Morgunblaðið - 13.12.2003, Blaðsíða 2
FRÉTTIR
2 LAUGARDAGUR 13. DESEMBER 2003 MORGUNBLAÐIÐ
LAUSN GÆTI DREGIST
Silvio Berlusconi, forsætisráð-
herra Ítalíu, ræddi í gær einslega við
leiðtoga aðildarríkja Evrópusam-
bandsins sem eru saman komnir í
Brussel til að semja um nýjan
stjórnarskrársáttmála fyrir sam-
bandið. Ítalir fara með forystuna í
ESB þetta misserið. Berlusconi gaf í
skyn að ef ekki tækist að ná við-
unandi samkomulagi á fundinum
gæti dregist fram yfir nýár að hnýta
síðustu endana.
Okruðu á hernámsliðinu
Endurskoðendur bandaríska
varnarmálaráðuneytisins segja að
KBR, eitt af dótturfyrirtækjum
orkusamsteypunnar Halliburton,
hafi okrað á bensíni sem það seldi
hernámsliðinu í Írak. Hafi ofgreiðsl-
urnar numið sem svarar 4,5 millj-
örðum króna. Dick Cheney, varafor-
seti Bandaríkjanna, var árum saman
stjórnarformaður Halliburton sem
hefur fengið sem svarar um 150
milljörðum króna fyrir verk í Írak.
Missti íbúðina í eldsvoða
Einstæð þriggja barna móðir
missti íbúð sína í eldsvoða í gær og
situr uppi húsnæðislaus með
ótryggða og ónýta íbúð eftir að
kviknaði í sjónvarpi í íbúðinni. Að
sögn Jónu Júlíu Jónsdóttur fylltist
hún skelfingu þegar hún sá eldinn og
hringdi hún á slökkviliðið sem sagði
henni að drífa sig strax út úr íbúð-
inni með börnin.
Sjúkrahúsrekstur 130 ára
130 ár eru liðin frá upphafi sjúkra-
húsreksturs á Akureyri. Stefnt er að
því að leggja megináherslu á að
koma upp sérfræðiþekkingu í
krabbameinslækningum og bjóða
upp á hjartaþræðingar.
Y f i r l i t
Í dag
Sigmund 8 Ferðalög 54/55
Viðskipti 16/18 Umræðan 56/59
Erlent 22/26 Minningar 60/67
Heima 28 Kirkjustarf 68/70
Höfuðborgin 30/31 Bréf 82/83
Akureyri 36 Myndasögur 82
Suðurnes 37 Dagbók 84/85
Árborg 38 Staksteinar 84
Landið 39 Sport 86/89
Listir 42/44 Leikhús 90
Daglegt líf 46/49 Fólk 90/97
Forystugrein 50 Bíó 94/97
Þjónusta 53 Ljósvakamiðlar 98
Viðhorf 54 Veður 99
* * *
Kynningar – Blaðinu í dag fylgir
auglýsingablað frá Bodum.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@m-
bl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi, orri@mbl.is
Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport@mbl.is
Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
GENGIÐ var í gær frá bindandi
kaupsamningi milli Kaupþings Bún-
aðarbanka og Staka ehf., aðaleig-
anda Skinnaiðnaðar á Akureyri, á
sútunarverksmiðjunni Loðskinni á
Sauðárkróki. Var það mat bankans
að tilboð sem barst frá starfsmönn-
um Loðskinns og Skagafjarðarveit-
um í byrjun mánaðarins hefði verið
lakara.
Í tilkynningu frá Stökum segir að
fyrsta verk nýrra eigenda verði að
freista þess að snúa við taprekstri á
starfsemi Loðskinns og endurskipu-
leggja vinnslu verksmiðjunnar. Ná á
fram hagræðingu og samlegðar-
áhrifum með samrekstri Skinnaiðn-
aðar og Loðskinns. Þegar hefur ver-
ið ákveðið að ná strax fram
hagræðingu með sameiginlegri
framkvæmdastjórn og bókhalds-
vinnu fyrirtækjanna. Ormar Örlygs-
son, framkvæmdastjóri Skinnaiðn-
aðar, segir að starfsmönnum
Loðskinns, sem hafa að hámarki ver-
ið um 40, verði eitthvað fækkað.
