Morgunblaðið - 18.12.2003, Blaðsíða 4

FRÉTTIR
4 FIMMTUDAGUR 18. DESEMBER 2003 MORGUNBLAÐIÐ
FÉLAGAR Í FÍA, Félagi íslenskra
atvinnuflugmanna, og makar
þeirra fögnuðu því í gær að 100 ár
voru liðin frá því Wright-bræður
flugu fyrstir vélknúinni flugvél.
Hópur fyrrverandi flugmanna
Flugleiða sem nú eru sestir í helgan
stein fagnaði tímamótunum einnig í
gær. Þá var flogið listflug yfir höf-
uðborgina í tilefni dagsins.
Í hófi FÍA afhenti Kjartan Norð-
dahl, framkvæmdastjóri FÍA, Árna
Sigurðssyni flugmanni flugskírteini
sitt og bauð hann velkominn til
starfa að nýju eftir að hafa misst
skírteinið vegna veikinda við mik-
inn fögnuð viðstaddra.
Halldór Sigurðsson, formaður
FÍA, rifjaði í ávarpi sínu upp þær
vegalengdir sem Wright-bræður
flugu á sínum tíma. „Fyrsta flugið
tók 12 sekúndur og náðu þeir að
fljúga 50 metra. En þeir bræður
luku deginum með því að fljúga í
heila mínútu og 260 metra. Þess má
geta að flugbrautirnar á Keflavík-
urflugvelli eru þrír kílómetrar að
lengd.“
Flugmennirnir Ragnheiður Guð-
jónsdóttir, Stefanía Bergmann, Sig-
rún Ingvadóttir og Jenna Lilja
Jónsdóttir sögðu aldarafmæli flugs-
ins mikil tímamót. Þær segja alla
flugmenn þekkja sögu flugsins, sér-
staklega þann viðburð sem fagnað
var í gær. „Þetta flug var auðvitað
upphafið að því sem við erum að
gera og vinna við og mér finnst
þetta frekar merkilegur við-
burður,“ sagði Stefanía. Þær sögð-
ust því fagna afmælinu af heilum
hug. Auk þess væri alltaf gaman að
fá tilefni til að hitta aðra flugmenn
og spjalla um starfið.
Árni Sigurbergsson (hægra megin í vélinni), Smári Karlsson og Ottó Tynes (standandi), fyrrverandi flugstjórar
hjá Flugleiðum, fóru í gær í flug í tilefni 100 ára afmælis flugsins í flugvél sem Árni smíðaði.
Aldarafmælis
flugsins minnst
Morgunblaðið/Árni Sæberg
Flugmennirnir Ragnheiður Guðjónsdóttir, Stefanía Bergmann, Sigrún
Ingvadóttir og Jenna Lilja Jónsdóttir sögðu afmælið mikinn viðburð.
GRUNNLÍFEYRIR öryrkja sem
verða fyrir örorku yngri en 19 ára
hækka um 21.249 krónur á mánuði.
Áætlaðar greiðslur Tryggingastofn-
unar til öryrkja á næsta ári verða
tæplega 10,3 milljarðar en greiðsl-
urnar námu tæplega fimm milljörð-
um fyrir fjórum árum, en það er
hækkun um tæplega 91%. Þess ber
að gæta að öryrkjum hefur fjölgað
umtalsvert á þessu tímabili.
Um áramót hækka tryggingabæt-
ur til öryrkja og ellilífeyrisþega um
3%. Til viðbótar hækkar tekjutrygg-
ing um 2.000 krónur á mánuði sam-
kvæmt samkomulagi sem gert var
við aldraða. Sams konar hækkun
verður á tekjutryggingarauka. Þá
kemur til framkvæmda um áramót
sérstök uppbót fyrir aldurstengda
örorku. Hún felur í sér að 100% álag
kemur á grunnlífeyri öryrkja á aldr-
inum 18–19 ára. Álagið lækkar svo
stig af stigi eftir aldri og er 1,5% til
öryrkja á aldrinum 60–66 ára.
Grunnlífeyrir yngsta aldurshópsins
verður því 42.498 kr. á mánuði, en
hann er núna 20.630 kr. Þetta þýðir
að einhleypur öryrki með óskertar
mánaðargreiðslur sem fær 98.080
krónur á mánuði nú hækkar í
126.547 krónur á næsta ári. Þetta er
29% hækkun.
Ekki liggur fyrir nákvæmlega
hversu stór hópur kemur til með að
fá 100% álag á grunnlífeyri. Ástæðan
er sú að miðað er við aldur þegar við-
komandi varð öryrki. Með öðrum
orðum, sá sem varð öryrki yngri en
19 ára fær 100% álag, en sá sem varð
öryrki 20–21 árs fær 95% álag og sá
sem varð öryrki 22–23 ára fær 90%
álag o.s.frv. Starfsfólk Trygginga-
stofnunar vinnur nú að því að raða
öryrkjum á réttan stað í töflunni sem
fylgja nýju lögunum um aldurs-
tengda örorku. Rökin fyrir upptöku
þessa nýja fyrirkomulags er að þeir
sem verða öryrkjar á yngri árum
hafa ekki haft neitt tækifæri til að
vinna sér inn rétt í lífeyrissjóð.
