Morgunblaðið - 17.12.2003, Side 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 17. DESEMBER 2003 VERÐ Í LAUSASÖLU 190 KR. MEÐ VSK.

 

 

SAMFOK, Samband foreldrafélaga og for-
eldraráða í grunnskólum Reykjavíkur, hefur
fengið vísbendingar um að tekjuafgangur sé af
rekstri mötuneyta í grunnskólum Reykjavíkur.
Einnig að rekstur nemenda- og kennaramötu-
neyta sé ekki aðskilinn.
Bergþóra Valsdóttir, framkvæmdastjóri
SAMFOK, sem er áheyrnarfulltrúi foreldra í
fræðsluráði, lagði á fundi ráðsins 2. desember
sl. fram fyrirspurn þar sem hún spurði hver
væri rekstrarafkoma nemendamötuneyta í
grunnskólum Reykjavíkur, hvort um tekju-
afgang væri að ræða, hvernig honum sé þá var-
ið og hver taki ákvörðun þar um.
Þá spurði hún hvort rekstur nemendamötu-
neyta væri aðskilinn frá öðrum rekstri, þ.m.t.
rekstri kennaramötuneyta. Verið er að afla
gagna frá grunnskólunum til að svara þessu
samkvæmt upplýsingum frá Fræðslumiðstöð.
Bergþóra segist hafa fengið óformlegt svar
við fyrirspurn sinni á fundi Gerðar G. Óskars-
dóttur fræðslustjóra og foreldraráða en þá hafi
Gerður sagt að skólastjórar hefðu heimild til að
ráðstafa tekjuafgangi af mötuneytisrekstri
skólanna.
„En þetta hefur ekki verið rætt til enda. Ef
skólastjórar hafa þessa heimild finnst mér að
foreldrar ættu að tjá sig um það. Það á þá að
vera ákvörðun sem fræðsluráð tekur. Ég veit
ekki betur en að það hafi verið talað um það að
mötuneytin ættu að standa undir kostnaði og
maturinn ætti að vera á kostnaðarverði. Þetta
var ekki hugsað sem fjáröflun fyrir skólana.“
Bergþóra segir að sé það rétt að tekju-
afgangur sé af mötuneytunum væri það hugs-
anlega tilefni til að lækka verð á matnum til
nemenda.
Fyrirspurn til allra grunnskóla
Runólfur Birgir Leifsson, forstöðumaður
fjármálasviðs Fræðslumiðstöðvar, segir að
send hafi verið fyrirspurn til allra grunnskóla
um hvernig rekstri mötuneytanna sé háttað og í
kjölfarið verði gefið svar við fyrirspurn SAM-
FOK. Hann segir að í reglum um þessi mál sé
tekið fram að tekjur af mötuneytunum skuli
nýttar til kaupa á hráefni og ákveðnu viðhaldi
en ekki til neins annars.
SAMFOK spyr fræðsluráð hvort hagnaður sé af mötuneytum skóla
Mötuneyti séu ekki tekjulind
„ÞETTA er ótrúlega skemmti-
legt fyrir okkur og ánægja með
okkur í skólanum,“ segir Þórunn
Björnsdóttir, kórstjóri Skólakórs
Kársness, en kórnum hefur verið
boðið að syngja með Sinfón-
íuhljómsveit franska útvarpsins í
París á Norrænum músíkdögum
sem haldnir verða í borginni í
febrúar. Af því tilefni er Jón Nor-
dal að semja nýtt verk sem ís-
sínum og ferðaðist um landið og
léki með kórum á landsbyggð-
inni. Þórunn var spurð í þaula um
þetta eftir fyrirlesturinn. Hún
telur að verið geti að fyrirlest-
urinn hafi einhvers staðar kveikt
neista sem varð til þess að kórn-
um barst þetta ómótstæðilega
boð.
lensku krakkarnir frumflytja
með hljómsveitinni á tónleik-
unum. „Það er rosalega erfitt, en
ótrúlega fallegt,“ segir Þórunn
um nýja verkið.
Fyrir tveimur árum hélt Þór-
unn fyrirlestur í París um starf
sitt í Kársnesskóla, og kom það
áheyrendum á óvart að heyra að
Sinfóníuhljómsveit Íslands léki
með barnakórum á jólatónleikum
Morgunblaðið/Þorkell
Syngja með sinfóníunni í París

