Morgunblaðið - 12.12.2003, Blaðsíða 23

Núna, um tveimur
áratugum eftir að
þessi mistök voru
gerð, eru nýir af-
komendur vinstri
manna að end-
urtaka þau. Enginn
kaus þá til þess að
leyfa niðurrif Austur-
bæjarbíós og enginn
trúir aumlegum
„rökum“ þeirra um
„þéttingu byggðar“
eða „óarðbæran rekstrargrundvöll“ eða
hvað þeir vilja kalla það. Þeir kæra sig koll-
ótta um öll mótrök þeirra sem vit og þekk-
ingu hafa á menningarsögulegu og bygging-
arsögulegu gildi hússins. Þeim er alveg
sama. Þeir telja sig hafa valdið og þeir hafa
tekið ákvörðun. Skítt með hvort hún er röng
eða ekki. Og, vel að merkja, minnihluti sjálf-
stæðismanna virðist, aldrei þessu vant,
styðja þennan lánlausa meirihluta í mistök-
unum. Skammsýni og þröngsýni ríða því ekki
við einteyming í borgarstjórn Reykjavíkur.
Borgarstjórinn í Reykjavík, sem enginn
kaus yfirhöfuð og skortir í raun pólitískt um-
boð frá reykvískum kjósendum, stærir sig af
því að vera „rekstrarmaður“. Hann sem
„rekstrarmaður“ telur sig ekki geta varið
það fyrir reykvískum kjósendum að skatt-
peningar þeirra séu notaðir í að vernda og
nýta þetta gamla kvikmynda- og samkomu-
hús, sem þó hefur margþætt gildi, eins og
fyrr er nefnt. Formaður skipulags- og bygg-
ingarnefndar borgarinnar fer undan í flæm-
ingi þegar farið er fram á alvöru skýringar og
rökstuðning fyrir þessum gjörningi.
Í tvígang virðist það ætla að verða hlut-
skipti vinstri manna í borgarstjórnmálunum
að svívirða menningarverðmæti, vanvirða
byggingarverðmæti en virða peningaverð-
mæti, sem reyndar er afstætt. Þeir bjóða sig
ekki fram undir því flaggi og þeir eru ekki
kosnir undir því flaggi.
Enn geta valdsmenn Reykjavíkurborgar
sýnt hugrekki, að ekki sé minnst á skyn-
semi, til að skipta um skoðun. Enn geta þeir
komið í veg fyrir að þeir endurtaki tuttugu
ára mistök forvera sinna. Þeir eru í aðstöðu
til þess. En því miður eru þeir einnig í sterkri
aðstöðu til að endurtaka þau. Þess vegna er
eins líklegt að þeir geri það.
FJALAKÖTTURINN: EFTIR...
AUSTURBÆJAR-
BÍÓ: FYRIR…?
FJALAKÖTTURINN: FYRIR...
MORGUNBLAÐIÐ FÖSTUDAGUR 12|12|2003 | FÓLKÐ | 23
JANÚAR
Bíóárið 2004 byrjar á aldeilis jákvæðum nótum
því strax á nýársdag verða frumsýndar tvær ís-
lenskar myndir,
Kaldaljós, mynd Hilmars
Oddssonar gerð eftir skáldsögu Vigdísar
Grímsdóttur með Ingvari E. Sigurðssyni í aðal-
hlutverki, og Opinberun Hannesar, sem Hrafn
Gunnlaugsson gerði eftir smásögu Davíðs
Oddssonar með Viðari Víkingssyni í aðal-
hlutverki.
Í ársbyrjun hefjast og sýningar á nýjustu
mynd nýsjálensku kvikmyndagerðarkonunnar
Jane Campion (Piano), erótíska rökkurtryllinum
In The Cut með Meg Ryan. En fyrir landann er
hún ekki síður merkileg vegna þess að Hilmar
Örn Hilmarsson samdi tónlistina í myndinni.
Óskar frændi gerir líka vart við sig þegar í
upphafi árs því þá verða frumsýndar myndir
sem vafalítið eiga eftir að vera bendlaðar við
þennan eftirsóknarverða vin, hvort sem er af
gagnrýnendum, almennum bíógestum eða
a.m.k. kynningarstjórum myndanna.  Síðasti
samúræinn (The Last Samurai), stórmynd
með Tom Cruise er ein þeirra. Smánarblett-
urinn (The Human Stain) önnur en hún er gerð
eftir rómaðri skáldsögu og skartar bestu vinum
Óskars, þeim Anthony Hopkins og Nicole Kid-
man, í hlutverki elskenda.  Sá stóri (Big
Fish) er nýjasta mynd ofurhugans Tims Bur-
tons (Batman, Ed Wood), fantasíukennd mynd
um samband föður (Albert Finney) og sonar
(Billy Crudup). Ewan McGregor leikur föðurinn
ungan.
