Morgunblaðið - 17.12.2003, Page 6
David Pitt afhendir Karli styrk-
inn fyrir hönd sjóðsins.
Morgunblaðið/Þorkell
KARL Grönvold, sérfræðingur í
Norrænu eldfjallastöðinni, hefur
hlotið fimm milljóna króna styrk
úr Menningar- og framfarasjóði
Ludvigs Storr stórkaupmanns.
Styrkurinn var afhentur í Nátt-
úrufræðihúsinu.
Styrkinn hlýtur Karl til efna-
greiningar á vatni í sérstöku rann-
sóknartæki með svokallaðri Cap-
illary Electrophoresis-aðferð.
Aðferðin og tækið gera kleift að
efnagreina örsmá vatnssýni sem
eru allt að einn milljónasti hluti úr
lítra.
Féð verður nýtt til að kaupa
rannsóknartækið og fjármagna
rannsóknir meðal annars til þess
að kortleggja gossögu Íslands
með því að efnagreina ískjarna úr
Grænlandsjökli.
Fékk styrk til efna-
greiningar á vatni
FRÉTTIR
6 MIÐVIKUDAGUR 17. DESEMBER 2003 MORGUNBLAÐIÐ
Opið til 22.00
til jóla
Kl. 15.00 og 17.00
Kátir jólasveinar ganga um gólf,
syngja, spjalla og spila.
...
er
m
eð
a
llt
f
yr
ir
jó
lin
TVEIR menn lentu í sjónum þegar
dráttarbáturinn Gamli lóðs úr Kópa-
vogi sökk vestur af Hafnarbergi á
Reykjanesi í fyrrinótt. Þeim var
bjargað um borð í netabátinn
Happasæl frá Keflavík og varð ekki
meint af volkinu. „Þeir lágu í sjónum
með stórt og gott vasaljós sem þeir
beindu að okkur. Við keyrðum beint
á ljósgeislann,“ segir Hafþór Þórð-
arson, skipstjóri á Happasæl KE,
um björgunina.
Dráttarbáturinn Gamli lóðs var á
siglingu vestur af Hafnarbergi með
pramma í togi seint í fyrrakvöld þeg-
ar hann lenti í erfiðleikum eftir að
leki kom að bátnum. Samkvæmt
upplýsingum Slysavarnafélagsins
Landsbjargar lét skipstjórinn vita
um erfiðleika sína upp úr klukkan 23
um kvöldið. Kölluð voru út björgun-
arskipin á svæðinu, Oddur V. Gísla-
son í Grindavík og Hannes Þ. Haf-
stein í Sandgerði, til að koma
sjódælum um borð í dráttarbátinn.
Jafnframt voru nærstaddir fiskibát-
ar beðnir um að fara til aðstoðar.
Happasæll KE reyndist næstur.
Keyrt á fullu afli
„Við vorum um sjö sjómílum frá
staðnum og keyrðum strax af stað á
fullu afli enda vissum við að við
myndum verða fyrstir á staðinn,
kannski kortéri á undan öðrum,“
sagði Hafþór Þórðarson, skipstjóri á
Happasæl. Niðamyrkur var og rign-
ingarsuddi og því lítið skyggni. Haf-
þór ákvað að stefna svolítið norðan
við uppgefinn stað vegna þess að
fallið lá þannig. „Við náðum að
ramba á þá, aðeins norðan við síð-
ustu staðsetningu. Við vorum heppn-
ir að keyra beint á þá, það fór því
vel,“ segir Hafþór. Skipverjarnir á
Gamla lóðs voru í sjónum og héldu
sér þétt saman. Þeir voru með öflugt
vasaljós og beindu því að skipinu
sem kom til aðstoðar og það varð að
mati Hafþórs til þess að þeir fundust
strax.
Vel gekk að ná mönnunum um
borð í Happasæl, það tók einungis
um fimm mínútur.
Þægileg tilfinning, segir ungi
afleysingaskipstjórinn
Samkvæmt upplýsingum Lands-
bjargar datt Gamli lóðs út af sjálf-
virkri tilkynningaskyldu um klukkan
23.50 og hefur skipið þá sokkið. Um
það bil tíu mínútum eftir miðnætti
barst tilkynning frá Happasæl um að
mennirnir sæust í sjónum og
skömmu síðar bárust boð um að búið
væri að bjarga mönnunum. Síðar
kom þyrla Landhelgisgæslunnar á
svæðið svo og björgunarskipið
Hannes Þ. Hafstein.
Hafþór segir að annar maðurinn
hafi verið í flotbúningi og hafi hann
verið orðinn kaldur og þrekaður þeg-
ar hann náðist úr sjónum. Hinn var í
kafarabúningi. Mennirnir voru
drifnir í þurr föt og þeim hlýjað. Haf-
þór segir að þeir hafi verið fljótir að
braggast en annar að vísu skolfið
lengi.
Farið var með mennina til Sand-
gerðis þar sem þeir fóru til skýrslu-
töku um óhappið hjá lögreglunni.
Fimm menn voru í áhöfn Happa-
sæls. Hafþór Þórðarson er einungis
25 ára, hann starfar sem stýrimaður
á bátnum en er að leysa skipstjórann
af um þessar mundir.
Aðspurður segist hann áður hafa
lent í að leita að mönnum en það var
eftir að bátur fórst á Faxaflóa. Hann
segir það óneitanlega mjög þægilega
tilfinningu að taka þátt í björgunar-
aðgerð sem heppnast hafi jafnvel og
björgun mannanna af Gamla lóðs.
