Morgunblaðið - 13.12.2003, Blaðsíða 30

HÖFUÐBORGARSVÆÐIÐ
30 LAUGARDAGUR 13. DESEMBER 2003 MORGUNBLAÐIÐ
BÓKAÚTGÁFAN HÓLAR
– bækur fyrir alla
Fyndnasta bók ársins Lygilegasta bók ársins
„Þetta er frábær sending en það
er bara enginn til þess að taka
við henni.“ Guðjón Guðmundsson (Gaupi)
Óteljandi sögur og tilsvör.
Logi Bergmann og Þór Jónsson,
Sigmundur Ernir og Jóhanna
Vilhjálmsdóttir. Atast er í Gissuri
Sigurðssyni og Karl Eskil Pálsson
verður fyrir barðinu á Brodda
Broddasyni.
„Sævar Þór er sérfræðingur í að
finna glufur á mönnum.“
Hörður Magnússon um Fylkismanninn
Sævar Þór Gíslason.
Afsakið – hlé, langfyndnasta bók ársins
Frábær skemmtun.
Þrjátíu íslenskir
sögumenn láta gamminn
geysa. Jón Skrikkur og
Sögu-Guðmundur
Magnússon, Vellygni-
Bjarni og Lyga-Þorlákur.
Gunnar Jónsson á
Fossvöllum fræðir um
vísdóm kvenna eins og
honum var einum lagið.
Lyginni líkast, lygilega skemmtileg bók
– B Æ K U R F Y R I R A L L A –
A
llt er leyfilegt. Menn geta sent inn
teikningar eða tölvupóst eða
hvað sem er. Við viljum fá meira
líf í miðbæinn og gera miðbæinn
skemmtilegri,“ sagði Björgólfur
Guðmundsson, formaður bankaráðs Lands-
bankans, á blaðamannafundi í gær um hug-
myndasamkeppni sem bankinn stendur að um
hvernig efla megi miðbæ Reykjavíkur. Björg-
ólfur segist hafa trú á því að ef einkaaðili sýni
frumkvæði í þessum málum fylgi aðrir á eftir.
„Við erum tilbúin að hefja leikinn og höfum
trú á að fleiri munu þá fylgja í kjölfarið.“
Björgólfur segir að markmiðið með keppn-
inni sé að fá miðbæinn til að lifna við og hann
vonast til að sem flestir eigi eftir að reyna að
setja hugmyndir sínar niður og skila þeim inn
í keppnina. „Það væri gaman ef þetta yrði að
einhvers konar jólaleik innan fjölskyldna, að
allir í jólaboðunum fari að velta hugmyndum
fyrir sér,“ segir Björgólfur um tímasetningu
keppninnar.
Skorað á alla að vera með
Með hugmyndasamkeppninni vill bankinn
skora á unga sem aldna og leika sem lærða að
senda inn hugmyndir um hvernig miðborg
þeir vilji sjá. Hugmyndirnar mega vera ein-
faldar eða flóknar, látlausar eða metn-
aðarfullar og þeim má lýsa ýmist í orðum eða
myndum. Þær mega bæði vísa til skipulags,
einstakra bygginga, samgöngumála, tiltek-
innar starfsemi eða verið tillögur um hvað má
og ekki má. „Allar hugmyndir koma til greina,
stórar sem smáar,“
segir Björgólfur.
„Við viljum fá fólk til
að hugsa um miðbæ-
inn,“ sagði Ingibjörg
Pálmadóttir innanhúss-
arkitekt sem situr í
dómnefnd keppninnar.
„Það hefur verið þung-
lyndi yfir miðbænum.
En þróun erlendis sýn-
ir t.d. að verslun er aft-
ur að færast úr út-
hverfum í miðbæ,“
sagði hún aðspurð
hvort ekki þyrfti að efla
verslun í miðbænum.
Auk Ingibjargar og
Björgólfs skipa dóm-
nefndina Hallgrímur
Helgason rithöfundur,
Eva María Jónsdóttir, íbúi í miðbænum, Guð-
jón Friðriksson sagnfræðingur og Margrét
Harðardóttir arkitekt.
Dómnefndin sagði að á fundi sínum í gær-
morgun hefðu strax komið fram margar hug-
myndir að því hvernig efla mætti miðborgina.
Björgólfur nefndi að hann vildi sjá styttu af
Óla blaðasala fyrir utan Reykjavíkurapótek,
en sjálfur var Björgólfur eitt sinn blaðberi.
Hugmyndasamkeppnin er unnin í samráði
við skipulagsnefnd Reykjavíkur. Björgólfur
sagði að hugmyndunum yrði fylgt eftir og að
þrýst yrði á að þær hugmyndir sem þyki álit-
legar komist til framkvæmda. Hann sagði all-
ar stofnanir borgarinnar hafa tekið keppninni
vel.
Björgólfur sagðist líta svo á að höf-
uðstöðvar Landsbankans væru miðpunktur í
miðbænum og ekki stæði til að færa þær ann-
að þótt nóg væri um slík tilboð. Hann sagðist
vilja gera bankann að menningarstofnun og
er hann yrði gerður upp væri þess gætt út í
ystu æsar að halda í upprunalegt útlit bank-
ans.
