Morgunblaðið - 13.12.2003, Blaðsíða 36
AKUREYRI
36 LAUGARDAGUR 13. DESEMBER 2003 MORGUNBLAÐIÐ
Líf og fjör
á Lækjartorgi
Jólamarkaður á
Lækjartorgi
Jólamarkaðurinn Lækjartorgi
Opið í dag, laugardag, frá 13–18
Kórar, Söngsveit,
Brassband miðborgarinnar,
Harmonikkuleikarar
o.fl. mæta á
Lækjartorg og skemmta
gestum og gangandi
Fjölbreyttur varningur til sölu
Haft var á orði að Helgi Seljan hefði
kvennafylgi á Austurlandi og væri
kvennakær einnig. Um þetta orti hann:
Þær Rúnu og Svönu og Svölu
og Svövu og Gunnu og Huld,
ég elska þær allar með tölu
- sem atkvæði vitaskuld.
Hákon Aðalsteinsson varð fyrir því fyrr á
árinu að gleyma afmælisdegi konunnar.
Hún brást illa við því og hann orti til
hennar vísu:
Þú ert ung og yndisfríð,
augun ljóma.
Þú ert mild og munablíð,
mér til sóma.
Konan blíðkaðist lítt við þetta og sagði
að það þýddi lítið að ætla að klóra sig út
úr vandamálinu með svona vísu; hann
meinti hvort eð er ekkert með þessu. Þá
ákvað Hákon að söðla um og spurði hvort
hún vildi heldur hafa það svona:
Konan mín er ekki léttfætt lengur
lífsklukkan gengur.
Með árunum byrjar húðin að herpast,
hrukkurnar skerpast.
Enginn fær flúið frá örlagaveginum,
afmælisdeginum.
Veröldin hleður árunum á´ana;
það eru ósköp að sjá´ana.
Jón Kristjánsson heilbrigðisráðherra mætti
dómkirkjuprestinum á göngu í Vonarstræti
með hempuna á handleggnum og
prestakragann í hendinni.
Þá varð þetta til.
Ég gekk fram á hann í grenndinni,
með geislabauginn í hendinni,
í ágætu stuði
sem var ættað frá guði
og hempuna hangandi á lendinni.
Á Hagyrðingamóti orti Friðrik
Steingrímsson svo til Hrannar Jónsdóttur
á Djúpavogi:
Glaður við þig sættir sem,
senn er best ég þagni.
Vona að þetta viakrem
verði þér að gagni.
Hrönn beindi svarinu út í salinn og skýrði
afstöðu sína þannig:
Fljótlega í heimsókn til Friðriks ég kem,
um fundinn þann læt ég mig dreyma.
Ég vona að ég eigi í krukkunni krem
og konan hans verði ekki heima.
Pétur Björgvin Jónsson var skósmiður á
Eskifirði. Einhverju sinni urðu nágrannar
hans ósáttir út af hænsnum og kom til
átaka eins og fram kemur í vísu Péturs:
Helgi í bræði hanann drap
og hent'onum út úr bænum.
Af því hann reið í asnaskap
annarra manna hænum.
BÓKAÚTGÁFAN HÓLAR
– bækur fyrir alla
Austfirsk skemmtiljóð
Út er komin kvæðabók sem ber heitið
Austfirsk skemmtiljóð og er hún í
samantekt Ragnars Inga
Aðalsteinssonar. Þar er að finna
samsafn af alls konar kveðskap af
léttara taginu sem austfirskir
hagyrðingar hafa sett saman sjálfum
sér og öðrum til skemmtunar.
Hér eru örfá sýnishorn úr bókinni:
Aðventutónleikar | Aðventu-
tónleikar söngdeildar Tónlistarskóla
Eyjafjarðar verða haldnir í Laug-
arborg í dag, laugardaginn 13. des-
ember kl. 14.
Fram koma nemendur deild-
arinnar og efnisskráin að mestu
tengd aðventu og jólum. Aðgangur er
ókeypis og allir velkomnir.
Jólatónleikar hljóðfæranemenda
verða í Þelamerkurskóla á mánudag,
15. desember, og hefjast þeir kl. 20.30
og í Gamla skólahúsinu á Grenivík
miðvikudaginn 17. desember kl. 20.
SKÍÐASVÆÐIÐ í Hlíðarfjalli verð-
ur opnað í dag, laugardaginn 13. des-
ember, og verður opið frá kl. 11 til 16
sem og á morgun, sunnudag. Mikil
snjókoma hefur verið síðustu daga
en snjór er þó í lágmarki til skíðaiðk-
unar og benda forráðamenn Hlíðar-
fjalls fólki á að fara varlega.
Tvær lyftur verða opnar, Fjarkinn
og Hólabraut, og troðnar brekkur
eru Andrés, sem er skíðaleiðin niður
með Fjarkanum, og svo Hólabraut
niður með samnefndri lyftu.