Bætur almannatrygginga hækka um 3% um áramót
Bætur yngstu öryrkj-
anna hækka um 29%
ÖKUMAÐUR og tveir farþegar,
unglingspiltur og þriggja ára stúlka,
sluppu ótrúlega vel er fólksbifreið
valt á Leiruvegi á Akureyri um miðj-
an dag í gær og hafnaði á hvolfi í
flæðarmálinu sunnan við veginn.
Litla stúlkan var í bílstól og fór höfuð
hennar á kaf í vatn í veltunni en með
snarræði tókst piltinum að bjarga
henni mjög fljótt út úr bílnum en
ökumaðurinn náði ekki að losa sig
strax.
Krapi var á veginum og ökumað-
urinn, sem var á leið til Akureyrar,
missti stjórn á bílnum með þeim af-
leiðingum að hann fór yfir á öfugan
vegarhelming og útaf veginum að
sunnan, endastakkst í fjörunni og
hafnaði á hvolfi í flæðarmálinu. Allir
úr bílnum voru fluttir með sjúkra-
bifreið á slysadeild FSA. Að sögn að-
stoðarlæknis á slysadeild átti litla
stúlkan að vera undir eftirliti á
barnadeild FSA sl. nótt. Pilturinn
skarst á hendi en hann hafði húkkað
sér far með bílnum til Akureyrar.
Sluppu vel úr bílveltu
Morgunblaðið/Kristján
Mildi þykir að ekki fór verr þegar bíll valt við Leiruveg á Akureyri í gær.
SKIPULAGSNEFND Kópavogs-
bæjar samþykkti einróma á fundi í
gær að vísa fyrirliggjandi tillögu um
skipulag Lundasvæðisins frá. Þá
leggur nefndin til við bæjarráð að
dregið verði úr byggingarmagni á
skipulagsreitnum, byggðin verði
lægri og fjölbreyttari. Bæjarráð
mun væntanlega fjalla um málið
fljótlega.
Stefán Arngrímsson, varaformað-
ur nefndarinnar, sagði í samtali við
Morgunblaðið í gær að nefndin hefði
ákveðið að setja skipulagstillögurnar
sem komu frá landeigendum í kynn-
ingu á sínum tíma til að fá álit íbú-
anna á þeim en að það sé ekki rétt að
nefndin hafi verið búin að samþykkja
þær.
„Við höfum fallist á álit íbúanna og
viljum fá nýja tillögu um þetta.“
Bærinn hefur hlustað
„Þetta er sigur fyrir íbúalýðræðið
segir Hannes Þorsteinsson, talsmað-
ur íbúasamtaka um betri byggð í
Lundi. Hann segir samtökin mjög
ánægð með niðurstöðu skipulags-
nefndarinnar. „Þeir virðast hafa
hlustað á íbúana og þá fagmenn sem
við fengum til liðs við okkur.“
Hann segist vona að íbúarnir fái
að taka þátt í undirbúningsvinnu að
nýju skipulagi í Lundi. „Við viljum
byggð í Lundi, sem er í samhengi við
hverfið okkar.“
Ekki áfellisdómur
„Það eru vissulega vonbrigði fyrir
okkur að skipulagstillögunni hafi
verið hafnað, en þetta er enginn
áfellisdómur yfir því markmiði okkar
að koma skipulagi á Lundasvæðið,“
segir Björn Gunnlaugsson, einn for-
svarsmanna félagsins Lundar í
Kópavogi. „En það er ljóst að skipu-
lagsmál af þessari stærðargráðu eru
alltaf umdeild og við gátum allt eins
búist við þessu.“
Björn segir Lund í Kópavogi telja
jákvætt að bæjaryfirvöld hafi tekið
frumkvæði í málinu og feli frekari
vinnu skipulagsyfirvöldum bæjarins.
„Við viljum gjarnan eiga samstarf
við bæinn við að finna viðunandi
lausn á málinu.“
Skipulagsnefnd vill
lægri byggð í Lundi
Skipulagsnefnd hefur hafnað til-
lögu um átta háhýsi í Lundi. Hún
vill lægri og fjölbreyttari byggð.
REYKSKYNJARI í timbur-
húsi á Ísafirði hefur að öllum
líkindum afstýrt miklum elds-
voða þegar hann vakti fjögurra
manna fjölskyldu klukkan 4 í
fyrrinótt og gerði henni kleift
að slökkva eld sem kviknað
hafði út frá kerti. Gleymst hafði
að slökkva á kertinu fyrr um
kvöldið og brann það niður uns
það kveikti í skreytingu í stof-
unni. Ljóst er að óbætanlegt
tjón hefði orðið ef eldurinn
hefði fengið að krauma í friði og
brotist út af fullum krafti síðar
um nóttina.
„Þegar reykskynjarinn fór í
gang urðum við vör við að
skreytingin var farin að
brenna,“ sagði heimilisfaðirinn,
Þröstur Jóhannesson, við
Morgunblaðið í gær. „Okkur
tókst að koma skreytingunni í
baðkarið og slökkva í henni þar.
Ég er alveg á því að reykskynj-
arinn hafi bjargað málum, þeg-
ar maður hugsar um atvikið
eftirá. Ég bætti þessum reyk-
skynjara við eldvarnir heimilis-
ins fyrir tveimur árum og skipti
um batterí í nóvember. Við er-
um mjög ánægð með að sjá að
þessir hlutir virka eins og til er
ætlast. Sem betur fer varð ekk-
ert tjón.“
Reyk-
skynjarinn
bjargaði