Morgunblaðið - 17.12.2003, Page 24
SUÐURNES
24 MIÐVIKUDAGUR 17. DESEMBER 2003 MORGUNBLAÐIÐ
Suðurnes | Félagsmálaráðherra
hefur skipað verkefnisstjórn til að
greina orsakir atvinnuleysis, eink-
um langtímaatvinnuleysis og at-
vinnuleysis meðal ungs fólks, og
setja af stað staðbundin verkefni til
að treysta stöðu þessa fólks á vinnu-
markaði. Fyrstu verkefnin verða
unnin á Suðurnesjum.
Árni Magnússon félagsmálaráð-
herra kynnti skipun verkefnis-
stjórnarinnar á blaðamannafundi í
Kaffitári í Njarðvík í gær og Gissur
Pétursson, forstjóri Vinnumála-
stofnunar, skýrði frá stöðunni.
Fram kom hjá þeim að atvinnuleysi
meðal ungs fólks væri alvarlegt
vandamál sem og aukið langtíma-
atvinnuleysi sem svo er kallað þeg-
ar einstaklingar eru skráðir án
vinnu í sex mánuði eða lengur. Árni
sagði að tilgangur verkefnisins væri
að ráðast að rótum vandans, draga
úr atvinnuleysinu og vonandi að
snúa þessari óheillaþróun við.
Fram kom hjá Gissuri að atvinnu-
leysi er hlutfallslega mest á Suður-
nesjum og litlu minna á höfuð-
borgarsvæðinu. Hann sagði að
Suðurnesin væru spennandi vett-
vangur til að reyna fyrirhugaðar
aðgerðir. Þar væri öflugur fjöl-
brautaskóli og önnur menntunar-
úrræði og um stuttar vegalengdir
að fara.
Lengri og skemmri
starfsmenntun
Hjálmar Árnason alþingismaður
hefur verið skipaður formaður
verkefnisstjórnarinnar en með hon-
um í stjórninni eru Svala Rún Sig-
urðardóttir frá félagsmálaráðu-
neytinu, Garðar Vilhjálmsson frá
Alþýðusambandi Íslands, Þórir
Ólafsson frá menntamálaráðuneyt-
inu, Jón Rúnar Pálsson frá Sam-
tökum atvinnulífsins og Karl
Sigurðsson frá Vinnumálastofnun.
Hjálmar lýsti starfi hópsins þann-
ig að hlutverk hans væri að búa fólk
undir það að takast á við ástandið,
hjálpa því að vera sjálfbjarga við að
koma sér aftur inn á vinnumarkað-
inn. Skipaðir verða starfshópar um
verkefni í einstökum landshlutum
með aðild sveitarfélaga, svæðis-
vinnumiðlana, aðilum vinnu-
markaðarins og menntastofnana. Á
fyrsta fundi verkefnisstjórnarinnar
sem haldinn var í gærmorgun var
ákveðið að fyrsta átaksverkefnið
yrði á Suðurnesjum vegna stöðu at-
vinnumála þar.
Hjálmar sagði að lögð yrði
áhersla á að kanna möguleikana á
því að koma á stuttum og löngum
starfsnámsbrautum sem sniðnar
yrðu að þörfum þessa fólks. Leitað
yrði samstarfs við Fjölbrautaskóla
Suðurnesja og Miðstöð símenntunar
auk sveitarfélaganna og aðila
vinnumarkaðarins. Hefur þegar
verið boðað til fundar til að hefja
þetta starf. Hjálmar lagði áherslu á
að verkin yrðu látin tala enda afar
aðkallandi að hefja starfið.
Fyrir verkefnisstjórnina er lagt
að skila ráðuneytinu skýrslu um
framgang verkefnisins 1. september
á næsta ári.
Félagsmálaráðherra skipar starfshóp um atvinnuleysi ungs fólks
Fyrstu verkefnin
á Suðurnesjum
Morgunblaðið/Helgi Bjarnason
Koma á upp starfstengdu námi til að auðvelda atvinnulausum að fá vinnu.
