. Jú, hann gæti líklega orðið góð-
ur í veiðitúr í rigningu.“
KONUNGUR BJÓRSINS
Budweiser er hinn tékkneski konung-
ur bjórsins til margra áratuga, upplýsa
þeir félagar þegar blaðamaður verður
undrandi á því að þeir ætli að smakka
frægasta ameríska glundur sem til er.
Tékkneskur?
„Já, Tékkar eiga gríðarlega merkilega
bjórhefð. Þessi bjór er upphaflega
sagður bruggaður upp úr ánni Plzen
og það er þaðan sem pilsner hefur
fengið heiti sitt.“
Snorri: „Þetta hefur verið minn uppá-
haldsbjór í mörg ár – og hann hefur
ekki breyst.“
Þórður: „Nei, það er rétt. Þessi bjór er
stofnun og það er synd að Bandaríkja-
menn skyldu fara að framleiða lap
með sama nafni.“
Svo smakka piltarnir aftur og horfa
dreymnum augum á aðstæður inni í
höfði sér, áður en þeir andvarpa:
„Þetta er elegant bjór.“ „Já, með mat,
fótbolta og í veiði.“ „Hann passar alls
staðar.“ „Og hægt að drekka mikið af
honum.“ „Hann er sannkallaður kon-
ungur bjórsins.“
MEÐ DÖNSKU JÓLAHLAÐBORÐI
Erdinger – Weissbier er þýskur og
það er sagt að í Þýskalandi sé mikið sé
til af fólki sem drekkur aldrei annan
bjór – og hvergi er drukkinn meiri bjór
en í Þýskalandi. Glasið er hátt, kúlu-
laga að ofan en niðurmjótt, minnir dá-
lítið á vaxtarlag ofurmennisins „In-
credible Hulk“.
„Það tekur sjö mínútur að hella í glas-
ið,“ segir Þórður. „Maður fær sér
gjarnan einn venjulegan bjór á meðan
beðið er eftir að þessum sé hellt í glas-
ið.“
Hvers vegna?
„Þeir hella dálitlu í glasið, búa til hatt
úr froðunni sem svo sjatnar. Þá er hellt
aftur og síðan er þetta endurtekið aft-
ur og aftur þangað til froðan stendur
fimm sentimetra upp úr glasinu, þann-
ig að maður þarf að brjótast í gegnum
hana.“
Hver er tilgangurinn?
„Ferskleiki bjórsins helst mjög vel.“
Og hvernig er hann?
„Þetta er rosalega góður bjór. Þetta er
bjór sem mundi gera sig mjög vel með
snafsi og síld,“ segir Snorri. „Já, hann
mundi sóma sér vel með dönsku jóla-
hlaðborði,“ bætir Þórður við.
SANNFÆRINGARBJÓR
Elephant – strong special beer segir
Snorri vera fyrsta bjórinn sem hann
lærði að þekkja. Sem þýðir hvað?
„Þegar bjór var ekki leyfður á Íslandi
og menn voru að smygla honum til
landsins smygluðu þeir Elephant
vegna þess að hann var sterkastur,“
segir Þórður.
Snorri situr með fjarrænt dreymið
augnaráð, týndur í einhverri fallegri
minningu og segir um síðir: „Þetta er
svona Nyhavns-bjór, eftir ball, til
dæmis ef þú ert með konu sem er ekki
alveg viss um að hún vilji fara með þér
heim …“
Þórður: „Já, þetta er sannfæringar-
bjór.“
Þeir eru virkilega sammála um að
Elephant sé einn ágætisbjór.
LÆVÍS OG LIPUR EINS OG SYNDIN
Duvel er belgískur bjór – sterkur,
8,5%, og glasið er látið liggja á hlið
þegar bjórnum er hellt í það. Ástæðan
er sú að hann er undirgerjaður og ef
glasinu er ekki hallað verður hann
gruggugur.
Snorri: „Hann lítur sakleysislega út.“
Þórður: „Já, hann er eins og syndin,
lævís og lipur.“ Snorri: „Þetta er eins
og að vera sleginn utanundir.“ Þórður:
„Já, af fallegri konu.“
Hvað eigið þið við?
„Þessi bjór leynir á sér. Þetta er mjög
lifandi bjór – en örugglega ekki allra.
Það er ekki hægt að drekka mikið af
honum,“ segir Snorri.
„Ef þú gerir það ertu í vondum mál-
um,“ segir Þórður og bætir við: „Það
er ekki sniðugt að drekka snafs með
honum, sem er í lagi því hann stendur
alveg fyrir sjálfum sér.“
Snorri: „Hann er svo dómínerandi að
ég mundi ekki vilja mat með honum,
bara ólífur og hnetur.“
Þórður: „Sammála, hann er svo mett-
andi, eins og brauð á floti. Þetta er
örugglega alveg frábær gamlárs-
kvöldsbjór til þess að koma partíinu í
gang.“
Snorri: „Já og gæti líka verið góður
þegar tveir menn kryfja málin.“
Þórður: „Þeir yrðu snöggir að opna
sig.“
DÖMUBJÓR MEÐ „KIKK“
Hoegaarden er belgískur bjór sem
drukkinn er með sítrónu út í til þess að
hann verði ferskari.
„Þetta er alveg snilld,“ segir Þórður.
„Bjórinn er mjög léttur í sér og sítrón-
an gefur auka „kikk“.“
Snorri er sammála því að Hoegaarden
sé ferskur og fínn bjór og segir: „Mað-
ur mundi ekki hika við að bjóða dömu
upp á hann.“
DEMANTUR Í LÖRFUM
Chimay er belgískur bjór, með sjö
prósent styrkleika, sem freyðir upp úr
flöskunni þegar hún er opnuð.
„Það er líf í honum,“ segir Snorri.
„Það veit á gott,“ svarar Þórður. Bjór-
sérfræðingur Kaffibrennslunnar segir
þetta sinn uppáhaldsbjór og lofar
hann svo mjög á meðan herrarnir
smakka hann og verða síðan afar
undrandi á svipinn vegna þess að
þeim finnst flaskan ljót.
Snorri: „Þessi bjór er frábær.“
Þórður: „Já, alveg rosalega góður.“
Snorri: „Þetta er mikið „surprise“,
sem ég reiknaði ekki með þegar ég sá
flöskuna. Hann gæti gengið í næsta
veiðitúr, ekki síst vegna þess hvað
flaskan er lítil.“
Þórður: „Já, þetta er eins og með litla
kók. Hún er betri en annað kók. Þessi
bjór væri líka frábær með snafs.“
Það er greinilegt að þeir áttu ekki von
á góðum bjór hér, því þeir sitja bara
steinstandandi bit á svipinn og fá sér
hvern sopann á eftir öðrum.
Snorri: „Þetta er bjór sem kemur á
óvart. Flaskan er látlaus og maður
heldur að maður sé að fara að drekka
léttan kínverskan bjór – en svo kemur
bara þetta dúndur. Þetta er demantur
í lörfum.“
Þegar blaðamaður yfirgefur þá Snorra
og Þórð á Kaffibrennslunni eru þeir að
panta sér hvor sinn Chimay-bjórinn –
demantinn í lörfunum. Þeir hafa ekki
trúað sinni eigin tungu og ætla að fá
staðfestingu á því að hann sé hreint
aldeilis frábær.
bjórsmakk