Morgunblaðið - 05.12.2003, Blaðsíða 34

m
34
Gestirnir ganga í hlað, einn af öðrum; amma og
amma, pabbi og mamma og systkinin og bestu
vinkonurnar úr götunni heima. Öll íklædd uppá-
halds náttfötunum sínum. Af hverju? Jú, Rósa
vildi að allir sætu á sömu skör og væru samstiga í
veisluklæðunum. Þannig yrði enginn einn til þess
að stela senunni í prinsessukjól eða of hversdags-
legum miðað við hátíðlegt tilefnið.
ORKUBÓKIN OG MATSEÐILLINN
Matseðilinn ákvað Rósa sjálf og fyrir löngu, þótt
valið væri ögn litað af boðskap og dagskipunum
Orkubókar Latabæjar, því náttúrlega er dauða-
synd að svindla á heilsufæðinu. Og vitaskuld var
enginn vilji fyrir slíku hjá Rósu. Meira að segja átti
í fyrstu að bjóða gestunum upp á kranavatn í stað
ískalds Pepsi með afmælismatnum, en við nánari
lestur Orkubókarinnar kom í ljós að leyfi var veitt
fyrir gosþambi í afmælum og öðrum viðlíka til-
efnum. Eins gott líka, því fjölskylda Rósu er Pepsi-
sjúk og drekkur hið svarta og búbblandi gos með
öllum mat.
Afmælisrétturinn er frægur í Breiðholtinu. Að
minnsta kosti í götunni hennar Rósu.
Það er nefnilega segin saga að þegar móðir
hennar, Hrafnhildur Hákonardóttir einkaþjálfari,
byrjar að sjóða kind í stóra pottinum hleypur
Rósa á milli húsa og tilkynnir matseðil dagsins:
„Mamma er með kjöt í karrí! Mamma er með kjöt
í karrí!“ Skiptir þá engum togum að eldhúsið fyll-
ist af svöngum stelpum sem eru sólgnar í karrí og
gera réttinum góð skil. Sjálf á Hrafnhildur tvær
karrísósur í handraðanum; eina fyrir börnin og
aðra fyrir fullorðna.
FÉLAGSHEIMILIÐ Í GÖTUNNI
Heimili Hrafnhildar og ektamannsins, Sigurðar
Sigurðssonar, tannsmiðs og nuddara, er annars
félagsheimili stúlknanna í götunni. Flesta daga
vikunnar er þar dansað, skrafað, föndrað og
hlegið og náttúrlega borðað hollt og gott. Af-
mælið var engin undantekning þar á. Börnin fóru
heim með popp í poka, en sælgæti var bannvara í
þetta skiptið, að ósk Rósu þar sem Latibær lagði
línurnar. Þetta var heilsuafmæli. Þrátt fyrir sterkan
vilja var þó bökuð dýrindis súkkulaðiterta, en allar
sem ein báðu náttfataskvísurnar um örlitla og of-
urmjóa sneið á diskinn. Milli karrísins og afmæl-
istertunnar var svo dansað af mikilli innlifun og
hamingju; hókí pókí, fugladansinn og ymca, og
handmálaðar hjartalaga, kærleiksríkar piparkök-
ur í dísætum, skærum litum.
Það besta var, vottaði Hrafnhildur, að börnin voru
róleg og glöð þegar afmælinu lauk. Enginn í syk-
ursjokki eða uppvíraður af sælgætisáti, heldur all-
ir vel mettir og ánægðir af gamaldags, góðum,
íslenskum mat, heilbrigðu föndri og líkamlegri
dans-útrás. Og auðvitað með sæta, svolítið ab-
strakt, karríbletti í náttkjólunum.
MÖMMULEGT, GAMALDAGS KJÖT Í KARRÍ
Soðnar lærissneiðar
bornar fram með kartöflum og hrísgrjónum.
Krakkasósa:
Hveitijafningur
karrí eftir smekk
salt
Fullorðinssósa:
Hveitijafningur
sterkt indverskt karrí eftir smekk
ögn af marsala
dágóð klípa af kókosmassa
salt
með karríblett á náttkjólnum
Það er frostfilma í pollum Breiðholtsins. Klukkan
er fimm mínútur í afmæli og við sjóndeildarhring-
inn er komið fjólublátt myrkur. Ef vel er gáð má
sjá hvernig stjörnurnar, sem forma sporðdreka-
merkið á himnafestingunni, blika skært og fjör-
lega til afmælisbarnsins Rósu Sigurðardóttur.
Enda drjúg ástæða til. Rósa er búin að lifa á jörð-
inni í heil sjö ár.
TEXTI ÞÓRDÍS LILJA GUNNARSDÓTTIR LJÓSMYNDIR ÁSLAUG SNORRADÓTTIR
Yfirleitt eru bökurnar
bornar fram heitar með
rjóma eða ís sem
eftirréttur. Í versluninni
Pipar og salt,
Klapparstíg 44, má fá
tilbúnar sælkerabökur
frá Walkers þar sem
bestu hráefni eru notuð.
Tækifæri fyrir okkur
Íslendinga að kynnast
aldagamalli hefð.
Fjölskyldan sameinast við gerð fyllingarinnar í bökurnar
og þá verður að passa að hræra alltaf réttsælis í blöndunni
og óska sér um leið. Löng hefð er fyrir slíkum bökum sem
eru fylltar með þurrkuðum ávöxtum, allskyns kryddi og
hjúpaðar stökku deigi.
JólabakanKYNNING: Það eru engin
alvöru jól í
Englandi
nema jólabakan
eða „mince pie“
sé á boðstólum.
Húsgögn • Ljós
Gjafavara
Mörkinni 3, sími 588 0640 • www.casa.is
Opið mán.-fös. 11-18, lau. 11-15.