Engin áform séu hins vegar uppi um
annað en áframhaldandi rekstur á
Sauðárkróki og ætla eigendur Staka
að óska formlega eftir viðræðum við
sveitarfélagið Skagafjörð og Skaga-
fjarðarveitur um starfsumhverfi
Loðskinns til framtíðar og mögulegt
samstarf.
Gísli Gunnarsson, forseti sveitar-
stjórnar Skagafjarðar, segist fagna
yfirlýsingu eigenda Skinnaiðnaðar
um mögulegt samstarf við heima-
menn. Sveitarfélagið sé meira en
tilbúið til slíkra viðræðna. Gísli seg-
ist hins vegar ekki vera jafnánægður
með tilkynningu sem Kaupþing Bún-
aðarbanki sendi frá sér í gær vegna
þessara kaupa. Þar séu ýmsar rang-
færslur sem sveitarfélagið muni
svara formlega. M.a. sé það rang-
færsla að fyrir ári hafi verið undirrit-
uð viljayfirlýsing milli bankans og
sveitarfélagsins um kaup þess síðar-
nefnda á minnihluta í Loðskinni af
bankanum.
Bankinn svarar fyrir sig
Í tilkynningu bankans er m.a. vís-
að á bug sjónarmiðum um að ekki
hafi verið eðlilega staðið af hans
hálfu að sölu Loðskinns. Fram kem-
ur að bankinn hafi rekið fyrirtækið
sem skuldaskilaeign sl. fjögur ár og
stefnt að því að losa sig frá rekstr-
inum eins fljótt og mögulegt væri.
Síðan er talað um viljayfirlýsinguna
við sveitarfélagið og að bankinn hafi
gengið eftir því að við yfirlýsinguna
yrði staðið eða boðið upp á aðrar út-
færslur. Á síðasta fundi aðila í októ-
ber sl. hafi sveitarstjórnarmenn upp-
lýst að sveitarfélagið ætlaði ekki að
koma að lausn þessa máls. Þá hafi að
óbreyttu legið fyrir að loka fyrirtæk-
inu. „Breytti það engu um afstöðu
sveitarfélagsins sem sagði að slíkur
rekstur væri ekki á sinni könnu,“
segir í tilkynningunni en í framhaldi
gengið til samninga við starfsmenn
Loðskinns, með fyrirvara um fjár-
mögnun. Segir bankinn að sú fjár-
mögnun hafi ekki tekist. Var þá rætt
við Stökur, sem endaði með sam-
komulagi 27. nóvember sl. og loks
bindandi kaupsamningi í gær, þegar
fyrirvörum hafði verið rutt úr vegi,
eins og segir í tilkynningunni.
Kaup Skinnaiðnaðar
á Loðskinni staðfest
Nýr eigandi ætlar að ræða við heimamenn um samstarf
ÞETTA eru mikil vonbrigði,“ sagði Gunnsteinn Björnsson, sölustjóri Loð-
skinns, um söluna til Skinnaiðnaðar á Akureyri en hann gerði Kaupþingi
Búnaðarbanka tilboð í fyrirtækið ásamt fleiri starfsmönnum og Skaga-
fjarðarveitum.
Hann sagðist ekkert hafa heyrt frá nýjum eigendum og starfsmenn væru
enn í mikilli óvissu um framtíð sína. Þeirri óvissu þyrfti að eyða sem fyrst.
Gunnsteinn sagði niðurstöðu Búnaðarbankans koma sér á óvart í ljósi þess
að hann væri umsvifamikill í sveitarfélaginu og hlyti að eiga þar verulegra
hagsmuna að gæta.
Fyrirtækið Sjávarleður, sem sútað hefur fiskroð og framleitt hráefni
fyrir mörg frægustu tískuhús heims, hefur haft aðstöðu í húsnæði Loð-
skinns á Sauðárkróki. Að sögn Gunnsteins er sú starfsemi einnig í óvissu
og væntanlega þurfi einhverjar viðræður að fara fram við Skinnaiðnað.
