Morgunblaðið - 08.12.2003, Blaðsíða 10

ÖGMUNDUR Jónasson, þing-
maður Vinstrihreyfingarinnar –
græns framboðs, lýsti því yfir í
umræðum á Alþingi á laugardag
að ef ekki yrðu gerðar breytingar
á frumvarpi félagsmálaráðherra
um greiðslur Atvinnuleysistrygg-
ingasjóðs vegna fiskvinnslufólks
væri ljóst að langar umræður
yrðu um frumvarpið við aðra um-
ræðu á þingi. Ræðutími þing-
manna við aðra umræðu um
frumvörp er ótakmarkaður.
Árni Magnússon mælti fyrir
frumvarpinu á laugardag. Í því er
lagt til að heimilt verði framvegis
að greiða dagpeninga til fisk-
vinnslufyrirtækja úr Atvinnuleys-
istryggingasjóði, fyrir starfsmann
sem orðið hefur verkefnalaus
vegna vinnslustöðvunar, í allt að
20 greiðsludaga í stað 30 eins og
verið hefur. Einnig er lagt til að
dagpeningar verði ekki greiddir
fyrir tvo fyrstu daga hvors árs-
helmings. Þá er lagt til að skil-
greining laganna á tímabundinni
vinnslustöðvun verði þrengd og
ýmsar breytingar gerðar á lög-
unum sem eiga að skýra þær
reglur er gilda um tilkynningu og
umsókn fyrirtækja er rétt eiga á
greiðslum.
Í greinargerð frumvarpsins
kemur fram að ástæðan sé sú að
ákvæði laganna hafi þótt nokkuð
rúm og erfiðleikum háð að koma
böndum yfir framkvæmd þeirra.
Að mati fjármálaráðuneytisins
mun lagabreytingin ásamt auknu
eftirliti sem gert er ráð fyrir leiða
til lækkunar útgjalda Atvinnu-
leysistryggingasjóðs sem nemur
um 65–70 milljónum kr. á ári.
Stjórnarandstæðingar gagn-
rýndu frumvarpið harðlega á
laugardag. Sögðu þeir frumvarpið
fela í sér skerðingu á kjörum fisk-
vinnslufólks. Ögmundur Jónasson
lagði fram kröfu um að frum-
varpið yrði dregið til baka og
gengið yrði til samráðs og samn-
inga við verkalýðshreyfinguna.
Hann sagði að yrðu ekki gerðar
neinar breytingar á frumvarpinu
væri sýnt að það kallaði á langar
umræður á þingi.
Ekki breytt án samráðs við
verkalýðshreyfinguna
Ögmundur segir að frumvarpið
taki á málum sem byggist á þrí-
hliða samkomulagi verkalýðs-
hreyfingarinnar, atvinnurekenda
og ríkisvaldsins. Frumvarpið taki
á atriðum sem hafi þróast í
tengslum við kjarasamninga og
að þeim verði ekki breytt án sam-
ráðs við verkalýðshreyfinguna.
Ögmundur gagnrýndi einnig
boðaða skerðingu á atvinnuleys-
isbótum, en haft var eftir Árna
Magnússyni í Morgunblaðinu á
laugardag að frumvarp þess efnis
yrði kynnt þingflokki Framsókn-
arflokksins í vikunni. Ögmundur
taldi þá skerðingu svívirðilega og
sagði ljóst að slíkt frumvarp færi
ekki í gegnum þingið umræðulít-
ið.
Frumvarp um greiðslur Atvinnuleysistryggingasjóðs vegna fiskvinnslufólks
Stjórnarandstaðan segir
frumvarpið boða skerðingu
Morgunblaðið/Jim Smart
Ágúst Ólafur Ágústsson og Jóhanna Sigurðardóttir, þingmenn Samfylkingarinnar.
FRÉTTIR
10 MÁNUDAGUR 8. DESEMBER 2003 MORGUNBLAÐIÐ
LISTMÁLARINN Kjartan Guð-
jónsson hefur ákveðið að hætta við
að sýna málverk sín í Listasafni
Reykjanesbæjar eftir að tekin var
ákvörðun um að sýna verk eftir Árna
Johnsen í safninu. Sýningu á verkum
Kjartans átti að opna í janúar.
