Morgunblaðið - 15.12.2003, Blaðsíða 37
BRÉF TIL BLAÐSINS
MORGUNBLAÐIÐ MÁNUDAGUR 15. DESEMBER 2003 37
SENN hefjast framkvæmdir við
færslu Hringbrautar og hluta
Miklubrautar. Þessi umfangsmikla
vegagerð, sem felur í sér gífurleg,
og um leið jákvæð áhrif á umferð-
ina til og frá miðhluta borgarinnar,
mun einnig fela í sér mikla breyt-
ingu á ásýnd borgarinnar. Gömul
göturými munu hverfa og önnur
myndast í staðinn. Upplifun hins
akandi vegfaranda mun einnig
breytast samhliða umbreytingu
borgarrýmisins úr hinni hefð-
bundnu húsaröð yfir í stærri um-
ferðamannvirki. Þessa mun helst
sjá merki við Miklubrautina, á
milli Snorrabrautar og Kringlu-
mýrarbrautar, þar sem gert er ráð
fyrir að stór hluti götunnar liggi
niðurgrafin í opnum stokk ólíkt nú-
verandi fyrirkomulagi. Ekki er að
efa að flest rök mæla með því að
þessi mikla hraðbraut verði grafin
niður á þessu svæði. Öll hljóðvist á
svæðinu mun batna til muna, þó
enn megi búast við talsverðum um-
ferðarnið. Frjálst flæði umferðar-
innar allt að gatnamótum Kringlu-
mýrabrautar mun auk þess
stórbæta flutningsgetuna, ásamt
því að draga stórlega úr hinni gíf-
urlegu slysatíðni á þessu svæði.
Þeir gallar eru þó á þessum
framkvæmdum, að lítt virðist vera
tekið tillit til hinnar gangandi um-
ferðar innan Hlíðanna og Norð-
urmýrarinnar. Hin sjónræna gjá á
milli suðurhluta hverfisins og
Miklatúnsins, mun enn frekar ein-
angra túnið frá því sem nú er.
Flókin umferðarmannvirki við
Lönguhlíð sem virðast í fljótu
bragði ekki hugsuð fyrir hinn
gangandi vegfarenda munu einnig
verða farartálmi. Niðurstaðan
verður sú, að einangrun og að-
skilnaður suðurhluta Hlíðahverfis-
ins frá öðrum hlutum þess, virðist
nú endanlega staðfestur.
Sú lausn, sem er nærtækust, er
að sá hluti Miklubrautarinnar, sem
liggur um þetta þéttbýla og vin-
sæla svæði verði algerlega grafinn
niður um aldur og æfi. Ofanjarðar
verði hægt að endurhugsa götu-
rýmið með tilliti til íbúa svæðisins
og þeirra er gjarnan vilja flytja
þangað, sökum nálægðarinnar við
miðbæinn, háskólann og mannlífið.
Skv. lauslegri athugun virðist
kostnaður við slíkar framkvæmdir
ekki vera óyfirstíganlegur, en þar
sem fjármagn liggur tæpast á
lausu fyrir slíka framkvæmd, enda
önnur göng ofar á framkvæmda-
áætlun, er ekki úr vegi að velta
fyrir sér öðrum möguleikum.
Lausn þess vandamáls liggur
mögulega í því, að borgin og vega-
gerðin afsali sér hluta veghelgun-
arsvæðisins, ásamt örlitlum bút af
Miklatúni nálægt áætluðum um-
ferðarmannvirkjum. Verðgildi
þeirrar lóðar gæti orðið slíkt, að
greiddi fyrir yfirbyggingu Miklu-
brautar á þessum hluta.
Sé þess gætt að byggja á mjög
afmörkuðu svæði, með vel skil-
greinda 5-6 hæða hámarkshæð, má
komast hjá því að gæði Miklatúns-
ins séu skert að neinu ráði. Skv.
meðfylgjandi skipulagstillögu, er
gert ráð fyrir að hægt verði að
reisa um 300 íbúða byggð, ásamt
verslun og þjónustu á jarðhæðum.
