Morgunblaðið - 07.12.2003, Blaðsíða 11

MORGUNBLAÐIÐ SUNNUDAGUR 7. DESEMBER 2003 B 11
Samkoma í dag kl. 16.30.
Curtis Silcox predikar.
Þriðjud. Samkoma kl. 20.00.
Miðvikud. Bænastund kl. 20.00.
Fimmtud. Ungliðarnir kl. 20.00.
Föstud. Sameiginleg samkoma
í Veginum kl. 20.30.
Bob Weiner predikar.
Laugard. Samkoma með Bob
Weiner kl. 20.30.
www.krossinn.is
Kl. 16.00. Aðventuhátið fyrir
alla fjölskylduna.
Umsjón Björn Tómas Njálsson.
Mánudag 8. des. kl. 15.00 Jóla-
fundur Heimilasambandsins.
Allar konur velkomnar.
I.O.O.F. 3
1841288
Ek
Fjölskylduguðsþjónusta kl. 11.00.
Fjölbreytt dagskrá með þátttöku
barnanna. Sigríður Schram tal-
ar. Skírn og veislukaffi.
Samkoma kl. 20.00 á Bíldshöfða
10 með mikilli lofgjörð og fyrir-
bænum. Friðrik Schram predik-
ar. Allir velkomnir.
Brauðsbrotning kl. 11:00
Ræðum. G. Theodór Birgisson.
Almenn samkoma kl. 16:30.
Ræðum. Jón Þór Eyjólfsson.
Gospelkór Fíladelfíu sér
um lofgjörðina.
Allir hjartanlega velkomnir.
filadelfia@gospel.is
www.gospel.is
Sálarrannsóknarfélag
Íslands,
stofnað 1918,
sími 551 8130,
Garðastræti 8, Reykjavík
Huglæknarnir Hafsteinn Guð-
björnsson, Ólafur Ólafsson, Krist-
ín Karlsdóttir, miðlarnir Birgitta
Hreiðarsdóttir, Guðrún Hjörleifs-
dóttir, Laufey Héðinsdóttir, María
Sigurðardóttir, Oddbjörg Sigfús-
dóttir, Rósa Ólafsdóttir, Skúli Lór-
enzson og Þórunn Maggý Guð-
mundsdóttir starfa hjá félaginu
og bjóða upp á einkatíma.
Upplýsingar og bókanir eru í
síma 551 8130. Opið mánudaga,
þriðjudaga, miðvikudaga og
fimmtudaga frá kl. 9.30—14.00,
föstudaga frá kl. 9.30—13.30.
Ath! breyttan opnunartíma.
Heimasíða:
www.salarrannsoknarfelagid.is .
Netfang:
srfi@salarrannsoknarfelagid.is .
SRFÍ.
Smiðjuvegi 5, Kópavogi.
„Á léttum nótum“. Fjölskyldu-
samkoma kl. 11 þar sem trúður-
inn Lubba og brúðan Dolli koma
í heimsókn, mikið fjör og eitt-
hvað sem allir geta notið í nær-
veru Jesú.
Almenn samkoma kl. 20 þar sem
Högni Valson predikar, mikil lof-
gjörð, fyrirbænir og samfélag í
kaffisalnum á eftir.
Allir hjartanlega velkomnir.
Fyrirbænasíminn er 564 2355
eða á netfanginu
vegurinn@vegurinn.is .
www.vegurinn.is
FÉLAGSLÍF
Hörgshlíð 12.
Boðun fagnaðarerindisins.
Bænastund í dag kl. 14.00.
GUÐNÝ Harðardóttir, fram-
kvæmdastjóri STRÁ-MRI ráðning-
arþjónustu, segir ýmislegt vera í spil-
unum sem atvinnumarkaðurinn
hefur ekki enn tekið tillit til. „Það eru
samningar framundan í janúar og
vinnuveitendur halda sjálfsagt að sér
höndum fram að þeim tíma. Við erum
komin á nokkuð lygnan sjó með efna-
hagslífið og stutt í að við fáum byr
undir báða vængi. Þjóðhagsspáin er
góð og efnahagslífið er á uppleið
næstu fjögur ár. Vissulega fara menn
ekki eins geyst og árin 1999 og 2000,
heldur hafa varann á, enda sjálfsagt
margur lært af þeim mistökum, sem
gerð voru þá.“ Guðný segir launaris
hafa verið mikið á þeim árum, en laun
hafi lækkað nokkuð haustið 2001, þó
staðið í stað síðustu mánuði. „Þó er-
um við fimmta hæsta landið í launum
af OECD-löndunum og skv. upplýs-
ingum með 6% hærra launaris síð-
ustu ár en nágrannalöndin.“
Stjórnsýslan hefur að sögn Guð-
nýjar orðið áhugaverðari að mati
margra umsækjenda. „Opinber fyr-
irtæki greiða í mörgum tilvikum
hærri laun en einkafyrirtæki, sem
hafa lækkað byrjunarlaun nokkuð
síðan 2001.“
„Það eru líka nokkuð fjölbreytt og
áhugaverð störf í boði hvað vinnu-
markaðinn varðar, þá er bæði um ný
störf að ræða sem og ráðningar
vegna hreyfinga starfsmanna milli
fyrirtækja eða annars.“
Iðnmenntun bæði nytsamleg
og ánægjuleg
Guðný telur mikilvægt fyrir ungt fólk