Björgólfur sagði að hann hafi þekkt miðbæ-
inn hér áður fyrr þegar hann var líflegri.
Hann þyrfti hins vegar ekki að verða eins aft-
ur, en margt væri hægt að gera til að glæða
hann lífi á ný. „Miðbær er hjartað í öllum
borgum. Það er ýmislegt hægt að gera til að
hafa skemmtilegt hérna,“ sagði Björgólfur.
Hugmyndum þarf að skila inn í keppnina
fyrir 31. janúar 2004. Þær má senda í pósti
merktar Landsbanki Íslands-hugmynda-
samkeppni um miðborg Reykjavíkur, Austur-
stræti 11, 101 Reykjavík eða í tölvupósti á
netfangið 101@landsbanki.is.
Fyrstu verðlaun verða 750 þúsund krónur,
önnur verðlaun 400 þúsund og þriðju verðlaun
200 þúsund krónur. Þá verða veitt smærri
peningaverðlaun og viðurkenningar.
Hugmyndasamkeppni Landsbankans um uppbyggingu miðbæjar Reykjavíkur
Allir landsmenn eru
hvattir til að taka þátt
Jólaleikur: Björgólfur vill að hugmyndasam-
keppnin verði jólaleikur fjölskyldna í landinu.
Morgunblaðið/Eggert
Miðborg | Hann Stekkjarstaur staulaðist
til byggða í fyrrinótt og mætti svo í
Þjóðmenningarhúsið um morguninn.
Þar biðu eftir honum 128 börn frá
Lauganesskóla, Álftaborg, Ingunn-
arskóla og Grandaskóla. Stekkjarstaur
spjallaði við börnin og söng með þeim
og voru börnin forvitin að frétta af ferð-
um hans úr fjöllunum.
Stekkjarstaur er einn þrettán
bræðra. Þeir eru allir hrekkjóttir pöru-
piltar sem eiga dálítið erfitt með að átta
sig á tæknivæddri nútímaveröld. Þeir
eru ekkert að fylgjast of vel með tísk-
unni en fengu reyndar ný föt ekki alls
fyrir löngu er Grýlu móður þeirra var
ekki farið að standa á sama um útgang-
inn á þeim. Með aðstoð íslenskra hönn-
uða og handverksfólks fengu jólasvein-
arnir og foreldrar þeirra nýjan
alklæðnað frá hvirfli til ilja úr vaðmáli,
gærum, flóka og íslenskri ull.
Bræður Stekkjarstaurs munu á næstu
dögum tínast til byggða og ætla að
skreppa í heimsókn í Þjóðmenning-
arhúsið kl. 10.30 á hverjum degi. Grýla
og Leppalúði munu svo koma við í Þjóð-
menningarhúsinu sunnudaginn 14. des-
ember til að líta eftir Stúfi syni sínum.
Stekkjarstaur tók lagið í Þjóðmenningarhúsi
Morgunblaðið/Eggert
Seltjarnarnes | Listaverkið Skaut
er listaverk mánaðarins á Seltjarn-
arnesi. Verkið, sem er eftir Tryggva
Ólafsson, var
keypt árið 1989 af
Lista- og menn-
ingarsjóði Sel-
tjarnarness situr
á vegg í bæj-
arskrifstofum
Seltjarnarnes-
bæjar.
Í umsögn Ás-
dísar Ólafsdóttur
listfræðings um
verkið segir: „Skaut er eins konar
myndljóð um móður náttúru, frjó-
semi, upphaf mannkyns og alheims-
ins, þar sem formin hreyfast í hægri
hringrás eilífðarinnar.“
Seltjarnarnesbær hefur í rúmt ár
tilnefnt listaverk mánaðarins til að
kynna fyrir bæjarbúum þá lista-
menn sem hafa lagt bænum lið með
listsköpun sinni.
Listaverkið Skaut á
Seltjarnarnesi
Tryggvi Ólafsson
Mosfellsbær | Sextíu ár eru liðin frá
því að Reykjaveita tók til starfa í
Mosfellsbæ, en rúmlega helmingur
þess heita vatns, sem er notað til
húshitunar á veitu-
svæði Orkuveitu
Reykjavíkur á höf-
uðborgarsvæðinu,
kemur frá veitunni. 22
borholur eru nú á Reykjasvæðinu
og er hægt að dæla upp úr því
svæði um 3.000 m3, að því er fram
kemur í fréttatilkynningu frá OR.
„Á köldum vetrardegi er dælt um
tólf þúsund tonnum af heitu vatni
til borgarbúa á hverri klukkustund,
frá Reykjum og Reykjahlíð, Nesja-
völlum og lághitasvæðunum innan
borgarmarkanna,“ segir í frétta-
tilkynningu.
Í tilefni af afmælinu hefur verið
komið fyrir upplýsingaskiltum við
borholu sem er rétt neðan við
Reykjabæ. Þar er tæknilegum þætti
veitunnar lýst og sögulegum hluta,
sem sagnfræðingarnir Magnús
Guðmundsson og Bjarki Bjarnason
hafa tekið saman. Þar kemur m.a.
fram að á seinni hluta 19. aldar tók
fólk í Reykjahverfi að nýta sér yl-
volga moldina til matjurtaræktar.
Reykjaveita 60 ára