Morgunblaðið - 17.12.2003, Page 22
HÖFUÐBORGARSVÆÐIÐ
22 MIÐVIKUDAGUR 17. DESEMBER 2003 MORGUNBLAÐIÐ
Suðurlandsbraut 20 – 108 Reykjavík – Sími 588 0200 – www.eirvik.is
Miele ryksugurnar hafa unnið til fjölda verðlauna fyrir afköst, formfegurð og þægindi
í notkun. Ríkulegur staðalbúnaður og mikið úrval aukahluta skapar fullkomna
ryksugu fyrir sérhvert heimili. Miele ryksugurnar gera jólahreingerninguna að léttu
verki og eru tilvaldar í jólapakkann.
Miele ryksuguga er glæsileg jólagjöf
og frábær í jólahreingerninguna
– enga málamiðlun
fyrir jólin
Reykjavík | Stórum hluta sögu
Landssímans lauk í gær og nýr tók
við þegar fyrirtækið flutti höfuð-
stöðvar sínar að fullu úr húsnæði
sínu til rúmra sjötíu ára, Landsíma-
húsinu við Austurvöll. Ljóst þótti að
húsið var bæði of lítið og gamalt til
að hýsa bæði umfangsmikla og
tæknilega flókna starfsemi Lands-
símans og hefur því mestöll starf-
semi fyrirtækisins flust yfir í fram-
tíðarhúsnæði Landssímans í
Ármúla. Miðbæjarsímstöðin verður
þó áfram rekin í 1.500 fermetra rými
í húsinu og munu nokkrir starfs-
menn áfram hafa aðsetur þar við
gæslu stöðvarinnar.
Umdeild staðsetning og hern-
aðarlega mikilvægt hús
Ákvörðun um að reisa nýtt síma-
hús í Reykjavík var tekin í ársbyrjun
árið 1929. Ástæðan var sú að þau
skilyrði sem starfsfólk Landsímans
vann við á þeim tíma voru síður en
svo heilsusamleg. Ekki voru allir á
eitt sáttir um staðsetninguna við
Thorvaldssensstræti 4. Löngu síðar
skrifaði Helgi Hjörvar útvarpsþulur
grein í Morgunblaðið þar sem hann
gagnrýndi staðsetningu hússins og
hvatti til þess að það yrði rifið vegna
þess að það spillti fegurð miðborg-
arinnar. Helgi gagnrýndi bæj-
arstjórn Reykjavíkur og skrifaði
með hæðnistón: „Það er einna líkast
meinsemi við bæjarstjórnina að
landnámsmaðurinn skuli gerast
sannur að því að hafa reist sín bæj-
arhús svona alveg í sjálfum mið-
bænum, án þess að leita nokkurs
leyfis, nema hjá guði sínum. Og taka
þar að auki allar dýrustu lóðirnar.“
Byggingin reis engu að síður og
var opnuð 1. desember 1932. Fyrstu
árin hýsti húsið bæði Landsímann,
Ríkisútvarpið og Veðurstofu Íslands.
Vegna samhýsingar þessara þriggja
lykilstofnana var húsið álitið afar
hernaðarlega mikilvægt þegar Bretar
hernámu Ísland árið 1940 og var það
eitt fyrsta húsið sem Bretar hertóku.
Landsímahúsið, sem er á fimm
hæðum, var upphaflega ein bygging
en í áranna rás hafa bæst við tvær
viðbyggingar og húsið tengst við
önnur hús, svo nú má segja að húsið
samanstandi af fimm álmum. Hluti
vesturálmunnar var reistur árið
1952. Við þær byggingarfram-
kvæmdir var komið niður á leiði í
gamla kirkjugarðinum. Þá var
ákveðið að breyta teikningum og
minnka húsið. Viðbyggingin sunnan
við Landsímahúsið var reist á ár-
unum 1966–1967. Nær hún að jaðri
garðsins en fer þó á einum stað inn í
hann.
