Morgunblaðið - 17.12.2003, Blaðsíða 1
Síminn
flytur
Yfirgefa Austurvöll eftir 70
ára veru Höfuðborgin
Dansað með
Britney
Britney Spears hefur gefið út
nýja breiðskífu Fólkið
Spáð frekari söluaukningu á næsta
ári | Ísland einn af áfangastöðum
Volkswagen | Nissa-samfélagið við
Kárahnjúka | Bíll McLaren í ham
SADDAM Hussein, fyrrverandi
einræðisherra Íraks, verðskuldar
„þyngstu refsingu“ en það verður
írösku þjóðarinnar að ákveða hvort
hann skuli tekinn af lífi. Þetta sagði
George W. Bush Bandaríkjaforseti í
gær. Hann sagði einnig að Írakar
væru færir um að annast sjálfir
réttarhöld yfir Saddam.
Bush lét þessi ummæli falla í við-
tali á ABC-sjónvarpsstöðinni
bandarísku. Á mánudag hafði Bush
sagt á blaðamannafundi að hann
hefði sínar eigin skoðanir á því hvað
verða skyldi um Saddam, en hann
vildi ekki segja nánar hverjar þær
væru. Það gerði hann hins vegar í
sjónvarpsviðtalinu í gær.
„Ég tel að hann verðskuldi
þyngstu refsingu … fyrir það sem
hann hefur gert þjóð sinni,“ sagði
Bush í viðtalinu. „Ég meina, hann er
pyntari, morðingi, þeir höfðu
nauðgunarherbergi. Þetta er við-
bjóðslegur harðstjóri sem verð-
skuldar að mæta réttvísinni, loka-
réttvísinni. En það mun ekki verða
hlutverk forseta Bandaríkjanna að
ákveða heldur borgara Íraks á einn
eða annan hátt.“
Tony Blair, forsætisráðherra
Bretlands, sagði einnig í gær, að
það ætti frekar að vera í höndum
Íraka sjálfra að rétta yfir Saddam
en alþjóðlegra dómstóla.
Bandarískir stjórnarerindrekar
sögðu í gær að fyrstu yfirheyrslurn-
ar yfir Saddam, sem er í haldi á ótil-
greindum stað, sneru að því að afla
upplýsinga um skipulagða mót-
spyrnu gegn hernámsliðinu. Mikil
áherzla yrði lögð á það á næstunni
að hafa hendur í hári þeirra manna
sem stýrðu skæruaðgerðum gegn
hernámsliðinu. Donald H. Rums-
feld, varnarmálaráðherra Banda-
ríkjanna, sagði á blaðamannafundi
að bandaríska leyniþjónustan CIA
muni sinna yfirheyrslunum yfir
Saddam.
Ófriðsamlegt víða í Írak
Ófriðsamlegt var víða í Írak í
gær, tveimur dögum eftir að til-
kynnt var að Saddam Hussein hefði
verið handtekinn. Bandaríkjaher
sagði 11 menn hafa verið skotna,
sem tóku þátt í fyrirsát í bænum
Samarra norður af Bagdad og
nokkrir hermenn særðust í fleiri
árásum sem gerðar voru á her-
námsliðið annars staðar í Írak.
Stuðningsmenn Saddams söfnuð-
ust saman á götum í nokkrum borg-
um Íraks í gær, þar á meðal í Fall-
ujah og í Ramadi vestur af Bagdad.
Þar hrópuðu menn: „Við verjum
Saddam með sálu okkar.“ Í borginni
Mosul í norðurhluta landsins endaði
slíkur útifundur með óeirðum. Einn
lögreglumaður lét lífið og annar
særðist, að því er lögreglan þar
greindi frá.
Richard Myers, forseti banda-
ríska herráðsins, kom til Íraks í
gær. Hann vísaði á bug fregnum
þess efnis, að Izzat Ibrahim al-Duri,
hæstsetti liðsmaður hinnar föllnu
stjórnar Saddams, sem enn leikur
lausum hala, hefði verið handtek-
inn.
Þá gerðist það í gær að ríkis-
stjórnir Þýzkalands og Frakklands
– sem voru meðal hörðustu and-
stæðinga Íraksstríðsins – sögðust
myndu styðja það að verulegur hluti
erlendra skulda Íraks yrði gefinn
eftir. Kom þetta fram í viðræðum
James A. Bakers, sérlegs erindreka
Bandaríkjastjórnar, í París og Berl-
ín. Skuldir Íraks eru áætlaðar vera
um 120 milljarðar Bandaríkjadala,
hátt í 9.000 milljarðar króna.
Talsmaður Páfagarðs gagn-
rýnir meðferðina á Saddam
Einn æðsti talsmaður Páfagarðs,
kardínálinn Renato Martino, hvatti
til þess í gær að Saddam Hussein
verði dreginn fyrir rétt fyrir glæpi
sína, en lagði áherzlu á andstöðu
kaþólsku kirkjunnar við dauðarefs-
ingu og gagnrýndi Bandaríkjaher
fyrir að meðhöndla Saddam „eins
og skepnu“, og vísaði þar til mynd-
anna sem sýndar voru af bandarísk-
um herlækni skoða Saddam, þ. á m.
tennur hans.
