Morgunblaðið - 17.12.2003, Qupperneq 59

ÍÞRÓTTIR
MORGUNBLAÐIÐ MIÐVIKUDAGUR 17. DESEMBER 2003 59
RÓBERT Sighvatsson, landsliðs-
maður í handknattleik, er farinn að
æfa á nýjan leik með liði sínu Wetzl-
ar, eftir sex vikna fjarveru en hann
brotnaði illa á þumalfingri hægri
handar í landsleik við Pólverja hér
á landi. „Ég er nokkuð bjartsýnn og
stefni að því að leika með Wetzlar
gegn Stralsunder á heimavelli í
þýsku 1. deildinni á laugardaginn.
Ég finn fyrir sársauka í fingrinum
við áreynslu en hann bólgnar ekki
og það er aðalmálið, aðgerðin hefur
því tekist vel,“ sagði Róbert í sam-
tali við Morgunblaðið í gær er hann
var að sækja nýja og betri spelku
fyrir fingurinn. „Spelkan sem ég
hef verið með var léleg en ég er að
fá í hendur nýja spelku sem ég get
væntanlega notað á æfingum í vik-
unni og í næstu þremur leikjum
sem eru okkur í Wetzlar mikil-
vægir, heimaleikur við Stralsunder
á laugardaginn, við Kronau/
Östringen á útivelli á öðrum degi
jóla og loks við Wallau Massenheim
30. desember en það verður síðasti
leikur okkar áður en hlé verður
gert á þýsku deildinni vegna Evr-
ópumótsins,“ sagði Róbert sem gef-
ur kost á sér í íslenska landsliðið
fyrir EM í Slóveníu, en Guðmundur
Þ. Guðmundsson, landsliðsþjálfari,
kynnir val sitt á landsliðshópnum
sem tekur þátt í keppninni og und-
irbúningi hennar í hádeginu í dag.

GERARD Houllier, knattspyrnu-
stjóri Liverpool, verður næsti
knattspyrnustjórinn í ensku úrvals-
deildinni sem verður látinn taka
pokann sinn, ef marka má enska
veðbanka. Liverpool hefur ekki náð
sér á strik í leiktíðinni og m.a. tapað
fjórum af átta heimaleikjum sínum,
síðast fyrir Southampton sl. laug-
ardag. Kevin Keegan, knattspyrnu-
stjóri Manchester City, er talinn
næstlíklegastur til að vera sagt upp
starfi sínu samkvæmt veðbönkun-
um.

BARNSLEY, undir stjórn Guð-
jóns Þórðarsonar, komst í gærkvöld
í 3. umferð ensku bikarkeppninnar í
knattspyrnu með því að sigra Brist-
ol City, 2:1. Barnsley fær heimaleik
í 3. umferð, gegn Scunthorpe eða
Sheffield Wednesday, og á því
ágæta möguleika á að komast
lengra.

VÅLERENGA frá Noregi hefur
tilkynnt knattspyrnuhöllina Valhöll
sem varavöll fyrir heimaleik sinn
gegn Newcastle í UEFA-bikarnum
26. febrúar. Ekki er öruggt að Ulle-
vaal, heimavöllur Vålerenga, verði
leikfær á þeim tíma.

RUUD van Nistelrooy, framherji
Manchester United, segist vera í
viðræðum við félagið um að vera hjá
því þar til hann hættir að leika
knattspyrnu, en kappinn er 27 ára.
Á dögunum jafnaði hann met Denis
Law er hann gerði sitt 28. mark fyr-
ir félagið í Evrópukeppni og segist
hann vilja vera áfram hjá United,
þrátt fyrir að orðrómur sé uppi um
að Real Madrid vilji hann.

JERMAINE Pennant, sem er á
mála hjá Arsenal, verður í láni hjá
Leeds í einn mánuð til viðbótar en
þessi 20 ára gamli miðjumaður hef-
ur verið í láni hjá þeim hvítklæddu
síðan í september og hefur verið
einn allra besti leikmaður liðsins.

