Morgunblaðið - 15.12.2003, Blaðsíða 2
2 C MÁNUDAGUR 15. DESEMBER 2003 MORGUNBLAÐIÐ
Íbúðalánasjóður hefur nú tekiðupp tvær nýjungar á vefsíðusinni www.ils.is. Annars vegar
hefur verið komið upp sérstakri
sölusíðu fasteigna í eigu Íbúðalána-
sjóðs og hins vegar hefur verið sett
upp öflug gagnvirk upplýsingasíða
um útdrátt húsbréfa. Hvoru
tveggja er ætlað að auka þjónustu
Íbúðalánasjóðs við almenning.
Hingað til hefur Íbúðalánasjóður
auglýst útdrátt húsbréfa í dag-
blöðum og hafa dagblaðaauglýsing-
arnar verið settar inn á vef Íbúða-
lánasjóðs. Kerfið hefur verið frekar
óþjált í notkun og ekki gagnvirkt.
Hið nýja kerfi er hins vegar mun
þjálla og veitir miklu betri og
öruggari upplýsingar en fyrra fyr-
irkomulag.
Til að nálgast upplýsingar um út-
drátt húsbréfa af vef Íbúðalána-
sjóðs er fyrsta skrefið að slá inn
veffang sjóðsins www.ils.is. Þegar
forsíða vefseturs Íbúðalánasjóðs
birtist er smellt á hlekkinn „Út-
dráttur húsbréfa“ og þá birtist síð-
an.
Unnt er að nálgast upplýsing-
arnar á nokkra vegu. Í fyrsta lagi
er unnt að slá inn númer húsbréfa
og birtast þá allar upplýsingar um
viðkomandi húsbréf, hvort það hef-
ur verið dregið út eða ekki og hver
uppreiknuð staða þess er.
Þá er unnt að kanna síðasta út-
drátt í hverjum flokki fyrir sig og
hvaða húsbréf hafa verið áður
dregin út en ekki innleyst. Einnig
eru upplýsingar um innlausnarverð
og útdráttarhlutfall í rafrænum
húsbréfaflokkum.
Þótt vanskil við Íbúðalánasjóð
hafi verið í algjöru lágmarki und-
anfarin ár, þá eignast sjóðurinn ár
hvert á uppboði nokkra tugi íbúða
af þeim 76 þúsund íbúðum sem á
hvíla lán Íbúðalánasjóðs. Íbúðir
þessar fara í sölumeðferð hjá fast-
eignasölum víðs vegar um landið
sem sjóðurinn hefur samið við um
umsýslu og sölu íbúða í kjölfar út-
boðs.
Á einum stað á Netinu
Þrátt fyrir að Íbúðalánasjóður
sjái ekki sjálfur um sölu þessara
uppboðsíbúða þá hefur nokkuð ver-
ið um það að almenningur hafi sam-
band við Íbúðalánasjóð og falist
eftir kaupum á íbúðum í eigu sjóðs-
ins. Því var talið rétt að setja upp
sérstaka sölusíðu þar sem unnt er
að skoða á einum stað á netinu allar
þær íbúðir sem eru í eigu Íbúða-
lánasjóðs og eru í sölumeðferð hjá
umboðsmönnum sjóðins.
Á sölusíðunni er mynd af hverri
eign fyrir sig auk þess sem fram
koma helstu upplýsingar um eign-
ina sem og ásett verð. Þá er hlekk-
ur frá hverri eign inn á vefsíðu þess
eða þeirra fasteignasala sem eru
með viðkomandi fasteign í sölu-
meðferð, enda fara tilboð í eignir
sjóðsins í gegnum viðkomandi fast-
eignasölur en ekki beint til Íbúða-
lánasjóðs.
Eignum í eigu Íbúðalánasjóðs er
raðað eftir sveitarfélögum og ljóst
að víða leynast áhugaverðar eignir
á góðum kjörum sem kunna að
henta sem frístundabústaðir á
skemmtilegum stöðum á lands-
byggðinni.
Slóðin að sölusíðu fasteigna er
fyrst www.ils.is og síðan smellt á
hlekkinn Íbúðir til sölu.
