Morgunblaðið - 17.12.2003, Blaðsíða 5
MORGUNBLAÐIÐ MIÐVIKUDAGUR 17. DESEMBER 2003 B 5
bílar
V
irkjunarsvæðið við Kára-
hnjúka er víðfeðmt og
langt á milli verkstaða.
Þarna eru að störfum
um 850 manns, þar af
fjöldi eftirlitsaðila, verkstjóra og
annarra starfsmanna sem þurfa að
vera fljótir í förum á milli staða.
Veðrið er ótryggt. Það er allra
veðra von í svo mikilli hæð; ka-
faldsbylur og skaflar tíðir gestir
en verst þykir fjölda suður-evr-
ópskra starfsmanna hinir miklu
umhleypingar. Það er vorveður
einn daginn og Síberíukuldi þann
næsta. Til þess að komast á milli
hefur ítalska verktakafyrirtækið
Impregilo yfir að ráða 78 pallbílum
og átta jeppum. Eins og vænta má
verða farartækin, eins og mann-
skapurinn, að þola tíðarfarið og
grófa notkun, því þarna eru ekki
malbikaðir vegir heldur misjafn-
lega stórgrýttir slóðar.
260 milljóna kr. samningur
Samningur um bílakaup af þessu
tagi er auðvitað sérlega eftirsókn-
arverður fyrir íslenskt bílaumboð,
og hnossið hlaut Ingvar Helgason
hf. Sagt er að einn af toppunum í
fyrirtækinu, Júlíus Vífill Ingvars-
son, hafi einfaldlega tekið upp sím-
ann og boðið ítölskum yfirmanni
Impregilo á Íslandi, á lýtalausri og
syngjandi ítölsku, allan pakkann;
bílana og þjónustuna. Það hafi
ekki síður verið lipur talandi for-
svarsmannsins á tungu Dantes
sem skilaði samningnum í höfn en
ágæti Nissan-bílanna.
Hannes Strange, yfirmaður
markaðsmála hjá Ingvari Helga-
syni hf., segir að þetta hafi verið
spennandi verkefni enda í fyrsta
sinn sem gerðir eru svo viðamiklir
samningar og það á erlendri
tungu.
Nú er verið að reisa á virkj-
unarsvæðinu stóran skála og hluti
af honum fer undir þjónustuverk-
stæði fyrir bílana. Þá þjónustu
mun JG bílar á Egilsstöðum veita
og jafnframt sinna eftirliti með bíl-
unum.
Allir bílar Impregilo er af gerð-
inni Nissan, flestir Nissan Crew
Cab-pallbílar, sem eru fimm sæta,
en þó nokkrir Terrano II og Patr-
ol. Samningsupphæðin hljóðaði
upp á nálægt 260 milljónir króna
og fyrirtækið skilar bílunum aftur
eftir fjögur ár. Ingvar Helgason
leysir þá með öðrum orðum aftur
til sín. Búist er við að þá verði þeir
að meðaltali eknir nálægt 60.000
km og verða þeir seldir á markaði
innanlands. Fjármögnunaraðili
samningsins er Glitnir.
Ekki er ljóst í hvernig ástandi
bílarnir verða að fjögurra ára
notkun lokinni því aðstæður upp
til fjalla eru ólíkar öllu sem menn
þekkja niðri á láglendinu og meira
mæðir því á bílunum; fjöðrunar-
búnaði, yfirbyggingu og vél- og
drifbúnaði. Nú þegar hafa fimm
bílar helst úr lestinni; þeir hafa
einfaldlega orðið fyrir hnjaski því
mikið gengur á niðri í þröngum
jarðgöngum og við sjálfa stíflu-
gerðina, þar sem úir og grúir af
risavöxnum jarðvinnutækjum,
hvössu grjóti og ísingu á grófgerð-
um slóðunum.
20–40 bíla til viðbótar
Það er um 60 km leið frá Egils-
stöðum upp að Kárahnjúkum. Þeg-
ar komið var upp Jökulheiðina
mætti blaðamanni Nissan Crew
Cab á hliðinni utan vegar og
skömmu síðar annar yfirbyggður,
sem hafði endastungist, lent á þak-
inu og aftur á hjólunum og stóð
hann einn og yfirgefinn, með
brotnar rúður og eins og grotnandi
eyðibýli, utan vegar. Þessir bílar
eru teknir úr umferð og fara ekki
á markað. Margir þeirra sem nota
bílana uppi við virkjunina hafa lík-
lega aldrei áður ekið við íslenskar
vetraraðstæður, þar sem launhálk-
an tekur sinn toll, jafnvel af sjóuð-
um íslenskum ökumönnum. Nú
hefur Impregilo falast eftir 20–40
Nissan-bifreiðum til viðbótar, bæði
til að fylla í skarð þeirra sem hafa
laskast og einnig sér fyrirtækið
fram á meiri notkun en í fyrstu
var gert ráð fyrir.
Þorbjörn Haraldsson, öryggis-
fulltrúi Impregilo, tók á móti
blaðamanni, og sýndi honum að-
stæðurnar sem menn búa við uppi
á fjöllum. Hann sagði að þangað
væri enginn kominn til þess að
leita hamingjunnar. „Hérna eru
menn komnir til þess að þéna.“
Aðstæðurnar komu þó blaða-
manni mjög á óvart, því miðað við
umfjöllun sem verið hefur í fjöl-
miðlum, bjóst hann við hinu
versta. En það er öðru nær því
starfsmenn búa við þægindi í raf-
hituðum svefnskálum þar sem
bæði er tölvusamband og sjónvarp.
Blaðamanni gafst kostur á því að
snæða hádegisverð í einu af þrem-
ur mötuneytum á staðnum og prís-
ar sig sælan að þurfa ekki að búa
við slíkan kost á hverjum degi;
hættan á offituvandamálum er ein-
faldlega of mikil. En þeir eru ekki
sælir af því að þreyja veturinn
starfsmennirnir á virkjunarsvæð-
inu því störfin þarna eru erfið og
skilyrðin næstum ómanneskjuleg í
íslenskri vetrarauðninni. En brátt
verður þarna risið íþróttahús og
sundlaug og svo sjá menn líka
fram á skemmtilegar stundir í fé-
lagsheimili, klúbbhúsi, sem þarna
á að rísa.
Nissan-samfélagið við Kárahnjúka
Ítalska verktakafyrirtækið
Impregilo keypti 86 pallbíla og
jeppa af Nissan-gerð, sem fyr-
irtækið notar við erfiðar að-
stæður á virkjunarsvæðinu við
Kárahjúka. Guðjón Guð-
mundsson brá sér á fjöll og
skoðaði Nissan-samfélagið.
Grýttir slóðar – kominn niður að sjálfu stíflusvæðinu.
Morgunblaðið/Guðjón Guðmundsson
Bíll og hús í óblíðri náttúrunni.
78 Nissan Crew Cab eru á virkjunarsvæðinu, þar af stór hluti breyttur. Einn á 33 tommum og með Kárahnjúka í bakgrunni.
Mikill floti vörubíla og steypubíla af gerðinni Astra er á svæðinu.
Grófmynstruð dekk af stærri gerðinni
er nauðsynleg við Kárahnjúka.
Þessi var utan vegar eftir mikla veltu – líklega dæmdur ónýtur.
Kauptu næsta bílinn þinn
beint frá Kanada
www.natcars.com