Morgunblaðið - 15.12.2003, Blaðsíða 8

FRÉTTIR
8 MÁNUDAGUR 15. DESEMBER 2003 MORGUNBLAÐIÐ
Við erum komin til að taka út atkvæðin okkar, hr. bankastjóri.
Ferðamennska í jólamánuði
Mikil breyting
síðustu árin
Er jólamánuðurinnferðamannamán-uður? Magnús
Oddsson ferðamálastjóri
svaraði nokkrum spurn-
ingum.
Hefur túrismi á Íslandi í
desember farið vaxandi?
„Já. Umfang ferðaþjón-
ustu á Íslandi að vetri hef-
ur almennt vaxið mjög
mikið á síðustu árum.
Ef litið er til baka, þó
ekki sé nema 15 ár, þá var
desember að verulegu
leyti „dauður“ mánuður í
ferðaþjónustu, bæði hvað
varðar innlenda og er-
lenda ferðamenn.
Nú hefur orðið gífurleg
breyting á. Nægir þar að
nefna að nú eru fjölmörg
veitingahús meira og
minna full fyrstu þrjár
vikur desember af Íslendingum
sem sækja jólahlaðborð. Með
stórbættum samgöngum sækja
Íslendingar einnig í vaxandi mæli
aðra landshluta heim til verslun-
ar og skemmtunar á aðventunni.
Ef litið er til erlendra gesta þá
voru þeir mjög fáir t.d. fyrir 15
árum á þessum árstíma, en það
hefur orðið bylting í ferðaþjón-
ustu á Íslandi að vetri á tiltölu-
lega stuttum tíma.
Á síðustu árum hefur umfangið
vaxið mjög og á árunum 1995–
2002 hefur umfangið hvað varðar
erlenda gesti vaxið um 75% í des-
ember, en heildarumfang erlenda
hlutans í gistinóttum talið hefur
vaxið um 50% miðað við heilt ár.“
Hvers vegna hefur þetta
breyst?
„Hvað varðar innlenda ferða-
menn er eins og áður kom fram
um að ræða að stórbættar sam-
göngur, aukið framboð alls konar
menningar um allt land á aðvent-
unni og einnig öll jólahlaðborðin
skapa þessi auknu umsvif í mörg-
um þáttum ferðaþjónustunnar
svo örfá atriði séu nefnd.
Fjölgun erlendra gesta sem
sækja okkur heim í desember á
sér nokkrar skýringar.
Lögð hefur verið áhersla á það
í allri markaðsvinnu að kynna það
sem hér er í boði alla mánuði árs-
ins. Ferðalög almennt á þessum
árstíma eru að aukast.
Menning er vaxandi hvati til
ferðalaga til nýrra áfangastaða.
Fólk vill kynnast lífi og menningu
þjóða og þá ekki síst þeirri menn-
ingu sem er tengd þessum árs-
tíma; undirbúningi jóla og ára-
móta.
Þessi tími á Íslandi er allt öðru
vísi en á flestum öðrum stöðum
og það er nú einu sinni megin-
hvati ferðalaga að kynnast ein-
hverju sem er ólíkt því sem mað-
ur býr við dags daglega.
Ég hef t.d. dvalið oft erlendis
um jól og áramót og kynnst þessu
hátíðarhaldi í alls átta mismun-
andi löndum.
Þannig að það þarf að haldast í
hendur aukin kynning og mark-
aðsvinna og að hér sé í boði sú
upplifun sem ferða-
menn vænta í sam-
ræmi við þá kynn-
ingu.“
Einhverju sinni var
kvartað undan því að
allt væri lokað á jólunum …
„Þetta átti ekki aðeins við um
erlenda gesti. Okkur hættir til að
gleyma að það eru einnig Íslend-
ingar sem hafa áhuga á að kaupa
þjónustu veitingahúsa á þessum
dögum. Það er rétt að fyrir
nokkrum árum var yfir þessu
kvartað af hálfu erlendra gesta að
hér væri ekki allt opið á aðfanga-
dagskvöld.
Það er okkur tamt að miða við
það sem við eigum að venjast. Í
mörgum löndum er öll þjónusta í
boði á aðfangadagskvöld og þeir
sem þaðan koma átta sig oft ekki
á því hvernig við höldum jól.
Við þessu hefur verið brugðist
aðallega á tvennan hátt:
Í fyrsta lagi hefur verið lögð
áhersla á að bæta allt upplýsinga-
streymi hvað varðar þennan árs-
tíma, svo erlendir gestir viti áður
en þeir koma hvernig við höldum
jól og hvaða þjónusta er í boði á
hverjum tíma. Þetta hefur m.a.
verið gert með góðri lýsingu á ís-
lenskum jólum á upplýsingavefj-
um Ferðamálaráðs, Reykjavíkur-
borgar, Flugleiða og fleiri.
Þá hefur einnig verið lögð á það
áhersla að tryggja að einhver
veitingaþjónusta sé opin alla
daga.
Í ár verða t.d. a.m.k tveir veit-
ingastaðir opnir á aðfangadags-
kvöld í Reykjavík vegna erlendra
og innlendra gesta.
Upplýsingar um þá þjónustu
sem er í boði á hverjum degi er
alltaf hægt að nálgast á upplýs-
ingamiðstöðvum.“
Er tilefni til að auka þennan
túrisma?
„Að mínu mati þarf það þá að
vera ákvörðun sem þjónustuaðil-
ar taka í sameiningu. Ef enn frek-
ari áhersla verður lögð á það að
ná hingað miklu magni erlendra
gesta yfir jól verðum við að gera
það á þeim forsendum að framboð
af allri þjónustu og af-
þreyingu sé meira en
nú er. Það snertir auð-
vitað vinnutíma fjölda
Íslendinga og í reynd
breytt jólahald okkar
sjálfra.
Þessi ákvörðun hefur í reynd
verið tekin hvað varðar áramót
hér á landi, þegar við þjónum allt
að 1.500 erlendum gestum hér.
En markaðurinn er til og það
er hægt að auka umfangið um jól,
en það þarf að skoða móttöku-
þáttinn verulega áður en þessir
dagar verða markaðssettir sér-
staklega af krafti.“
Magnús Oddsson

