Morgunblaðið - 08.12.2003, Blaðsíða 3
ÍÞRÓTTIR
MORGUNBLAÐIÐ MÁNUDAGUR 8. DESEMBER 2003 B 3
skömmu síðar, er frá í nokkra mánuði
og meiðist á ný. Er frá í nokkra mán-
uði á ný. Það er óhætt að segja að ég
hafi ekki verið neitt sérstaklega hátt
uppi á þessum tíma.“
Tók hressilega á lóðunum
Hin unga stórskytta hefur greini-
lega haft tíma til þess að styrkja sig
líkamlega á meðan hann átti í þessum
meiðslum enda er Arnór í dag „full-
vaxin skytta“, 1,92 metrar á hæð og
92 kg á þyngd.
„Það hafa margir sagt að meiðsla-
lotan hafi í raun verið góð reynsla fyr-
ir mig. Ég hafði þá tíma til þess að
styrkja mig enn frekar. Það var tekið
á því í lyftingasalnum sl. vetur. Stund-
um tvisvar á dag og það skilaði sér svo
sannarlega.“
Spurður segir Arnór að hann hafi
verið „hálfgerð rengla“ sem ungling-
ur. „Ég var eins og pabbi var alltaf.
Grannvaxinn en samt sem áður með
styrk til þess að stökkva og skjóta. Ég
hef notað sumrin til þess að byggja
mig markvisst upp og í dag er ég
nokkuð sáttur við uppskeruna. Það er
enn von um að ég stækki eitthvað til
viðbótar en það er lítil von um það.“
Strembið en gott sumar
Arnór var í landsliði Íslands U-18
ára sem sigraði á Evrópumeistara-
mótinu sem fram fór sl. sumar í Sló-
vakíu. Þar lagði Ísland lið Svía í und-
anúrslitum í framlengdum leik og í
úrslitaleiknum hafði liðið betur gegn
stórliði Þýskalands. Skyttan segir að
sumarið hafi verið strembið enda æfði
liðið mjög mikið fyrir EM. „Ég er
ekki frá því að við sem vorum í þessu
liði njótum góðs af því nú að hafa æft
stíft í sumar, farið á stórmót, fengið
leikæfingu sem aðrir leikmenn fengu
ekki. Ég var dauðþreyttur eftir mótið
í Slóvakíu en ég fór í útskriftarferð
með 4. bekk strax í kjölfarið. Þar náði
ég að hlaða orkubirgðirnar á ný og
mætti ferskur til leiks á æfingar með
KA sl. haust. En ég missti af fyrsta
leik liðsins í ágúst. Það er okkar mat
að við tryggðum okkur Evrópumeist-
aratitilinn með því að vera í betra lík-
amlegu ástandi en mótherjar okkar.
Ekki spurning,“ segir Arnór og færir
sig um set með farsímann á leið sinni
um ganga Menntaskólans á Akureyri.
„Þú verður að afsaka hávaðann, það
gengur eitthvað mikið á í dag í skól-
anum.“
Lið KA með Arnór í sínum röðum
hefur fagnað titlum í gegnum yngri
flokkanna en hann leikur einnig með
2. flokki félagsins. „Kjarninn í þeim
flokki hefur unnið að ég held Íslands-
meistaratitil í 6., 5., 4. og 3. flokki. Mér
finnst gaman að leika með 2. flokki.
Þar fær maður að gera margt sem
maður myndi aldrei gera í leik með
mfl. án þess að hafa prófað það áður.
Við erum samt sem áður ekki alveg að
missa okkur í þessum leikjum og við
þurfum að gæta að því að álagið verði
ekki of mikið. Við eigum enn eftir að
vinna bikarmeistaratitil og við erum í
undanúrslitum í mfl og 2. flokk. Það
dettur okkar megin í ár,“ segir Arnór
en hann var í liði KA sem varð Ís-
landsmeistari tímabilið 2001–2002.