Kjartan staðfesti þetta í samtali
við Morgunblaðið og segir fyrir neð-
an allt velsæmi að bjóða Árna að
sýna í salnum. „Salurinn er alveg
dásamlegur en því miður er þetta
svona. Ástæðan er sú að ég sýni bara
ekki þar sem Árni Johnsen sýnir. Ég
sýni ekki á stað þar sem honum er
ætlað að sýna, það er bara ekki
hægt.“
Kjartan gefur ekki mikið fyrir
listaverk Árna og kallar þau fúsk.
„Íslendingar eru upp til hópa röfl-
arar, en bölvaðar gungur,“ segir
Kjartan og segist verða að standa við
sína sannfæringu.
„Ég var að vona það í mínum
barnaskap að þarna væri komið eitt-
hvert mótvægi gegn þessu listfræð-
ingastóði hér í Reykjavík sem öllu
ræður. Þarna var enginn listfræð-
ingur, bara áhugafólk um myndlist.
Ég gerði mér svo miklar vonir með
þennan stað og varð svo hrifinn þeg-
ar ég sá hann og ánægður því þetta
væri minn eini möguleiki í lífinu til að
halda yfirlitssýningu, því ég er úti-
lokaður frá öllum sýningarhúsum í
Reykjavík.“
Móðgað marga forstöðumenn
Kjartan segist hafa móðgað of
marga forstöðumenn listagallería í
höfuðborginni og því fái hann ekki
inni með sýningar þar.
„Það var enginn sárari og sorg-
mæddari en ég, ég hélt það væri að
byrja þarna nýtt líf fyrir myndlist í
landinu, en þá fer það svona.“
Valgerður Guðmundsdóttir,
menningarfulltrúi Reykjanesbæjar,
segist leið yfir þessari ákvörðun
Kjartans, en í hennar huga sé skýrt
að fagmenn eins og Kjartan fái allt
aðra aðstöðu en áhugafólk sem safn-
ið hjálpi til að fá aðstöðu í öðrum söl-
um. Hún segir þetta tvö mjög ólík
verkefni, þannig leggur listasafnið fé
í prentun bæklinga og sendir út
boðskort fyrir faglistamenn, en
áhugamenn fái góð ráð og leiðbein-
ingar.
„Mér þykir leitt að hinn aldni lista-
maður skuli taka þessa ákvörðun.
Listasafn Reykjanesbæjar sinnir
áhugaverðum fagmönnum eins og
Kjartani á sinn hátt í sýningarsal
safnsins í Duus-húsum, eins og fram
hefur komið, en mun eftir sem áður
aðstoða áhugafólk við að koma verk-
um sínum á framfæri á öðrum stöð-
um í bænum. Þetta tvennt eru ólík
verkefni og eiga ekki að þurfa að úti-
loka eða trufla hvort annað,“ segir
Valgerður.
Kjartan Guðjónsson
hættir við sýningu
Vill ekki sýna á
sama stað og
Árni Johnsen
ALLS 88 geðfatlaðir einstaklingar voru á
biðlista eftir félagslegu búsetuúrræði í nóv-
ember að því er fram kemur í skriflegu svari
félagsmálaráðherra, Árna Magnússonar,
við fyrirspurn Ástu Möller, varaþingmanns
Sjálfstæðisflokksins. Svarinu hefur verið
dreift á Alþingi. Þar kemur fram að af þess-
um 88 voru 33 á biðlista eftir íbúð, 34 á bið-
lista eftir íbúð með sameiginlegri aðstöðu og
21 á biðlista eftir því að komast á sambýli.
88 geðfatlaðir
bíða eftir
húsnæði
JÓN Kristjánsson heil-
brigðis- og trygginga-
málaráðherra mælti fyrir
frumvarpi um hækkun á
grunnlífeyri öryrkja á
Alþingi á laugardag, en
frumvarpið er tilkomið
vegna samkomulags ráð-
herra og Öryrkjabanda-
lags Íslands í mars sl.
