Morgunblaðið - 12.12.2003, Blaðsíða 16
16 | FÓLKIÐ | FÖSTUDAGUR 12|12|2003 MORGUNBLAÐIÐ
Japönsk áhrif
Margnota flík með hringjum sem
hægt er að nota til dæmis sem pils,
gólfteppi, jakka, veggteppi eða
ábreiðu.
„Við erum þegar búin að fá eina
pöntun, hún er frá kennara hér í
skólanum,“ segir Sigrún Bald-
ursdóttir brosandi en hennar hópur
valdi að hanna klæði úr gömlum efn-
um. „Við ákváðum að vinna út frá
japönskum kímónóbún-
ingi, þannig að japönsk
áhrif eru allsráðandi.“
Sigrún, sem er nemi á
fatahönnunarbraut
Listaháskólans, segist
hafa haft gaman af því
að þurfa að hugsa um-
markaðsstarfið, nauð-
synlegt sé fyrir hönnuði
að spá í þá hlið líka. Hún
segist alveg geta séð
fyrir sér að framleiða
klæðin. „Ef viðtökurnar
verða góðar gæti ég al-
veg hugsað mér að
sauma nokkur stykki í
viðbót.“
Morgunblaðið/Þorkell
List og viðskipti tvinnast saman á sýningu sem haldin verður í
Listasafni Reykjavíkur um helgina. Þar geta gestir séð afrakstur
sameiginlegs námskeiðs Listaháskóla Íslands og Háskólans í
Reykjavík þar sem nemendur skólanna unnu saman að því að
þróa og markaðssetja nýjar vörur.
Þarna eru margir merkilegir hlutir og skemmtilegar hugmyndir.
Til dæmis má þar sjá kynæsandi nærföt fyrir barnshafandi konur,
húfutöskur sem bera skal á höfðinu, dagbókarmyndavél sem
hægt er að líma á sig og ganga með allan daginn og húsgögn
sem lögð eru saman og hengd upp á vegg, svo fátt eitt sé nefnt.
TOGSTREITA Í HÓPUNUM
Rúmlega 100 nemendur í 13 hópum tóku þátt í námskeiðinu
og voru allir hóparnir skipaðir nemum úr báðum skólum. Talsverð
togstreita skapaðist á milli list- og viðskiptafræðinemanna
vegna þess hversu nemendurnir í skólanum höfðu ólík markmið,
að sögn Vivienne Heng Ker-ni, aðstoðarprófessors í markaðs-
fræði við HR, en hún hafði umsjón með námskeiðinu fyrir hönd
síns skóla. „Viðskipti og list eru tveir gersamlega ólíkir heimar
og við erum að biðja nemendurna að setjast niður og gera eitt-
hvað saman, þú getur ímyndað þér hvernig það kemur út. Á
meðan listnemarnir einbeittu sér að blæbrigðum í litavali voru
viðskiptafræðinemarnir allir að hugsa um markhópa og arð-
semi.“
ENDURSPEGLAR RAUNVERULEIKANN
Hún segir að daglega hafi umsjónarmenn námskeiðsins úr
báðum skólunum fengið símhringingar frá nemendum sínum
sem kvörtuðu yfir félögum sínum. „Þetta var erfitt í fyrstu og
við þurftum stöðugt að hvetja krakkana til að vinna saman, en
svo erum við mjög ánægð með útkomuna. Þarna leiðum við
saman eldklára hugsuði sem sjá hlutina fyrir sér á gerólíkan
hátt og útkoman verður frábær. Hér eru flottar og frumlegar
vörur sem margar hverjar væri vel hægt að framleiða og selja.“
Togstreitan sem þarna kom fram endurspeglar einmitt raun-
veruleikann í mörgum stórfyrirtækjum, að sögn Vivienne.
