Morgunblaðið - 17.12.2003, Blaðsíða 43
MINNINGAR
MORGUNBLAÐIÐ MIÐVIKUDAGUR 17. DESEMBER 2003 43
✝ Kristjana Bene-diktsdóttir fædd-
ist í Haganesi á
Húsavík 30. júlí
1915. Hún lést á
Heilbrigðisstofnun
Þingeyinga 11. des-
ember síðastliðinn.
Foreldrar hennar
voru Hólmfríður
Jónsdóttir húsfreyja
og eiginmaður henn-
ar Benedikt Jó-
hannsson, starfsmað-
ur verslunar
Guðjohnsens á Húsa-
vík.
Hinn 15. maí 1937 giftist Krist-
jana Sören Einarssyni sjómanni,
f. 8. september 1914.
Kristjana og Sören
voru barnlaus en
Dagmar Sörensdótt-
ir, frænka Sörens,
var í fóstri hjá þeim
í nokkur ár.
Að loknu skyldu-
námi var Kristjana í
Húsmæðraskólanum
á Laugum einn vet-
ur. Kristjana og
Sören bjuggu allan
sinn búskap á Húsa-
vík.
Kristjana verður
jarðsett frá Húsa-
víkurkirkju í dag og hefst athöfn-
in klukkan 14.
Húsið Dvergasteinn á Húsavík var
byggt 1916, fyrsta steinhúsið á
Húsavík. Þegar við fæddumst í
þessu húsi voru íbúar þess orðnir tíu,
átta fullorðnir og tvö börn. Í dag
þætti þetta pláss hæfilegt fyrir hjón
með tvö börn. Dvergasteinn stendur
fremst á Beinabakkanum og sér yfir
höfnina, með fjörunum um Kald-
baksskerin, Össur og inn að Sandi og
vestur yfir flóann til Kinnarfjallanna
og Víknanna. Þetta var útsýnið
hennar Stjönu, Dvergasteinn var
heimili hennar mestan hluta ævinn-
ar.
Hún var alltaf kölluð Stjana en hét
Kristjana Benediktsdóttir fullu
nafni. Stjana var einkabarn foreldra
sinna. Á uppvaxtarárum hennar bjó
fjölskyldan í Grafarbakka. Stjana
naut ástríkis í uppvexti þótt efni
væru ekki mikil. Á þeim árum unnu
foreldrar hennar bæði hjá Guðjohn-
sensfólkinu. Benedikt við slátrun,
skipaafgreiðslu og ýmis störf fyrir
verslunina og Hólmfríður vinnukona
á heimilinu og sá um ræstingu í
versluninni. Stjana var einnig í vist
hjá Guðjohnsen og talaði oft um Guð-
johnsensheimilið, enda reyndist það
fólk henni og foreldrum hennar vel.
Einnig vann Stjana almenn störf
tengd sjósókn og fiskvinnslu og var
um tíma kaupakona á Öndólfsstöð-
um í Reykjadal.
Eiginmaður Stjönu er móðurbróð-
ir okkar. Stjana og Söri stofnuðu
heimili í Dvergasteini. Söri stundaði
sjóinn, lengst af á eigin bát. Stjana
og Söri höfðu um tíma kindur, sem
þau tóku við frá föður Stjönu. Þau
hjónin voru einstaklega samhent í
öllu sínu lífi. Stjana stokkaði og beitti
og tók þátt í heyskapnum.
Stjana var lífsglöð, félagslynd og
einstaklega minnug. Hún stundaði
íþróttir á yngri árum, einkanlega
handbolta. Stjana hafði hljómmikla
og fallega altrödd. Söng í Kirkjukór
Húsavíkur í 50 ár. Í Stjönu bjó mikil
útþrá og löngun til að sjá sig um í
heiminum, þótt það ætti ekki fyrir
henni að liggja. Hún átti ættingja í
vesturheimi sem hún ræktaði sam-
band við.
Stjana og Söri eignuðust ekki
börn en þau tóku miklu ástfóstri við
okkur systkinin, börn Árnínu Bjarg-
ar, systur Sörens og mágkonu henn-
ar. Fyrstu árin bjuggu fjölskyldurn-
ar saman í Dvergasteini en síðar
fluttum við í nýtt hús á Hringbraut-
inni á Húsavík. Samgangur var dag-
lega milli heimilanna og alltaf haldin
sameiginleg jól. Á afmælum var allt-
af fyrsta verk okkar systkinanna að
fara í Dvergastein, því þar biðu af-
mælisgjafir alveg eins og heima.