Til að lágmarka skerðingu Mikla-
túnsins og útsýnis frá Kjarvals-
stöðum stendur byggðin á 50 m
breiðu og 400 m löngu belti, þétt
upp við vegstæði Miklubrautar.
Meðalhæð byggðarinnar gæti verið
5 hæðir. Þess má geta að land hall-
ar töluvert frá Lönguhlíð og Kjar-
valsstöðum, og mun byggðin því
ekki skerða útsýni né sólarsýn
þaðan að neinu marki. Gífurlegir
möguleikar felast í því að endur-
skilgreina þetta svæði, með hlið-
sjón af þéttingu byggðar. Mikla-
brautin getur orðið að vinsælli
íbúðagötu, sem sameinar suður- og
norðurhluta Hlíðanna í stað þess
að sundra þeim. Miklatúnið mun
lifna á ný og taka að þjóna öðrum
en þreyttum augum listrýna.
ÖRN ÞÓR HALLDÓRSSON,
arkitekt FAÍ,
skipulagshöfundur.
Má bjóða ykkur göng?
Frá Erni Þór Halldórssyni
arkitekt
Miklatún.
Gangamunninn.
SAGT var stundum hér áður fyrr, að
sannleikanum yrði hver sárreiðastur.
Kennarinn segir að ég viðhafi aðför
og þá væntanlega að sér, ef ég skil
hana rétt, en hún má búast við því að
brýni hún deigt járn þá má búast við
því að komi að því að það bíti, og að
kennarinn tali með lítilsvirðingu og
hroka til bænda, þá er það ekki öðru
vísi en satt, talandi um klósettrúllu-
menningu, ölmusustyrki og hvaðeina
í þeim dúr. Hvað er lítilsvirðing?
Kennarinn segist ekki hafa gert lítið
úr bréfi Eysteins G. Gíslasonar, við
skulum skoða það nánar. Nánast í
byrjun á bréfinu segir: „Eftir afar
langdreginn inngang fer bréfritari
beint út í móa þar sem hann dvelur
svo nær allt bréfíð við fortíðarsögur,
með smá viðkomu í útúrsnúningum
og rangtúlkunum.“ Svo í lok bréfsins
segir kennarinn: „Að lokum endar
svo bréfritari út í mýri eins og kött-
urinn forðum þar sem hann er farinn
að pæla í hugsanlegri arðvænlegri
framleiðslu á vopnum og klámblöð-
um, en málefnin gleymdust.“ Tilvitn-
un lýkur. Bréfritara þykir þessi kött-
ur allsérstakur sem kennarinn talar
þarna um, ekki nóg með það að hann
hafi viljað halda sig í votlendinu, það
er að segja kötturinn, heldur ef að
hann einnig hefur pælt í arðvænlegri
vopnaframleiðslu og einnig útgáfu á
klámblöðum. Bréfritari hefur aldrei
heyrt um slíkan kött áður, datt helst í
hug hvort um einhverja tegund af
jólaketti væri að ræða. Einnig talar
kennarinn um orðalag þeirra sem
svara henni, étur hún upp eftir þeim
orðin og segir svo hroki. Spurning
hvort málefnaumræðan er komin í
þrot hjá áðurnefndri, þar sem áður-
nefnd beinir því til bréfritara að líta í
eigin barm hvað varðar stærðfræði-
kennsluna. Þá er því vísað heim til
föðurhúsanna. Átti bréfritari því láni
að fagna að njóta kennslu hjá góðum
kennara, mætri konu, Kristínu
Skúladóttur frá Keldum, og fór eng-
inn með tossastimpil úr þeirri skóla-
stofu heim til sín. En þessi arðlausi
rollubúskapur sem kennarinn á
Skaganum segir að kennarar í talna-
fræðinni hafi skynsemi til að fara nú
ekki að stunda, þá telur bréfritari að
orðið skynsemi ætti hún ekki að
minnast á. Og þá eru það tölusettu
liðirnir. 1. Kennarinn er á móti bein-
greiðslum, þá er því til að svara, það
hlýtur að vera hægt að finna markað
fyrir jafn góða vöru og það verð sem
kostar að framleiða vöruna, ekki
virðist skorta að flytja inn í landið
nóg af rusli eins og á yfirstandandi
tíma, og á þjóðin eftir að taka út sinn
skammt fyrir það. 2. Fé og hross þarf
að vera í réttu hlutfalli við beitarþol á
landinu að sjálfsögðu. 3. Það geta all-
ir verið samála um að um ofbeit má
ekki vera að ræða. 4. Bréfritari er
sammála um að koma í veg fyrir frek-
ari jarðvegsskemmdir og friðun á
kjarri, ekki á villtum gróðri nema
þess sé talin þörf af fagaðilum. 5.
