Morgunblaðið - 17.12.2003, Síða 50
FRÉTTIR
50 MIÐVIKUDAGUR 17. DESEMBER 2003 MORGUNBLAÐIÐ
TUTTUGU og fjórir starfsmenn
sparisjóðanna luku námi nýverið frá
Fræðslumiðstöð sparisjóðanna í
samstarfi við Stjórnendaskóla Há-
skólans í Reykjavík.
Stjórnendaskóli Háskólans í
Reykjavík og Fræðslumiðstöð spari-
sjóðanna hafa þróað sérstakt nám á
háskólastigi fyrir starfsmenn spari-
sjóðanna sem kallað er Sparnám.
Sparnámið er viðskiptanám og er
sérsniðið fyrir þarfir sparisjóðanna
og er megináherslan á fjármál,
markaðsfræði og stjórnun. Námið
tekur yfir tvær annir og er samtals
150 klst.
Nýverið útskrifuðust 24 ein-
staklingar úr Sparnáminu og voru
útskriftarnemendurnir starfsfólk úr
sparisjóðum, alls staðar að af land-
inu. Boðið hefur verið upp á Spar-
námið árlega síðan 1999 og hafa alls
um 100 starfsmenn úr sparisjóðafjöl-
skyldunni útskrifast úr náminu.
Útskriftarnemar ásamt Gísla Jafetssyni, fræðslu- og markaðsstjóra spari-
sjóðanna, og Guðfinnu Bjarnadóttur, rektor Háskólans í Reykjavík.
24 luku Sparnámi
SÍMINN sendir ekki út jólakort til
viðskiptavina sinna í ár. Jólakorta-
sjóður Símans rennur í staðinn til
styrktar landssöfnunar um Sjónar-
hól, þjónustumiðstöðvar fyrir börn
með sérþarfir.
Árlega sendir Síminn í kringum
16.000 jólakort til fyrirtækja og
stofnana en mun sleppa því í ár af
fyrrgreindri ástæðu. Síminn gaf
auk þess allan kostnað við lagnir og
undirbúning fyrir söfnunina auk
símaþjónustu á meðan á söfnuninni
stóð. Einnig felldi Síminn niður að
fullu gjöld af innheimtu þeirra 11
milljóna sem söfnuðust. Alls er um
að ræða framlag upp á 3,3 milljónir
króna.
Eva Magnúsdóttir, kynningarfulltrúi Símans, afhenti Rögnu K. Marinós-
dóttur, stjórnarmanni Sjónarhóls, 11 milljónir sem viðskiptavinir Símans
söfnuðu fyrir Sjónarhól.
Jólakortasjóður
Símans til Sjónarhóls
AUGLÝSINGADEILD netfang: augl@mbl.is, sími 569 1111