Skíðasvæðið
opnað í dag
KAUPMENN á Akureyri og félög
hafa sameinast um að setja upp
jólatré við Akureyrarkirkju. Þar
hefur um áratuga skeið, eða í um
hálfa öld, verið ljósum prýtt jólatré
sem Kaupfélag Eyfirðinga hefur
gefið og nokkur síðustu ár hefur
Kaldbakur gefið tréð. Starfsemi
þessara félaga hefur breyst á liðn-
um árum sem hefur í för með sér að
félögin eru ekki í sama mæli að
kynna nafn sitt og áður var eins og
fram kom í samtali við kaupfélags-
stjóra í liðinni viku. Svavar A. Jóns-
son, sóknarprestur í Akureyr-
arkirkju, sagði velunnara
kirkjunnar að vonum ánægða með
að fá tréð enda þætti mönnum það
setja svip á bæinn. Verið var að
setja perur á tréð í gær, en þar voru
á ferð rafvirkjarnir Þorkell Björns-
son og Jón Sigurðsson frá Rafeyri.
Sameinuðust um kaup
á jólatré við kirkjuna
Morgunblaðið/Kristján
GENGIÐ var formlega frá kaup-
samningi vegna viðskipta eigenda
Greifans eignarhaldsfélags hf. á Ak-
ureyri vegna kaupa á Hótel KEA og
Hótel Hörpu, en seljendur eru Kald-
bakur, KER, VÍS og Flutningar.
Þetta er stærsta fjárfesting í ferða-
þjónustu á Norðurlandi í langan
tíma, eða um 500 milljónir króna.
Kaupþing Búnaðarbanki annast
fjármögnun kaupanna. Greifinn
eignarhaldsfélag hefur séð um rekst-
ur hótelanna síðustu fimm ár, en
kaupir nú húsnæði þeirra með öllu
sem því tilheyrir.
Eigendur Greifans eru allir starfs-
menn félagsins í fullu starfi, Hlynur
Jónsson er framkvæmdastjóri Greif-
ans eignarhaldsfélags, Páll Sigurþór
Jónsson yfirmaður veitingasviðs
Hótelveitinga, Sigurbjörn Sveinsson
framkvæmdastjóri veitingahússins
Greifans, Ívar Sigmundsson er yfir-
maður fasteigna- og áhaldasviðs og
Páll L. Sigurjónsson er fram-
kvæmdastjóri Hótelveitinga.
Stórum áfanga náð
Hann sagði að félagið legði metn-
að sinn í að vera leiðandi á sviði
ferðaþjónustu á Norðurlandi og að
það legði áherslu á veitinga og gisti-
rekstur. „Við teljum ferðaþjónustu
ört vaxandi atvinnugrein hér á landi.
Þetta er merkisdagur í sögu félags-
ins, stórum áfanga náð,“ sagði Páll.
Eiríkur S. Jóhannsson, fram-
kvæmdastjóri Kaldbaks, sagði selj-
endur ánægða og sátta með söluna.
„Þessir menn eiga hrós skilið fyrir
hversu vel þeir hafa séð um húseign-
ir síðustu ár, þeir hafa haldið eign-
unum vel við. Vissulega er nokkur
eftirsjá í huga manna þegar þeir
selja frá sér eignir sem þessar. Hótel
KEA er eitt af kennileitum Akureyr-
ar, en það er mikilvægt að hér sé
rekin öflug þjónusta og við treystum
þessum mönnum til að halda vel á
spöðunum,“ sagði Eiríkur. Ásgrímur
Hilmisson, útibússtjóri Búnaðar-
bankans á Akureyri, sagði að bank-
inn hefði mikla trú á kaupendum og
vegna þess trausts sem þeir hefðu
áunnið sér hefði bankinn tekið þátt í
að fjármagna kaupin.
Umfangsmikill
rekstur
Rekstur Greifans er umfangsmik-
ill, en þrjú dótturfélög eru í eigu
Greifans eignarhaldsfélags; Hótel-
veitingar, Veitingahúsið Greifinn og
Endurhæfingastöðin ásamt sérstöku
fasteignafélagi sem sér um rekstur
og viðhald allra fasteigna þess.
Félagið rekur veitingastaðinn
Greifann með sætum fyrir 150 gesti
og fimm hótel með samtals 226
herbergjum auk veitinga- og ráð-
stefnusala fyrir allt að 300 manns.
Hótelin eru á Akureyri, í Reykjavík
og Mývatnssveit; Hótel KEA, með
73 herbergjum og einni svítu, Hótel
Harpa með 26 herbergjum, Hótel
Norðurland með 34 herbergjum,
Hótel Björk í Reykjavík með 55 her-
bergjum og Hótel Gígur á Skútu-
stöðum í Mývatnssveit með 37 her-
bergjum. Starfsmannafjöldi er um
150 manns.
Hótel KEA er nánast jafngamalt
íslenska lýðveldinu, stofnað í júní ár-
ið 1944 og verður því 60 ára á næsta
ári.
Það er næstelsta hótel landsins og
er saga þess er órjúfanlega tengd
sögu bæjarins.
Stærsta fjárfesting í ferða-
þjónustu í fjórðungnum lengi
Morgunblaðið/Kristján
Eiríkur S. Jóhannsson, frkvstj. Kaldbaks, og Hlynur Jónsson, frkvstj.
Greifans eignarhaldsfélags, við undirskrift kaupsamningsins.
Formlega gengið frá kaupum Greifans á Hótel KEA og Hótel Hörpu
Kaupþing Bún-
aðarbanki annast
fjármögnun upp
á 500 milljónir
AUGLÝSINGADEILD
netfang: augl@mbl.is eða sími 569 1111