Morgunblaðið - 15.12.2003, Blaðsíða 48

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 15. DESEMBER 2003 VERÐ Í LAUSASÖLU 190 KR. MEÐ VSK.

 

 

MARLON Shirley, heimsmethafi í
100 metra hlaupi fatlaðra, er nú
staddur hér á landi og mun næstu
daga prófa nýjan gervifót sem teymi
stoðtækjafræðinga og hönnuða hjá
Össuri hf. hefur unnið að í samvinnu
við Shirley. Hann er fyrsti fatlaði
íþróttamaðurinn sem hleypur 100
metrana á skemmri tíma en 11 sek-
úndum, en hann setti heimsmetið í
sumar þegar hann hljóp 100 metrana
á 10,97 sekúndum. Auk þess að prófa
nýja gervifótinn mun Marlon Shirley
keppa í 60 metra hlaupi við íslenska
hlaupara á boðsmóti ÍR sem fram fer
í Egilshöll á miðvikudag.
Shirley hefur sett sér það takmark
að fá að keppa í 100 metra hlaupi við
ófatlaða íþróttamenn, en til þess þarf
hann að hlaupa 100 metrana á 10,33
sekúndum. Liður í þeirri áætlun er að
þróa nýjan gervifót í samvinnu við
Össur, sem gerir honum kleift að
bæta árangur sinn á hlaupabrautinni.
Samstarf Shirley og Össurar hófst
árið 2001 en Össur er leiðandi fyr-
irtæki og frumkvöðull í framleiðslu á
gervifótum úr sérstöku koltrefjaefni
sem reynst hafa fötluðum íþrótta-
mönnum vel.
Þegar Shirley var á þriðja ári varð
hann munaðarlaus þegar móðir hans
yfirgaf hann og á munaðarleys-
ingjahæli varð hann fyrir því óhappi
fimm ára gamall að sláttuvél ók yfir
hægri fót hans, með þeim afleiðingum
að hann missti fótinn fyrir neðan hné.
Hann segist hafa lifað að mestu á göt-
unni á þessum árum, eða þar til hann
var ættleiddur til Shirley-fjölskyld-
unnar í Utah í Bandaríkjunum rúm-
lega níu ára gamall.
Hann segist reyna að líta jákvætt á
þá óumflýjanlegu staðreynd að hann
missti fótinn. Það sé í raun blessun
sem hafi gert hann sterkari persónu-
leika, þótt hann óski auðvitað engum
að verða fyrir slíkri reynslu.
Morgunblaðið/Jim Smart
Marlon Shirley með nýja gervifót-
inn frá Össuri sem hann mun prófa
hér á landi á næstu dögum.
Vill keppa
við ófatlaða
þrátt fyrir
gervifót
ÞAÐ TEKUR aðeins einn laugardag að verka
tvö tonn af skötu hjá Djúpalóni sem er við Fiski-
slóð í Reykjavík en það tekur mun fleiri daga að
lofta út á eftir. Skatan sem Djúpalón verkar er
fyrir fiskbúðina í Álfheimum og þar ættu því all-
ir að geta fengið ljúffenga Þorláksmessuskötu í
kæst er hún þrifin upp en það er einmitt í þeim
tilgangi sem stúlkurnar á myndinni munda
skrúbba. Þær virðast ekki, frekar en samstarfs-
menn þeirra, kippa sér upp við lyktina en höfðu
þó hraðar hendur til að ljúka verkinu sem allra
fyrst.
ár. Pétur Þorleifsson, framkvæmdastjóri Djúpa-
lóns, segir mikla stemmningu fylgja skötuverk-
uninni, í fyrirtækinu skapist nokkurs konar ver-
tíðarstemmning sem allir hafi gaman af. „Það er
samt reynt að ljúka þessu af sem fyrst, lyktin er
svo rosaleg,“ segir Pétur. Eftir að skatan er
Morgunblaðið/Þorkell
Skatan skrúbbuð fyrir hátíðarnar
LÖGREGLAN á Keflavíkurflugvelli stöðvaði á
föstudag erlendan mann á leið úr landi með fjölda
vegabréfa og falsaðra skírteina fyrir flugáhafnir.
Að sögn Jóhanns R. Benediktssonar, sýslumanns
á Keflavíkurflugvelli, er þetta allsérstakt mál sem
litið er mjög alvarlegum augum, enda geti fölsuð
