Morgunblaðið - 12.12.2003, Síða 61
MINNINGAR
MORGUNBLAÐIÐ FÖSTUDAGUR 12. DESEMBER 2003 61
glatt á hjalla, öll fjölskyldan og aðrir
gestir sátu við eldhúsborðið og
gæddu sér á súpunni og ljúfum veig-
um og gleðin stóð langt fram á nótt.
Ég mun ætíð minnast einlægrar hlýju
og umhyggju Eiríks í okkar garð.
Alltaf var hann reiðubúinn að taka á
móti okkur, ekki bara sem gestum
heldur sem hluta af fjölskyldu sinni.
Honum þótti gaman að spjalla og allt-
af var stutt í kímnina. Ánægjan var
ekki síður okkar.
Elsku Magga, kæra fjölskylda, Guð
veiti ykkur styrk á þessari erfiðu
stundu.
Við Lára Björk þökkum fyrir okk-
ur.
Álfheiður Björk Einarsdóttir.
Brostinn er hlekkur í mannlífs-
keðju Gnúpverja með andláti Eiríks í
Sandlækjarkoti.
Uppalinn á umsvifamiklu og fjöl-
mennu menningarheimili í Stóru-
Mástungu. Fljótt mun krókurinn hafa
beygst að því sem verða vildi. Börn í
sveit á þessum tíma urðu umsvifa
miklir bændur, með búsmalann úr
hornum, kjálkum og leggjum. Gott
var að byggja yfir hjörðina í brekk-
unum ofan við bæinn og fá um leið í
litlu fingurna snertingu við moldina
og finna úr henni máttuga lyktina.
Ég leyfi mér að geta þess til að ást
hans á sauðkindinni hafi þegar orðið
til við handfjötlun hornanna. Einnig
dásemdir náttúrunnar, sem hann
hreifst af einkum hálendinu.
Eiríkur sótti grunnmenntun í Ása-
skóla, auk þess vetrartíma í Íþrótta-
skóla Sigurðar Greipssonar. Þar vor-
um við samtíma, hjá þeim góða
manni, sóttum þangað eflingu andans
auk þess að virkja líkamsburði.
Rétt fyrir miðja síðustu öld réð Ei-
ríkur sig í kaupavinnu í Sandlækjar-
kot, kom ríðandi á flugviljugum gæð-
ingi sem hann átti og var kallaður
Þristur. Eiríkur var góður hestamað-
ur, en einyrkja bóndi og átti alltof fá-
ar stundir til að stunda hestamennsku
af alvöru.
Hann heillaðist af einni heimasæt-
unni, Margréti, þau áttu ástríkt
hjónaband í fimmtíu og sex ár. Magga
ól honum fimm börn, tvær dætur
löngu fluttar að heiman. En synirnir
þrír eru rótfastir á óðalinu og munu
halda merkinu á loft um langan tíma,
því sama ættin hefur búið þar í tvö
hundruð og fjórtán ár.
Þegar þau tóku við jörðinni voru
hús og fénaður í toppstandi á þeirra
tíma mælikvarða. En nútíminn krafð-
ist endurbóta og uppbyggingar, unnið
var hörðum höndum við endurbygg-
ingu húsa og að rækta víðlend tún.
Mér er minnisstætt hvað það var talin
mikil fjarstæða er hann tók fyrstu
spilduna til ræktunar á Langabakk-
anum uppi við Stóru-Laxá vegna fjar-
lægðar. En þar bylgjast nú vallar-
foxgrasið á mörgum hekturum túna.
Þá ber að geta um ótrúlega framsýni
með verkun á votheyi.
Dagsverkin eru ekki mæld í
klukkustundum. Á þeim tíma var rík
hugsun hjá bændafólki að það væri
ómissandi, því urðu frítímar sárafáir.
Eiríkur gat litið stoltur ásamt konu
sinni yfir ævistarfið, því allt var betra
en þegar byrjað var.