Þjappar starfsfólkinu saman
Eva Magnúsdóttir, upplýsinga-
fulltrúi Landssímans, vann til
skamms tíma í gamla Landsímahús-
inu og flutti í Ármúlann í október.
Hún segir það hafa verið markmið
Landssímans um langa hríð að koma
stærstum hluta starfsemi sinnar inn
á svæðið í kringum Múlastöðina.
„Við höfum verið að færa starfs-
menn þangað smám saman. Við er-
um nú í nokkrum húsum, Ármúla 25,
27 og 31 og einnig á Suðurlands-
braut 28 og 30. Á þessu svæði starfa
nú rúmlega sjö hundruð manns af
rúmlega tólf hundruð starfsmönnum
fyrirtækisins sem dreifast um land-
ið. Við lítum á þetta sem tækifæri til
að þjappa hópnum betur saman. Ná-
lægð starfsmanna hver við annan er
orðin mun meiri og það er hagræð-
ing í sjálfu sér,“ segir Eva.
Múlastöðin, sem er samtengd
húsaþyrping milli Suðurlands-
brautar og Ármúla, gekkst undir
miklar breytingar á árunum 2000 til
2001 til þess að skapa nokkurs konar
tæknisetur og er húsnæðið allt hið
tæknilegasta. „Einnig höfum við
haft það að leiðarljósi að skapa opið
vinnurými í Múlastöðinni.“
Breytingar tilkynntar
fljótlega
Núverandi eigendur Landsíma-
hússins, sem keyptu það fyrir tveim-
ur árum, standa nú í undirbúningi
nýrrar starfsemi í húsinu, starfsemi
sem mögulega hentar betur húsa-
kynnunum en flókin samskipta-
tækni. Magnús Haraldsson, fulltrúi
nýju eigendanna, segir enn of
snemmt að tjá sig um eðli starfsem-
innar, því undirbúningur sé á við-
kvæmu stigi. „Við liggjum nú yfir
teikningum sem við erum að vinna í
vegna breytinga á húsinu og búumst
við að geta tilkynnt um nýja starf-
semi snemma næsta árs.“
Landssíminn kveður gamla Landsímahúsið við Austurvöll eftir sjötíu ára starfsemi
Ljósmynd/Magnús Ólafsson
Landsímahúsið rís: Miklar framkvæmdir voru við Austurvöll á árunum 1929–1932. Loftnetin settu svip sinn á húsið.
Morgunblaðið/Ásdís
Jón Valdimarsson, forstöðumaður sambandadeildar, og Bergþór Halldórsson, einn af fram-
kvæmdastjórum Landssímans, kveðja gamla vinnustaðinn sinn. Nú hefja þeir störf í Múlastöð.
Morgunblaðið/Ásdís
Eva Magnúsdóttir, upplýsingafulltrúi Landssímans, við nýjar höfuðstöðvar fyrirtækisins í Ár-
múla. Rúmlega 700 starfsmenn Landssímans starfa nú í og kringum húsaþyrpinguna í Ármúla.
Margar sögur eru til af reimleikum
í Landsímahúsinu og einnig af ýms-
um forvitnilegum uppákomum þar.
Þar má nefna söguna af Hafsteini
Björnssyni miðli, sem lengi vel var
lyftuvörður í Landsímahúsinu sem,
eins og fram hefur komið, er reist
mjög nálægt gamla kirkjugarðinum
við Aðalstræti. Hafsteinn, sem tal-
inn var góður skyggnilýsinga- og
lækningamiðill, ræddi oft við lyftu-
gesti, bæði þessa heims og annarra,
og var ekki óvenjulegt að hann ætti
í hrókasamræðum við sálir framlið-
inna á meðan aðrir lyftugestir
horfðu forviða á. Oft var lyftan full
að sögn Hafsteins, þrátt fyrir að
fólk sæi ekki betur en hún væri tóm.
Lyftan góða er því miður ekki
lengur til staðar og búið að breyta
lyftuopunum í geymslur.
Lyftan sem
alltaf var full
af fólki
Öllum stefnt
í Ármúlann