Heitt á könnunni: Félagsmálaráð-
herra hélt blaðamannafund sinn í
nýrri verksmiðju Kaffitárs í Njarðvík.
Munið
að slökkva
á kertunum
Hafið hæfilegt bil
á milli kerta,
almenn viðmiðun
er að hafa a.m.k.
10 cm bil á milli.
Slökkvilið
Höfuðborgarsvæðisins
Keflavík | Leikhópurinn Ráðalausir
menn sýnir samnefnt leikrit eftir Sig-
uringa Sigurjónsson tvisvar sinnum í
Frumleikhúsinu í Keflavík næstkom-
andi föstudagskvöld. „Við erum
bjartsýnir á að fólk komi, þótt þetta
sé 19. desember,“ segir höfundurinn.
Leikritið Ráðalausir menn var
frumflutt hjá Leikfélagi Keflavíkur í
Frumleikhúsinu í janúar síðast-
liðnum og þá leikstýrði Siguringi
verkinu sjálfur. Hann fékk síðar fé-
laga sína af Suðurnesjum, atvinnu-
menn í leik og leikstjórn, í lið með sér
og var verkið sett upp í Tjarnarbíói í
Reykjavík í haust með nýjum leik-
stjóra og leikendum eftir að því hafði
verið breytt og það endurskrifað.
Leikstjóri er Ingólfur Níels Árnason
og leikarar Jón Páll Eyjólfsson og
Sigurður Eyberg Jóhannesson. Leik-
ritið var sýnt tólf sinnum í Reykjavík.
Nú er það sett upp í Keflavík að
nýju, í annað skipti á sama árinu.
„Þetta jaðrar við mikilmennskubrjál-
æði,“ segir Siguringi þegar hann er
spurður að því hvort það sé ekki
bjartsýni að fara aftur með Ráða-
lausa menn í Frumleikhúsið. Hann
tekur fram að þetta sé orðið allt ann-
að verk og segir að fólk eigi fullt er-
indi á það aftur, þótt það hafi séð fyrri
útgáfuna.
Leikhópurinn fékk menningar-
styrk úr Manngildissjóði Reykjanes-
bæjar til að setja verkið upp í Reykja-
nesbæ. Þess vegna fá nemendur
Fjölbrautaskóla Suðurnesja miðann á
500 krónur en Siguringi tekur fram
að allir séu velkomnir. Sýningarnar
eru klukkan 20 og 23 á föstudags-
kvöldið.
Tveir algerlega ráðalausir menn æfa fyrir sýninguna á föstudaginn.
Sýna Ráðalausa menn
tvisvar sama kvöldið
Skar úr skrúfunni | Kafari björg-
unarskipsins Hannesar Þ. Hafstein
skar úr skrúfu Garðars GK sem var
vélarvana í Garðsjó í gærmorgun.
Björgunarskip Slysavarnafélags-
ins Landsbjargar, Hannes Þ. Haf-
stein, frá Sandgerði, var kallað út kl.
11.20 í morgun eftir að Garðar GK,
sem er 70 tonna snurvoðabátur, fékk
í skrúfuna þar sem hann var við
veiðar á Garðsjó. Eftir að kafari
björgunarskipsins hafði skorið úr
skrúfunni gat Garðar siglt fyrir eig-
in vélarafli til lands.
Sandgerði | Starfræktur hefur ver-
ið íþróttaskóli fyrir börn í Sand-
gerði í haust. Guðmundur Gunn-
arsson íþróttakennari hefur haft
umsjón með skólanum.
Íþróttaskólinn er á laugardögum
og þar eru börnin við æfingar og í
leikjum. Er þá oft mikið fjör eins og
sést á þessari mynd sem tekin var
þegar Sunna Líf sveiflaði sér í
hringjunum með aðstoð pabba síns.
Síðasti tíminn í haust var um
helgina. Íþróttaskóli barnanna tek-
ur sér nokkurra vikna jólafrí en
starfsemin hefst aftur, líklega síð-
ari hluta janúar.
Fjör í íþróttaskólanum
Ljósmynd/Ólafur Þór Ólafsson