Reuters
Írakar hrópa slagorð gegn Bandaríkjamönnum er bandarískum bryndreka er ekið hjá í Mosul í Norður-Írak í
gær. Einn heldur á loft mynd af Saddam Hussein. Ófriðsamlegt var víða í Írak í gær, tveimur dögum eftir að
tilkynnt var um handtöku Saddams, og leit að stjórnendum skæruaðgerða gegn hernámsliðinu heldur áfram.
Bush segir Saddam verð-
skulda „þyngstu refsingu“
Fylgismenn Saddams mótmæla hernámi
Ráð Íraka/18/20
Íraka að dæma
einræðisherrann
Bagdad, Washington. AP, AFP.
SILVIO Berlusconi, forsætisráðherra Ítalíu, sætti
mikilli orrahríð gagnrýni þegar hann kom fyrir
Evrópuþingið (EÞ) í Strassborg í gær, til að gefa
því skýrslu um nýafstaðinn leiðtogafund sam-
bandsins, þar sem mistókst að binda endahnútinn á
nýjan stjórnarskrársáttmála þess.
„Þú brást,“ sagði Graham Watson, leiðtogi þing-
flokks frjálslyndra flokka á Evrópuþinginu.
Berlusconi sagði hins vegar ítalska formennsku-
misserið hafa skilað góðum árangri, þótt því miður
hefði ekki reynzt unnt að sigla stjórnarskrár-
málinu í höfn. Eftir að ítalski forsetinn stöðvaði í fyrradag ný lög um
fjölmiðla á Berlusconi einnig í vök að verjast á heimavígstöðvum.
Berlusconi „brást“
Silvio Berlusconi
Strassborg. AFP.
BANDARÍSKA fyrirtækið
Herobuilders.com hefur hafið
sölu á þessari brúðu sem
nefnist „Fang-
inn Saddam“
og var hönnuð
eftir handtöku
íraska leiðtog-
ans fyrrver-
andi.
Fyrirtækið
selur einnig
Osama bin Laden-, George
W. Bush- og Tony Blair-brúð-
ur. „Við náðum honum!“ sagði
í auglýsingu Herobuilders-
.com. „Við erum stolt af því að
geta brugðist við nýjum að-
stæðum í heiminum innan sól-
arhrings.“
„Fanginn
Saddam“
EIGANDI og skipstjóri dráttarbáts-
ins Gamla lóðs, sem sökk vestur af
Hafnarbergi á Reykjanesi í fyrrinótt,
björguðust eftir
að hafa verið
hálftíma í sjón-
um. Eigandinn,
Kjartan J.
Hauksson, segir
að þeim hafi ver-
ið hætt að lítast
á blikuna. Kjart-
an ætlaði síð-
sumars að róa
hringinn í kring-
um landið á bát sínum en sú ferð varð
endaslepp þegar báturinn brotnaði í
spón í Rekavík á Ströndum.
Það var áhöfnin á Happasæli KE
sem kom skipverjunum til bjargar í
fyrrinótt, þar sem þeir ríghéldu í
björgunarhring. Annar þeirra hélt
vasaljósi á lofti sem varð þeim til
happs því áhöfn Happasæls sá ljósið
og fann þá því fljótlega í sjónum.
Sjór og olía úti um allt
Kjartan fór niður í vélarrúm báts-
ins eftir að rafmagnið fór skyndilega
af. „Það gekk mikið á þarna niðri í
myrkrinu, sjór og olía úti um allt og
ég náði að koma annarri dælunni í
gang.“
Kjartan segist hafa beðið Eirík
Steingrímsson skipstjóra um að kalla
eftir aðstoð. „En fimm mínútum
seinna vorum við komnir í sjóinn,“
segir Kjartan og telur að ekki hafi
mátt tæpara standa fyrir sig að kom-
ast upp úr vélarrúminu.
Er þeim var hætt að lítast á blik-
una reyndu þeir að losa björg-
unarbátinn en þá reið stór alda yfir
þá og skolaði þeim fyrir borð.
Var hætt
að lítast
á blikuna
Kjartan J. Hauksson
Ríghéldu/6
Skipverjarnir voru
hálftíma í sjónum
Bílar í dag
EKKERT lát virðist vera á innbrotum í bíla
og kveður nú rammt að slíkum innbrotum. Í
desember 2002 voru bílainnbrot hátt í
fimmfalt fleiri en í desember 1999. Innbrot-
in voru þá tvöfalt fleiri allt árið 2002 en
1999, samkvæmt tjónaskýrslum VÍS. Upp-
lýsingar sem fyrir liggja um fyrstu vikur
desember 2003 benda ekki til þess að lát sé
á afbrotum af þessu tagi.
Árið 1999 var VÍS tilkynnt um 101 inn-
brot í bíl, þar af 7 í desember. Þremur árum
síðar, 2002, fékk VÍS 203 tilkynningar um
innbrot í bíla, þar af 32 í desember.
Innbrotum í hús hefur fjölgað á sama
tímabili en ekki nálægt því eins mikið og
bílainnbrotunum.
Ekkert lát
á innbrot-
um í bíla
STOFNAÐ 1913 . TBL. 91. ÁRG. MIÐVIKUDAGUR 17. DESEMBER 2003 PRENTSMIÐJA ÁRVAKURS HF. mbl.is