að horfa til þarfa vinnumarkaðarins
og reyna að sameina áhuga og hag-
sýni þegar námið er valið. „Undan-
farin ár hefur verið mikið framboð á
háskólamenntuðu fólki, Íslendingar
eru vel menntaðir miðað við höfða-
tölu. Þó má benda á að vinnumark-
aðurinn er farinn að finna fyrir veru-
legri vöntun á iðnmenntuðum
einstaklingum. Hvað háskólanámið,
sem og annað nám, varðar þarf að
hafa það að markmiði
að námið geti nýst í
framtíðinni. Umsækj-
endur um störf verða jú
að hafa það bakland í
námi og reynslu, sem
fyrirtækin vilja kaupa,“
segir Guðný og bendir á
að nú sé líka mikið
framboð á fjölbreyti-
legri menntun. Varð-
andi skort á iðnmennt-
uðum nefnir Guðný það
sem dæmi um ástandið í
dag, að skortur sé á bif-
vélavirkjum bæði á Ís-
landi og í Noregi. „Bif-
vélavirkjar eru líka með
ágætislaun enda minna framboð en
eftirspurn.“
Eitt af þeim vandamálum sem
steðja að vinnumarkaðnum segir
Guðný eiga rætur sínar að rekja til
einsetningar skóla. „Það hefur borið
á því síðustu árin, eftir að skólarnir
urðu einsettir, að erfiðara er að ráða í
störf eftir hádegi. Þar má nefna t.d.
skrifstofustörf frá kl.13:00–17:00, og
enn erfiðara er að manna störfin við
afgreiðslu, í t.d. sérverslunum, sem
opna oft ekki fyrr en klukkan 11:00,
en þá er jú næstum komið hádegi.
Konur eru í ríkjandi meirihluta
þeirra sem sækja um hálfs dags störf
og þær vilja yfirleitt vinna fyrir há-
degi vegna skólagöngu
barna. Hins vegar er
erillinn hjá fyrirtækj-
unum mun meiri eftir
hádegi. Einnig eru
vetrarfrí skólanna öll á
sama tíma og það getur
bitnað illa á fyrirtækj-
unum. Það þyrfti ein-
hvern veginn að auka
sveigjanleika grunn-
skólanna til að koma til
móts við þessar þarfir
vinnumarkaðarins. Í
raun má segja að þarna
rekist á þríþættir hags-
munir, þ.e. hagsmunir
menntastofnana, leik-
og grunnskóla, hagsmunir atvinnu-
lífsins og hagsmunir launþeganna.
Þar sem fyrirsjáanleg er uppsveifla í
atvinnulífinu held ég að menntakerf-
ið sem og dagvistanir þurfi að vera
tilbúin að mæta þessu með vissum
sveigjanleika.“
Erfitt fyrir einstæða foreldra
Guðný segir fyrirtæki vera orðin
mun fjölskylduvænni en áður og
tilbúin að mæta ýmsum þörfum
starfsmanna. „Hins vegar getur ver-
ið erfitt hlutskipti fyrir t.d. einstætt
foreldri á vinnumarkaðinum með til-
liti til áðurgreinds. Það getur reynst
erfitt að fá sveigjanlegri dagvist fyrir
börnin og fleira í þeim dúr. Einnig er
vert að benda á þá erfiðleika, sem
skapast á vinnumarkaðinum, þegar
leikskólarnir loka í júlí, allir sem
einn, en erfitt getur verið fyrir fyr-
irtækin að mæta þörfum þess fjölda
starfsmanna, sem þurfa frí á sama
tíma og geri ég ráð fyrir að margt
foreldrið þurfi að grípa til annarra
ráðstafana þá. Spurning er hvort
leikskólarnir geti ekki raðað niður
sumarleyfum sinna starfsmanna rétt
eins og fyrirtækin þurfa að gera svo
hægt verði að mæta þörfum atvinnu-
lífsins, foreldra og barna. Þarna
þyrfti einnig að vera meiri sveigjan-
leiki.“
Sveigjanleiki nauðsyn-
legur hjá öllum aðilum
Guðný Harðardóttir telur brýnt að sameina áhuga og hagsýni í námsvali
Guðný Harðardóttir
..................
B o r i ð h e f u r á þ v í
s í ð u s t u á r i n , e f t i r
a ð s k ó l a r n i r u r ð u
e i n s e t t i r, a ð e r f -
i ð a r a e r a ð r á ð a í
s t ö r f s e m u n n i n e r u
e f t i r h á d e g i .
..................
Á Skólavörðuholtinu er jafnan að
finna nokkuð ríkulegt mannlíf. Þar
eru Iðnskólinn og Austurbæjarskóli
til húsa auk Sundhallarinnar. Í
gönguferð um holtið var spjallað við
fólkið um draumastörfin.