Hann var einstakt snyrtimenni,
vann verkin af kostgæfni, ljúfmenni
með létta lund, síkvikur og frár á fæti.
En fyrir nokkrum árum urðu hon-
um og fjölskyldunni mikil vonbrigði
er hann greindist með Alzheimer,
sem fjötraði hugsun hans hægt og bít-
andi í eigin líkama. Sjúkdómurinn
náði aldrei að taka frá honum helg-
ustu og dýrmætustu gjafirnar sem
voru „Faðir vorið“ og bænaversin
sem fylgdu honum fram í andlátið.
Aðdáunarvert var að fylgjast með ást
og umhyggju Möggu og fjölskyldu.
Við Maja sendum þeim innilegar
samúðarkveðjur og Eiríki þökkum
við fallega brosið sem hann gaf okkur
þrem dögum fyrir andlátið. Að síð-
ustu ein af kvöldbænum hans.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virzt mér að þér taka,
mér yfir láttu vaka
þinn engil, svo ég sofi rótt.
(Þýð. Sveinbjörn E.)
Björn Erlendsson
og fjölskylda.
✝ Þóroddur Ing-valdur Sæmunds-
son fæddist á
Hrafnagili í Þor-
valdsdal í Eyjafirði
31. október 1905.
Hann lést á Dvalar-
heimilinu Hlíð á Ak-
ureyri 3. desember
síðastliðinn. Foreldr-
ar hans voru Sæ-
mundur Oddsson, f. á
Grímshúsum í Múla-
sókn S-Þingeyjar-
sýslu 3. apríl 1853, d.
10. júní 1934 og kona
hans Snjólaug Hall-
grímsdóttir, f. á Kotá 2 Hrafna-
gilssókn í Eyjafirði 9. desember
1865, d. 15. janúar 1958. Systur
Þórodds voru Ástríður Margrét, f.
10. júní 1898, d. 30. nóvember
1982, maki Jóhann Friðrik Sig-
valdason, f. 29. október 1889, d.
20. febrúar 1957; Guðrún Þórdís,
f. 2. janúar 1901, d. 1. desember
1993.
Þóroddur kvæntist 25. desem-
ber 1940 eftirlifandi eiginkonu
sinni, Birnu S. Guðjónsdóttur frá
Garðshorni Glerárþorpi, f. 26.
júní 1919. Hún er dóttir hjónanna
Guðjóns Jóhannssonar, f. 18. apríl
1874, d. 8. október 1963 og Krist-
ínar Guðrúnar Hallgrímsdóttur, f.
18. júlí 1885, d. 8. janúar 1930.
Börn Þórodds og Birnu eru: 1)
Katrín, f. 9. október 1940. 2) Sæ-
mundur Gunnar, f. 19. mars 1942.
3) Baldvin Helgi, f. 27. júlí 1944,
kvæntur Petru Verschüer, f. 12.
október 1948, börn þeirra: Sveinn
Gunnar, f. 11. febrúar 1971, Björn
Jónas, f. 31. maí 1976, og Melanie
Ruth, f. 11. maí
1982. 4) Snjólaug, f.
27. ágúst 1945, gift
Þorsteini Þorsteins-
syni, f. 31. maí 1945,
synir þeirra: Þor-
steinn Gunnar, f. 17.
maí 1966, kvæntur
Sigrúnu Ingimars-
dóttur, f. 17. maí
1966, þau eiga eina
dóttur, Þórgunni, f.
1. mars 1999, og
Þóroddur Björn, f. 8.
október 1969. 5)
Kristín Sigríður, f. 4.
ágúst 1948, sonur
hennar og Hjalta Sigurbergsson-
ar, f. 21. nóvember 1944, d. 24.
febrúar 1971, er Hjalti Sigurberg-
ur, f. 8. febrúar 1971, unnusta
hans Helga Valey Erlendsdóttir,
f. 15. júlí 1978, dóttir Helgu, Hild-
ur María Ellertsdóttir, f. 21. nóv-
ember 1999. 6) Guðjón Snorri, f.