Ótrúlega skemmtilegt / 30
SÉRHÆFT tæki til leitar að sprengiefnum
og fíkniefnum hefur verið keypt til landsins
að tilstuðlan dómsmálaráðuneytisins. Verð-
ur tækið notað af lögreglu og fangelsismála-
yfirvöldum. Leitartækið er mjög auðvelt í
notkun og einn helsti kostur þess er að það
er færanlegt svo unnt er að beita því hvar
sem er á landinu. Guðmundur Guðjónsson,
yfirlögregluþjónn hjá ríkislögreglustjóra,
segir tækið verða notað í fangelsum og á
flugvöllum utan Keflavíkurflugvallar sem
og í höfnum landsins.
Fulltrúar frá ríkislögreglustjóra, lögregl-
unni í Reykjavík og Fangelsinu Litla-
Hrauni sóttu í gær námskeið í notkun tæk-
isins undir handleiðslu Eric Harlows, sér-
fræðings frá framleiðandanum General
Electrics.
Glertrefjamiða nuddað við hörund
Tækið er notað með þeim hætti að litlum
glertrefjamiða með teflonhúð er nuddað létt
við hörund eða yfirborð hluta og síðan er
miðanum stungið í tækið eins og hverju
öðru bankakorti. Á örfáum sekúndum
greinir tækið hvort hinar ýmsu tegundir
fíkniefna og/eða sprengiefna hafa safnast á
miðann og gefur þá frá sér viðvörunar-
merki. Tækið er gríðarlega öflugt og ná-
kvæmt og segir Guðmundur lítinn efa á að
það eigi eftir að reynast vel við fíkniefna-
eftirlit. Tækið kostar á sjöttu milljón króna.
Morgunblaðið/Júlíus
Sveinn Bjarki Sigurðsson lögreglufulltrúi
leitar með ryksugurana í bakpoka.
Greinir fíkni-
efni og sprengi-
efni á örfáum
sekúndum
TILVIKUM þar sem skattalög eru
sniðgengin hefur fjölgað og þau
hafa orðið úthugsaðri en þau voru
áður enda kemur oft í ljós að um-
ræddir aðilar hafa notið ráðgjafar
og aðstoðar sérfræðinga sem notið
hafa bestu menntunar til að ráða
mönnum heilt og tryggja að rétt sé
að málum staðið. Þetta kemur með-
al annars fram í leiðara Indriða H.
Þorlákssonar, ríkisskattstjóra í
nýju tölublaði af Tíund sem gefið er
út af embætti ríkisskattstjóra.
„Ráðgjafafyrirtæki og fjármála-
stofnanir keppast um að falbjóða
aðstoð við gjörninga sem þeim sem
öðrum má vera ljóst að ekki eru til
annars gjörðir en að komast hjá
eðlilegum skattgreiðslum. Ríkuleg-
ar þóknanir fyrir aðstoðina rétt-
læta þetta trúlega í þeirra augum,“
segir í greininni.
Ríkisskattstjóri segir í leiðaran-
um að úr viðskiptalífinu berist
fréttir um eignir og fyrirtæki sem
skipti um hendur og þeir sem varla
hafi átt bót fyrir rassinn á sér í gær
séu milljarðamæringar í dag. Við-
burðir hér á landi síðustu dagana
minni helst á gerska ævintýrið sem
hófst eftir fall Sovétríkjanna sálugu
og standi enn með blóma. „Mitt í
samþjöppun auðs og valda blómstr-
ar það sem kallað hefur verið fyrir-
tækjagræðgi (corporate greed).
Græðgi, sem ekki stafar af mann-
legum breiskleika, en er kreddufest
mammonsdýrkun þar sem gróða-
boðorðið er öllu æðra. Allt á að vera
leyfilegt ef það skilar arði og sjálf-
taka á verðmætum er talin sjálf-
sögð í augum þeirra sem eru í að-
stöðu til hennar,“ segir í
leiðaranum.
Indriði segir einnig að stjórnmál
séu það sem móti samfélag okkar.
Þau hafi löngum snúist um fjár-
hagslega hagsmuni og stjórnmála-
stefnur sæki gjarnan réttlætingu í
kennisetningar á því sviði en séu
sjaldnast þess umkomnar að veita
svör við siðferðilegum spurningum.
„Stjórnmála- og fjölmiðlaumræðan
hefur því mest snúist um krónur og
aura, gróða og tap. Það er ánægju-
leg tilbreytni að sjá forystumenn í
stjórnmálum bregðast við í málum
af þeim toga sem að framan greinir
á grundvelli þeirrar afstöðu að sið-
ferðileg sjónarmið vegi þyngra en
þau sem réttlæta græðgina,“ segir
að lokum í leiðaranum í Tíund.
Skattalögin sniðgengin
í fleiri tilvikum en áður
Ríkisskattstjóri segir að fyrirtækjagræðgi
blómstri mitt í samþjöppun auðs og valda
þar sem gróðaboðorð sé öllu æðra
MAÐUR réðst inn í verslunina 11–
11 á Laugavegi á móts við Hlemm í
gærkvöldi, tók starfsmann kverka-
taki og reyndi að ná af honum pen-
ingum. Hann hljóp síðan af vettvangi
og samkvæmt upplýsingum lögregl-
unnar í Reykjavík tókst honum ekki
ætlunarverk sitt.
Lögreglunni barst tilkynning um
atvikið kl. 21.31 og kl. 21.37, eða að-
eins örfáum mínútum síðar, var búið
að handtaka manninn á Skúlagötu og
var hann færður til yfirheyrslu.
Ránstilraun
í 11–11
SEX trésmíðanemar eru nú í
námi á hvern nemanda sem er að
læra arkítekúr. Nemendum í
námi í arkitektúr hefur fjölgað
mikið og sömuleiðis er mikil
ásókn í smíðanám.
Umsækjendur hjá Lánasjóði ís-
lenskra námsmanna vegna náms í
arkitektúr skólaárið 2003 til 2004
eru alls 101, 80 vegna náms er-
lendis en 21 vegna náms á Ís-
landi. Ekki liggur nákvæmlega
fyrir hvað margir stunda tré-
smíðanám hérlendis en sam-
kvæmt upplýsingum frá skólum
sem bjóða upp á smíðanám, voru
samtals um 580 nemendur skráðir
í þær deildir sem bjóða smíðanám
hjá skólunum í haust.
Skólaárið 2002 til 2003 voru
umsækjendur um lán til arkitekt-
úrnáms 91, 79 vegna náms er-
lendis og 12 vegna náms á Ís-
landi.
Byrjað var að kenna arkitektúr
við Listaháskóla Íslands í fyrra
og nú eru 10 nemendur þar á
öðru ári en 16 nemendur á fyrsta
ári.
Sex smiðir
fyrir hvern
arkitekt
♦ ♦ ♦