Sköpun og minnisvarðar
Þau Sólver Hafsteinn Hafsteinsson
og Heiða Hrund Jack voru að vinna
lokaverkefni í líkanasmíði í Iðnskól-
anum. Þau langar bæði að verða
arkitekt. Heiða, sem nemur tækni-
teiknun, segir arkitektinn hafa
blundað í sér frá barnæsku og það
höfði til hennar að skapa. „Það er
spennandi að geta nýtt hús á sem
bestan hátt og eins að raða hlutum
saman í lítið pláss í innanhúss-
hönnun.“ Sólver hefur komið víða
við í námi og meðal annars lokið
námi í húsgagnasmíði. Hann hygg-
ur á arkitektanám. Draumastarf
Sólvers var einu sinni að stunda
geimrannsóknir, en hann hefur sætt
sig „við þann sess að setja mark sitt
á heiminn með fallegum bygg-
ingum“.
Tölvuvinna og barnaleikur
Í Vörðuskóla voru þær Svanhildur
Jóna Erlingsdóttir og Hildigunnur
Helgadóttir að dunda sér á Netinu.
Svanhildi langar að starfa við eitt-
hvað tengt tölvum. „Ég er á tölvu-
braut núna, bæði á forritunarsviði
og netkerfasviði þannig að mig
langar að starfa við eitthvað tengt
því. Ég hef líka lokið viðskiptabraut
og mig langar að geta skellt þessu
einhvern veginn saman. Þetta er
eitthvað sem ég hef áhuga á og mig
langaði til að læra.“
Hildigunni langar til að verða
leikari og þá sérstaklega að starfa
við barnaleikrit. „Ég hef svo gaman
að því að sprella. Ég er líka algjör
barnagella og vann á leikskóla og
þegar ég fer á barnaleikrit þá dansa
ég meira með en nokkur annar í
salnum. Mér finnst það að leika með
börnum það skemmtilegasta sem ég
geri.“ Hildigunnur veit ekki hvort
hún stefnir beint á draumastarfið,
en óljóst sé hvað framtíðin ber í
skauti sér.
Fótbolti, körfubolti og hlátur
Guðmundur Þórir Hjaltason, Viðar
Snær Garðarsson, Védís Garð-
arsdóttir og Monika Maszkiewicz
voru að sparka milli sín bolta á
battavellinum við Austurbæj-
arskóla. Þau eru öll í sjöunda bekk
nema Guðmundur, sem er í þriðja
bekk. Guðmundur og Viðar Snær
stefna á atvinnumennsku í bolta-
íþróttum, Guðmundur í fótbolta og
Viðar Snær í körfubolta. Þá getur
maður fengið að starfa við það sem
maður hefur gaman af, segja þeir.
Guðmundur myndi alls ekki vilja
starfa sem strætóbílstjóri en Viðar
Snær hyggst ekki gerast klapp-
stýra.
Stúlkurnar eru óvissari um hvað
þær langar að starfa, en segjast þó
alls ekki vilja verða kennarar.
„Kennarar eru svo oft leiðinlegir og
ekki í góðu skapi.“ Þær langar ekki
heldur að spila á hljóðfæri. Védís
segist vilja vinna þar sem hægt er
að hlæja, kannski sem áhorfandi í
sjónvarpi. Monika segist líka vilja
vinna í gleðilegri vinnu.
Ís, endurvinnsla og sköpun
Vinkonurnar Anna Líf Ólafsdóttir,
María Kristín Thorarensen og pabbi
Önnu, Ólafur Guðsteinn Krist-
jánsson voru saman í sundi. Stelp-
urnar eru báðar sjö ára en Ólafur
pabbi er bókmenntafræðinemi.
Draumastarf Ólafs er að fást við
skapandi skrif og skapandi vinnu.
„Mig langar að vinna þar sem mað-
ur þarf að nota heilann og forðast
þá heilarýrnun sem er í gangi í sam-
félaginu.“ Ólafur hefur þegar stigið
fyrstu skrefin í þá átt, því hann er
sjálfur að fara að gefa út sína fyrstu
ljóðabók. Hann segir martrað-
arstarf sitt vera búslóðaflutninga
og færibandavinnu. Maríu Kristínu
langar að vinna sem sorpukona í
verksmiðju, „eins og pabbi minn.
Hann er að vinna í endurvinnslu.
Það er gaman. Vinkona mín vill líka
vera sorpukona. Ég vildi alls ekki
vinna í sjoppu, því mér finnst leið-
inlegt inni í sjoppum.“ Önnu Líf
langar að vinna í ísbúð. „Það er
örugglega gaman að vinna í ísbúð
og selja fólki ís.“ Önnu langar alls
ekki að vinna við viðgerðir.
Draumastörfin
Morgunblaðið/Svavar
Sólver Hafsteinn og Heiða Hrund.
Guðmundur Þórir, Viðar Snær, Védís og Monika.
Svanhildur Jóna og Hildigunnur.
María Kristín, Anna Líf og Ólafur.