 Bros Monu Lisu (Mona Lisa’s Smile) er
ný rómantísk gamanmynd með Juliu Roberts í
hlutverki ungrar metnaðarfullrar kennslukonu
sem fær kennarastöðu við strangan kvenna-
skóla á 6. áratug síðustu aldar. Leikstjóri er
Mike Newell, sá sem gerði Fjögur brúðkaup og
jarðarför, en með önnur hlutverk fara Kirsten
Dunst og Julia Stiles. Spennumynd mánaðar-
ins er svo Launin (Paycheck), nýjasta mynd
Johns Woos (Face/Off, Windtalkers) með Ben
Affleck, Umu Thurman og Aaron Eckhart.
Þá má ekki gleyma dansmyndinni Hunangi
(Honey) með Jessicu Alba úr Dark Angel-
þáttunum og Ógnaróðalinu (The Haunted
Mansion), nýrri fjölskylduhrollvekju með Eddie
Murphy.
FEBRÚAR
Þegar hér er komið sögu er Óskar farinn að ær-
ast og mun setja sterkan svip á myndaúrvalið í
febrúar enda fer athöfnin umrædda fram í lok
mánaðarins, fyrr en nokkru sinni áður.
Beðið er með mikilli eftirvæntingu eftir Kald-
bak (Cold Mountain), sem byggir á sam-
nefndri skáldsögu eftir Charles Frazier. Þar er
vægast sagt valinn maður í hverju rúmi. Leik-
stjórinn er Anthony Minghella sem gerði Enska
sjúklinginn (English Patient) og Hæfileikaríka
Ripley (Talented Mr. Ripley) og leikaraliðið get-
ur vart verið girnilegra; Jude Law, Nicole Kid-
man, Renée Zellweger, Natalie Portman, Phill-
ip Seymour Hoffman, Giovanni Ribisi, Donald
Sutherland o.fl.
Glötuð þýðing (Lost in Translation) er
kannski sú mynd sem hlotið hefur hvað sterk-
ustu viðbrögð gagnrýnenda á árinu og heimta
margir þeirra hreinlega að Óskarsakademían
veiti henni þá vegtyllu sem hún á skilið. Um er
að ræða aðra mynd Sofiu Coppola (dóttur
Francis Ford) og Bill Murray ku víst fara á algjör-
um kostum í myndinni, sem og mótleikkona
hans, Scarlett Johansson.
Nýja myndin frá stóru von Mexíkana Alej-
andro González Iñárritu heitir 21 gramm (21
grams). Hún fjallar um dauðann og þykir víst
rosalega sláandi, ekki hvað síst vegna frammi-
stöðu leikaranna Benicio Del Toro (Traffic),
Sean Penn (Dead Man Walking) og Naomi
Watts (The Ring).
Sálfræðitryllir febrúarmánaðar er Martröðin
(Gothika), mynd í anda Sjötta skilningarvitsins
með Halle Berry (X-Men) í hlutverki konu sem
vaknar upp á hæli, sökuð um að hafa framið
morð sem hún man ekkert eftir.
Gamanmyndirnar er nokkrar í febrúar og lofa
góðu. Jack gæti hæglega daðrað við Óskar
frænda ef marka má takta hans í sýnishornum
úr Gefið eftir (Something’s Gotta Give) þar
sem hann leikur eldri kvennaflagara sem fellur
fyrir móður (Diane Keaton) einnar kærust-
unnar. Fastir saman (Stuck on You) er nýjasta
ruglið frá Farelly-bræðrum (Dumb and Dumber,
There’s Something About Mary), en þar leika
Matt Damon og Greg Kinnear síamstvíbura.
Þegar annar fer til Hollywood í leit að frægð og
frama kemst hinn ekki hjá því að fylgja honum
eftir, hvort sem honum líkar betur eða verr.
Magnafsláttur (Cheaper By The Dozen) er
nýjasta gamanmynd Steve Martin þar sem
hann leikur ströglandi 12 barna föður!
Nýjasta gamanmynd Bens Stillers kemur í
sama mánuði en hún heitir Svo kom Polly
(Along Came Polly) en þar leikur hann jarð-
bundnasta mann í heimi sem lendir í æsileg-
asta ástarævintýri sögunnar með Jennifer An-
iston. Þá geta aðdáendur Dirty Dancing farið
að hlakka til því í febrúar kemur loksins fram-
haldið Í djörfum dansi: Havananætur (Dirty
Dancing: Havana Nights). Björn bróðir er svo
ný teiknimynd frá Disney.