SIMONE Inzaghi leikur ekki með
Lazio næstu tvo mánuðina eftir að
hann meiddist á vinstri handlegg í
kappleik milli Lazio og Ancona á
sunnudaginn.

ALESSANDRO Nesta, varnar-
maður AC Milan, verður ekki með
samherjum sínum næsta mánuðinn
eftir að hann gekkst undir aðgerð á
vinstra hné í gær.

SÆNSKA skíðakonan Anja Pär-
son sigraði á heimsbikarmóti í svigi
á Ítalíu í gær og var þetta þriðji sig-
ur hennar í vetur. Laure Pequegnot
frá Frakklandi varð önnur, 0,81 sek-
úndu á eftir sænsku stúlkunni en sú
franska var með besta tímann eftir
fyrri ferð, 12/100 úr sekúndu á und-
an sænsku stúlkunni. Þriðja varð
Nicole Hosp frá Austurríki.

PÄRSON er frá bænum Tärnaby
í Svíþjóð eins og Ingemar Sten-
mark, skíðakappinn mikli, en í dag
eru 29 ár síðan hann vann í fyrsta
sinn í Madonna de Campiglio á Ítal-
íu þar sem Pärson vann í gær.
FÓLK
Stefán sagði að ÍSÍ hefði ekki set-ið aðgerðalaust í þessum efn-
um. „Við höfum sent nokkur dreifi-
bréf og bæklinga til íþróttafélaga
þar sem við höfum hvatt forystu-
menn þeirra og íþróttamennina til
að kynna sér málið. Ennfremur höf-
um við átt gott samstarf við Þor-
grím Þráinsson, sviðsstjóra tóbaks-
varna hjá Lýðheilsustöð. Það þarf
að taka vel á þessari sívaxandi notk-
un á munntóbaki, og það höfum við
reynt, en í þessu er ekki hægt að
beita boðum og bönnum. Við verð-
um að höfða til samvisku íþrótta-
mannanna og þjálfaranna og treysta
á að þeirra hugarfar sé rétt. Íþrótta-
mennirnir eru börnum og ungling-
um miklar fyrirmyndir og það skipt-
ir öllu máli að þeir beiti sér. Það
hlustar enginn á okkur forsvars-
mennina í íþróttahreyfingunni en
það hlusta allir á okkar fremstu
íþróttamenn og fara eftir því sem
þeir segja. Ef þeir taka ekki þátt,
eru varnaðarorð okkar hjóm eitt. Án
þeirra þátttöku vinnst aldrei sigur í
þessari baráttu.“
Stefán sagðist fagna orðum Geirs
Þorsteinssonar, framkvæmdastjóra
KSÍ, í Morgunblaðinu í gær þar sem
hann lýsti því yfir að KSÍ væri tilbú-
ið til að taka á munntóbaksneysl-
unni af fullum krafti.
„Við munum hafa samband við
forráðamenn KSÍ og viljum snúa
bökum saman með þeim og taka á
þessu sívaxandi vandamáli af mikilli
festu. Munntóbakið virðist sérstak-
lega vera í tísku í knattspyrnunni og
íshokkíinu en við höfum haft litlar
spurnir af umtalsverðri neyslu þess
í öðrum greinum,“ sagði Stefán
Konráðsson.
Arsenal átti í vök að verjast álöngum köflum gegn toppliði 1.
deildar og WBA hafði ekki heppnina
með sér. Nwankwo Kanu skoraði
fyrir Arsenal um miðjan fyrri hálf-
leik og sóknarmaðurinn efnilegi,
Jermaine Aliadiere, innsiglaði sigur-
inn snemma í þeim síðari, 2:0, eftir
að Russell Hoult, markvörður WBA,
gerði sig sekan um hrikaleg mistök.
Arsenal hvíldi flesta lykilmenn
sína eins og í fyrri leikjum sínum í
keppninni en Arsene Wenger gaf til
kynna í gær að fyrst lið hans væri
komið í undanúrslit væri eins víst að
stórstjörnurnar yrðu notaðar þar.