Þegar við systkinin ung misstum
móður okkur gekk Stjana inn í það
hlutverk. Og alla ævi höfum við notið
ástríkis þeirra, vináttu og umhyggju.
Dvergasteinn var okkar annað heim-
ili og börn okkar voru aufúsugestir í
Dvergasteini og Stjana og Söri voru
þeim eins og amma og afi.
Mikill er sá sjóður minninga sem
við systkinin búum að og nokkuð síð-
an við áttuðum okkur á því hve rík
áhrif Stjana og Söri höfðu á uppeldi
okkar og persónumótun. Sú leiðsögn
var látin í té áreynslulaust með góðu
fordæmi og væntumþykju en alger-
lega laus við predikun eða stífa ögun.
Nú þegar skilur leiðir viljum við
þakka þér elsku Stjana fyrir þetta
allt. Við biðjum þér friðar og bless-
unar. Elsku frændi við biðjum Guð
að milda söknuð þinn.
Oddný Njálsdóttir,
Einar Njálsson.
Elsku amma.
Það er erfitt að hugsa til þess að
þú sért nú farin úr þessum heimi.
Sérstaklega tekur það á að vera
svona langt í burtu og fá ekki að
kveðja þig.
Við áttum margar góðar stundir
saman þó ég hafi oft í þrákelkni
minni ekki viljað koma í heimsókn.
Mínar kærastu minningar eru þegar
við sátum þrjú saman, ég, þú og
frændi, og töluðum um gamla tíma.
Ég heillaðist af þeirri mynd er þið
lýstuð fyrir mér um ykkar líf í byrj-
un síðustu aldar. Sú staðreynd að þú,
amma, hafir alist upp í torfbæ fannst
mér alveg einstök.
Stundum var ekki auðvelt að vera
nafna þín en þú áttir þrátt fyrir það
sérstakan stað í hjarta mínu. Ég hef
hugsað mikið til þín síðustu daga og
ég vona að þú hafir það gott hvar
sem þú ert núna.
Ég mun sakna þín.
Þín nafna,
Kristjana.
Við vorum ræstar snemma og
mættar niður í Fagranes fyrir kl. 8.
Síðan var siglt inn Djúp, keyrt inn
Langadal, yfir Þorskafjarðarheiði og
sem leið lá suður í Dalsmynni. Þar
var stefnan tekin norður í land. Eftir
alltof langan dag í barnsminningunni
og mikla bílveiki komumst við á
áfangastað rétt fyrir miðnætti, til
Húsavíkur.
Þessi ferðalög voru svo sannar-
lega þess virði því sumarfríin okkar
árum saman voru alltaf á Húsavík, í
ótrúlega góðu veðri, oftast sól og
mun hlýrra að okkur fannst en við
áttum að venjast heima.
Dvölin hjá Stjönu og Söra í
Dvergasteini, var ævintýri líkust.
Þau voru barnlaus sjálf og Stjana
alltaf heimavinnandi og hafði hún að
því er virtist endalausan tíma og þol-
inmæði fyrir okkur. Hún átti dúkku-
lísur, dúkkur og föt sem var svo
spennandi að búa um í kistlum undir
súð, tilbreyting frá fínu dúkkuvögn-
unum okkar. Ótrúleg voru teboðin
okkar úti í garði með dúkkubollas-
tellinu og Stjana í stofuglugganum
að spyrja hvort ekki vantaði meira
meðlæti.
Oft var keyrt um sveitirnar í
kring, farið í Dimmuborgir, Ásbyrgi
og að Mývatni, eða farið að ná í sil-
ung eða lax í reyk sem Söri hafði
veitt og borðað svo ofan á brauð er
heim kom. Eitt sumarið komu þau
með okkur í ferðalag á Broncoinum,
við skemmtum okkur vel og enn
heyrir maður dillandi hláturinn í
Stjönu er við vorum að þurrka rykið
af okkur því bíllinn var ekki sérstak-
lega þéttur.
Við fengum að rölta með henni í
kaupfélagið, fara niður á bryggju
með Söra og vorum aðeins farnar að
smitast af norðlenskunni er við fór-
um heim.