28. október 1958, kvæntur Krist-
ínu Maríu Magnadóttur, f. 3. mars
1957, synir þeirra eru Friðjón
Már, f. 14. ágúst 1980, og Snorri,
f. 11. september 1984.
Þóroddur ólst upp á bæjunum
Hrafnagili, Grund og Kleif í Þor-
valdsdal en fór um tvítugt að læra
trésmíði í Ólafsfirði. Hann vann
við húsasmíðar, mest í sveitum
Eyjafjarðar og síðar á Akureyri,
en þangað fluttist hann 1946 og
bjó þar síðan. Hann lauk starfs-
ferlinum á Sambandsverksmiðj-
unum þar sem hann vann við við-
hald og sútun í tæpa tvo áratugi.
Útför Þórodds verður gerð frá
Akureyrarkirkju í dag og hefst
athöfnin klukkan 13.30.
Þá ertu, afi minn, lagður af stað
í þína hinstu ferð, á stað hins eilífa
ljóss og friðar.
Þegar ég fékk fréttirnar að þú
hefðir hvatt hinn veraldlega heim
toguðust á í mér sorg og gleði.
Sorg yfir því að þú værir farinn og
gleði fyrir þína hönd að snörpum
veikindum væri lokið og þú hefðir
öðlast hinn eilífa frið.
Þrátt fyrir háan aldur fannst
mér eins og ekkert mundi bíta á
þér, elsku afi minn. Þú stóðst eins
og klettur sem gnæfir úr hafinu og
ekkert fær haggað, nánast sama
hvað á gekk. Þú hefur ávallt verið
mín fyrirmynd, mín föðurímynd og
umfram allt góður vinur. Ég hef
eftir fremsta megni reynt að til-
einka mér marga af þínum kost-
um, reynt að „gera eins og afi
hefði gert það“ þegar á hefur
reynt að taka erfiðar ákvarðanir.
Eitt af því sem þú stimplaðir inn í
huga minn strax á unga aldri var
það, að gefast aldrei upp þó á móti
blási. Það ásamt því að trúa að
maður geti allt sem maður virki-
lega vilji gera. Eftir þessu tvennu
mun ég reyna að lifa um ókomna
tíð.
Þín sterka skapgerð og persónu-
töfrar hafa hvarvetna vakið athygli
ásamt góðri kímnigáfu og leikræn-
um tilburðum þegar setja þurfti
fram áherslur um menn og mál-
efni. Ég gæti án efa haldið enda-
laust áfram upptalningu minni um
þá kosti sem þú hafðir að bera en
langar að lokum að vitna í valda
kafla úr vísum Vatnsenda-Rósu.
Trega eg þig manna mest
mædd af tára flóði,
ó, að við hefðum aldrei sést,
elsku vinurinn góði.
Þó að kali heitur hver,
hylji dali jökull ber,
steinar tali og allt hvað er,
aldrei skal eg gleyma þér.
Beztan veit eg blóma þinn,
blíðu innst í reitum.
Far vel Eyjafjörður minn,
fegri öllum sveitum.
Þinn dóttursonur,
Hjalti Sigurbergur Hjaltason.
ÞÓRODDUR I.
SÆMUNDSSON
Afmælis- og minningargreinum má skila í
tölvupósti eða á disklingi (netfangið er
minning@mbl.is, svar er sent sjálfkrafa um
leið og grein hefur borist). Ef greinin er á
disklingi þarf útprentun að fylgja. Nauðsyn-
legt er að símanúmer höfundar og/eða send-
anda (vinnusími og heimasími) fylgi með.
Útfararþjónustan ehf.