Útdráttur húsbréfa og
sölusíða fasteigna
Morgunblaðið/Arnaldur
Markaðurinn
eftir Hall Magnússon,
sérfræðing stefnumótunar og
markaðsmála Íbúðalánasjóðs/
hallur@ils.is
Hafnarfjörður - Hjá fasteignasöl-
unni Hraunhamri er nú til sölu 174,6
m2 einbýlishús á þremur hæðum við
Austurgötu 23 í Hafnarfirði. Ásett
verð er 23,7 millj. kr. „Þetta er glæsi-
legt, uppgert einbýli á bezta stað í
hjarta Hafnarfjarðar,“ segir Þor-
björn Helgi Þórðarson hjá Hraun-
hamri.
Húsið skiptist í góða forstofu með
gestasnyrtingu þar inn af. Einnig er
gott hol. Eldhúsið er glæsilegt með
nýlegri innréttingu, keramikeldavél
og borðkrók. Úr eldhúsi er gengið út
á góðar grillsvalir. Einnig er gott
sjónvarpshol, glæsileg og björt stofa
og borðstofa.
Fallegur stigi er upp í ris, en þar
eru tvö rúmgóð barnaherbergi og
gott hjónaherbergi. Góðir skápar og
geymslur eru undir súð.
Frá holi er gengið niður stiga, en
þar er rúmgott þvottaherbergi og út-
gangur út í garð. Ennfremur er þar
flísalagt baðherbergi með baðkari og
sturtuklefa, sjónvarpshol, tvö her-
bergi og geymsla.
„Húsið hefur verið endurnýjað
mikið á síðustu árum,“ sagði Þor-
björn Helgi Þórðarson að lokum.
„Þetta er glæsileg og virðuleg hús-
eign, sem stendur á fallegri hraun-
lóð.“
Þetta er 174,6 ferm. einbýlishús á bezta stað í hjarta Hafnarfjarðar. Húsið hefur verið endurnýjað mikið og stendur á fal-
legri hraunlóð. Ásett verð er 23,7 millj. kr., en húsið er til sölu hjá Hraunhamri.
Austurgata 23
Efnisyfirlit
Ásbyrgi ......................................... 17
Berg .............................................. 35
Bifröst ........................................... 16
Borgir ......................................... 6-7
Brynjólfur Jónsson ................... 33
Eignaborg ..................................... 13
Eignakaup ................................... 30
Eignamiðlun .......................... 12-13
Eignaval ....................................... 28
Fasteign.is ..................................... 3
Fasteignamarkaðurinn ....... 18-19
Fasteignamiðstöðin ................... 13
Fasteignasala Mosfellsbæjar . 37
Fasteignasala Íslands .............. 27
Fasteignastofan ........................ 29
Fjárfesting .................................. 39
Fold .................................................. 4
Foss ................................................. 5
Gimli ...................................... 26-27
Heimili .......................................... 38
Hof ................................................. 23
Hóll ........................................ 24-25
Hraunhamar .......................... 14-15
Húsakaup ...................................... 31
Húsavík ........................................ 32
Húsið ...................................... 20-21
Kjöreign ....................................... 34
Lyngvík Kópavogi ...................... 36
Miðborg .................................... 10-11
Skeifan ............................................ 9
Smárinn ................................. 20-21
Stakfell ......................................... 13
Valhöll ............................................. 8
Xhús .............................................. 39
FYRIR hátíðar hafa margir fyrir
venju að hyggja að skápum og
skúffum. Raunar hafa húsmæður
og aðrir sem sjá um heimilishald
heldur slakað á klónni í þessum efn-
um. Það er ekki lengur skilyrð-
islaust allt gert hreint í hólf og gólf
og öllu raðað upp á nýtt í skápa og
innihald skúffa grandskoðað.
Svo afslappað er ástandið nú á
einstaka heimilum að mörkin eru
dregin við að hnífaparaskúffurnar
séu sæmilega hreinlegar þegar
jólahátíðin gengur í garð.
Hnífaparaskúffan
Morgunblaðið/Guðrún