MARS
Þá fá þau 30 þúsund sem sáu fyrri myndina
loks að vita hvort Umu Thurman tekst að Bana
Billa og genginu hennar en seinni hluti myndar
Tarantinos verður einmitt frumsýndur 5. mars
hérlendis.
Annars verður marsmánuður þrunginn
spennu því þá rekur hver spennumyndin aðra.
Saknað (Missing) er nýjasta mynd Rons How-
ards en fyrir síðustu mynd sína Beautiful Mind
hlaut hann umdeildan Óskar. Í þessum vestra
leika Tommy Lee Jones og Cate Blanchett feðg-
in sem eiga í stormasömu sambandi en neyð-
ast til að snúa bökum saman þegar dóttur
hennar og barnabarni hans er rænt.
Á síðustu stundu (Out of Time) er löggu-
mynd með Denzel Washington í hlutverki lög-
reglustjóra í smábæ sem rannsakar morð sem
hann sjálfur er grunaður um að hafa framið.
Kviðdómurinn (Runaway Jury) er enn ein
kvikmyndagerð á lögfræðikrimma eftir met-
söluhöfundinn John Grisham. Í aðalhlutverki
myndarinnar, sem fjallar um raunir kviðdóms í
snúinni málshöfðun gegn skotvopnaframleið-
endum, eru þungavigtarleikararnir Gene Hack-
man, John Cusack og Dustin Hoffman.
Annar metsöluhöfundurinn, Michael Cricht-
on, á síðan söguna að baki Tímaflakks (Time-
line) en hana gerði Richard Donner (Lethal
Weapon, Superman) og Paul Walker úr The
Fast and The Furious-myndunum er í aðal-
hlutverki.
Þeir sem ekki fengu nóg af kappakstrinum í
þeim myndum ættu að gleðjast yfir því að í
mars kemur önnur eins, Torque, þar sem mót-
orfákar hafa tekið við af köggunum.
Aftökur (Taking Lives) er spennutryllir með
Angelinu Jolie og Ethan Hawke um enn einn elt-
ingarleikinn við fjöldamorðingja.
Til að róa taugarnar er svo að vænta tveggja
grínmynda í mars;  Rokkskólans (School of
Rock) með Jack Black, en hún sló í gegn í
Bandaríkjunum og fékk fínustu dóma, og Tog-
ast á (Against The Ropes) með Meg Ryan í
hlutverki einu konunnar sem getið hefur sér
orð vestanhafs sem hnefaleikahaldari.
APRÍL
Með hækkandi sól fer að hitna í kolunum.
Páskamyndir bíóanna verða býsna veglegar. Þá
kemur loksins  Kötturinn með höttinn (Cat
in the Hat) með Mike Myers, sem verið hefur
vinsælasta myndin vestra, sem og ný metn-
aðarfull leikin útgáfa af  Pétri Pan, gerð af
P.J. Hogan, hinum sama og gerði Muriel’s
Wedding og My Best Friends Wedding.
Um það leyti kemur einnig Scooby Doo 2,
sem vart þarf að fjölyrða um, og tvær nýjar
myndasöguhetjur lifna þá við á tjaldinu,
 Heljardrengur (Hellboy) – um djöful sem
alinn er upp af nasistum en snýst svo gegn ill-
um öflum í heiminum og Refsarinn (The Pun-
isher) – um mann sem tekur lögin í sínar hend-
ur eftir að eiginkona og börn eru myrt. Í
síðarnefndu myndinni leikur John Travolta eitt
aðalhlutverkanna, sem og í Stiga 49 (Ladder
49) þar sem hann leikur slökkviliðsstjóra, yf-
irmann Joaquin Phoenix.
Allt lagt undir (Whole Ten Yards) er eins og
nafnið gefur til kynna framhald Whole Nine
Yards þar sem þeir snúa aftur Bruce Willis og
Matthew Perry í aðalhlutverkunum.
Í apríl verða svo einnig frumsýndar nýjasta
mynd Phillips Kaufmans (Unbearable Light-
ness of Being), Truflaður (Twisted), morðgátu-
mynd með Ashley Judd og Samuel L. Jackson
og vestrinn The Alamo með Dennis Quaid og
Billy Bob Thornton. |skarpi@mbl.is
Með nýju ári koma nýjar bíómyndir og fullt af þeim. Hér verða reifaðar
þær helstu sem berast í íslensku bíóhúsin fram að næsta sumri en þar
eru mest áberandi Óskarsverðlaunakandídatar og íslenskar myndir.
ÍSLENSKA
BÍÓVORIÐ
1
2
3
4
5
6
7 8