Lætur verkin tala
Framundan er stórmót hjá A-
landsliði karla og vakti það athygli
margra að Guðmundur Þ. Guðmunds-
son, landsliðsþjálfari Íslands, valdi
Arnór ekki í liðið fyrir vináttuleiki
gegn Pólverjum á dögunum. Margir
voru óhressir með þá ákvörðun en
höfuðpersónan svaraði því með því að
bíta í neðri vörina og skoraði grimmt í
næstu leikjum KA-liðsins. „Ég er
ekki að velta þessu mikið fyrir mér en
veit það eitt að ef ég stend mig í leikj-
um með KA þá á ég möguleika á að
komast í landsliðið. Guðmundur valdi
mig í landsliðið fyrir tveimur árum. Í
dag er ég betri leikmaður en þá. Hann
er með símanúmerið mitt og ég bíð
rólegur eftir kallinu. Ef það gerist
ekki í ár þá er það ekki stórslys. Ég er
nú aðeins 19 ára og sef alveg ágæt-
lega þrátt fyrir allt.“
Atli Hilmarsson, faðir Arnórs, var
þjálfari KA þegar Arnór fór að leika
með mfl. og segir Arnór að faðir hans
hafi hjálpað honum með marga hluti.
„Návígið var að sjálfsögðu mikið. Við
bjuggum saman og vorum á æfingum
saman nánast alla daga. Hinsvegar
tel ég að það hafi aldrei verið neitt
vandamál að hann var pabbi minn og
um leið þjálfari liðsins. Strákarnir í
liðinu sáu oft spaugilegu hliðarnar á
okkar sambandi en það var það eina.
Á heimili okkar var hann oft að leið-
beina mér með ýmsa hluti og ég tel
mig geta lært mikið af honum,“ segir
Arnór.
Hann bætir því við að hann hafi séð
myndbönd með leikjum föður síns.
„Sum eru svarthvít, en hann var góð-
ur leikmaður. Við erum í raun ekkert
líkir sem leikmenn. Hann gat stokkið
rosalega hátt og sveif þar til að vörnin
fór niður. Ég er meira í því að brjótast
í gegn og skora meira úr hraðaupp-
hlaupum. Hinsvegar er leikurinn allt
öðruvísi í dag og erfitt að bera saman
mismunandi tímabil.“
Arnór segir að hann hafi ekki mikið
spáð í hvert leið hans muni liggja á
næstu misserum. „Sama tuggan.
Stúdentsprófið er það sem ég legg
áherslu á. Þegar því er lokið mun ég
staldra við og spá betur í hvaða mögu-
leikar eru í stöðunni. Atvinnu-
mennska kemur vel til greina en það
þarf að liggja vel yfir slíkri ákvörðun.
Ég er ekki tilbúinn að taka þá ákvörð-
un í dag,“ segir Arnór Atlason. Skellir
bílhurðinni. Og ekur af stað með
handfrjálsan búnað að sjálfsögðu.
Akureyri, lætur verkin tala á handknattleiksvellinum með liði sínu, KA
Morgunblaðið/Þorkell
Arnór gefur samherjum sínum góð ráð í leik gegn Víkingi.
’ Það vakti athygli á dögunum að Guð-mundur Þ. Guðmundsson, landsliðsþjálfari,
valdi Arnór ekki í landsliðshóp sinn fyrir
þrjá æfingaleiki gegn Pólverjum. Hvað seg-
ir Arnór um það: „Ég er ekki að velta þessu
mikið fyrir mér en veit það eitt að ef ég
stend mig í leikjum með KA þá á ég mögu-
leika á að komast í landsliðið. Guðmundur
valdi mig í landsliðið fyrir tveimur árum. Í
dag er ég betri leikmaður en þá. Hann er
með símanúmerið mitt og ég bíð rólegur
eftir kallinu. Ef það gerist ekki í ár þá er
það ekki stórslys. Ég er nú aðeins 19 ára og
sef alveg ágætlega þrátt fyrir allt. ‘
Morgunblaðið/Kristján
Arnór stundar nám í Menntaskólanum á Akureyri og tekur námið föstum tökum líkt og íþrótt
sína. Hann er á fjórða ári á eðlisfræðibraut og er hér í eðlisfræðitíma hjá Níelsi Karlssyni.
seth@mbl.is