flugáhafnaskírteini veitt aðgang að svæðum í flug-
höfnum þar sem ýtrasta öryggis þarf að gæta.
Maðurinn, sem er tæplega fertugur Rúmeni,
var stöðvaður í Leifsstöð og við leit á honum fund-
ust fimm vegabréf og mikill fjöldi flugáhafnaskír-
teina. Við nánari skoðun reyndust vegabréfin til-
heyra ýmsum aðilum og hefur maðurinn ekki gefið
fullnægjandi skýringar á hvers vegna vegabréfin
voru í vörslu hans. Þá virðist við fyrstu sýn sem
flugfélag það sem flugáhafnaskírteinin eru gefin
út á sé ekki til. Að sögn Jóhanns var farið fram á
gæsluvarðhald yfir manninum á laugardag og úr-
skurðaði Héraðsdómur Reykjaness hann í gæslu-
varðhald fram til næstkomandi miðvikudags.
Mjög sérstætt mál
Jóhann segir málið mjög sérstakt og virðist
tengjast því þegar menn fara með skipulögðum
hætti milli landa og ríkja til að afla sér vegabréfsá-
ritana með ólögmætum hætti. „Þá beinist grunur
að því að maðurinn hafi reynt að afla sér áritana í
erlendu sendiráði hér á landi í fjögur vegabréf til
viðbótar,“ segir Jóhann. Hann segir það jafnframt
mjög alvarlegt að maðurinn skuli hafa verið með
fölsuð flugáhafnaskírteini í fórum sínum. „Það er
út af fyrir sig mjög alvarlegt mál að það skuli finn-
ast fölsuð flugáhafnaskírteini á manni, sem að
sjálfsögðu greiða mönnum fleiri leiðir í flughöfn-
um en almenningi. Þannig að við lítum þetta mjög
alvarlegum augum,“ segir Jóhann.
Maður á leið úr landi úrskurðaður í gæsluvarðhald til miðvikudags
Með fölsuð vegabréf og
skírteini fyrir flugáhafnir
MANNI var bjargað á Breiðafirði
norðan Stykkishólms um kvöldmat-
arleytið í gær eftir að sex tonna
trilla, Hólmarinn SH-114 frá Stykk-
ishólmi, sökk síðdegis. Maðurinn var
einn á trillunni. Ársæll SH 88, sem
var í 6 sjómílna fjarlægð þegar
áhöfnin heyrði neyðarkall frá Hólm-
aranum, hélt þegar á slysstað og
kom að björgunarbátnum eftir 45
mínútna siglingu.
Gestur Hólm Kristinsson, eigandi
Hólmarans, fór einn í róður í gær-
morgun og var á heimleið þegar slys-
ið varð suður af Stagley á Breiða-
firði. Að sögn Gests munaði litlu að
honum tækist ekki að komast um
borð í björgunarbátinn. Línubalar
og fiskikör hentust út í aðra hlið
bátsins og lokuðu leiðinni út úr stýr-
ishúsinu. Varð hann því að fara út
um lúgu á stýrishúsinu og lenti þá í
sjónum. Hann segist síðan hafa náð
að synda að björgunarbátnum við
slæmar aðstæður og náð með erfiðis-
munum að koma sér upp í hann.
Strekkingskaldi og nokkur alda var
á slysstað og var Gestur Hólm orð-
inn blautur og kaldur.
Boð komu kl. 17.58 í gær í gegnum
sjálfvirka tilkynningaskyldukerfið
til Tilkynningaskyldunnar í Gufu-
nesi. Fljótlega komu síðan boð frá
þeim bát sem næstur var slysstað
um að sést hefðu tvö neyðarblys á
svæðinu og síðan komu sendingar
um gervihnött sem staðfestu að slys
hefði átt sér stað. Björgunarsveitir
Slysavarnafélagsins Landsbjargar á
Snæfellsnesi og björgunarskipið
Björg frá Rifi voru kölluð út ásamt
þyrlu Landhelgisgæslunnar og einn-
ig var strax haft samband við nær-
stadda báta.
Komst með erf-
iðismunum í
björgunarbátinn
Morgunblaðið/Gunnlaugur Árnason
Viðar Björnsson, skipstjóri á Ársæli (t.v.), og Gestur Hólm Kristinsson, eig-
andi Hólmarans, við komuna til Stykkishólms í gærkvöldi.