Magnús Oddsson fæddist á
Akranesi 4. apríl 1947. Stúdent
frá MA 1967 og kennaranám frá
KHÍ 1979. Námskeið í markaðs-
fræðum í Genf 1987. Óslitið í
ferðamálastörfum frá 1980, fyrst
við ýmis stjórnunarstörf hjá Arn-
arflugi, síðan ferðamálastjóri og
markaðsstjóri Ferðamálaráðs til
1993, ferðamálastjóri síðan. Hef-
ur og setið í fjölmörgum stjórn-
um og nefndum, t.d. hjá Útflutn-
ingsráði, Ferðavaka, Arnarflugi,
Ferðamálaráði o.fl. Maki er Ingi-
björg Kristinsdóttir og eiga þau
eitt barn, Magnús Inga.
… vaxið um
75% í
desember
...núna á þremur stöðum
Smáralind
Sími 545 1550
Glæsibæ
Sími 545 1500
Kringlunni
Sími 575 5100
www.utilif.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
TI
2
28
82

11
/2
00
3

jólagjöf
Hugmynd að
MITSUSHIBA
Ambassador kerrupoki
Sérlega vel hannaður poki,
margir vasar.
Verð áður 14.990 kr.
9.990kr.
MITSUSHIBA
Deluxe álkerra
Sterk tvöföld röragrind,
vatnsbrúsi og
skorkortahaldari.
Verð áður 9.990 kr.
7.990kr.
ÁTTA líkamsárásir voru tilkynntar
til lögreglunnar í Reykjavík aðfara-
nótt sunnudags eftir erjur milli
manna. Í öllum tilfellum var um
minniháttar meiðsl að ræða. Að sögn
lögreglu var töluverður erill og mikið
af fólki á ferðinni um alla borg í fyrri-
nótt og voru tveir teknir fyrir ölv-
unarakstur. Tilkynnt var um þrjú
innbrot í bíla og voru tveir piltar
handteknir vegna gruns um verkn-
aðinn.
Mikill erill
í borginni
HEITT var í kolunum á jólafundi
Brunatæknifélags Íslands nýverið
en hann var haldinn undir yfir-
skriftinni Brennuvargaþing og
dótadagur. Á fundinum, sem var
með nokkuð óhefðbundnu sniði,
voru gerðar tilraunir með íkveikj-
ur af ýmsu tagi í þeim tilgangi að
kanna hversu eldfim hin ýmsu efni
geta verið. Markmiðið var að sjálf-
sögðu að vekja athygli á bruna-
vörnum og hvernir best má
tryggja öryggi í heimahúsum og
annars staðar þar sem fólk dvelur.
Fundurinn var haldinn á
slökkvistöð Slökkviliðs höfuðborg-
arsvæðisins í Hafnarfirði. Þá voru
stundaðar íkveikjur af ýmsu tagi
t.d. í dýnum, sjónvörpum og
svampi, reyndar til að sýna fram á
slökkvigetu ýmissa efna, en einnig
til að sýna fram á mismunandi
brunaeiginleika efna og innrétt-
inga.
Brennuvargaþing
og dótadagur