Áhöfnin á Happasæl bjargaði tveimur mönnum af drátt-
arbátnum Gamla lóðs sem sökk vestur af Hafnarbergi
„Keyrðum beint
á ljósgeislann“
Ljósmynd/Jóhannes Kr. Kristjánsson
Áhöfnin á Happasæl KE eftir vel heppnaða björgun skipbrotsmannanna af Gamla lóðs í fyrrinótt, Frímann Guð-
mundsson, Davíð Bragason, Halldór G. Halldórsson, Hafþór Þórðarson og Jóhannes Haraldsson.
Morgunblaðið/Hafþór Hreiðarsson
Gamli lóðs sem áður hét Eldingin var gerður út frá Kópavogi.
„ÞETTA hefði getað farið verr,“
segir Kjartan J. Hauksson, atvinnu-
kafari og eigandi dráttarbátsins
Gamla lóðs sem sökk vestur af
Hafnarbergi á Reykjanesi um mið-
nætti í fyrrinótt. Kjartan var um
borð í bátnum ásamt Eiríki Stein-
grímssyni skipstjóra og björguðust
þeir úr sjávarháskanum eftir að
hafa í hálftíma ríghaldið í björg-
unarhring þar til áhöfn Happasæls
KE kom þeim til hjálpar. Bor-
prammi, sem Gamli lóðs var með í
togi, sökk einnig á svipstundu.
Kjartan segist í samtali við
Morgunblaðið eiga erfitt með að
skýra af hverju Gamli lóðs sökk.
Hann segir rafmagnið hafa skyndi-
lega farið af bátnum. Fór Kjartan
þá niður í vélarýmið og sá að þar
var kominn mikill sjór. Hélt hann á
öflugu vasaljósi sem átti eftir að
koma sér vel síðar.
„Ég hljóp upp og klæddi mig í
kafarabúning til að fara niður aftur
og koma dælum í gang og finna lek-
ann. Það gekk mikið á þarna niðri í
myrkrinu, sjór og olía úti um allt og
ég náði að koma annarri dælunni í
gang. Ég fór upp aftur og bað Eirík
um að kalla eftir aðstoð og sjá um
fjarskiptin á meðan ég hélt áfram
að vinna í vélarrýminu. Eiríki var
boðin þyrla en hann afþakkaði hana
þar sem við höfðum trú á að bát-
urinn væri ekki alveg að sökkva. En
fimm mínútum seinna vorum við
komnir í sjóinn,“ segir Kjartan og
telur að ekki hafi mátt tæpara
standa fyrir sig að komast upp úr
vélarrúminu.
Er sjórinn var kominn upp á
miðja rafmagnstöflu var Kjartani
hætt að lítast á blikuna. Báturinn
var kominn á hliðina og Kjartan fór
upp til að aðstoða Eirík við að koma
út björgunarbátnum. Reið þá stór
alda yfir þá í einni dýfunni og skol-
aði þeim fyrir borð. Eiríkur hafði
þá komist í flotgalla en Kjartan var
enn í kafarabúningnum.
„Eiríkur náði taki á björgunar-
hring og ég synti eina tíu metra til
hans. Er við fórum á bólakaf komst
sjór inn í flotgallann hjá Eiríki
þannig að hann varð fljótt kaldur.
Á meðan við héldum í hringinn
ræddum við það okkar á milli hve-
nær hjálp myndi berast,“ segir
Kjartan sem ríghélt enn í vasaljósið
í niðamyrkri og tveggja metra
ölduhæð.
„Ég reyndi að halda ljósinu upp
úr sjónum og lýsa í allar áttir þann-
ig að einhver sæi til okkar. Við
héldum í vonina um að fá hjálp. Það
var búið að segja okkur í talstöðinni
að stutt væri í næstu skip. Vasa-
ljósið kom sér mjög vel og hefðum
við ekki verið með það hefði tekið
lengri tíma að finna okkur og jafn-
vel þurft þyrluna til,“ segir Kjart-
an.
Hann segir það hafa verið
ánægjulegt að sjá Happasæl nálg-
ast þá í myrkrinu eftir hálftíma
svaml í sjónum. Móttökurnar um
borð hafi verið fumlausar og frá-
bærar og þeim Eiríki hafi fljótlega
hlýnað eftir volkið. Vill Kjartan
koma á framfæri innilegum þökk-
um til áhafnar Happasæls fyrir
björgunina.
Lenti í öðru ævintýri
Kjartan hafði átt Gamla lóðs í
þrjú ár þegar báturinn sökk. Kjart-
an komst einnig í fréttir síðsumars
er hann gerði tilraun til að sigla
árabáti sínum hringinn í kringum
landið til stuðnings Sjálfsbjörg.
Sigldi hann úr Kópavogshöfn í lok
ágúst og komst norður fyrir Vest-
firði, eða þar til árabáturinn slitn-
aði upp frá akkerisfestum í Rekavík
bak við Látur á Hornströndum 7.
september sl. og brotnaði í spón.
Kjartan segir að í ljósi síðustu at-
burða sé réttast að breiða sængina
yfir sig og taka því rólega það sem
eftir sé af árinu!
Eigandi og skipstjóri Gamla lóðs björguðust úr sjónum
þegar báturinn sökk í fyrrinótt vestur af Reykjanesi
Ríghéldu í björgun-
arhring og vasaljós
Morgunblaðið/Árni Sæberg
Lagt af stað: Kjartan leggur af stað
í hringferðina í Reykjavík síðsum-
ars, en hún endaði í Rekavík.