„En við vorum með góða blöndu af
eldri og yngri leikmönnum í kvöld og
þurftum mikla einbeitingu gegn
sterku liði WBA,“ sagði Wenger.
Leikur Bolton og Southampton
var markalaus og fór í framlengingu.
Þar tókst hinum danska Henrik Ped-
ersen að skora fyrir Bolton, fimm
mínútum fyrir leikslok, og færa liði
sínu 1:0 sigur. Litlu munaði þó að
Southampton næði í vítaspyrnu-
keppni því í lokin skaut Paul Telfer í
þverslána á marki Boltonbúa.
Sex marka útisigur
Bayern München
Í þýsku 1. deildinni vann Bayern
München ótrúlegan útisigur á Frei-
burg, 6:0, í gærkvöld. Nokkra lykil-
menn vantaði í lið Bæjara en það
kom ekki að sök og Roy Makaay
skoraði tvö markanna og lagði eitt
upp. Hollendingurinn marksækni
hefur nú skorað 10 mörk fyrir Bay-
ern á tímabilinu. Með sigrinum
komst Bayern í annað sætið, fór upp
fyrir Stuttgart sem fær Leverkusen
í heimsókn í kvöld.
Bremen vann Rostock, 3:0, og náði
með því fjögurra stiga forystu í
deildinni. Ailton var enn á ferðinni
fyrir Brimarbúa og skoraði sitt 16.
mark í vetur. Þar með fer Bremen í
vetrarfríið á toppnum en lið í þeirri
stöðu hefur 27 sinnum unnið deildina
á undanförnum 40 árum.
Reuters
Martin Demichelis, argentínski varnarmaðurinn hjá Bayern München, fagnar fyrsta marki liðsins
í stórsigri, 6:0, gegn Freiburg í þýsku 1. deildinni í knattspyrnu í gærkvöld.
Arsenal og
Bolton í und-
anúrslitin
ARSENAL og Bolton komust í gærkvöld í undanúrslit enska deilda-
bikarsins í knattspyrnu með því að leggja WBA og Southampton að
velli. Í kvöld kemur í ljós hvaða tvö lið fylgja þeim þangað þegar
Aston Villa tekur á móti Chelsea og Tottenham fær Middlesbrough í
heimsókn.
Róbert farinn að æfa
með Wetzlar á nýjan leik
Stefán Konráðsson, framkvæmdastjóri
ÍSÍ, um baráttu gegn neyslu munntóbaks
„Treystum á hugar-
far íþróttamanna
og þjálfara“
ÍÞRÓTTA- og Ólympíusamband Íslands hefur mikinn hug á að efla
baráttuna gegn notkun munntóbaks. Stefán Konráðsson, fram-
kvæmdastjóri ÍSÍ, sagði við Morgunblaðið í gær að umræðan um
munntóbakið væri þörf og tími til kominn fyrir íþróttaforystuna í
landinu að snúa bökum saman og taka á vandamálinu.
ÓLAFUR Ingi Skúlason var
ekki í 16-manna hópi Arsenal
sem lék gegn WBA í 8-liða úr-
slitum ensku deildabikar-
keppninnar í gærkvöldi. Ólaf-
ur var valinn í 18-manna hóp
liðsins en Arsene Wenger,
skar hópinn niður um tvo leik-
menn í gær, og var Ólafur
annar þeirra. „Þar sem Laur-
en var orðinn leikfær þá ákvað
Wenger að velja mig ekki en
að öðrum kosti hefði ég farið í
leikinn,“ sagði Ólafur við
Morgunblaðið.
Ólafur æfði í staðinn með
helstu stórstjörnum liðsins og
varð fyrir því óláni að togna
aftan í læri. „Það er ekki hægt
að segja að dagurinn hafi ver-
ið góður. Fyrst fékk ég að vita
að ég færi ekki í leikinn og svo
lenti ég í þessum meiðslum.
Ég fæ því jólafrí og ætla að
koma heim á föstudaginn en á
svo að vera kominn út aftur 1.
janúar.“
Ekki góður
dagur hjá
Ólafi Inga