Seinni árin komum við til þeirra
með smástækkandi fjölskyldur okk-
ar og þegar Stjana varð áttræð vor-
um við þarna öll og fórum upp í Mý-
vatnssveit og héldum upp á daginn.
Þá voru þau flutt í íbúðir fyrir aldr-
aða og nú síðustu árin komin á dval-
arheimili.
Kærar þakkir, elsku Stjana, fyrir
allt og guð gefi þér, Söri, styrk í
sorginni.
Árný og Rannveig.
KRISTJANA
BENEDIKTSDÓTTIR
Faðir okkar, tengdafaðir, afi, langafi og langa-
langafi,
GUÐBJARTUR ÓLAFUR ÓLASON
frá Bíldudal,
Skipholti 6,
Reykjavík,
sem lést á Landspítala Hringbraut miðvikudag-
inn 10. desember, verður jarðsunginn frá Foss-
vogskirkju fimmtudaginn 18. desember kl. 13.30.
Jarðsett verður í Fossvogskirkjugarði.
Óli Þ. Guðbjartsson, Svava Kjartansdóttir,
Sigrún Guðbjartsdóttir, Ásgeir Guðmundsson,
Hjörtur Guðbjartsson, Svanhildur Geirarðsdóttir,
Fjóla Guðbjartsdóttir,
Guðríður Guðbjartsdóttir, Sveinn Benediktsson,
Ruth Guðbjartsdóttir, Kristján Harðarson,
barnabörn, barnabarnabörn
og barnabarnabarnabarn.
ÓSKAR ÁSTVALDUR GARÐARSSON,
Hávegi 14,
Siglufirði,
verður jarðsunginn frá Siglufjarðarkirkju föstu-
daginn 19. desember.
Fyrir hönd aðstandenda,
Guðrún Jónasdóttir.
Þökkum samúð og vinarhug við andlát og
útför
GUÐMUNDAR JÓNSSONAR
fyrrverandi sjómanns,
Laufengi 23.
Fyrir hönd aðstandenda,
Böðvar Jónsson.
Lokað
Vegna jarðarfarar ÞORVALDAR KOLBEINS ÁRNASONAR verður
skrifstofa okkar lokuð í dag frá kl. 12.00.
ÍSTAK,
Engjateigi 7.
Innilegar þakkir til allra þeirra sem sýndu
samúð og vinarhug við fráfall
JÓNS EIRÍKSSONAR
fyrrverandi bónda,
Steinsholti,
Gnúpverjahreppi.
Guð gefi ykkur fögur jól.
Aðstandendur.
Okkar ástkæra,
FRIÐBJÖRG EBENESERSDÓTTIR,
dvalarheimilinu Grund,
áður Rauðalæk 48,
Reykjavík,
lést föstudaginn 12. desember sl.
Erla Bergmann, Vilhjálmur Sigurjónsson
og fjölskylda.
Ástkær móðir okkar, amma, tengdamóðir
og systir,
SIGRÍÐUR HARALDSDÓTTIR
hússtjórnarkennari,
lést á líknardeild Landakotsspítala aðfaranótt
þriðjudagsins 16. desember.
Haraldur Arnljótsson,
Margrét Arnljótsdóttir, Anni G. Haugen,
Halla Sigríður Margrétardóttir, Jón Hjörtur Þrastarson,
Elísabet Haraldsdóttir.
Innilegar þakkir færum við öllum þeim sem
sýndu okkur samúð og vinarhug við andlát og
útför
HELGU KRISTÍNAR SIGURÐARDÓTTUR.
Guð gefi ykkur öllum gleðileg jól.
Karl Sævaldsson,
Árni Finnsson,
Jóninna Gunnlaug Karlsdóttir, Guðmundur Áskelsson,
Anna Guðný Karlsdóttir, Hörður Hólm Másson,
Brynja Karlsdóttir,
Ingunn Helga Karlsdóttir
og barnabörn.
STEFÁN HALLGRÍMSSON,
Hrafnistu,
Hafnarfirði,
lést á hjúkrunardeild Hrafnistu mánudaginn
15. desember.
Útförin fer fram frá Víðistaðakirkju í Hafnarfirði
föstudaginn 19. desember kl. 15.00.
Aðstandendur.