„Þetta eru mikil vonbrigði“
SÓLIN lækkar nú flugið
með hverjum deginum
sem líður enda nálgast
vetrarsólstöður. Jólaljós
sem lýsa upp skamm-
degið eru þó ágætis mót-
vægi. Útlitið er því ekki
eins svart og það gæti
annars orðið og vissulega
er síðdegissólin tignarleg
þar sem hún litar sjón-
deildarhringinn ótal lit-
um.
Ægifagurt
litróf
skamm-
degisins
Morgunblaðið/Jim Smart
MINNIHLUTI sjávarútvegsnefnd-
ar Alþingis telur að frumvarp sjáv-
arútvegsráðherra, Árna M. Mathie-
sen, um línuívilnun sé allt vanreifað
og stórgallað. Jóhann Ársælsson,
þingmaður Samfylkingarinnar og
framsögumaður minnihlutans, sagði
við aðra umræðu um frumvarpið á
Alþingi í gær að þrýstingur frá starf-
andi formanni sjávarútvegsnefndar,
Kristni H. Gunnarssyni, virtist hafa
valdið því að sjávarútvegsráðherra
kastaði „algjörlega vanbúnu máli til
umfjöllunar hér á Alþingi.“ Jóhann
sagði að minnihlutinn gagnrýndi
harðlega þann undirbúning málsins.
Sagði hann minnihlutann leggjast
gegn samþykkt frumvarpsins.
Kristinn H. Gunnarsson mælti
fyrir nefndaráliti meirihluta nefnd-
arinnar. Hann sagði að meirihlutinn
styddi frumvarpið með nokkrum
breytingum; meirihlutinn gerði ekki
breytingar á þeim efnisatriðum er
lytu að línuívilnun en legði til breyt-
ingar á ákvæðum um byggðakvóta.
Sagði Kristinn að þeim breytingar-
tillögum væri ætlað að treysta stöðu
minni byggðarlaga sem lentu í vanda
vegna samdráttar í sjávarútvegi og
væru háðar veiðum og vinnslu á bol-
fiski. „Þær aflaheimildir sem á
grundvelli breytingartillögunnar
munu fara til lítilla byggðarlaga [...]
eiga meðal annars að koma í stað
þess byggðakvóta sem úthlutað hef-
ur verið til krókaaflamarksbáta og
1.500 tonna byggðakvóta sem úthlut-
að var í samráði við Byggðastofnun,
að teknu tilliti til aðstæðna.“
Önnur umræða um línuívilnun
Minnihlutinn telur
frumvarpið stórgallað
ALÞINGI samþykkti í gær
frumvarp Jóns Kristjánssonar
heilbrigðisráðherra um aldurs-
tengda örorkuuppbót. Sam-
kvæmt lögunum fá einstak-
lingar á aldrinum 18 til 19 ára
uppbót er nemur fullum
grunnlífeyri og lækkar upp-
bótin í þrepum eftir því sem
nær dregur 67 ára aldri og fell-
ur þá niður. Frumvarpið var
samþykkt með 27 atkvæðum
stjórnarþingmanna. Stjórnar-
andstæðingar sátu hjá við af-
greiðslu frumvarpsins sem og
Pétur H. Blöndal, þingmaður
Sjálfstæðisflokksins.
Atkvæðagreiðsla um frum-
varpið fór fram að viðhöfðu
nafnakalli þar sem nokkrir
þingmenn gerðu grein fyrir at-
kvæði sínu. Meðal annars
sagði Ögmundur Jónasson,
þingflokksformaður Vinstri-
hreyfingarinnar – græns fram-
boðs, að með frumvarpinu
væri verið að stíga stórt skref í
þá átt að bæta kjör öryrkja.
Fyrir Framsóknarflokkinn
væri það hins vegar dapur
vitnisburður um svikin kosn-
ingaloforð. Ágúst Ólafur
Ágústsson sagði Samfylk-
inguna fagna aldurstengingu
örorkubóta.
Öryrkjafrumvarpið
samþykkt
Stórt
skref að
bættum
kjörum