Morgunblaðið - 07.12.2003, Blaðsíða 2

ÞEGAR talað er um
atvinnuástandið er
mikilvægt að muna að
þeir sem eru atvinnu-
lausir eru fyrst og
fremst manneskjur
sem upplifa mikla ör-
væntingu og eru í mik-
illi neyð. Þetta er mat
Jóns Baldvinssonar,
framkvæmdastjóra
Ráðningarþjónustunn-
ar, en Jón fékk 600 nýj-
ar umsóknir í septem-
bermánuði og alls
fjórtán hundruð nýjar
umsóknir síðustu þrjá
mánuði.
„Ég er ekki svartsýnn, en ég sé
engin sérstök merki aukinnar hag-
sældar í atvinnulífinu, þrátt fyrir
Kárahnjúka og allar þessar fjárfest-
ingar í þessu og hinu.
Enda skila þær sér seint
til verslunar og þjón-
ustu, þar sem mikið at-
vinnuleysi er,“ segir
Jón, en hann telur mikið
misræmi í atvinnuleysis-
tölum, enda kjósi mjög
margir að vinna við eitt-
hvað þó þeir fái ekki
starf við hæfi. „Það er
mikið af háskólamennt-
uðu fólki að vinna í
byggingarvinnu og við-
líka störfum og mikil eft-
irspurn eftir fólki í slík
störf. Á meðan háskóla-
menntað fólk sárvantar
vinnu er peningunum dælt í vega-
framkvæmdir. Hvers vegna eru pen-
ingarnir ekki settir í verkefni sem
krefjast háskólamenntunar?“
Jón segist daglega fá örvænting-
arfull bréf frá hæfu fólki sem hefur
verið atvinnulaust í langan tíma.
„Fólki líður mjög illa þegar það er at-
vinnulaust í langan tíma, það er
grundvallaratriði að hafa vinnu. Fólk
getur endalaust karpað um hvort at-
vinnuleysið sé fjögur eða sjö prósent
eða hvort nú sé góðæri eða þensla, en
það breytir því ekki að það eru mann-
eskjur sem eru atvinnulausar og það
er raunveruleg neyð,“ segir Jón og
bætir við að það sé ekki góð tilfinning
að vita skjólstæðinga sína í slíkri
neyð.
Einhver þarf að taka af skarið
Menn eru enn í hagræðingargír að
mati Jóns og enn er verið að segja
upp fólki í mörgum fyrirtækjum.
„Það er helst ríkið sem er að bæta við
sig, en aðrir sitja með hendur í skauti.
Fyrirtækin eru vel í stakk búin til að
fara að gera hluti, að stækka við sig
og vaxa, en enginn virðist tilbúinn að
ríða á vaðið og taka áhættu. Menn
hafa miklu meiri þekkingu og reynslu
af því að starfa á frjálsum markaði
núna en í þenslunni 1997-2000 og allir
betur í stakk búnir fyrir alls kyns
vöxt, en það er engin framkvæmda-
gleði í fólki, það er offramboð á versl-
unar- og iðnaðarhúsnæði. Kannski er
fólk að koma sér út úr síðasta neyslu-
fylleríi og öllum lánunum. Mikilvæg-
ast er þó að einhver stígi fram og geri
eitthvað, fari að framkvæma og
stækka.“
Mikilvægt að endurmennta sig
„Það er verið að útskrifa fjöldann all-
an af háskólamenntuðu fólki þrisvar
sinnum á ári, en hins vegar sér maður
örfáa iðnaðarmenn á ferðinni, það
þarf að gera betur við iðnnám og
kynna þá möguleika fyrir ungu fólki.“
Jón telur það grundvallaratriði að
fólk hafi vinnu. „Ef það er ekki í lagi,
þá skapast svo mörg vandamál, allt
annað fer úr skorðum. Það er kannski
tæplega þrjú prósent atvinnuleysi
samkvæmt opinberum tölum, sem er
ekki mikið, en það er mjög mikið í ein-
angruðum geirum, þannig að það er
misræmi í atvinnuleysinu og sumir
geirar eru mun verr staddir en aðrir.
Sú tilfinning sem ég hef í mínu starfi
segir mér að atvinnuleysið sé frekar í
kring um 4-6%. Starf mitt verður
mun erfiðara þegar ástandið er
svona, því fólk verður örvæntingar-
fullt. Hér kemur mikið af tilfinning-
um við sögu.“
Jón ráðleggur öllum sem eru at-
vinnulausir að vera duglegir við að
fara á námskeið til að bæta hæfni sína
og taka allri menntun sem býðst.
„Það er mikilvægt að endurmennta
sig og bæta við kunnáttu sína. Fólk
verður að taka leitina að vinnu sem
vinnu, ekki sitja heima og bíða eftir
vinnu. Vinnan kemur ef fólk er dug-
legt að leita að henni og vinna í því. Þó
hún komi seint, þá kemur hún.“
Að lokum bætir Jón því við að nú sé
mikil eftirspurn eftir smiðum, múr-
urum, tæknifræðingum og verkfræð-
ingum á norðanverðum Vestfjörðum í
verkefni næstu tvö árin að minnsta
kosti. Þá er einnig boðið upp á að út-
vega góða vinnu fyrir maka. „Það eru
margir skemmtilegir möguleikar í
stöðunni þrátt fyrir að ástandið sé dá-
lítið dökkt.“
Atvinnuleysi snertir fyrst
og fremst manneskjur
Jón Baldvinsson framkvæmdastjóri hjá Ráðningarþjónustunni hefur fengið 1.400 nýjar umsókn-
ir síðastliðna þrjá mánuði og segir að mikið misræmi sé í atvinnuleysistölum
Unnið að því að rífa gamalt iðnaðarhúsnæði í Hafnarfirði.
Jón Baldvinsson
..................
Á m e ð a n h á s k ó l a -
m e n n t a ð f ó l k s á r -
v a n t a r v i n n u e r
p e n i n g u n u m d æ l t í
v e g a f r a m k v æ m d i r.
..................
2 B SUNNUDAGUR 7. DESEMBER 2003 MORGUNBLAÐIÐ
SKRÁÐIR atvinnulausir hjá
Vinnumálastofnun eru nú yfir fimm
þúsund eða 5.060 talsins. Þetta er
rúmlega 11% fjölgun síðan í lok
október, en þá voru 4.535 skráðir
atvinnulausir samkvæmt tölum
Vinnumálastofnunar. Fjölgunin er
ívið meiri meðal karla og dregur
saman með kynjunum en hingað til
hafa nokkru fleiri konur verið
skráðar atvinnulausar en karlar.
Atvinnuleysi
eykst enn