Stofnuð 1990
Rúnar Geirmundsson
Útfararstjóri
Sími 5679110, 8938638
Heimasíða okkar er
www.utfarir.is
Þar eru upplýsingar um
allt er lýtur að útför:
- Söngfólk og kórar
- Erfidrykkja
- Aðstoð við skrif
minningargreina
- Panta kross og frágang á leiði
Elskuleg móðir okkar, tengdamóðir, amma og langamma,
UNNUR SIGURLAUG GÍSLADÓTTIR,
lést á Fjórðungssjúkrahúsi Ísafjarðar að kvöldi miðvikudagsins
10. desember.
Sigríður Sverrisdóttir,
Hallsteinn Sverrisson, Anna E. Antonsdóttir,
barnabörn og barnabarnabörn.
Ástkær eiginmaður minn, faðir okkar, tengda-
faðir og afi,
BJÖRGVIN GUÐMUNDSSON,
Hlégerði 16,
Kópavogi,
lést á líknardeild Landspítalans í Kópavogi
þriðjudaginn 9. desember.
Útförin fer fram frá Kópavogskirkju þriðju-
daginn 16. desember kl. 13.30.
Ingibjörg Steingrímsdóttir,
Gréta Björgvinsdóttir, Bjarni Jónsson,
Guðmundur Jón Björgvinsson,
Baldvin Björgvinsson,
Rakel Tanja, Róbert Bjarni,
Davíð Rúnar, Íris Andrea,
Aníta Lena, Dagur Freyr og Tumi.
Móðir mín, tengdamóðir, amma og
langamma,
KAREN JÓHANNSDÓTTIR
frá Skjaldfönn,
Blómvallagötu 13,
lést á líknardeild Landakots mánudaginn
1. desember.
Bálför hefur farið fram í kyrrþey að ósk hinnar
látnu.
Þökkum sýndan hlýhug.
Jóhann Alexandersson, Ásgerður Halldórsdóttir,
barnabörn og barnabarnabörn.
Faðir okkar, tengdafaðir, afi, langafi og langa-
langafi,
GUÐBJARTUR ÓLAFUR ÓLASON
frá Bíldudal,
Skipholti 6,
Reykjavík,
lést á Landspítala Hringbraut miðvikudaginn
10. desember.
Jarðarförin fer fram frá Fossvogskirkju fimmtu-
daginn 18. desember kl. 13.30.
Jarðsett verður í Fossvogskirkjugarði.
Óli Þ. Guðbjartsson, Svava Kjartansdóttir,
Sigrún Guðbjartsdóttir, Ásgeir Guðmundsson,
Hjörtur Guðbjartsson, Svanhildur Geirarðsdóttir,
Fjóla Guðbjartsdóttir,
Guðríður Guðbjartsdóttir, Sveinn Benediktsson,
Ruth Guðbjartsdóttir, Kristján Harðarson,
barnabörn, barnabarnabörn
og barnabarnabarnabarn.
Elskulegur bróðir minn og mágur,
GESTUR JÓNSSON
frá Meltungu,
lést fimmtudaginn 27. nóvember.
Jarðarförin hefur farið fram í kyrrþey að ósk hins látna.
Jóna Jónsdóttir, Hallgrímur Þorgilsson.
UM hvern látinn einstakling
birtist ein aðalgrein af hæfilegri
lengd á útfarardegi, en aðrar
greinar séu um 300 orð eða
1.500 slög (með bilum) en það
eru um 50 línur í blaðinu (17
dálksentimetrar). Tilvitnanir í
sálma eða ljóð takmarkast við
eitt til þrjú erindi. Einnig er
hægt að senda örstutta kveðju,
HINSTU KVEÐJU, 5–15 línur,
og votta virðingu án þess að það
sé gert með langri grein. Grein-
arhöfundar eru beðnir að hafa
skírnarnöfn sín en ekki stutt-
nefni undir greinunum.
Þar sem pláss er takmarkað
getur þurft að fresta birtingu
greina, enda þótt þær berist
innan hins tiltekna frests.
Frágangur
afmælis- og
minningar-
greina