Málsgrein undir þessum tölulið tek-
ur bréfritari heilshugar undir, stór-
auka landgræðsluna og skógrækt og
sem flestir geti fengið vinnu við það
og að sjálfsögðu á kaupi. Að endingu
þetta út af áðurtöluðu um úreltan
rollubúskap, þá hefur íslenska sauð-
kindin fætt og klætt íslensku þjóðina
öld fram af öld í meira en 1000 ár en
oftar en ekki er mannkindin van-
þakklátasta skepnan.
BIRGIR PÉTURSSON,
Seljalandi 3,
108 Reykjavík.
Svarbréf til kennarans
á Skaganum
Frá Birgi Péturssyni
VIÐ ber, og ekki svo sjaldan, að þess
sé getið í fjölmiðlum, að ekki hafi
náðst í mann til viðtals, vegna ein-
hvers hneykslismáls eða annars, sem
hann sé við riðinn. Gerðar hafi verið
ítrekaðar tilraunir til að hafa uppi á
viðkomandi. Þarna sýnist sá, sem um
er rætt, hafa sloppið með auðveldum
hætti frá umtali og væntanlega
ábyrgð. Hann er sjálfsagt skrifaður
fyrir heimilis- og vinnusíma, en hef-
ur búið svo um hnútana, að vera ekki
í námunda við nefnd tæki um nokk-
urt skeið, meðan umtal er um mál
hans. Og þetta er væntanlega ekki
svo vitlaus aðferð til að komast und-
an umtali, því að oft gleymist fljótt í
frétta-elfunni það, sem hátt ber á líð-
andi stund. Þetta nota sér þeir menn,
sem vita skömmina upp á sig. Svo
gleymist allt, og haldið er væntan-
lega áfram að leika sama leikinn,
sem fyrr gaf svo góða raun. En er
þetta heiðarlegt, mætti spyrja, að
fela sig með fjarvist af ókunnum or-
sökum, til að komast hjá umtali
vegna grunaðs misferlis? Ég tel það
ekki vera. Það er lítilmannleg und-
ankoma og fjarri öllum heiðarleika.
Eigum við ekki að standa eða falla
með okkar gjörðum?
Að lokum langar mig til að birta
erindi, sem ég setti saman um efni
það, sem ég hefi reifað hér að fram-
an, að vísu í gamansömum tón, en
öllu gamni fylgir nokkur alvara, seg-
ir gamall íslenskur málsháttur:
Hann keypti sér frið; hann var ekki við,
og víst er það sterkur leikur.
Og nú fær hann grið og náðuga bið,
því nú er hann sagður veikur!
AUÐUNN BRAGI
SVEINSSON,
Hjarðarhaga 28,
107 Reykjavík.
Að kaupa sér
(stundar) frið
Frá Auðuni Braga Sveinssyni
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050