„Vöruþróunardeildir og markaðsdeildir eiga oft í erfiðleikum
með að samræma markmið sín. Hönnuðirnir vilja gera hluti
sem ekki er endilega víst að mikið verði grætt á en markaðs-
deildin vill bara selja sem mest.“ | bryndis@mbl.is
Föt fyrir mótmælendur. Til dæmis einfalt
svart pils og hálsbindi sem hægt er að
breyta í mótmælaborða á svipstundu.
„Fatalínan nefnist Object, sem þýðir
bæði hlutur og mótmæli. Við erum að
spila á neðanjarðarmenningu, hönnunin
er innblásin af mótmælum gegn stórfyr-
irtækjum og í henni felst ádeila á önnur
merki. Þetta er okkar framlag í pólitíska
umræðu nútímans,“ segir Halldóra Mog-
ensen, nemi í Listaháskólanum. „Það er
til svo mikið af alls konar hlutum að við
ákváðum að taka hluti sem nú þegar eru
til og setja nýja merkingu í þá.“
Hópurinn bjó ekki til eigin auglýsingar
heldur tók auglýsingar annarra, til dæm-
is Nike, og límdi sín eigin mótmælaslag-
orð á þær. „Við gerum okkur alveg grein
fyrir því að við förum í hring þar sem við erum að gagnrýna önnur merki
með okkar eigin merki auk þess sem við stelum hugmyndum frá fram-
leiðendunum sem við erum að gagnrýna.“
Hún bendir á að strangt til tekið megi merkið varla verða vinsælt því
þá hefði það snúist upp í það sem verið er að gagnrýna. „En jú jú auðvit-
að vildum við samt alveg að það yrði vinsælt,“ bætir hún við.
Hönnunin innblásin af mótmælum
Morgunblaðið/Þorkell
Armbönd til
að komast í
rétta skapið
Morgunblaðið/Jim Smart
Ilmolíuarmbönd í mismunandi litum og með ýmiss
konar lykt sem hefur áhrif á skap og tilfinningar. Þau
gefa einnig til kynna hvernig viðkomandi er stemmdur,
hvort hann er til dæmis glaður, rólegur, sorgmæddur,
reiður eða æstur.
„Fyrst ætluðum við að búa til
skartgripi með lykt til að koma fólki í
rétta skapið en hugmyndin þróaðist
út í einnota armbönd því það var
þægilegra að búa þau til,“ segir
Tómas Bjarnason, nemi í Háskól-
anum í Reykjavík. Hann er handviss
um að armböndin geri sitt gagn.
„Já, alveg örugglega, reyndar held ég að til að þau hafi áhrif verði
maður að trúa því að þau virki,“ segir hann og hlær. „En jú jú, það
er einhver hugsun á bak við þetta. Krakkarnir fóru og töluðu við
konu sem selur ilmkjarnaolíur í búð á Laugaveginum og fengu
leiðbeiningar um hvaða lykt ætti við hvaða tilfinningar.“
Þau gerðu bæði veggspjöld og handrit að sjónvarpsauglýs-
ingum fyrir armböndin. „Ein auglýsingin á sér stað í jarðarför
þar sem allir eru mjög sorgmæddir nema einn sem er frekar
áhugalaus og þekkti viðkomandi kannski lítið. Við bendum á
að hann ætti að vera með sorgararmbandið til að komast í
réttu stemmninguna. Í annarri auglýsingu sést maður gefa
vini sínum gjöf sem er augjóslega mjög ljót. Vinurinn set-
ur þá upp þakklætisarmbandið til að finna réttu tilfinn-
inguna.“ Hann segir að vinnan hafi verið mjög
skemmtileg og áhugavert að vinna með listafólkinu
þótt upp hafi komið ágreiningur. „Þetta er auðvit-
að frábært því kannski á maður eftir að gera
þetta í framtíðinni. Þetta gekk glimrandi vel
þar til tveimur dögum fyrir kynningu að upp
komu miklir árekstrar á milli lista- og við-
skiptafræðinemanna í hópnum. Það
var samt jafnað fljótlega og allir
voru sáttir í lokin.“
Tveir gerólíkir heimar