Morgunblaðið - 18.12.2003, Blaðsíða 17
ERLENT
MORGUNBLAÐIÐ FIMMTUDAGUR 18. DESEMBER 2003 17
Jólaskeið
Ernu
kr. 6.500
Alltaf til
Gull- og
Silfursmiðjan Erna
Skipholti 3 • sími 552 0775 • www.erna.is
Fallega
íslenska silfrið
Landsins
mesta úrval
Síðan 1924
Glæsileg gjöf!
Þýsk stáláhöld frá
Borgartúni 28, símar 520 7901 og 520 7900
TVEIR menn voru dæmdir til
dauða í Kína í gær en þeir voru
sakaðir um að hafa skipulagt
mikið kynlífssvall þar sem
hundruð japanskra ferða-
manna og kínverskar vændis-
konur komu við sögu. Tólf aðrir
voru dæmdir í allt að 15 ára
fangelsi og kínversk stjórnvöld
hafa beðið Alþjóðalögregluna,
Interpol, um aðstoð við að hafa
uppi á þremur Japönum.
Kynlífssvallið, sem fram fór
á hóteli í Zhuhai í Suður-Kína,
stóð í þrjá daga og endurvakti
andúð á Japönum meðal Kín-
verja, ekki síst vegna þess, að
það átti sér stað á sama tíma og
Kínverjar minntust innrásar
Japana í Kína 18. september
1931. Ekki er víst, að það sé
einskær tilviljun, að dómarnir
eru kveðnir upp á þeim tíma,
sem Japanir halda upp á af-
mæli Akihitos keisara.
Madonna
styður Clark
SÖNGKONAN og barnabóka-
höfundurinn Madonna hefur
lýst yfir stuðningi við Wesley
Clark, fyrr-
verandi
hershöfð-
ingja og
einn fram-
bjóðenda í
forkosn-
ingabaráttu
demókrata.
„Ég
treysti hon-
um í utanríkismálum, hann á
gott með að umgangast fólk og
ég tel hann vera góðan og sam-
viskusaman mann. Svo hefur
hann líka áhuga á andlegum
málefnum og allt þetta skiptir
mig máli,“ sagði Madonna, sem
hitti Clark að máli fyrir
skömmu. Þess má geta, að
kvikmyndaframleiðandinn
Michael Moore, sem gerði
„Bowling for Columbine“, er
einnig stuðningsmaður Clarks.
Enginn
ánægður
GEORGE W. Bush, forseti
Bandaríkjanna, gaf í skyn í
fyrrakvöld, að ríkisstjórn sín
kynni að fallast á staðfesta
sambúð samkynhneigðs fólks
en hún hefur verið andvíg henni
hingað til. Talsmenn samkyn-
hneigðra voru þó ekkert yfir sig
ánægðir með yfirlýsinguna og
sögðu, að væri Bush með þessu
að reyna að krækja sér í nokk-
ur atkvæði, þá myndi það hafa
öfug áhrif. Þá hafa líka margir
íhaldsmenn lýst furðu sinni á
ummælum Bush og segja þau
valda sér miklum áhyggjum.
STUTT
Þungir
dómar fyr-
ir kynsvall
Madonna
HORFUR eru á, að fjöldinn allur
af fyrirtækjum og einstaklingum
geti lent í vandræðum vegna þeirr-
ar ákvörðunar Microsofts að hætta
að selja ýmsa gamla framleiðslu. Á
það meðal annars við um stýrikerf-
in Windows 98, Windows NT 4 og
póstforritið Outlook 2000.
Þessi ákvörðun var tekin vegna
samninga við keppinautinn Sun
Microsystems, en samkvæmt hon-
um voru sumir hlutir Windows-
stýrikerfanna ólöglegir. Studdust
þeir við Java-túlk, sem Sun Micro-
systems hefur einkaleyfi á. Sagði
meðal annars frá þessu á fréttavef
BBC, breska ríkisútvarpsins.
Í könnun, sem bandaríska fyr-
irtækið AssetMetrix gerði, kom í
ljós, að um 80% fyrirtækja í
Bandaríkjunum nota enn að hluta
Windows 98 og 95 eða 39% allra
vélanna.
Ákvörðunin þýðir, að Microsoft
mun hætta að framleiða reglulegar
öryggisviðbætur fyrir Windows 98
og getur það valdið þeim vandræð-
um, sem nota það kerfi mikið.
Windows 95 er hins vegar opinber-
lega úrelt og rann formlega út 31.
desember 2002.
Snertir Ísland lítið
Fyrrnefnd könnun á ekki við
ástandið hér á landi samkvæmt
upplýsingum frá Iðntæknistofnun.
Hér eru nýju kerfin almennt komin
til sögunnar og notkun á Windows
98 mjög lítil.
Windows 98-stýrikerfinu
kastað fyrir róða
AUGLÝSINGADEILD
netfang: augl@mbl.is eða sími 569 1111