Skv. fjárlagafrumvarpi
2004, sem samþykkt hefur verið á Alþingi,
er gert ráð fyrir að kostnaður ríkissjóðs
vegna frumvarpsins verði 1 milljarður á
næsta ári. Stjórnarandstæðingar gagn-
rýndu sem fyrr að ekki skyldi vera gert ráð
fyrir 1,5 milljónum króna á fjárlögum 2004
vegna samkomulagsins við öryrkja. Sögðu
þeir að með því að bæta ekki við 500 millj-
ónum króna í auknar lífeyrisgreiðslur væri
verið að svíkja öryrkja. Ráðherra ítrekaði á
hinn bóginn að frumvarpið væri sigur fyrir
öryrkja en ekki svik. Þá sagði hann að það
kynnu að hafa verið mistök af sinni hálfu að
hafa ekki gengið frá öllum lausum endum
vegna samkomulagsins við öryrkja. Þannig
hefði mátt koma í veg fyrir mismunandi
skilning manna á samkomulaginu.
Mistök að
ganga ekki
frá lausum
endum
Jón Kristjánsson
EINAR Svein-
björnsson veð-
urfræðingur segir
Sigurð Þ. Ragn-
arsson hafa nokkra
aðra sýn á starfs-
heitið veðurfræð-
ingur en almennt
tíðkast. „Sigurðar Þ.
lætur að því liggja í
Morgunblaðinu í
gær að menntun mín
sé bara grunnnám
eins og hann orðar
það. En hann á að
vita betur. Ég út-
skrifaðist sem veð-
urfræðingur frá
Óslóarháskóla 1991
eftir sex ára nám og lauk þar
námi með meistargráðu og sú
prófgráða var eiginlega forsenda
þess að ég fékk vinnu við veð-
urspágerð á Veðurstofunni á sín-
um tíma,“ segir Einar.
Sigurður greini frá
sinni menntun
„Mér er hins vegar ekki kunn-
ugt um menntun Sigurðar í veð-
urfræði. Hann er jarðfræðingur
frá Háskóla Íslands eins og hef-
ur komið fram en nú hefur hann
gott tækifæri til þess að greina
alþjóð frá sínu námi í veð-
urfræði, ekki síst þar sem hann
er orðinn þekktur og er að spá á
landsvísu í fjölmiðlum. Nú gefst
honum tækifæri til þess að
greina frá því við
hvaða háskóla
hann fékk þessa
diploma-gráðu
eins og hann kall-
ar meistara-
menntun sína,“
segir Einar.
Hann segir þó
rétt að taka fram
að sólarhringsspár
Sigurðar séu alls
ekki slæmar og
ljóst sé að Sig-
urður hafi mikinn
áhuga á því sem
hann er að gera.
„Það væri hins
vegar þörf á því
að það yrði gerður samanburður
á hans spám og sambærilegum
spám frá Veðurstofunni. Það er
alveg hægt að gera slíkan sam-
anburð.“
Umræða um löggildingu
Einar segir að raunar hafi far-
ið fram nokkur umræða um
þetta innan Félags veðurfræð-
inga, sem er ekki stéttarfélag
heldur fagfélag, hvort ástæða sé
til þess að óska eftir löggildingu
á starfsheitinu veðurfræðingur.
„Um það eru dálítið skiptar
skoðanir og sjálfur er ég reynd-
ar efins um gagnsemi þess að
löggilda þetta starfsheiti. Ég
held að það gangi vart í heimi
margbreytilegs náms.“
Einar Sveinbjörnsson
Einar Sveinbjörnsson
Hef meistaragráðu
í veðurfræði
♦ ♦ ♦
VEL hefur gengið að ráða starfsfólk á
nýja Hrafnistuheimilið á Vífilsstöðum
í Garðabæ að sögn Ingibjargar Tóm-
asdóttur, hjúkrunarstjóra Vífilsstaða.
Búið er að ráða um tvo þriðju
starfsfólks, en auglýst hefur verið eft-
ir hjúkrunarfræðingum, sjúkraliðum,
starfsfólki við aðhlynningu í býtibúr
og ræstingu. Undirtektir hafa verið
góðar en best hefur gengið að ráða í
stjórnunarstöður. Ingibjörg segir
einnig hafa gengið vel að ráða sjúkra-
liða til starfa, en enn vantar nokkuð af
starfsfólki við aðhlynningu. Gert er
ráð fyrir að ljúka ráðningum í febrúar
á næsta ári og að um 70 manns muni
vinna á staðnum að hlutastörfum
meðtöldum. Starfsemi Vífilsstaða-
spítala hefst í byrjun janúar, en þar
verður pláss fyrir um 50 skjólstæð-
inga.
Ráðningar í störf ganga vel
Nýja Hrafnistuheimilið á Vífilsstöðum í Garðabæ